2019-جىلعى الەمدىك 5G جينالىسى 11-ايدىڭ 24-كۇنى بەيجيڭدە اشىلدى.
10-ايدىڭ 31-كۇنگى جۇڭگو حابار-بايلانىس كورمەسىندە 5G توپتاماسى جاريالاعاننان كەيىن، ٴۇش ٴىرى حابار-بايلانىس سەرىكتەستىگىنىڭ باس جوراسى 11-ايدىڭ 25-كۇنى بەيجيڭدە تاعى دا باس قوستى. ٴبىر ايعا جەتپەيتىن ۋاقىتتا، جۇڭگو قول قويعان 5G ابونتتارىنىڭ سانى 870 مىڭعا جەتتى. ٴتىلشىنىڭ جينالىستان ۇعىسۋىنشا، 5Gدىڭ دامۋى شەشۋشى كەزەڭگە قادام تاستاپ، ونىڭ قولدانىلىم ورنالاستىرۋىن جەدەلدەتۋ، كاسىپ سالاسىنداعىلاردىڭ ىزدەنىس جاساۋىنىڭ ماڭىزدى بەتالىسىنا اينالعان.
5G ابونتتار توبى قاۋىرت ارتتى
ونەركاسىپ جانە ينفورماتسيالاندىرۋ مينيسترلىگى پارتيا باسشىلىق گرۋپپاسىنىڭ شۋجيى، مينيستر مياۋ شۇي اشىلۋ سالتىندا بىلاي دەدى: 5G داۋىرىنە قادام تاستاپ، ٴۇشىنشى ۇرپاق سەلبەسكەن سەرىكتەستىكتەر جوسپارى GPPP 3 جالپى تۇلعالىق جوباسى نەگىزىندە، ٴار ەلدىڭ تەلەگراف، جابدىق جاساۋ كاسىپورىندارى مەن زەرتتەۋ قۇرىلىمدارى بىرگە قۇلشىنىپ، دۇنيە ٴجۇزى بويىنشا بىرلىككە كەلگەن 5G حالىقارالىق ولشەمىن قالىپتاستىردى. بۇل جەتىستىك وڭاي قولعا كەلگەن جوق، ونى بارىنشا قاستەرلەۋىمىزگە تۋرا كەلەدى. تەحنيكالىق زەرتتەپ اشۋ تۇرعىسىنان قاراعاندا، ەل ٴىشى-سىرتىنداعى كاسىپورىندار ولشەم، تاپقىرلاۋ، تاجىريبە جاساۋ، قولدانۋ سياقتى جاقتاردا ىشكەرىلەي سەلبەستىك ورناتىپ، 5G تەحنيكاسى مەن كاسىپ سالاسىنىڭ تولىسۋىن پارمەندى تۇردە ىلگەرىلەتتى.
كاسىپ سالاسىنىڭ ورتاق قۇلشىنىس جاساۋىندا، 5Gدىڭ دامۋ بەتالىسى جاقسى بولدى. مياۋ شۇي بىلاي دەدى: «جۇڭگو 5G ساۋدا قىزمەت وتەۋىن رەسمي باستاعاننان كەيىن، قازىر بۇكىل ەل بويىنشا 113 مىڭ 5G بازالىق ستانسياسى قۇرىلىپ، 5G جەلىلەس توپتاماسى توقتامىنا قول قويعان ابونت سانى 770 مىڭعا جەتتى».
عىلىم - تەحنيكا مينيسترى ۋاڭ جىگاڭنىڭ مەجەلەۋىنشە، 2025-جىلى جۇڭگو دۇنيە ٴجۇزى بويىنشا ەڭ ۇلكەن 5G بازارىنا اينالادى ٴارى نەشە تريلليون يۋاندىق ٴونىم قۇنىن جاراتىپ، الداعى 15 جىلدا 5G دۇنيە ٴجۇزى ەكونوميكاسىنىڭ ارتۋىنا 3 تريلليون ا ق ش دوللارىندىق ۇلەس قوسادى ەكەن. جۇڭگو اناعۇرلىم اشىق بەينەمەن ٴار ەلمەن قول ۇستاسا وتىرىپ حابار-بايلانىس كاسىبىن دامىتۋدى قالايدى.
5G دىڭ دامۋ جەتىستىكتەرى اناعۇرلىم كوپ بۇقارانى يگىلىككە كەنەلتەدى
ونەركاسىپ جانە ينفورماتسيالاندىرۋ مينيسترلىگىنىڭ ورىنباسار مينيسترى چىن جاۋشيۇڭ بىلاي دەپ قارادى: 5G دىڭ دامۋى شەشۋشى كەزەڭگە قادام تاستادى، ونىڭ قيىندىعى، ماڭىزدىلىعى قولدانۋدا. بۇل ەل ٴىشى-سىرتىنداعى كاسىپ سالالارىنىڭ كۇش بىرىكتىرە وتىرىپ، 5G دى جالپىلاستىرۋداعى «ارالىق بوگەت» ماسەلەسىن جەدەل اشۋدى قاجەت ەتەدى.
چىن جاۋشيۇڭ بىلاي دەدى: «5G دىڭ دامۋ جەتىستىكتەرى حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن اناعۇرلىم ويداعىداي قاناعاتتاندىرۋ كەرەك». ” + 5G “ قىزمەت ەتۋ جاڭا ۇلگىسى، جاڭا قولدانىلىمى، جاڭا كاسىپتىك قالىبىن كۇش سالا دامىتىپ، جاڭاشا ينفورماتسيالىق تۇتىنۋدىڭ ساپا سيىمدىلىعىن ۇلعايتۋدى ىلگەرىلەتىپ، 5G دىڭ وقۋ-اعارتۋ، ەمدەۋ، مادەنيەت، زەردەلى قالا سياقتى سالالارداعى توعىسپالى قولدانىلۋىن تەرەڭدەتىپ، الەۋمەتتىك قىزمەت وتەۋ، مەديا مازمۇنىنىڭ جاڭا ۇسىنىلىمىن جاراتىپ، باسقارۋ، قىزمەت ەتۋدىڭ دالدىك ورەسىن جوعارىلاتىپ، حالىق بۇقاراسىنىڭ تابىس سەزىمىن، باقىت سەزىمىن ۇزدىكسىز كۇشەيتىپ، 5G دىڭ دامۋ جەتىستىكتەرىنەن اناعۇرلىم كوپ حالىق بۇقاراسىن يگىلىكتەندىرۋىمىز كەرەك».
5G قولدانىلىمىنىڭ تياناقتانۋى جەدەلدەتىلۋدە
5G قولدانىلمالى ورنالاستىرۋىن جەدەلدەتۋ ۇندەۋىنە كاسىپتەستەر بەلسەنە ٴۇن قوستى. سول كۇنگى نەگىزگى فورۋمدا حۋاۋيدىڭ باس جوراسى شۇي جىجۇن كاسىپ سالاسى اتىنان ٴبىرىنشى بولىپ ٴسوز سويلەدى. ول بىلاي دەدى: جۇڭگو جيىلىك سپەكترى بايلىعى، بازالىق ستانسيا سايت سانى جانە قۇرىلىس قابىلەتى، ابونتتاردىڭ تانىمى مەن قاجەتى، كاسىپ سالاسى مەن كاسىپورىننىڭ ات سالىسۋ دارەجەسى، ۇكىمەتتىڭ قولداۋى سياقتى جاقتاردا دۇنيە ٴجۇزى بويىنشا الدىڭعى قاتاردا تۇرادى. سونىمەن بىرگە، جۇڭگودا ەڭ كەمەلدى تەرمينال كاسىپ تىزبەگى مەن دۇنيە ٴجۇزى بويىنشا الدىڭعى قاتارداعى 5G تەحنيكاسى بار. جۇڭگو كاسىپورىندارىنىڭ زەردەلى قول تەلەفون ساتۋ مولشەرى دۇنيە ٴجۇزى سالىستىرماسىنىڭ % 50 تەن اسامىن ۇستايدى. وسى باسىمدىقتاردى تولىق ساۋلەلەندىرسەك بولعانى، جۇڭگو دۇنيەدەگى ەڭ تاماشا 5G كاسىبىن ورىنداي الادى.
شياۋمي توبىنىڭ باس جوراسى لەي جۇن 5G قولدانىلىمىن تياناقتاندىرۋدىڭ ناقتى جاعدايىن جەتكىزدى. ول بىلاي دەدى: يجۋاڭ حالىقارالىق كورمە ورتالىعىنان 10 مينۋتقا جەتپەيتىن ارالىقتا شياۋميدىڭ كەلەشەك زاۆودى سالىنۋدا، مەجەمەن 12-ايدىڭ سوڭىندا رەسمي وندىرىسكە قوسىلادى. بۇل زەردەلى زاۆود نەگىزىنەن شياۋمي ماركالى جاڭا قول تەلەفوندى زەرتتەپ جاسايدى جانە ٴوندىردى، ٴبىرىنشى كەزەڭدەگى جوبالانعان ٴوندىرىس قۋاتى ٴبىر ميلليون قول تەلەفون بولماق.
جۇڭگو جىلجىمالى حابارلاسۋ سەرىكتەستىگىنىڭ باس جوراسى ياڭ جيە بىلاي دەدى: قولدانۋ جاعىندا، جۇڭگو جىلجىمالى حابارلاسۋ سەرىكتەستىگى مەملەكەت پەن جەرگىلىكتى ورىننىڭ دامۋ جوسپارىن بەلسەنە ۇشتاستىرىپ، K / 8 K 4 اسا تۇنىق كەسكىنمەن تىكە تاراتۋ، شوفەرسىز كولىك ايداۋ، زەردەلى عيمارات، الىس ارالىقتى ەمدەۋ سياقتى 100 ۇلگى كورسەتۋ، قولدانۋ كورىنىستەرىن بەتكە الىپ، كەڭ كولەمدە تاجىريبە ورىستەتتى. كەلەسى قادامدا، «جۇڭگو جىلجىمالى حابارلاسۋ سەرىكتەستىگى ” + 5G“ جوسپارىن ىشكەرىلەي اتقارىپ، ينتەرنەتتە قۇدىرەتتى ەل، سيفرلى جۇڭگو، زەردەلى قوعام قۇرىلىسىنىڭ نەگىزگى كۇشى بولىپ، 5Gدىڭ دامۋىن ىلگەرىلەتەتىن تىرەكتى كۇش بولۋعا قۇلشىنادى».
اۋدارعان: قادىر مۇقان
