”كورىنىستىك جارىقتاندىرۋ ينجەنەرياسىن“ شامادان اسىرۋ سياقتى ”ساياسي ناتيجە ينجەنەرياسى“، ”بەت - بەدەل ينجەنەرياسى“ ماسەلەلەرىن رەتتەپ - وڭادى
شينحۋا اگەنتتىگىنىڭ 12 - ايدىڭ 2 - كۇنى بەيجيڭنەن بەرگەن حابارى. جۋىردا ورتالىقتىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى باسشىلىق گرۋپپاسى «”كورىنىستىك جارىقتاندىرۋ ينجەنەرياسىن“ شامادان اسىرۋ سياقتى ”ساياسي ناتيجە ينجەنەرياسى“، ”بەت - بەدەل ينجەنەرياسى“ ماسەلەلەرىن رەتتەۋ - وڭاۋ جونىندە حابارلاندىرۋ» باسىپ تاراتىپ، ”كورىنىستىك جارىقتاندىرۋ ينجەنەرياسىن“ شامادان اسىرۋ سياقتى ”ساياسي ناتيجە ينجەنەرياسى“، ”بەت - بەدەل ينجەنەرياسى“ ماسەلەلەرىن نەگىزگى تاقىرىپتىق تاربيەدە ارنايى رەتتەۋ - وڭاۋ مازمۇنىنا ەنگىزىپ، ۇيرەنۋ تاربيەسىن تەرەڭدەتىپ، ءوزىن تەكسەرىپ باعالاۋدى جاقسى يگەرىپ، مۇقيات رەتتەپ - تۇزەتىپ، ارناعا ءتۇسىرىپ، قۋزاۋ، جەتەكشىلىك ەتۋدى كۇشەيتىپ، رەتتەۋ - وڭاۋ قىزمەتىن قاتاڭ، ناقتى يگەرۋدى تالاپ ەتتى.
حابارلاندىرۋدا مىنالار اتاپ كورسەتىلدى: جۋىرداعى جىلداردان بەرى، كورىنىستىك جارىقتاندىرۋ قۇرىلعىلارىن ءىس جۇزىندىكتەن الشاقتاپ، كوزسىزدىكپەن سالعان، حالىقتى قاقساتىپ، اقشانى بوسقا شاشقان ”ساياسي ناتيجە ينجەنەرياسى“،”بەت - بەدەل ينجەنەرياسى“ كەيبىر جەرلەردىڭ، اسىرەسە، كەدەي وڭىرلەردىڭ، دامۋى كەنجە وڭىرلەردىڭ قالا - قالاشىق قۇرىلىسىندا بەلگىلى دارەجەدە بايقالىپ، مەملەكەتتىڭ قازىنا قۋاتى مەن قوعامدىق بايلىقتىڭ ىسىراپ بولۋىن تۋدىرىپ قانا قالماستان، الدامكوستىك ىستەۋ، اسپا - توك ىسىراپشىلدىق سىندى ناشار سالتتىڭ ورشۋىنە تۇرتكى بولدى. بۇل ماسەلەلەردىڭ زالالىن جەتە تانىپ، شىندىقتى ءىس جۇزىنەن ىزدەۋگە، دالمە - ءدال شارا قولدانۋعا تاباندى بولىپ، رەتتەۋ - وڭاۋ قىزمەتىن ورنىقتى، ءتارتىپتى ويداعىداي يگەرۋ كەرەك.
حابارلاندىرۋدا مىنالار اتاپ كورسەتىلدى: ۇيرەنۋ تاربيەسىن تەرەڭدەتىپ، دۇرىس ساياسي ناتيجە كوزقاراسىن ورناتۋ كەرەك. ءار دارەجەلى باسشىلىق القالارى مەن باسشى كادرلار، اسىرەسە، قالالىق، اۋداندىق پارتكومداردىڭ، ۇكىمەتتەردىڭ باسشىلىق القالارى مەن باسشى كادرلارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ جونىندەگى ماڭىزدى بايىمداۋلارىن مۇقيات ۇيرەنىپ، يگەرىپ، اۋەلگى ماقساتتى، بورىشتى ەستە بەرىك ساقتاپ، حالىق ءۇشىن قىزمەت ىستەۋ باستى ماقساتىن امالياتتا ايگىلەپ، دۇرىس ساياسي ناتيجە كوزقاراسىن بەرىك ورناتۋ كەرەك. پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىقتى وزەك ەتكەن دامۋ يدەياسىنا تاباندى بولىپ، جاڭا دامۋ ۇستانىمىن ىشكەرىلەي دايەكتىلەندىرىپ، تياناقتاندىرىپ، ءوز جەرىنىڭ ەكونوميكالىق دامۋىنىڭ قازىرگى جاعدايىنا جانە قازىنا قۋاتى ورەسىنە نەگىزدەلىپ، قالا قۇرىلىسىن جانە ءتۇرلى ىستەردى شاماعا قاراي ىلگەرىلەتىپ، قازىنا قۋاتىن شىن مانىندە دامۋعا جانە حالىق تۇرمىسىنا شۇعىل قاجەتتى سالالارعا پايدالانىپ، ولقىلىقتاردى تولىقتاۋدى، حالىق تۇرمىسىنا تيىمدىلىك جاساۋدى قالا قۇرىلىسىنىڭ ءتۇيىنى ەتىپ، حالىق بۇقاراسى كوڭىل ءبولىپ وتىرعان ىستەردى، الاڭداپ وتىرعان ىستەردى، ۋايىمداپ وتىرعان ىستەردى شىن مانىندە ويداعىداي شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز نىعايتۋ كەرەك.
حابارلاندىرۋدا مىنالار باسا دارىپتەلدى: ءوزىن تەكسەرىپ باعالاۋدى جاقسى يگەرىپ، مۇقيات رەتتەۋ - تۇزەتۋ، ارناعا ءتۇسىرۋ كەرەك. قاجەتتى جارىقتاندىرۋ ينجەنەرياسىن جۇرگىزۋگە بولادى، ءبىراق ءىس جۇزىندىكتى شىعار ءتۇيىن ەتۋ كەرەك. جەرگىلىكتى ءار دارەجەلى پارتكومدار مەن ۇكىمەتتەر اداقتاپ تەكسەرۋ مەن رەتتەۋ - تۇزەتۋدى جان - جاقتى ورىستەتىپ، نەگىزگى تاقىرىپتىق تاربيەمەن ۇشتاستىرىپ تەكسەرۋ - زەرتتەۋ جۇرگىزىپ، ماسەلەلەردى قاداعالاپ، بۇقارانىڭ پىكىرىن كەڭىنەن تىڭداپ، جەرگىلىكتى ورىننىڭ كورىنىستىك جارىقتاندىرۋ ينجەنەرياسى سياقتى قالا - قالاشىق قۇرىلىسى نىساندارىنا سالالاپ باعالاۋ جۇرگىزىپ، قالا - قالاشىق دامۋ زاڭدىلىعىنا قايشى، بايلىق پەن قورشاعان ورتانىڭ كوتەرىمدىلىك قۋاتىنان اسىپ كەتكەن، جەرگىلىكتى ورىننىڭ قازىنا قۋاتىنان اسىپ كەتكەن، حالىق بۇقاراسىنىڭ قالاۋىنان الشاقتاعان ”ساياسي ناتيجە ينجەنەرياسى“، ”بەت - بەدەل ينجەنەرياسى“ ءومىر ءسۇرىپ وتىرعان - وتىرماعاندىعىنا قاراپ، ءبىر - بىردەن سالىستىرىپ تەكسەرىپ، بەلگىلەمەگە قايشى تۇردە قۇرىلىس جۇرگىزۋ ارەكەتتەرىنە تەكسەرۋ جۇرگىزۋ جانە ونى ءبىر جاقتى ەتۋ كەرەك. ”تاباندا تۇزەتۋ“ مەن ”باياندى ورناتۋدى“ ۇشتاستىرىپ، باياندى ونىمدىلىكتى كوزدە ۇستاپ، ارناعا ءتۇسىرۋدى تياناق ەتىپ، ۇسىنىس - جوبا، جوسپار، تەكسەرىپ بەكىتۋ، قۇرىلىس سياقتى جاقتاردى توڭىرەكتەي وتىرىپ قاتىستى مەحانيزمدەردى ورناتىپ، كەمەلدەندىرىپ، ”ساياسي ناتيجە ينجەنەرياسىنان“، ”بەت - بەدەل ينجەنەرياسىنان“ تۋ باستان ساقتانۋ كەرەك.
حابارلاندىرۋدا مىنالار باسا دارىپتەلدى: رەتتەۋ - وڭاۋ جاۋاپكەرشىلىگىن تياناقتاندىرىپ، قۋزاۋ، جەتەكشىلىك ەتۋدى كۇشەيتۋ كەرەك. ءارقايسى ولكەلىك (رايون، قالا) پارتكومدار باسشىلىقتى كۇشەيتىپ، جاۋاپكەرشىلىكتى تياناقتاندىرىپ، ءبىر تۇتاس جوسپارلاۋدى جاقسى يگەرۋ كەرەك. قالالىق، اۋداندىق پارتكومدار مەن ۇكىمەتتەردىڭ باسشىلىق القالارى وزدەرىن بايلانىستىرىپ، رەتتەۋ - وڭاۋ قىزمەتىن قاتاڭ، ناقتى ويداعىداي يگەرۋ كەرەك. بارلىعىندا ءىس جۇزىندىكتى شىعار ءتۇيىن ەتۋگە تاباندى بولىپ، سالىنىپ بولعان جانە سالىنىپ جاتقان كورىنىستىك جارىقتاندىرۋ ينجەنەريالارىنا تۇرگە ءبولىپ جەتەكشىلىك ەتىپ، رەتتەۋ - تۇزەتۋ بارىسىندا شاعىپ قانا تىندىم ەتۋدەن ساقتانۋ، جاڭا ىسىراپشىلدىق تۋدىرماۋ كەرەك. ورتالىقتىڭ جەتەكشىلىك گرۋپپاسى، ورتالىقتىڭ شارلاپ قۋزاۋ - جەتەكشىلىك ەتۋ گرۋپپاسى مەن ءار دارەجەلى شارلاپ قۋزاۋ - جەتەكشىلىك ەتۋ گرۋپپالارى قۋزاۋ، جەتەكشىلىك ەتۋدى كۇشەيتىپ، ساقتالىپ وتىرعان ماسەلەلەر جونىندە قۋزاۋدى، رەتتەپ - تۇزەتۋدى، ارناعا ءتۇسىرۋدى تياناقتاندىرىپ، اۋىتقۋشىلىقتىڭ تۋىلۋىنان ساقتانۋ كەرەك.
