شينحۋا اگەنتتىگىنىڭ 12 - ايدىڭ 3 - كۇنى بەيجيڭنەن بەرگەن حابارى (ءتىلشى باي جيە). مەملەكەت ءتوراعاسى شي جينپيڭ 12 - ايدىڭ 3 - كۇنى حالىق سارايىندا ”2019 سۇڭدۋ حالىقارالىق تالقى مىنبەرى“نە قاتىناسقان سىرتقى جاقتىڭ سيلى قوناقتارىمەن كەزدەستى.
شي جينپيڭ جۇڭگونىڭ مەملەكەتتى جونگە سالىپ، ەلدى ورنىقتىرۋ جولىن جانە قازىرگى حالىقارالىق جاعداي جونىندەگى كوزقاراسىن تانىستىردى. شي جينپيڭ بىلاي دەپ اتاپ كورسەتتى: بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، مۇنداي تاريحي سيپاتتى جىل ادامدارعا قاشاندا تەرەڭ وي سالادى. جاڭا جۇڭگو قۇرىلعان 70 جىلدان بەرى ۇلى دامۋ جەتىستىكتەرىنە قول جەتكىزدى. قادام نىق بولعاندا عانا الىستارعا جەتۋگە بولادى. جۇڭگوشا سوتسياليزم جولى جۇڭگونىڭ ۇزدىكسىز دامي الۋىنىڭ، ورنىقتى بولۋىنىڭ ەڭ ءتۇبىرلى سەبەبى، تۇتاس جۇڭگو حالقىنىڭ شىن جۇرەكتەن قۇپتاۋىنا جانە قولداۋىنا يە بولدى. ءبىز ءوزىمىز تاڭداعان جولدى بويلاپ مىزعىماستان ۇزدىكسىز جۇرە بەرەمىز. جۇڭگو رەفورما جاساۋعا، ەسىك اشۋعا ۇزدىكسىز تاباندى بولىپ، ”قوس 100 جىلدىق“ كۇرەس نىساناسىن ۋاعىندا ورىندايدى. مەن جۇڭگونىڭ بولاشاعىنا تولىق سەنىم ارتامىن.
شي جينپيڭ بىلاي دەپ اتاپ كورسەتتى: ءبىر ءوڭىردىڭ بايلىعى سول ءوڭىردىڭ ادامىن اسىرايدى. جۇڭگو ءار ەل حالقىنىڭ ءوز ەلىنىڭ جاعدايىنا ۇيلەسەتىن دامۋ جولىن تاڭداۋعا ۇقىقتى ەكەندىگىن ەجەلدەن قۋاتتاپ كەلەدى. دۇنيە جۇزىندە كورىنگەنگە ەلىكتەپ، باسقالاردىڭ جولىمەن ءجۇرۋ ارقىلى ءوزىنىڭ دامۋىن، گۇلدەنۋىن جۇزەگە اسىرعان مەملەكەت جانە ۇلت بولعان ەمەس، بارلىق مەملەكەت پەن ۇلتتىڭ دامۋىن، گۇلدەنۋىن جۇزەگە اسىرۋعا جەتەكتەي الاتىن وزگەرمەيتىن جول دا جوق. جۇڭگو ءوزىنىڭ امالياتى ارقىلى قۇدىرەتتەنگەن مەملەكەتتىڭ زورەكەرلىك ىستەۋى ناعايبىل دەگەندى دالەلدەيدى. مۇنى، ەڭ الدىمەن، جۇڭگونىڭ 5000 جىلدىق تاريحي مادەنيەت ءداستۇرى بەلگىلەگەن، جۇڭگولىقتاردا ىرگە كەڭەيتۋ، سۇعاناقتىق جاساۋ گەنى جوق، ۇستانعانى الەمنىڭ ۇلى بىرلىگى، الەمگە ادىلدىك ورناتۋ ۇستانىمى، سەن جەڭىلىپ، مەن جەڭۋ، نولدىك جيىنتىق ويىنى ويىن قۇپتامايدى. سونىمەن بىرگە، جۇڭگو حالىقارالىق قارىم - قاتىناستا تەڭ تۇرعىدا ءوزارا پايدا جەتكىزۋگە تاباندى بولادى، ءار ەلمەن بىرگە ادامزاتتىڭ تاعدىرلاس ورتاق تۇلعاسىن بىرگە قۇرۋدى قالايدى. جۇڭگو ءار ەلمەن جان - جاقتى، تەرەڭ، ستەرەۆولدى ءوزارا ءتۇسىنىسۋدى كۇشەيتىپ، ارى قاراي ءوزارا ءتيىمدى سەلبەستىك ورىستەتىپ، بىرگە گۇلدەنۋدى جۇزەگە اسىرۋدى قالايدى.
شي جينپيڭ بىلاي دەپ باسا دارىپتەدى: قازىرگى تاڭداعى دۇنيە ءجۇزى 100 جىلدا بولماعان زور وزگەرىستى باستان كەشۋدە، جۇڭگونىڭ دۇنيە جۇزىمەن قارىم - قاتىناسىندا دا تاريحي سيپاتتى وزگەرىس تۋىلۋدا. ءبىر ميلليارد 400 ميلليونعا جۋىق حالقى بار ءىرى ەل رەتىندە، جۇڭگو ءوزىنىڭ ءىسىن ويداعىداي ىستەسە ادامزات قوعامىنا قوسقان ەڭ ۇلكەن ۇلەسى بولماق، سونىمەن بىرگە، ءبىز تيەسىلى حالىقارالىق مىندەت جانە جاۋاپكەرشىلىك ارقالاۋعا دا پەيىلمىز. قازىر الەمدىك جونگە سالۋ كۇردەلى جاعدايعا ءدوپ كەلىپ وتىر، حالىقارالىق ءتارتىپ شەشۋشى كەزەڭنىڭ جول ايىرىعىندا تۇر، ءمانى كوپ جاقتىلىق پەن سىڭار جاقتىلىقتىڭ اراسىنداعى قايدا بەتتەپ، قايدا كەتۋ ماسەلەسى. قازىرگى اتقارىلىپ وتىرعان حالىقارالىق ءتارتىپ كەمەلدى ەمەس، ايتسەدە، قۇلاتىپ قايتا باستاۋدىڭ قاجەتى جوق، شىت جاڭادان قايتا كىرىسۋدىڭ دە قاجەتى جوق، قايتا بار پەيىلمەن قورعاۋ نەگىزىندە رەفورما جاساپ كەمەلدەندىرۋ كەرەك. ءار ەل ءوز مىندەتىن، جاۋاپكەرشىلىگىن ارقالاپ، ورەلى تىلدەسۋدى ورىستەتىپ، ورتاقتىققا ۇمتىلىپ، پارىقتاردى ساقتاۋعا تاباندى بولىپ، كوپ جاقتىلىققا تاباندى بولىپ، ادامزاتتىڭ تاعدىرلاس ورتاق تۇلعاسىن قۇرۋ سىندى وسى ۇلى نىسانانى جۇزەگە اسىرۋ جولىندا وڭ ەنەرگيا ساۋلەلەندىرۋ كەرەك.
لاتۆيانىڭ بۇرىنعى زۇڭتۇڭى فرەيبەرگا، تانزانيانىڭ بۇرىنعى زۇڭتۇڭى مكاپا، جاپونيانىڭ بۇرىنعى باس ءۋازىرى جيۋشان يوۋجيفۋ، بوسنيا - گەرتسەگوۆينيا ءتوراعالار القاسىنىڭ بۇرىنعى مۇشەسى يۆانيچ، امەريكانىڭ بۇرىنعى زۇڭتۇڭى ۇلكەن بۋشتىڭ 3 - ۇلى نيەر بۋش، سلوۆەنيانىڭ بۇرىنعى زۇڭتۇڭى تۋرك قاتارلى سىرت جاقتىڭ سيلى قوناقتارى ىلگەرىندى - كەيىندى لەبىز ءبىلدىرىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قىزۋ قۇتتىقتادى، جۇڭگونىڭ دامۋدا قول جەتكىزگەن ۇلى جەتىستىكتەرىنە سۇيىنەتىندىكتەرىن، جۇڭگونىڭ دۇنيە ءجۇزىنىڭ بەيبىتشىلىگىن قورعاۋعا، باياندى دامۋدى جەبەۋگە قوسقان ماڭىزدى ۇلەسىن القايتىندىقتارىن، جۇڭگو حالقىنىڭ قازىر بۇرىن بولماعان ەركىندىككە كەنەلىپ وتىرعاندىعىن، جۇڭگونىڭ ماڭىزدى ىقپالعا يە ءىرى ەل رەتىندە، ۇزدىكسىز دامىپ، گۇلدەنىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىراتىندىعىنا سەنەتىندىكتەرىن ءبىلدىردى. ولار مىنالاردى ءبىلدىردى: جۇڭگونىڭ رەفورما جاساۋعا، ەسىك اشۋعا تاباندى بولۋى دۇنيە جۇزىندەگى ءار ەلدى، اسىرەسە، دامۋ جولىنداعى ەلدەردى يگىلىككە كەنەلتەدى. الايدا، قازىر ءىشىنارا ەلدەر ءوز ەلىن الدىڭعى ورىنعا قويۋدى قۋاتتاپ، سىڭار جاقتىلىق ىستەپ، قاقتىعىستىڭ، قاجالىستىڭ كوبەيۋىنە اپارىپ سوقتىردى. دۇنيە ءجۇزى كوپ جاقتىلىققا تاباندى بولۋعا، الەمدىك جونگە سالۋدى كەمەلدەندىرۋگە، اناعۇرلىم ءادىل، تۋراشىل، كوپ نەگىزدى حالىقارالىق ءتارتىپ ورناتۋعا مۇقتاج. ءتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعاسىن قۇرۋ، ”ءبىر بەلدەۋ، ءبىر جول“دى بىرگە قۇرۋ سياقتى ماڭىزدى باستامالار دۇنيە ءجۇزىنىڭ بەيبىتشىلىگىن، گۇلدەنۋىن قورعاۋ، دۇنيە ءجۇزىنىڭ كوپ ۇيەكتەنۋىن جەبەۋ جانە باياندى دامۋدى جۇزەگە اسىرۋ جونىنەن ماڭىزدى بەلسەندى مانگە يە، جۇڭگو جاقتىڭ كليمات وزگەرىسىنە توتەپ بەرۋ سياقتى الەمدىك سىن - سايىستاردا ماڭىزدى جەتەكشىلىك رولىن ۇزدىكسىز ساۋلەلەندىرۋىن ءۇمىت ەتەمىز. ءار جاق جۇڭگو جاقپەن بىرگە كوپ جاقتىلىققا تاباندى بولۋدى، ”ءبىر بەلدەۋ، ءبىر جول“دى بىرگە قۇرۋدى، ءوزارا قۇرمەت ەتەتىن، سەلبەسە تەڭ يگىلىككە كەنەلەتىن جاڭاشا حالىقارالىق قارىم - قاتىناستى ورناتۋدى ىلگەرىلەتۋدى ءۇمىت ەتەدى.
كەزدەسۋدەن ىلگەرى شي جينپيڭ سىرت جاقتىڭ سيلى قوناقتارىمەن بىرگە توپتىق سۋرەتكە ءتۇستى.
ياڭ جيەچى، ۋاڭ ي قاتارلىلار كەزدەسۋگە قاتىناستى.
