شىندىقتى ەلەپ - ەسكەرمەي، اق پەن قارانى شاتاستىرۋ جۇيەسىزدىك، ارسىزدىق
حوتانداعى ءار ۇلت بۇقارا امەريكانىڭ شينجياڭعا ساياتىن ”زاڭ جوباسىن“ قاتاڭ جازعىردى
جەرگىلىكتى ۋاقىت 12 - ايدىڭ 3 - كۇنى امەريكا پارلامەنتى قاۋىم پالاتاسى ”2019 - جىلعى ۇيعۇر ادامدىق ۇقىقتارى ساياسات زاڭ جوباسىن“ ماقۇلدادى. وسى اتالمىس ”زاڭ جوبا“ جۇڭگو شينجياڭىنىڭ ادامدىق ۇقىق جاعدايىن قاساقانا داتتاپ، ءبىزدىڭ شينجياڭنىڭ ۇشقارىلىقتى الاستاۋ جانە لاڭكەستىككە سوققى بەرۋدەگى قۇلشىنىستارىنا ورشەلەنە كۇيە جاعىپ، پارتيا مەن ۇكىمەتتىڭ شينجياڭدى جونگە سالۋ ساياساتتارىنا جات نيەتپەن شابۋىلداپ، شىندىقتى ەلەپ - ەسكەرمەي، اق پەن قارانى شاتاستىردى، كەمسىتۋ مەن سىڭار جاقتىلىققا تولى، ءبىز ۇيعۇر ۇلتى جۇرتشىلىعىنىڭ شىنايى سەزىمىن ەلەڭ قۇرلى كورمەدى، امەريكا پارلامەنتىنىڭ كولگىر دە جەكسۇرىندىعىن، جۇيەسىزدىك، ارسىزدىعىن اشىققا شىعاردى، حوتانداعى ءار ۇلت بۇقارا بۇعان قاتتى كەكتەنەتىنىن جانە باتىل قارسى تۇراتىندىعىن ءبىلدىردى.
امەريكانىڭ اتالمىس شينجياڭعا ساياتىن ”زاڭ جوباسى“، بۇكىلدەي قوس ولشەم جانە زورەكەر لوگيكاسىندا كوزدى جۇمىپ، جالعان سويلەپ ويدان قيىستىرعانى، جۇڭگونىڭ ىشكى ىسىنە دورەكىلىكپەن كيلىككەندىگى؛ امەريكا وسىنداي فورمامەن ”ءۇش ءتۇرلى كۇش“تى جاقتاپ، قۇتىرتىپ، ءبىزدىڭ وڭاي - وسپاق قولعا كەلمەگەن باقىتتى دا تىنىش تۇرمىسىمىزدى بۇلدىرۋگە ۇرىنۋى بارىپ تۇرعان اۋمەسەرلىك، ەسالاڭنىڭ شاتپاعى.
تاياۋ جىلداردان بەرى، ءبىزدىڭ شينجياڭ زورلىقتى كۇشكە، لاڭكەستىككە قارسى، بولشەكتەۋشىلىككە قارسى كۇرەستى زور كۇشپەن ورىستەتىپ، زاڭ بويىنشا زورلىقتى كۇش، لاڭكەستىك ارەكەتتەرىنە سوققى بەرىپ، ۇشقارىلىقتى الاستاۋدى بەلسەنە ىلگەرىلەتىپ، حالىققا تيىمدىلىك جاساۋ ءتۇرلى ساياساتتارىن پارمەندى كۇش سالا اتقاردى. اناۋ كەزىندە ”ءۇش ءتۇرلى كۇش“تىڭ ازعىنداۋىنا ۇشىراعان، زاڭعا جەڭىل دارەجەدە قايشىلىق جاساپ قىلمىس وتكىزگەن ادامدار ىرىقتىلىقپەن كومەكتەسۋ، تاربيەلەۋدى قابىلداپ، لاڭكەستىك پەن ۇشقارىلىقتىڭ زيانعا ۇشىراۋشىسى مەن قۇربانى بولۋدان ساقتاندى. قازىر مەكەنىمىزدە ءۇرتىس 3 جىل بويى زورلىقتى كۇش، لاڭكەستىك دەلولارى (وقيعالارى) تۋىلعان جوق. ەكونوميكامىز تىنباي دامىپ، تۇرمىسىمىز ۇزدىكسىز جاقسارىپ، ىشەر اس، كيەر كيىمنەن تارىقپايتىن بولدىق، تۇرعىن ءۇيىمىز قامتاماسىز ەتىلدى، ساپارعا شىقساق پويەز، ۇشاق بار، اۋرۋ كورسەتسەك ەمدەۋ قامسىزداندىرۋى بار، مىندەتتى وقۋ - اعارتۋ تەگىن، جۇمىستانۋ قامتاماسىز ەتىلەدى، ءار ۇلت ىنتىماقتى دا جاراسىمدى، تىنىش تىرشىلىك كەشىرۋدە. حوتان قالاسى جييا اۋىلى كالتاتۇگىمان قىستاعىنىڭ تۇرعىنى بىلاي دەيدى: ”بالامىز بيىل ءۇيدىڭ جانىنداعى جاڭادان سالىنعان بالاباقشاعا ءتۇستى، وقۋ قاراجاتى بۇكىلدەي تەگىن، ءبىر كۇندە تاعى 3 رەتكى تاماق، 2 رەتكى بال كۇلشە بار، وقىتۋشىلاردىڭ ساباق ءوتۋى دە جاقسى، ءبىز اتا - انالار الاڭسىز بولدىق“. حوتان قالاسى گۇجانباق اۋىلى حۇڭشيڭ قىستاعىنىڭ تۇرعىنى بىلاي دەدى: ”قازىر تابيعي گاز قۇبىرى ۇيگە تۇتاستى، تاماق ىستەۋدە، جۋىنۋدا تۇگەلدەي پايدالانا الامىز، راسىندا، قولايلى بولدى“. حوتان قالاسى گۇلباق ءمالىسى كايشۋان الەۋمەتتىك اۋماعىنىڭ تۇرعىنى بىلاي دەدى: ”قازىر ادامداردىڭ بارلىعىندا ەمدەۋ قامسىزداندىرۋى بار، ۇلكەن - كىشى اۋرۋلاردىڭ ءبارىن ەسەپتەن كوتەرەدى، اۋرۋ كورسەتۋى دە قولايلى، سالاماتتىق دەڭگەيىمىز بۇرىنعىدان اناعۇرلىم جوعارىلاي ءتۇستى“. مۇنىڭ ءبارىن بىزگە پارتيا مەن مەملەكەت بەرگەن، بىزگە ”ءۇش ءتۇرلى كۇش“ بەرگەن ەمەس، امەريكانىڭ اتالمىس شينجياڭعا ساياتىن ”زاڭ جوباسى“ بەرگەن دە ەمەس! ءبىزدىڭ تۇرمىسىمىزدىڭ جاقسى - جاقسى ەمەستىگىندە ءبىزدىڭ ءوزىمىزدىڭ ەڭ سويلەۋ ۇقىعىمىز بار.
”اتتىڭ سىرى جىراقتا بىلىنەدى، ادامنىڭ سىرى ۇزاقتا بىلىنەدى“. ۇزاق ۋاقىتتان بەرى امەريكا جانە امەريكا جاقتاپ قۇتىرتىپ وتىرعان ”ءۇش ءتۇرلى كۇش“ ءبىزدىڭ شينجياڭداعى ءار ۇلت جۇرتشىلىعىنا تەك اپات قانا الا كەلدى، ال جۇڭگو كوممۋنيستىك پارتياسى مەن ۇكىمەتى ءبىزدىڭ شينجياڭداعى ءار ۇلت بۇقاراسىنا شىن مانىندەگى باقىت، تىنىشتىق جانە بارعان سايىن تاماشا بولعان تۇرمىس سيلادى. ءبىز قازىرگى ورنىقتى دا دامىعان تاماشا جاعداي وڭاي - وسپاق قولعا كەلگەن ەمەستىگىن قانىق بىلەمىز، ءبىز، ءسوزسىز، اۋەلگىدەن دە ارمان ايالاۋىمىز، قاباعات قاستەرلەۋىمىز كەرەك.
امەريكا پارلامەنتى اۋىزىڭدى جاپ! ءارقانداي سىرتقى كۇشتىڭ كولدەنەڭنەن كيلىگۋىنە ءبىز استە جول بەرمەيمىز!
