تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۋىلىمىزداعى اپەكە - سىڭلىلەرىمدى اجارلاندىرا تۇسەمىن

قاراقاش اۋدانىنداعى وقۋ تاۋىسقان تاربيەلەنۋشى

تۇنيسا ءماتروزى

  مەن 2018 - جىلى 4 - ايدا ىرىقتى تۇردە ءوتىنىش ەتىپ، حوتان اۋداندىق كاسىپتىك شەبەرلىككە تاربيەلەۋ - باۋلۋ ورتالىعىندا ۇيرەنۋگە قاتىناستىم. سول كەزدە مۇنىڭ مىناداي بىرنەشە جاقتا سەبەبى بار ەدى: قىستاعىمىزدا وسىنىڭ الدىندا ۇيرەنۋ - باۋلۋعا قاتىناسقان بىرنەشە تاربيەلەنۋشى وقۋ تاۋىسىپ قايتتى، جۇرت ولاردىڭ بويىنداعى ۇلكەن وزگەرىستەردى، ولاردىڭ تازالىقتى سۇيەتىنىن ءارى رۋحاني جاقتان سەرگىپ وزگەرگەنىن كوردى، بۇرىن مەملەكەتتە ءبىر تۇتاس قولدانىلاتىن تىلدە سويلەي بىلمەيتىندەر دە سويلەي الاتىن بولدى، اۋىلداستار تاربيەلەۋ - باۋلۋعا قاتىناسۋدىڭ وتە جاقسى ءىس ەكەنىن سەزىندى. ەندى ءبىر جاعىنان، ءوز باسىمدا ءدىني ۇشقارى يدەيا بار ەكەندىگىن سەزىندىم، ءسوز جوق، تاربيەلەنۋىم كەرەك دەپ ويلادىم.

  2013 - جىلى مەن قاراقاش اۋداندىق كاسىپتىك ورتا مەكتەپتەن وقۋ ءبىتىردىم. مەكتەپتە كىلەم توقۋ كاسىبىن وقىدىم، ءبىراق بازار جاعدايى تىم جاقسى بولماي، ىستەرگە جۇمىس بولماعاندىقتان، جاسىم 20عا جەتپەي جاتىپ ۇيلەندىم. سول كەزدە كورشىمىزدىڭ ۇيىنە ۇنەمى كوپ ادام جينالاتىن، قىستاقتا مەشىت بولسا دا ولار بارمايتىن، ونىڭ ورنىنا ۇيدە جينالىپ ناماز وقيتىن، ونىمەن قويماي، حانزۋلاردىڭ بارلىعىن ”جات دىندەگىلەر“ دەپ، ولاردىڭ جاساعان نارسەلەرى مۇسىلمانشا ەمەس، ”جات دىندەگىلەر“دىڭ قامقورلىعىن قابىلداۋعا بولمايدى، ”جات دىندەگىلەر“گە ەرلىكپەن ”جيھاد“ جاريالاپ، اللاعا دەگەن شىنايىلىعىمىز بەن ادالدىعىمىزدى ايگىلەۋىمىز كەرەك دەيتىن... سول كەزدەن باستاپ كەيبىر ۇشقارى يدەيالار ساناما ۇيالادى. مەن بارعان سايىن توماعا - تۇيىقتالىپ، سىرتقا وتە از شىعاتىن بولدىم، سىرتتا باسقا ۇلتتىڭ ادامدارىنا كەزىگە قالسام بولدى، ولاردى سوڭىنان قالماي ۇرىپ، ياناتتايتىن بولدىم.

  تاربيەلەۋ - باۋلۋ ورتالىعىنا كەلگەن سوڭ، بۇل جەردىڭ وقۋ تاۋىسقان تاربيەلەنۋشىلەر ايتقانداي ەكەنىن بايقادىم: تاماق، جاتىن ورىن تەگىن، بارلىق ۇيرەنۋ ماتەريالدارىنا اقشا جۇمسامايسىڭ، مەملەكەتتە ءبىر تۇتاس قولدانىلاتىن ءتىل - جازۋدى، مەملەكەتتىڭ زاڭدارىن، زاڭ ەرەجەلەرىن ۇيرەنە الاسىڭ، سونداي - اق ءبىر شەبەرلىكتى يگەرە الاسىڭ. كوپشىلىكتىڭ مەكتەپتەگى كۇندەرىنىڭ كوڭىلدى ەكەنىن، ۇيرەنۋ جانە ءار ءتۇرلى مادەني، دەنە تاربيە قيمىلدارىنا قۋانا قاتىناساتىندىعىن بايقادىم. مەن ۇستەل دوپ ويناۋدى ەرەكشە ۇناتتىم، ۇنەمى ۇل ساباقتاستارىممەن بىرگە ۇستەل دوپ وينايمىن. ءار كۇنى تاڭەرتەڭ بەلگىلەنگەن ۋاقىتتا تۇرىپ، جۇگىرۋ سياقتى تاڭەرتەڭگى جاتتىعۋلارعا قاتىناسامىن، تاڭعى استان كەيىن ساباققا بارامىن. تۇسكى استان كەيىن ءبىراز ۇيىقتاپ، تۇستەن كەيىن تاعى دا ۇيرەنەمىن ءارى ءوزىم قىزىعاتىن مادەنيەت، دەنە تاربيە قيمىلدارىنا قاتىناسامىن. ءار كۇنى ءدارىس بىتكەننەن كەيىن، تاربيەلەنۋشىلەر وزدەرى قىزىعاتىن ىستەرىمەن اينالىسادى، كەيبىرەۋى باسكەتبول، ۇستەل دوپ، قاۋىرسىن دوپ جانە بيلليارد وينايدى، كەيبىرەۋى حالىقارالىق شاحمات، قورشاما دويبى وينايدى، ال ەندى بىرەۋلەرى ءان ايتىپ، ءبي بيلەيدى جانە سۋرەت سالادى، تۇرمىستارى وتە ءتارتىپتى، كوڭىلدى، ءار كۇندەرىن وتە قاستەرلەيدى. مۇعالىمدار بىزگە تاماشا تازالىق ادەتىن جانە ادامدارمەن ادەپپەن قارىم - قاتىناس جاساۋ ءتاسىلىن ۇيرەتتى، بۇلاردى بۇرىن ۇيدەگى كەزدە ۇيرەنۋگە شاراسىز ەدىك.

  مەن سۇلۋلىقتى سۇيەتىنمىن، ءبىراق اناۋ جىلدارى كوپشىلىك ايەلدەرگە سۇلۋلىقتىڭ كەرەگى جوق دەگەن سەزىمدە بولدى. قازىر ويلاسام، سول ويلارىما، راسىندا، اقىلىم جەتپەيدى، ءبىز كوپتەگەن ۇيعۇرلار تۋمىسىمىزدان ءان ايتىپ، ءبي بيلەيمىز، نە ءۇشىن تيىم سالىنادى؟ وسى ماسەلەلەرگە وي جۇگىرتىپ، انىق جاۋابىن تاپتىم. ءبىزدىڭ ايەل باۋىرلاستارىمىز تۇرمىستى جاقسى وتكىزىپ، ەرلەردىڭ قولجاۋلىعى بولماۋىمىز، اۋەلى، ءدىني ۇشقارى يدەيانىڭ ازعىرۋىنا ۇشىراماۋىمىز كەرەك!

  مەن تاربيەلەۋ - باۋلۋ ورتالىعىندا اجارلاندىرۋدى، شاش اسەمدەۋدى ۇيرەندىم، بيىل 2 - ايدا وقۋ تاۋىسقان سوڭ، شاش اسەمدەۋ دۇكەنىن اشقىم كەلدى. اقشام بولماعاندىقتان، اۋىل باستىعىمىز ءايبيباي يۇسىپكە باردىم. ول مەنىڭ ويىمدى بىلگەن سوڭ قاتتى قۋانىپ، ەرەكشە ىقىلاسپەن ماعان اقىل ايتىپ، جول كورسەتتى. كوپ وتپەي، ول ماعان ءبىر دۇكەن تاۋىپ بەردى ءارى ايەلدەر بىرلەستىگىنە ايتىپ ايەلدەردىڭ شارۋاشىلىق قۇرىپ، جۇمىستانۋىنا بەرىلەتىن كومەك قورعا ءوتىنىش بەرگىزدى. جۇمىس باستاعان كۇنى، مەن مۋزيكا اترەتىن شاقىرىپ اكەلىپ، سىرناي تارتقىزىپ، بارابان سوقتىرتتىم، ىقپالى زور بولدى، ماڭايىمداعى جۇرتتىڭ بارلىعى ماعان قىزىعا، سۇيىنە قارادى.

  مەنىڭ شاش اسەمدەۋ دۇكەنىمنىڭ اتى ”ميليىر“، كەلگەن بارلىق قاريدارلار سۇلۋلانىپ، كۇلكىگە شومسىن دەگەن ماعىنادا. قازىر اۋىلىمىزداعى ادامداردىڭ كوزقاراسى وزگەردى، اقشا تاپقاننان كەيىن، شاش جاساتۋعا كەلەتىندەر دۇكەنىمدە ءيىن تىرەستى. دۇكەنىمە كەلىپ قايتقان اپەكە - سىڭلىلەرىمنىڭ بارلىعى قۋانىپ قايتادى، بارلىعى ونەرىمنىڭ ايتارلىقتاي ەكەنىن، وزدەرىن اجارلاندىرىپ جىبەرگەنىن ايتادى.

  قازىر ءبىر ايدا 6000 يۋان تابامىن، كەدەي وتباسىلارىنان 2 قىز بالانى شاكىرتىككە الدىم، ولار دەن قويا ۇيرەنىپ، تەز العا باستى. الدا تاعى بىرنەشە ادام قابىلداپ، دۇكەننىڭ كولەمىن ۇلكەيتەمىن.

  سوڭىندا ايتارىم، باقىتتى تۇرمىستى قوس قولىڭمەن جانە قۇلشىنىسىڭمەن جاراتاسىڭ، جالقاۋ بولساڭ، جاقسى تۇرمىس كەشىرە المايسىڭ، اسپاننان جاۋار شەلپەك جوق!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.