تيانشان تورى
تيانشان تورى   ›   جاڭالىقتار   ›   شينجياڭ حابارلارى

مەن اينەك ساۋداسىن بارعان سايىن جاقسى ىستەيمىن

حوتان اۋدانىنداعى وقۋ تاۋىسقان تاربيەلەنۋشى

ءشىرالي روزايت

  مەنىڭ اتىم ءشىرالي روزايت، 29 جاستامىن، ءۇيىم حوتان اۋدانىندا. مەن ءوزىمنىڭ ءبىر ەستەن كەتپەس تاربيەلەنۋ - باۋلىنۋ تۇرمىس كەشىرمەمدى كوپشىلىككە اڭگىمەلەپ بەرگىم كەلەدى.

  اكەمنىڭ اتى روزايت ءامىروللا، بيىل 52 جاستا، ول مەنىڭ كىشكەنتايىمنان باستاپ ساۋدا ىستەپ، حوتان قالاسىنان دۇكەن اشقاندىقتان ۇنەمى ۇيگە قايتا المايتىن. شەشەم ءورنيسا مامەت بيىل 50 جاستا، كوپ جىلدار بويى دەنساۋلىعى ءالسىز، اۋرۋشاڭ بولدى. ولار جاس ۋاقىتتارىندا ماعان بىرنەشە ءىنى - قارىنداس تاۋىپ بەرۋدى ارمانداعان بولسا دا شەشەمنىڭ دەنساۋلىعى ناشار بولعاندىقتان ارماندارى ورىندالماي كەلىپتى. شەشەم 46 جاسقا كەلگەن كەزدە عانا، ياعني 4 جىلدىڭ الدىندا ماعان ءبىر ءىنى تاۋىپ بەردى، بيىل قىستاقتاعى بالاباقشاعا كىردى.

  اكە مەيىرىنە كوپ بولەنە الماعاندىعىمنان باستاۋىش جانە ورتالاۋ مەكتەپتەگى ناتيجەم تىم ناشار بولدى، وتە - موتە، مەملەكەتتە ءبىر تۇتاس قولدانىلاتىن ءتىل - جازۋ ساباعىندا سىرتقا قاشىپ شىعىپ ويناپ كەتۋشى ەدىم، سوندىقتان ورتالاۋدى تامامداعان شاعىمدا تەك ”سالەمەتسىز“ دەگەن سياقتى بىرنەشە اۋىز قاراپايىم ءسوزدى عانا ءبىلدىم.

  ورتالاۋ مەكتەپتەگى شاعىمدا مەن ۇنەمى توراپحاناعا بارىپ توراپقا شىعاتىنمىن، ۇنەمى ءوزىم دە اتىن ايتىپ بەرە المايتىن سايتتارعا كىرىپ، تەك كورىنىسى جاقسى بولسا بولدى الباتى اشىپ كورە بەرۋگە قۇشتار بولدىم، كەيىن بىرنەشە ۇيعۇر تىلىندەگى زورلىقتى كۇش، لاڭكەستىك مازمۇنداعى كەسكىندى بايقاپ، دەرەۋ سوعان كىرىسىپ كەتتىم. نەگىزگى مازمۇنى ”مەملەكەتتىڭ ءتۇرلى حالىققا ءتيىمدى ساياساتتارىنان يگىلىكتەنۋگە بولمايدى، مەملەكەت بەرگەن ءتۇرلى قوسىمشا قاراجاتتاردى الۋعا بولمايدى، ويتكەنى بۇل نارسەلەردىڭ بارلىعى مۇسىلمانشا ەمەس، ەمدەۋ قامسىزداندىرۋىنا قاتىناسۋعا بولمايدى“... مەن وسى سوزدەردىڭ ازعىرۋىنا ۇشىراي بەردىم، كورگەن سايىن كورگىم كەلدى.

  وسىدان كەيىن تەك مەملەكەت كادرلارى، ءتىپتى، قىستاق كادرلارى ۇيىمە كەلسە بولعانى ولاردى تىلدەپ قۋىپ جىبەرەتىن بولدىم. مەملەكەتتىڭ ءارقانداي ءتيىمدى ساياساتتارىنان باس تارتتىم، ءتۇرلى قوسىمشا قاراجاتتاردى المادىم، ۇيىمدەگىلەردىڭ سەلبەسىپ ەمدەلۋگە قاتىناسۋىنا جول بەرمەدىم، ءۇيىمىز حاۋىپتى ۇيگە اينالۋعا تاياسا دا بەيقۇت ءۇي سالعىم كەلمەدى، ول اقشالار مۇسىلمانشا ەمەس دەپ ەسەپتەدىم.

  قىستاق كادرلارى مەنىڭ قالىپسىز ارەكەتىمدى بايقاعان سوڭ، مەنى ىزدەپ كەلىپ سىرلاسىپ اڭگىمەلەستى، سونداي - اق ماعان زاڭ جونىندە ۇگىت ايتتى. العاشىندا مەن ولارعا استە سەنبەدىم. كەيىن ءبىر جولى شەشەم سىرقاتتانىپ قالدى، اسىلىندە مەن موللا شاقىرىپ دۇعا ىستەتسەم بولعانى شەشەم جازىلىپ كەتەدى دەپ ويلادىم، ابىرجىعان كورشىم ماعان: ”بۇلاي ىستەسەڭ تاۋىرلەنە مە؟ تەز شيپاحاناعا اپارىپ ەمدەت“، - دەدى. ءدال ۋاقىتىندا جەتكىزىلگەندىكتەن عانا شەشەم امان قالدى. وسى ىستەن كەيىن مەن قىستاق كادرى ايتقان سوزدەردى ەسىمە الا باستاپ، ءجونى بار ەكەنىن سەزدىم. كەيىن قىستاق كادرىنىڭ كەڭەس بەرۋىمەن ءارى ۇيىمدەگىلەردىڭ قولداۋى جانە شابىتتاندىرۋىمەن 2018 - جىلى 6 - ايدىڭ 20 - كۇنى حوتان اۋداندىق كاسىپتىك شەبەرلىككە تاربيەلەۋ - باۋلۋ ورتالىعىنا ۇيرەنۋگە باردىم.

  العاش تاربيەلەۋ - باۋلۋ ورتالىعىنا كىرگەنىمدە، مۇعالىمدار مەن باسقارۋشى كادرلار قايتا - قايتا مەنى ىزدەپ كەلىپ سىرلاسىپ، ماعان ۇشقارى يدەيانىڭ زالالىن تاپتەشتەي تالداۋ جاساپ ءتۇسىندىردى. مەنىڭ كوڭىلىم بىرتىندەپ ورنىعا باستادى، العاشىنداعى كۇماندانۋدان ۇيرەنۋدى سىناپ كورۋگە، ونان ورايدى قاستەرلەي باستاعانىما دەيىن، مەملەكەتتە ءبىر تۇتاس قولدانىلاتىن ءتىل - جازۋدى جانە ءتۇرلى زاڭدار مەن زاڭ ەرەجەلەردى مۇقيات ۇيرەندىم، سونىمەن بىرگە، كىشكەنتايىمنان قىزىعاتىن ءبي ساباعىنا قاتىناسىپ ۇيرەندىم. شىنىمدى ايتسام، مەن اناۋ ۇشقارى يدەيانى قابىلداي باستاعان ۋاقىتىمدا ءبي ۇيرەنۋدى ارمانداۋشى ەدىم، ءبىراق ول كەزدە ءبي بيلەۋدى ارمانداعان ىنتامدى باسىپ، شاراسىزدان شىداپ ءجۇردىم.

  تاربيەلەۋ - باۋلۋ ورتالىعىندا مەن جۇرەكتىلىكپەن ءتۇرلى بيلەردى، ياعني ۇلتتىق ءبيىمىزدى، دوستىق تانسا ءبيىن، تاعى دا بەيجيڭ تەاترىنىڭ سايىس قيمىلىن بيلەي باستادىم. كوپشىلىك مەنى كەرەمەت جاقسى بيلەيدى ەكەن دەسىپ، ماعان سانسىز شاپالاق ءۇنىن سيلادى. تاربيەلەۋ - باۋلۋ ورتالىعىنداعى ءار كۇنىم دەرلىك كوڭىلدى، ءماز - ءمايرام ءوتتى. بىرنەشە ايدا عانا باسىمنان باقايىما دەيىن، سىرتىمنان ىشىمە دەيىن وزگەردىم.

  2019 - جىلى 5 - ايدىڭ 31 - كۇنى مەن وقۋ تاۋىسقان كۇنى ۇيگە قايتىپ كەلىپ، سۋ اكەلىپ شەشەمنىڭ بەتىن جۋىپ، تۋمىسىندا كورمەگەن دەنە ۋقالاۋىن ىستەپ بەردىم. شەشەم مۇنى كورىپ تاڭ قالدى، الدىمەن جىلادى، ونان سوڭ كۇلدى، تاعى جىلادى، تاعى كۇلدى. سول كۇنگى كورىنىستى مەن ءومىر بويى ۇمىتا المايمىن.

  بۇرىن مەن تاماقساۋ، جالقاۋ ەدىم، مەملەكەت كادرلارىن ياناتتاۋشى ەدىم، كۇن بويى سىرتتا سەندەلىپ جۇرەتىنمىن، جۇمىس ىستەپ اقشا تاپپاعانىممەن قويماي، ايەلىمدى ۇيىمنەن اتتاپ شىعارماۋشى ەدىم. مەن ۇيگە قايتىپ كەلسەم بولعانى وعان اقىرىپ، الدىما دەرەۋ تاماق اكەل، سىلبىرلىققا سالىنساڭ بولمايدى دەيتىنمىن، كوڭىلىمنەن وتپەسە بولعانى ياناتتاپ، ءتىپتى، تاياقتاپ تاستايتىنمىن. قازىر ويلاسام، قازىرگى قوعامنىڭ ەر ادامىنا ۇقسامايدى ەكەنمىن. قازىر ۇيگە قايتسام بولعانى ايەلىممەن بىرگە ءۇي جۇمىستارىن ىستەيمىن، ول تاماق ىستەسە، مەن كوكونىس جۋامىن، ىدىس - اياق جۋامىن، ول ماعان ادا - كۇدە وزگەردىڭ دەيدى، جولىققان ادامدارعا مەنى ماقتايتىن بولدى.

  مەن تاربيەلەۋ - باۋلۋ ورتالىعىنان وقۋ تاۋىسقان سوڭ، اكەمنىڭ اينەك دۇكەنىنىڭ ساۋداسىنا كومەكتەستىم، دۇكەنگە كەلگەن قاريدارلارمەن پۋتۇڭحۋامەن سويلەسىپ ساۋدالاساتىن بولدىم، ساۋدا بۇرىنعىدان كوپ كۇسەتتەنىپ، اكەم قاتتى قۋاندى. قازىر مەن دوستارىممەن قارجى قوسۋ جونىندە كەڭەسىپ، اينەك مانەرلەۋ زاۆودىن قۇرىپ، اكەمنىڭ ساۋداسىن ءتىپتى دە زورايتۋعا، ءتىپتى دە جاقسارتۋعا دايىندالىپ جاتىرمىن.

  مەنىڭ سوڭىندا ايتقىم كەلەتىنى: پارتيا مەن ۇكىمەتتىڭ ماعان وسىنشالىق جاقسى ۇيرەنۋ ورايىن بەرگەنىنە ەرەكشە راقىمەت، تاربيەلەۋ - باۋلۋ ورتالىعىندا ۇيرەنۋ ارقىلى كوپتەگەن بىلىمدەر مەن شەبەرلىكتەردى يگەردىم، ءوزىمنىڭ قۇلشىنىسىممەن اقشا تاۋىپ، اكە - شەشەمە وپالى بولىپ، ولارعا ءدامدى قۇجىرلاردى، ادەمى كيىمدەردى ساتىپ الىپ بەرەمىن، قىزىم مەن ۇلىمنىڭ دا ويداعىداي جاقسى تاربيە الۋىنا مۇمكىندىك جاسايمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.