تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ جاراسىمدى، ورنىقتى اسا تاماشا جاعدايىن بۇلدىرۋگە ۇرىنعان ءارقانداي ارەكەت اتاۋلى، ءسوزسىز، جەڭىلىسپەن تىنادى

شينجياڭ ۇيعۇر اۆتونوميالى رايوندىق ساياسي كەڭەستىڭ ءتوراعاسى

نۇرلان ءابىلماجىن

  بيىل جاڭا جۇڭگو قۇرىلعاندىعىنىڭ 70 جىلدىعى، سونداي - اق شينجياڭ بەيبىت ازات بولعاندىعىنىڭ 70 جىلدىعى. 70 جىلدان بەرى، جۇڭگو كوممۋنيستىك پارتياسىنىڭ پارمەندى باسشىلىعىندا شينجياڭداعى ءار ۇلت بۇقاراسى ەزۋگە، قاناۋعا، قۇلدىققا ۇشىراعان ايانىشتى تاعدىردان قۇتىلىپ، ەكونوميكادا، قوعامدا وراسان زور وزگەرىستەر تۋىلىپ، حالىق تۇرمىسى كەدەيلىكتەن بايۋعا، اۋزى اسقا، ءيىنى كيىمگە جارىماۋدان جاپپاي دوڭگەلەك داۋلەتتىلىككە قادام تاستادى. 2018 - جىلى شينجياڭنىڭ وڭىرلىك ءوندىرىس جالپى ءونىم قۇنى ءبىر تريلليون 200 ميلليارد يۋاننان اسىپ، 1952 - جىلداعىدان 200 ەسە ارتتى؛ جان باسىندىق ءوندىرىس جالپى ءونىم قۇنى 49 مىڭ 475 يۋانعا جەتىپ، 1952 - جىلداعىدان 37.7 ەسە ارتتى؛ قالا مەن اۋىل تۇرعىندارىنىڭ جان باسىندىق قولداعى تابىسى جەكە - جەكە 1978 - جىلداعىدان 101 ەسە، 99 ەسە ارتتى. شينجياڭداعى ءار ۇلت تاتۋ - ءتاتتى، ءبىر ءۇيلى جانداي ءوتىپ، ءبىر - بىرىنە قارايلاسىپ، سوتسياليستىك مەيىرىمدى دە جاراسىمدى ۇلكەن شاڭىراقتا باقىتتى، تاماشا تۇرمىسقا ارشىندى قادام قويدى.

  امەريكا، باتىس گۇلدەنگەن، ورنىقتى شينجياڭدى كورۋدى قالامادى، قۇدىرەتتى سوتسياليستىك جۇڭگونىڭ شارىقتاي كوتەرىلۋىن كورۋدى قالامادى. سوڭعى ءبىر مەزگىلدەن بەرى، امەريكا، باتىس قوعامدىق پىكىرى مەن ءىشىنارا ساياساتپازدار ”ادامدىق ۇقىق“تى جەلەۋ ەتىپ، دۇرىس پەن بۇرىستى بىلىقتىراتىن، اق پەن قارانى شاتاستىراتىن، اۋزىنا كەلگەنىن كوكيتىن سوزدەر جاريالاپ، شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىن جانە كاسىپتىك شەبەرلىككە تاربيەلەۋ - باۋلۋ كۋرس قىزمەتىن ورشەلەنە قارالاپ، شينجياڭ قوعامىنىڭ جاراسىمدى، ورنىقتى اسا تاماشا جاعدايىنا جالا جاۋىپ، كۇيە جاقتى. اسىرەسە، جەرگىلىكتى ۋاقىت 12 - ايدىڭ 3 - كۇنى امەريكا پارلامەنتى قاۋىم پالاتاسى ايتىلمىس ”2019 - جىل ۇيعۇر ادامدىق ۇقىقتارى ساياسات زاڭ جوباسىن“ ماقۇلداپ، شينجياڭنىڭ ادامدىق ۇقىق جاعدايىنا ورشەلەنە سوقتىعىپ، جۇڭگونىڭ ىشكى ىستەرىنە دورەكىلىكپەن كيلىگىپ، شينجياڭدى بىلىقتىرۋ، ونان ارى جۇڭگونىڭ دامۋىن تەجەۋ، جۇڭحۋا ۇلتىنىڭ ۇلى گۇلدەنۋىنە بوگەت جاساۋ قاسكۇنەمدىگىنە جەتپەكشى بولدى، بۇل كوپە - كورنەۋ زورەكەرلىك. شينجياڭداعى ءار ۇلت حالقىن قامتىعان بۇكىل جۇڭگو حالقىنىڭ سۇيىسپەنشىلىگىن بارىنشا زاقىمدادى. ءبىز بۇعان توتەنشە كەكتەنەمىز، باتىل قارسى تۇرامىز.

  لاڭكەستىك، ۇشقارىلىق ادامزات قوعامىنىڭ ورتاق جاۋى، لاڭكەستىككە قارسى تۇرۋ، ۇشقارىلىقتى الاستاۋ − حالىقارالىق قوعامنىڭ ورتاق جاۋاپكەرشىلىگى. شينجياڭ جۇڭگونىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىندەگى نەگىزگى شايقاس مايدانى، ءار ۇلت بۇقاراسى لاڭكەستىكتىڭ، ءدىني ۇشقارىلىقتىڭ زالالىنا تەرەڭ ۇشىرادى. تولىقسىز ساناققا نەگىزدەلگەندە، 1990 - جىلدان 2016 - جىلدىڭ سوڭىنا دەيىن شينجياڭدا مىڭداعان زورلىقتى كۇش، لاڭكەستىك ارەكەت تۋىلىپ، قىرۋار بەيكۇنا ادام ءولىم - ءجىتىمىن جانە مال - مۇلىك زيانىن تۋدىردى. قاتاڭ اۋقىم مەن كۇردەلى جاعداي الدىندا ءدىني ۇشقارىلىقتىڭ ەتەك الۋىن، تارالۋىن، زورلىقتى كۇش، لاڭكەستىك دەلولارىنىڭ كوپ، ءجيى تۋىلۋ اۋقىمىن ءونىمدى تەجەۋ ءۇشىن شينجياڭ كەسكىن شارا قولدانىپ، زورلىقتى كۇش، لاڭكەستىك قىلمىستارعا زاڭ بويىنشا قاتاڭ سوققى بەرۋمەن بىرگە قاينارىنان جونگە سالۋدى ورىستەتۋگە ءمان بەرىپ، كاسىپتىك شەبەرلىككە تاربيەلەۋ - باۋلۋ قىزمەتىن زاڭ بويىنشا ورىستەتىپ، مەملەكەتتە ءبىر تۇتاس قولدانىلاتىن ءتىل - جازۋدى، زاڭ بىلىمدەرىن، كاسىپتىك شەبەرلىكتى ۇيرەنۋدى، سونداي - اق ۇشقارىلىقتى الاستاۋدى نەگىزگى مازمۇن ەتكەن وقىتۋ ساباقتارىن ورنالاستىرىپ، لاڭكەستىكپەن، ۇشقارىلىقپەن، زاڭعا قايشىلىق جاساعان نەمەسە قىلمىستىق ارەكەتكە بارعان ادامداردى ەڭ جوعارى شەكتە قۇتقارىپ، لاڭكەستىك، ءدىني ۇشقارىلىق تۋىلاتىن توپىراق پەن شارت - جاعدايدى ەڭ جوعارى شەكتە جويىپ، ازاماتتاردىڭ نەگىزگى ۇقىعىنىڭ لاڭكەستىكتىڭ، ءدىني ۇشقارىلىقتىڭ زيانىنا ۇشىراماۋىن ەڭ جوعارى شەكتە قامتاماسىز ەتىپ، شينجياڭداعى ءار ۇلت حالقىنىڭ قارسى الۋى مەن قولداۋىنا يە بولدى. 2018 - جىلدىڭ سوڭىنان بەرى، بىرلەسكەن مەملەكەتتەر ۇيىمىنىڭ جوعارى جىكتەگىلەرى، شەتەلدىڭ جۇڭگودا تۇراتىن ەلشىلەرى، حالىقارالىق ۇيىمدار، ءىشىنارا مەملەكەتتەردىڭ جەنەۆادا تۇراقتى تۇراتىن ۋاكىلدەرى جانە شەتەل اقپارات قۇرالدارى، ءدىني توپتار سياقتى 70 نەشە دۇركىن ۇيىرمە، 91 مەملەكەت پەن رايونعا ساياتىن 1000نان استام ادام شينجياڭعا ساپارلاي كەلىپ، شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ قىزمەتىنىڭ ۇيرەنۋگە، ۇلگى الۋعا تاتيتىندىعىن ىركەس - تىركەس القادى، ساپار كەزىندە كورگەندەرىنىڭ، سەزىنگەندەرىنىڭ امەريكا، باتىستىڭ ۇگىتتەگەن ۇنامسىز مازمۇندارىمەن مۇلدە جاناسپايتىندىعى ولاردىڭ قوس ولشەمىنىڭ تۇرپايى، قيسىنسىز ەكەندىگىن تەرەڭ سەزىندىردى.

  شينجياڭ قوعامىنىڭ كەلەلى جاعدايى ءۇرتىس ورنىقتى بولدى. كاسىپتىك شەبەرلىككە تاربيەلەۋ - باۋلۋ قىزمەتى ورىستەتىلگەننەن بەرى، ءۇرتىس 3 جىل بويى زورلىقتى كۇش، لاڭكەستىك دەلولارى (وقيعالارى) تۋىلمادى، قىلمىستىق دەلولار، اماندىقتى ساقتاۋ دەلولارى، اماندىققا حاۋىپ توندىرەتىن دەلولار، الەۋمەتتىك حاۋىپسىزدىك وقيعالارى بارىنشا ازايىپ، ءار ۇلت كادرلارى مەن بۇقاراسىنىڭ حاۋىپسىزدىك سەزىمى كورنەكتى ارتىپ، قوعام ورنىقتىلىعى مەن باياندى تىنىشتىق جونىندەگى سەنىمدەرى كورنەكتى كۇشەيدى؛ ءدىني ۇشقارىلىق ءونىمدى الاستالىپ، ءدىني ۇشقارى يدەيانىڭ ازدىرۋىنا ۇشىراعان، قىلمىستىڭ جارقاباعىنا بەتتەگەن ءبىر توپ ادام تاربيەلەنىپ، وزگەرىپ، ءوز قاتەلىكتەرىنە تەرەڭ ءۇڭىلىپ، لاڭكەستىك پەن ءدىني ۇشقارىلىقتىڭ ءمانىن جانە زيانىن جەتە تانىپ، لاڭكەستىكتىڭ، ءدىني ۇشقارىلىقتىڭ رۋحاني شەڭگەلىنەن قۇتىلىپ، مەملەكەت تانىمى، ازامات تانىمى، زاڭمەن جونگە سالۋ تانىمى، جۇڭحۋا ۇلتى ورتاق تۇلعاسى تانىمى كورنەكتى ارتىپ، دۇرىس پەن بۇرىستى پارىقتاۋ، ۇشقارى يدەيانىڭ كەۋلەپ كىرۋىنە قارسى تۇرۋ قابىلەتى كورنەكتى جوعارىلاپ، ۇكىمەتتىڭ قۇتقارعاندىعىنا، وزدەرىنىڭ لاڭكەستىكتىڭ، ۇشقارىلىقتىڭ زياندالۋشىسىنا جانە قۇرباندىعىنا اينالۋىنان ساقتاعاندىعىنا شىن جۇرەكتەن العىس ايتتى. تاربيەلەۋ - باۋلۋ قىزمەتىندە ۇكىمەت ءنارلى تاماقتارمەن جانە شارت - جاعدايى جاقسى جاتاقپەن تەگىن قامداپ، تاربيەلەنۋشىلەردىڭ قالىپتى عۇرىپ - ادەتى سياقتى ۇقىقتارىنا تولىق قۇرمەت ەتىپ جانە قورعاپ، ۇيرەنۋ، تۇرمىس، مادەنيەتتىك كوڭىل اشۋ سياقتى جاقتارداعى سۇرانىسىن ەڭ جوعارى شەكتە قامتاماسىز ەتتى جانە قاناعاتتاندىردى. سونىمەن بىرگە، تاربيەلەنۋشىلەردى كوزقاراستا بۇرىلىس جاساۋعا جەتەكتەۋگە ءمان بەرىپ، ءار ۇلتتى ءبىر - ءبىرىنىڭ عۇرىپ - ادەتىنە قۇرمەت ەتۋگە، كيەر كيىم، ىشەر اس، تۇرارجاي، ءجۇرىس - تۇرىس، توي - تومالاق، ءولىم - ءجىتىم، جول - جوسىن، ادەت - عۇرىپ سياقتى جاقتاردان ءداۋىردىڭ دامۋ تالابىنا ۇيلەسۋگە، ەسكى سالتتىڭ تۇساۋىنان قۇتىلۋعا دارىپتەدى. قازىر باسىم كوپ تاربيەلەۋ - باۋلۋ ورتالىعىنىڭ تاربيەلەنۋشىلەرى ۇيرەنۋىن تامامدادى، ولار ۇيرەنگەن بىلىمىنە، شەبەرلىگىنە سۇيەنىپ، جۇمىس ورنىنا يە بولىپ، ادام ىستەتۋشى ورىنداردىڭ، كاسىپورىنداردىڭ جانە قوعامداعى ءار سالانىڭ قارسى الۋىنا بولەندى. قاشقار ايماعى مارالباسى اۋدانىنان ۇيرەنۋىن تامامداعان تاربيەلەنۋشى ايگۇل ۇيرەنگەن تىگىنشىلىك تەحنيكاسىن قولدانىپ، سەحتىڭ كەزەك باستىعى بولىپ، ايىنا 3000 يۋاننان استام كىرىس كىرگىزىپ، بۇكىل وتباسىن كەدەيلىكتەن ارىلتقاندىعىن اڭىس ەتتى. ۇعىسۋعا قاراعاندا، وسى سياقتى مىسالدار وتە كوپ ەكەن، ۇيرەنۋىن تامامداعان كوپتەگەن تاربيەلەنۋشىلەر شارۋادان جۇمىسشىعا، قالا ادامىنا اينالىپ، تۇرمىستارى كۇننەن - كۇنگە جاقسارىپ، ەرەكشە باقىتتى سەزىنىپ، توتەنشە ريزا بولعان. مارالباسى اۋدانىنىڭ قىستاق تۇرعىنى تۇرسىن توحتىنىڭ ۇلى ۇشقارى يدەيامەن جۇعىمدالىپ، تاربيەلەۋ - باۋلۋ ورتالىعىنا ۇيرەنۋگە باردى، ۇلىنىڭ وزگەرىسىن كورگەن ول بىلاي دەدى: ”بۇرىن ۇيدە جۇرگەندە قالاي باسقارساق تا باسقارا الماعانبىز، قازىر تاربيەلەۋ - باۋلۋدان كەيىن مەملەكەتتە ءبىر تۇتاس قولدانىلاتىن ءتىل - جازۋ ارقىلى حات جازىپ، بىزگە كوڭىل ءبولىپ، حالىمىزدى سۇرايتىن بولدى، قوعامعا جارامدى ادام بولاتىندىعىن دا ءبىلدىردى! ۇكىمەت ۇلىمدى قۇتقاردى!“. كوپتەگەن ادام شينجياڭنىڭ بۇگىنگى اسا تاماشا جاعدايىنىڭ وڭاي - وسپاق قولعا كەلمەگەندىگىن، تاربيەلەۋ - باۋلۋ قىزمەتى بولماسا بۇگىنگىدەي تىنىش كۇندەر بولمايتىندىعىن تىكە سەزىندى.

  ەكونوميكا ورنىقتى اقاۋسىز دامىدى. ورنىقتىلىقتىڭ پايداسى ۇزدىكسىز جارىققا شىعىپ، بيىل العاشقى 3 ماۋسىمدا، شينجياڭنىڭ بۇكىل رايونىنىڭ ءوندىرىس جالپى ءونىم قۇنى سايكەس مەزگىلدەگىدەن %6.1 ارتىپ، تۇراقتى مۇلىككە قوسىلعان قارجىنىڭ جالپى سوماسى بىلتىر سول تۇستاعىدان 49 پايىز جوعارىلادى. اسىرەسە، شينجياڭنىڭ ساياحات كاسىبى ”شارق ۇرا“ ارتىپ، بىلتىر ەل ءىشى - سىرتى ساياحاتشىلارىنان 150 ميلليون ادام - رەتتەن ارتىق قابىلداعاننان كەيىن، بيىل 10 - ايعا دەيىن، تاريحي سيپاتتى تۇردە 200 ميلليون ادام - رەتتەن اسىپ، سايكەس مەزگىلدەگىدەن %42.6 ارتتى. شينجياڭ جينچياۋ حالىقارالىق ساياحات ورنىنىڭ سەرۋەنباسى ريزۋانگۇل روزى بىلاي دەدى: ”جاراسىمدى دا ورنىقتى قوعامدىق ورتا شينجياڭنىڭ ساياحات كاسىبىنىڭ دامۋىنا بەرىك نەگىز قالادى، ساياحاتشىلار جارىسا ’قازىرگى شينجياڭ اماندىق جاعدايى ەڭ جاقسى وڭىرلەردىڭ بىرىنە اينالدى، شينجياڭ جاقسى جەر!‘ دەپ ءسۇيىندى“. جىبەك جولى ەكونوميكالىق بەلدەۋى وزەكتى رايون قۇرىلىسى جەدەل ىلگەرىلەتىلىپ، ەل ءىشى - سىرتىنداعى ءبىر توپ كاسىپورىن شينجياڭعا كەلىپ، قارجى قوسىپ، كاسىبىن گۇلدەندىردى، شينجياڭ ”ءبىر بەلدەۋ، ءبىر جول“دىڭ باتىسقا ەسىك اشاتىن ۇلكەن وتكەلىنە جانە ماڭىزدى قاقپاسىنا اينالۋدا. حاۋىپسىز دە ورنىقتى ورتا تۇراقتى ادام اينالىمىن، زات اينالىمىن جانە ينفورماتسيا اينالىمىن دا اكەلدى، ورتالىق قالا ۇرىمجىگە ورنالاسقان شينجياڭ حالىقارالىق ۇلكەن بازارى سياقتى ۇلكەن ساۋدا ورتالىقتارىندا ساۋدا كۇسەت بولىپ، ءبىر دۇكەنگە يە بولۋدىڭ ءوزى مۇڭ بولدى. جۇڭگو - قازاقستان - قورعاس حالىقارالىق شەكارا سەلبەستىك ورتالىعى شەكاراعا ۆيزاسىز كىرۋ، ەلارالىق ساياحات، سالىقسىز زات ساتىپ الۋ سياقتى تيىمدىلىك جاساۋ ساياساتتارىنان پايدالانىپ، تاۋارلاردى كورمەلەۋ، اس - سۋ، كوڭىل اشۋ، ساۋدا قۇرىلعىلارى، فينانستىق قىزمەت وتەۋ سياقتى سالالارعا ساياتىن 5000 نەشە ساۋداگەردى وسىندا ىرگە تەبۋگە باۋراپ، كىرىپ - شىققاندار 5 ميلليون ادام - رەتتەن استى.

  ءار ۇلت بۇقاراسىنىڭ ۇقىقتارى پارمەندى تۇردە قامتاماسىز ەتىلدى. شينجياڭ باستان - اياق حالىقتى وزەك ەتە دامۋ يدەياسىنا تاباندى بولىپ، ورنىقتىلىقتى قورعاۋدى حالىق تۇرمىسىن جاقسارتۋدى قامتاماسىز ەتۋمەن ۇشتاستىرىپ، ادەتتەگى الەۋمەتتىك مەجە ەسەپ شىعىسىنىڭ %70تەن استامىن حالىق تۇرمىسىن قامتاماسىز ەتۋگە جانە جاقسارتۋعا پايدالانىپ، جۇمىستانۋ، وقۋ - اعارتۋ، ەمدەلۋ، قوعامدىق قامسىزداندىرۋ سياقتىلاردى ماڭىزدى ءتۇيىن ەتكەن حالىققا تيىمدىلىك جاساۋ ينجەنەريالارىن ۇزدىكسىز ىلگەرىلەتتى، بۇكىل رايونىمىزدا 9 جىلدىق مىندەتتى وقۋ - اعارتۋمەن جاپپاي قامتۋ جۇزەگە استى، وڭتۇستىك شينجياڭدا 3 جىلدىق مەكتەپكە دەيىنگى تاربيە، 12 جىلدىق نەگىزدىك وقۋ - اعارتۋمەن جاپپاي قامتۋ جۇزەگە استى، جالپى حالىقتىڭ سالاماتتىعىن تەكسەرۋ شينجياڭ قاراستىلىعىنداعى بارلىق ادامدى قامتىدى، بيىل 12 اۋىر كەدەي اۋداننىڭ قالپاعى الىندى، 976 كەدەي قىستاق كەدەيلىك تىزىمىنەن شىعارىلدى، 606 مىڭ 100 كەدەي كەدەيلىكتەن ارىلدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى جوعارىلادى. قازىر شينجياڭ اۋىل - قىستاقتارىنداعى وتباسىلاردا تەلەۆيزور، مۇزداتقىش، كىرجۋعىش سياقتى ەلەكتر جابدىقتارى تولىق، كەيبىر وتباسىلار اۋا رەتتەۋىش ورناتتى، جەڭىل اۆتوكولىككە دە ءمىندى، كەيبىرەۋى، اۋەلى، كومىردى ەلەكترگە وزگەرتىپ تازا جىلىنۋعا دا قول جەتكىزدى، بۇرىن ويلاۋعا دا باتىلدىق ەتە المايتىن ىستەر قازىر رەالدىققا اينالدى. ىلە قازاق اۆتونوميالى وبلىسى قۇلجا قالاسى ليۋشيڭ كوشەسىن قورعاۋ سيپاتتى جاڭالاۋ ارقىلى جەرگىلىكتى تۇرعىنداردى 20 نەشە ەرەكشە حالىقتىق تۇسەلحانا قوناق ۇيلەرىن، ەرەكشە اس - سۋ، كوڭىل اشۋ، اشەكەي بۇيىم دۇكەنى سياقتىلاردى اشۋعا جەتەكتەپ، 600 نەشە ءار ۇلت بۇقاراسىن باستاپ جۇمىستانۋدى، شارۋاشىلىق قۇرۋدى جۇزەگە اسىرىپ، ۇلتتار ىنتىماعىنىڭ، حالىق تۇرمىسىن جاقسارتۋدىڭ كوركەم كورىنىسىنە اينالدىردى. قاشقار ايماعى قاعىلىق اۋدانىنداعى قىستاق تۇرعىنى زۇلحۇمار امدۇللا قىستاقتان ”سۇمبىل شاش دۇكەنىن“ اشتى، ول بىلاي دەدى: بىرنەشە جىلدىڭ الدىندا قىستاعىمىزداعى ايەلدەر ءدىني ۇشقارى يدەيانىڭ بۇعاۋىنا ۇشىراپ، نەگىزى ۇيىنەن شىقپايتىن بولدى، ساندەنۋى، جاسانۋى مۇلدە مۇمكىن ەمەس ەدى، قازىر جاڭاشا كينۋمەن قاتار، سۇلۋلىققا قۇشتار، جاسانۋعا قۇشتار بولدى، كۇلكىلەرى دە اناعۇرلىم كوبەيدى، تۇرمىسى شۇعىلاعا بولەنىپ، سەنىمى بارعان سايىن كۇشەيدى.

  قازىر شينجياڭنىڭ قوعامدىق جالپى جاعدايى جاراسىمدى دا ورنىقتى، ەكونوميكاسى ورنىقتى اقاۋسىز دامىدى، حالىق تۇرمىسى ۇزدىكسىز جاقساردى، قوعامدىق سالتى كورنەكتى جاقساردى، ءار ۇلت بۇقاراسىنىڭ رۋحاني بەت - بەينەسى ءبىر جولاتا جاڭالاندى، اناردىڭ دانىندەي تىعىز ۇيىسىپ ىنتىماقتاستى، شينجياڭ تاريحتان بەرگى ەڭ جاقسى گۇلدەنۋ، دامۋ مەزگىلىندە تۇر. ءىس جۇزىندىك شينجياڭنىڭ زاڭ بويىنشا كاسىپتىك شەبەرلىككە تاربيەلەۋ - باۋلۋ قىزمەتىن ورىستەتۋىنىڭ مۇلدە پالەندەي ادامدىق ەركىندىكتى شەكتەۋ، ماقرۇم ەتۋ شاراسى ەمەستىگىن، قايتا تاربيەلەنۋشىلەردىڭ لاڭكەستىكتىڭ، ءدىني ۇشقارىلىقتىڭ بۇعاۋىنان قۇتىلۋىنا كومەكتەسەتىن زاڭ بويىنشا قولدانىلعان ماڭىزدى شارا ەكەندىگىن، ادامنىڭ يدەياسىن ازات ەتەتىن، ساپاسىن وسىرەتىن جانە اناعۇرلىم ويداعىداي دامۋىن جۇزەگە اسىراتىن شارا ەكەندىگىن، حالىقارالىق قوعامنىڭ لاڭكەستىككە قارسى تۇرۋ، ۇشقارىلىقتى الاستاۋ باستاماسىن جانە ۇستانىمىن تياناقتاندىرۋدىڭ ناقتى بەينەسى ەكەندىگىن، بۇل شارالاردىڭ بىرلەسكەن مەملەكەتتەر ۇيىمىنىڭ لاڭكەستىككە سوققى بەرۋ، نەگىزگى ادامدىق ۇقىقتى قورعاۋ باستى ماقساتى مەن پرينسيبىنە بۇكىلدەي ۇيلەسەتىندىگىن، شينجياڭدا قوعام ورنىقتىلىعىن جۇزەگە اسىرۋمەن بىرگە، وڭىرلىك حاۋىپسىزدىك پەن ورنىقتىلىقتى دا پارمەندى تۇردە قورعاعاندىعىن، حالىقارالىق لاڭكەستىككە قارسى تۇرۋ كۇرەسى ءۇشىن پايدالى ىزدەنىس جاساعاندىعىن، ماڭىزدى ۇلەس قوسقاندىعىن دالەلدەدى. ءبىز قازىرگى گۇلدەنگەن، ورنىقتى شينجياڭ بارلىق قاستاندىقپەن قارالاۋعا، جالا جابۋعا، داتتاۋعا قاراتىلعان ەڭ باتىل، ەڭ پارمەندى قايتارما شابۋىل ەكەندىگىنە كامىل سەنەمىز!

  امەريكا، باتىس قوعامدىق پىكىرى مەن كەيبىر ساياساتپازدارى جوعارىداعى شىندىقتارعا كوز سالماۋمەن، قۇلاق قويماۋمەن بىرگە، شينجياڭنىڭ ىستەرىنە قيسىنسىز كيلىكتى، ورىنسىز باعا بەردى، ماقساتى مۇلدە پالەندەي ”ادامدىق ۇقىق“ جانە ”دەموكراتيا“ ءۇشىن ەمەس، قايتا ”شينجياڭ كوزىرى“نەن پايدالانىپ جۇڭگونىڭ گۇلدەنۋىن، ورنىقتىلىعىن بۇلدىرۋگە ۇرىنۋ، مۇنداعى سۇرقيا نيەتى بەسەنەدەن بەلگىلى. شينجياڭ جۇڭگو تەرريتورياسىنىڭ ايرىلماس ءبىر بولىگى، شينجياڭداعى ءار ۇلت جۇڭحۋا ۇلتىنىڭ قۇرامداس بولىگى، شينجياڭ ىستەرى بۇكىلدەي جۇڭگونىڭ ىشكى ءىسى. حالىق ساياسي كەڭەسى مەملەكەتتى جونگە سالۋ جۇيەسىنىڭ ماڭىزدى قۇرامداس بولىگى، قوعامنىڭ ىنتىماعىن، ورنىقتىلىعىن قورعاۋداعى ماڭىزدى كۇش. شينجياڭداعى ءار دارەجەلى ساياسي كەڭەس ۇيىمدارى مەن ءار ۇلت ءار سالا ساياسي كەڭەس مۇشەلەرى مىنانى قاتاڭ تالاپ ەتەدى: شينجياڭعا ساياتىن ماسەلەلەردەن پايدالانىپ جۇڭگونىڭ ىشكى ىسىنە ارالاساتىن قاتە ارەكەت اتاۋلىنىڭ ءبارىن دەرەۋ توقتاتۋ كەرەك. ءارقانداي كۇش، ءارقانداي ادام جۇڭگو ۇكىمەتى مەن تۇتاس جۇڭگو حالقىنىڭ مەملەكەتتىڭ يەلىك ۇقىعىن، حاۋىپسىزدىگىن، تۇتاستىعىن قورعاۋ، شينجياڭنىڭ گۇلدەنۋىن، ورنىقتىلىعىن قورعاۋ بەرىك جىگەرى مەن مىعىم سەنىمىن تومەن شامالاماسىن، ويتپەگەندە بىرەۋگە سىلتەگەن شوقپارى وزىنە تيەدى. سۇرقيا ارەكەت اتاۋلىنىڭ ءبارى تەك جۇڭگو حالقىن اناعۇرلىم ءبىر نيەتتە ىنتىماقتاستىرىپ، جۇدىرىقتاي جۇمىلدىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قايراتتانا العا ىلگەرىلەتەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.