− امەريكا جاقتى جۇڭگونىڭ ىشكى ىسىنە كيلىگۋىن دوعارۋعا قۋزادى
شينحۋا اگەنتتىگىنىڭ 12 - ايدىڭ 4 - كۇنى بەيجيڭنەن بەرگەن حابارى. جۇڭگو سىرتقى ىستەر مينيسترلىگىنىڭ ورىنباسار مينيسترى چين گاڭ 12 - ايدىڭ 4 - كۇنى امەريكانىڭ جۇڭگودا تۇراتىن ەلشىحاناسىنىڭ جاۋاپتىسى كىيۋۋيدى شاقىرىپ كەزدەسىپ، امەريكا پارلامەنتى قاۋىم پالاتاسىنىڭ ”2019 - جىل ۇيعۇر ادامدىق ۇقىقتارى ساياسات زاڭ جوباسىن“ قاراپ ماقۇلداعاندىعى تۋرالى قاتاڭ سويلەستى جانە كۇشتى قارسىلىق ءبىلدىردى، امەريكا جاقتى قاتەلىكتەرىن دەرەۋ تۇزەتىپ، شينجياڭعا ساياتىن ماسەلەلەردى جەلەۋ ەتىپ جۇڭگونىڭ ىشكى ىسىنە كيلىگۋىن دوعارۋعا قۋزادى.
چين گاڭ مىنانى اتاپ كورسەتتى: شينجياڭ − جۇڭگونىڭ ءبىر بولىگى، شينجياڭ ىستەرى مۇلدە جۇڭگونىڭ ىشكى ءىسى، ءارقانداي شەتەلدىڭ كيلىگۋىنە جول بەرىلمەيدى. امەريكا پارلامەنتىنىڭ جوعارىدا اتالعان زاڭ جوباسى جۇڭگو جاقتىڭ شينجياڭدا زاڭ بويىنشا قولدانعان لاڭكەستىككە قارسى تۇرۋ جانە ۇشقارىلىقتى الاستاۋ شارالارىن ادامدىق ۇقىققا سۇعاناقتىق جاسادى دەپ بۇرمالادى، شىندىقپەن ساناسپاي، دۇرىس پەن بۇرىستى شاتاستىرىپ، ار - ۇجىدانعا قايشى كەلىپ، لاڭكەستىككە قارسى تۇرۋ ماسەلەسىندە قوس ولشەم قولدانىپ، حالىقارالىق زاڭ مەن حالىقارالىق قاتىناستىڭ نەگىزگى ولشەمىنە اۋىر قايشىلىق جاساپ، جۇڭگونىڭ ىشكى ىسىنە دورەكىلىكپەن كيلىگىپ، بۇكىلدەي قاتە جاقتا تۇردى. جۇڭگو جاق بۇعان قاتتى كەكتەنگەندىگىن، باتىل قارسى تۇراتىندىعىن ءبىلدىردى.
چين گاڭ مىنانى باسا دارىپتەدى: جۇڭگو جاق مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ بەكىمىنەن مىزعىمايدى. جۇڭگونىڭ ۇلتتار قاتىناسىنا ىرتكى سالۋدى، شينجياڭنىڭ كوركەيىپ - گۇلدەنۋى مەن ورنىقتىلىعىن بۇلدىرۋگە، جۇڭگونىڭ دامۋىن، العا باسۋىن شاۋجايلاۋعا ءارقانداي قاسكۇنەمدىك اتاۋلى تۇبىندە جەڭىلىسپەن تىنادى. جۇڭگو جاق امەريكا جاقتى قاتەلىگىن تاباندا تۇزەتىپ، لاڭكەستىككە قارسى تۇرۋ ماسەلەسىندەگى قوس ولشەمدى تاستاپ، جوعارىدا ايتىلعان شينجياڭعا ساياساتىن زاڭ جوبانىڭ زاڭعا اينالۋىن توسىپ، شينجياڭعا ساياتىن ماسەلەلەردەن پايدالانىپ جۇڭگونىڭ ىشكى ىسىنە كيلىگۋىن توقتاتۋعا قاتاڭ قۋزايدى. جۇڭگو جاق جاعدايدىڭ دامۋىنا قاراي ونان ارى اڭىس قايتارادى.
