تيانشان تورى
تيانشان تورى   ›   جاڭالىقتار   ›   سۋرەتتى حابار

چىن چۋانگو اۆتونوميالى رايوننىڭ پارتيا، ۇكىمەت قۇرىلىم رەفورماسىن تەرەڭدەتۋدى قورىتىندىلاۋ ماجىلىسىندە بىلاي دەپ باسا دارىپتەدى

قۇرىلىم رەفورماسىنىڭ تابىستارىن بەكەمدەپ، رەفورمانى جاپپاي تەرەڭدەتۋ مىندەتىن تياناقتاندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن قاز - قالپىندا ناقتاپ تياناقتاندىرۋعا شىنايى كەپىلدىك ەتۋ كەرەك

شوكىرات زاكىر باسقاردى، شاۋكەت يمىن، سۇن جينلۇڭ قاتىناستى

  تىلشىلەر ياۋ تۇڭ، ۋاڭ شيڭرۇي 12 - ايدىڭ 5 - كۇنى ۇرىمجىدەن حابارلايدى. 12 - ايدىڭ 5 - كۇنى تۇستەن بۇرىن اۆتونوميالى رايوننىڭ پارتيا، ۇكىمەت قۇرىلىم رەفورماسىن تەرەڭدەتۋدى قورىتىندىلاۋ ءماجىلىسى اشىلدى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، قۇرىلىم رەفورماسىنىڭ تابىستارىن ويداعىداي بەكەمدەۋگە، رەفورمانى جاپپاي تەرەڭدەتۋدىڭ مىندەتتەرىن ويداعىداي تياناقتاندىرۋعا قۇلشىنىپ، شينجياڭدى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋگە، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا اناعۇرلىم بەرىك، پارمەندى كەپىلدىك ازىرلەۋ كەرەك.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى. اۆتونوميالى رايوننىڭ باسشىلارىنان شاۋكەت يمىن، سۇن جينلۇڭ، شۇي حايرۇڭ، ەركىن تۇنياز، ۋاڭ جۇنجىڭ، سارقىت اقان، ياڭ شين، جاڭ چۇنلين قاتارلىلار ماجىلىسكە قاتىناستى.

  چىن چۋانگو بىلاي دەپ اتاپ كورسەتتى: باس شۋجي شي جينپيڭ پارتيا مەن مەملەكەتتىڭ قۇرىلىم رەفورماسىن تەرەڭدەتۋدى قورىتىندىلاۋ ماجىلىسىندەگى ماڭىزدى سوزىندە قۇرىلىم رەفورماسىنىڭ تابىستارىن بەكەمدەۋ، رەفورمانى جاپپاي تەرەڭدەتۋدى ىلگەرىلەتۋ جونىندە ايقىن تالاپ قويىپ، كەلەلى ورنالاستىرۋ جاسادى، ول جاڭا داۋىردە قۇرىلىم رەفورماسىن تەرەڭدەتۋدىڭ ارەكەت باعدارلاماسى بولىپ، رەفورمانى جاپپاي تەرەڭدەتۋدى اناعۇرلىم ىلگەرىلەتۋگە قۇدىرەتتى قوزعاۋشى كۇش بەردى. بۇكىل رايونىمىزدا جوعارىدان - تومەنگە دەيىن باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرۋ كەرەك.

  چىن چۋانگو بىلاي دەپ اتاپ كورسەتتى: پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، اۆتونوميالى رايون رايون، ايماق، اۋدان 3 دارەجەلى قۇرىلىم رەفورماسىن ورنىقتى، ءتارتىپتى تۇردە ىلگەرىلەتىپ، پارتيا، ۇكىمەت قۇرىلىم رەفورماسىنىڭ مىندەتتەرىن ءساتتى ورىندادى. قۇرىلىم رەفورماسى ارقىلى اۆتونوميالى رايوننىڭ جالپى جاعدايعا ساياتىن كەلەلى قىزمەتتەرگە ءبىر تۇتاس باسشىلىعىن جانە سايكەستىرۋىن اناعۇرلىم كۇشەيتىپ، پارتيانىڭ باسشىلىق قۋاتىن كۇشەيتىپ، ۇكىمەتتىڭ اتقارۋ قابىلەتىن جوعارىلاتىپ، پارتيا، ۇكىمەت قۇرىلىمدارىنىڭ قاتىناسىن اناعۇرلىم جونگە سالىپ، قىزمەت ونىمدىلىگىن جوعارىلاتىپ، اينالىمى ىركىلىسسىز، ومىرشەڭدىك كۇشكە باي، بۇيرىقتى بۇلجىتپاي اتقاراتىن قىزمەت جۇيەسىن قۇرىپ، رەفورمانىڭ كوزەۋلى نىساناسىنا جەتىپ، قوعامدى جونگە سالۋ جۇيەسىن كەمەلدەندىرۋگە، جونگە سالۋ قابىلەتىن وسىرۋگە، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ۇيىمدىق قامتاماسىزدىق ازىرلەدى.

  چىن چۋانگو بىلاي دەپ باسا دارىپتەدى: پارتيانىڭ جاپپاي باسشىلىعىنا تاباندى بولۋ مەن ونى كۇشەيتۋدى ءبىر تۇتاس باسشىلىققا الىپ، قۇرىلىم فۋنكتسياسىنىڭ ساپالى، سايكەسىمدى، جوعارى ءونىمدى بولۋىن ىلگەرىلەتۋدى كۇش سالۋ ءتۇيىنى ەتىپ، ءتۇزىم - مەحانيزمدەردى اناعۇرلىم كەمەلدەندىرىپ، مىندەت وتەۋ، قىزمەت ەتۋ قابىلەتى مەن دەڭگەيىن ۇزدىكسىز جوعارىلاتىپ، قۇرىلىم رەفورماسىنىڭ تابىستارىن ويداعىداي بەكەمدەپ، شينجياڭدى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ كەرەك. پارتيانىڭ كەلەلى قىزمەتتەرگە باسشىلىق مەحانيزمىن اقاۋسىزداندىرۋ كەرەك. پارتكومنىڭ ءىس كەڭەسۋ سايكەستىرۋ قۇرىلىمى ءىرى ىستەردى اقىلداسۋعا، ءىرى ىستەردى قاراۋعا، ءىرى ىستەردى يگەرۋگە تاباندى بولىپ، كەلەلى قىزمەتتەرگە باسشىلىقتى كۇشەيتىپ، پارتكومنىڭ جاقسى اقىلشى كومەكشىسى بولۋ كەرەك. ءىس قاراۋ سايكەستىرۋ قۇرىلىمىنىڭ تۇراقتى جۇمىس قۇرىلىمىندىق ورنىن ءداپ باسىپ يگەرىپ، قىزمەت ءتاسىلى مەن ادىسىنە جاڭالىق ەنگىزۋ كەرەك. ءار دارەجەلى پارتيا قىزمەت ورگاندارى پارتيانىڭ جاپپاي باسشىلىعىنا باستاماشىلدىقپەن تاباندى بولىپ جانە ونى كۇشەيتىپ، فۋنكتسيالىق رولىن اناعۇرلىم جاقسى ساۋلەلەندىرۋ كەرەك. پارتيا، ۇكىمەت قۇرىلىمدارىنىڭ فۋنكتسياسىن ءبىر تۇتاس جوسپارلاۋدى كۇشەيتۋ كەرەك. پارتيا، ۇكىمەت قۇرىلىمدارىنىڭ قاتىناسىن شىن مانىندە جونگە سالىپ، پارتيانىڭ فۋنكتسيالىق تاراۋلارىنىڭ ءبىر تۇتاس سالا بويىنشا سايكەستىرىپ باسقارۋ فۋنكتسياسىن ويداعىداي ساۋلەلەندىرىپ، پارتيا، ۇكىمەت قۇرىلىمدارىنىڭ قىزمەت جاۋاپكەرشىلىكتەرىنىڭ ورگانيكالى ۇشتاسۋىن، ءوزارا ءبىر تۇتاس سايكەسۋىن كۇشەيتۋ كەرەك. مىندەت وتەپ، جاۋاپكەرشىلىكتى ادا ەتۋ قابىلەتى مەن دەڭگەيىن ءوسىرۋ كەرەك. ”ءۇشتى تۇراقتاندىرۋ“ بەلگىلەمەسىنە قاتاڭ نەگىزدەلىپ مىندەت وتەپ، جاۋاپكەرشىلىكتى ادا ەتىپ، سانالى تۇردە كەلەلى جاعداي استىندا وي جۇگىرتىپ، كەلەلى جاعداي استىندا قيمىلداپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن ۇشتاستىرىپ، قوعام ورنىقتىلىعى مەن باياندى تىنىشتىق باس نىساناسىن، حالىقتىڭ كۇن سايىن ارتىپ وتىرعان تاماشا تۇرمىس قاجەتىن مىقتاپ ارقاۋ ەتە مىندەتتى ويداعىداي وتەۋ، جاۋاپكەرشىلىكتى ويداعىداي ادا ەتۋ كەرەك. ءار جاقتىڭ رەفورما بەلسەندىلىگىن ويداعىداي ساۋلەلەندىرۋ كەرەك. ءارقايسى تاراۋلار ءوز كاسىپ سالاسىنداعى، ءوز جۇيەسىندەگى ايماق، اۋدان 2 دارەجەلى تاراۋلارعا جەتەكشىلىك ەتۋ مەن باقىلاۋدى كۇشەيتىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋدى ۇزدىكسىز ىلگەرىلەتىپ، نەگىزگى ساتىعا اناعۇرلىم كوپ وزىندىك ۇقىق بەرىپ، جەرگىلىكتى جاعدايعا قاراي ىستەۋگە تاباندى بولىپ، قۇرىلىم رەفورماسىنىڭ تابىستارىن بەكەمدەپ، ورنىقتىلىق نەگىزىن اناعۇرلىم نىعايتۋ، دامۋداعى بوگەتتەردى شەشۋ، قىزمەتتەگى ولقىلىقتاردى تولىقتاۋ كەرەك. قاتىستى سايكەستى رەفورمالاردى ءبىر تۇتاس ىلگەرىلەتۋ كەرەك. ءىسورىندارى رەفورماسىن تەرەڭدەتىپ، اكىمشىلىك ورىندارى مەن ءىسورىندارىن ايىرۋ، ءىسورىندارى مەن كاسىپورىندى ايىرۋ، باسقارۋ مەن جۇمىس جۇرگىزۋدى ءبولۋدى جەدەل ىلگەرىلەتۋ؛ بازار باقىلاۋ - باسقارۋ، ەكولوگيالىق ورتانى قورعاۋ، مادەنيەت بازارى، قاتىناس - تاسىمال، اۋىل شارۋاشىلىعى سياقتى سالالارداعى جالپىلىق اكىمشىلىك زاڭ اتقارۋ رەفورماسىن اناعۇرلىم كەمەلدەندىرۋ؛ اۋىل - قالاشىق (ءمالى) رەفورماسىن نىق قاداممەن ىلگەرىلەتىپ، نەگىزگى ساتىنىڭ ورنىقتىلىعىن قورعاۋعا ءتيىمدى، ءار ۇلت بۇقاراسىنا قولايلى، نەگىزگى ساتى ىستەرىنىڭ ەرەكشەلىگىنە ۇيلەسەتىن، ىقشام دا جوعارى ءونىمدى نەگىزگى ساتى باسقارۋ ءتۇزىلىسىن كۇش سالا قۇرۋ كەرەك. رەفورمانى جاپپاي تەرەڭدەتۋدى ىلگەرىلەتۋ كەرەك. پارتيا ورتالىق كوميتەتى ورنالاستىرعان رەفورما مىندەتتەرىن جانە پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ورنالاستىرعان مىندەتتەردى ءبىر تۇتاس ىلگەرىلەتۋ، ءبىر تۇتاس تياناقتاندىرۋ؛ پارتيانىڭ رەفورما قىزمەتىنە باسشىلىق ەتۋ ءتۇزىلىس - مەحانيزمىن اناعۇرلىم اقاۋسىزداندىرىپ، شوعىرلاندىرۋ اسەرىن قالىپتاستىرۋ؛ رەفورمانىڭ ستراتەگيالىق تاباندىلىعىن ساقتاپ، رەفورمانىڭ جۇيەلىلىگىن، جالپى تۇلعالىلىعىن، سايكەستىلىگىن كۇشەيتىپ، ءار سالاداعى رەفورمانىڭ ىلگەرىلەتىلۋىن ءبىر تۇتاس جوسپارلاپ، جالپى تۇلعالىق اسەر قالىپتاستىرۋ كەرەك.

  شوكىرات زاكىر بىلاي دەپ اتاپ كورسەتتى: ءار دارەجەلى قاتىستى تاراۋلار يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل بىرلىككە كەلتىرىپ، اۆتونوميالى رايوندىق پارتكومنىڭ ورنالاستىرۋى بويىنشا قۇرىلىم رەفورماسىنىڭ تابىستارىن شىن مانىندە ويداعىداي بەكەمدەپ، رەفورمانى جاپپاي تەرەڭدەتۋ مىندەتتەرىن ويداعىداي تياناقتاندىرىپ، شينجياڭدى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن بەلسەنە ىلگەرىلەتۋدى قۇلشىنۋ بەتالىسى ەتىپ، رايونىمىزداعى ءار دارەجەلى پارتيا، ۇكىمەت قۇرىلىمدارىنىڭ فۋنكتسيالىق جۇيەسىن كەمەلدەندىرۋدى ۇزدىكسىز ىلگەرىلەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا اناعۇرلىم بەرىك تە پارمەندى تۇزىلىستىك، مەحانيزمدىك قامتاماسىزدىق ازىرلەپ، جۇڭگوشا سوتسياليستىك شينجياڭ قۇرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا تىڭ ۇلەس قوسۋ كەرەك.

  ءماجىلىس تەلەۆيزور، تەلەفون ءماجىلىسى فورماسىندا اشىلدى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلارى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، قارۋلى ساقشى شينجياڭ باس اترەتىندەگى قاتىستى جاۋاپتى جولداستار، اۆتونوميالى رايوننىڭ پارتيا، ۇكىمەت قۇرىلىم رەفورماسىن تەرەڭدەتۋ باسشىلىق گرۋپپاسىنىڭ مۇشەلەرى، اۆتونوميالى رايونعا (ورتالىق) توتە قاراستى ورىندارداعى قاتىستى جاۋاپتى جولداستار نەگىزگى ءماجىلىس الاڭىندا ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.