ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 3 - ءماجىلىسىن كەلەر جىلى 1 - ايدا ۇرىمجىدە اشۋدى ۇيعاردى
ءتىلشى جاڭ يانفاڭ 12 - ايدىڭ 6 - كۇنى ۇرىمجىدەن حابارلايدى. 12 - ايدىڭ 6 - كۇنى ساياسي كەڭەس اۆتونوميالى رايوندىق 12 - كەزەكتى كوميتەتى تۇراقتى كوميتەتىنىڭ8 - رەتكى ءماجىلىسى جابىلدى، ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 3 - ءماجىلىسىن 2020 - جىلى 1 - ايدا ۇرىمجىدە اشۋدى ۇيعاردى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى.
ءماجىلىس ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 3 - ءماجىلىسىن اشۋ جونىندەگى قاراردى قاراپ ماقۇلدادى؛ ساياسي كەڭەس تۇراقتى كوميتەتىنىڭ قىزمەت بايانداماسىن جانە ۇسىنىس جوبا قىزمەتى احۋالى جونىندەگى باياندامانى ماقۇلدادى، ساياسي كەڭەس اۆتونوميالى رايوندىق 12 - كەزەكتى كوميتەتى 3 - ءماجىلىسىنىڭ كەڭەستىك ءتارتىبى (جوبا)، كۇن ءتارتىبى سياقتى قاتىستى ىستەردى ماقۇلدادى، قاتىستى جوبالاردى جانە باياندامالاردى ءتارتىپ بويىنشا ساياسي كەڭەس اۆتونوميالى رايوندىق 12 - كەزەكتى كوميتەتى 3 - ءماجىلىسىنىڭ قاراۋىنا جولدايدى؛ «جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق كوميتەتى جالپى ءماجىلىسىنىڭ قىزمەت ەرەجەسىن»، «جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق كوميتەتى تۇراقتى كوميتەتىنىڭ قىزمەت ەرەجەسىن»، «جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق كوميتەتىنىڭ مۇشەلەردىڭ مىندەت اتقارۋىن باسقارۋ ءادىسىن»، «جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق كوميتەتىنىڭ ۇسىنىس جوبا قىزمەتى ەرەجەسىن» جانە كادرلار ىسىنە قاتىستى ىستەردى ماقۇلدادى.
ءماجىلىس مىنالاردى باسا دارىپتەدى: ساياسي دەڭگەيدى اناعۇرلىم جوعارىلاتىپ، ءوز قىزمەتىن تىڭعىلىقتى ويداعىداي ىستەپ، قوعامداعى ءار سالانى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن جانە ورتالىقتىڭ ساياسي كەڭەس قىزمەتى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، ءبىر نيەتپەن ىنتىماقتاسىپ، جاۋعا قاھار توگىپ، قوعامنىڭ جاراسىمدى، ورنىقتى اسا تاماشا جاعدايىن بار كۇشپەن ويداعىداي قورعاۋعا، ويداعىداي دامىتۋعا جەتەلەۋ كەرەك.
ءماجىلىس مىنالاردى باسا دارىپتەدى: مەملەكەتتىك ساياسي كەڭەس 13 - كەزەكتى كوميتەتى تۇراقتى كوميتەتىنىڭ 9 - رەتكى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 9 - كەزەكتى پارتكوم سەگىزىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، اناعۇرلىم تۇردە ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداۋ كەرەك. پارتيانىڭ ساياسي كەڭەس قىزمەتىنە جاپپاي باسشىلىعىنا بۇلجىماستان تاباندى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ارناۋلى كەڭەس قۇرىلىمدارىنىڭ سيپاتىن، ورنىن ءداپ باسىپ يگەرىپ، قوس باعىتتا كۇش سالۋ فۋنكتسيالىق جاۋاپكەرشىلىگىن دەن قويا اتقارىپ، ساياسي كەڭەس مۇشەلەرىنىڭ، ارناۋلى كوميتەتتەرىنىڭ جانە ساياسي كەڭەس كادرلارىنىڭ جاۋاپكەرشىلىك ارقالاۋىن كۇشەيتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا قىزمەت ەتۋدى قىزمەت نەگىزگى جەلىسى، كەدەيلىكتەن ارىلتۋدان قامال الۋعا دەم بەرۋدى مىندەت اتقارۋ قىزمەت ءتۇيىنى ەتىپ، ۇلتتار ىنتىماعى جانە ءدىن جاراسىمدىلىعىن جەبەۋ قىزمەتىن تىڭعىلىقتى ىستەپ، اۆتونوميالى رايوندىق پارتكومنىڭ وزەكتى قىزمەتىنە ورتاق تانىم ۇيىستىرىپ، كەلەلى كەڭەس بەرىپ، ىسكەرلىك شارالارىن كورسەتۋ كەرەك.
ءماجىلىس مىنالاردى تالاپ ەتتى: ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 3 - ءماجىلىسىن ويداعىداي اشۋعا بار كۇشپەن دايىندىق جاساپ، كوتەرىڭكى ساياسي ىنتامەن، كۇشتى جاۋاپكەرشىلىكپەن ءتۇرلى دايىندىق قىزمەتتى ناقتى، تىڭعىلىقتى، تياناقتى يگەرىپ، ءماجىلىستىڭ جەڭىسپەن اشىلۋىنا، تابىستى بولۋىنا شىنايى كەپىلدىك ەتۋ كەرەك.
اۆتونوميالى رايوندىق ساياسي كەڭەستىڭ ورىنباسار ءتوراعالارى چىڭ جىنشان، ءجۇرات يمىن، ماعاۋ سەيىتقامزا، ورىنباسار ءتوراعا، قوسىمشا باس حاتشى جاڭ بو، ورىنباسار ءتوراعالار ءمۇتاللىپ وبۇل، كۇڭ شيڭلۇڭ، ياڭ يۇڭ، يلھام سابىر، ما شيۇڭچىڭ، ابدۇرىقىپ تومۇرنياز ماجىلىسكە قاتىناستى.
