شينجياڭ گازەتىنىڭ شولۋشىسى
شينجياڭنىڭ گۇلدەنگەن، ورنىقتى، ۇلتتار ىنتىماقتى، ءدىن جاراسىمدى جاعدايدى ۇزدىكسىز ساقتاۋى − ەڭ كەڭ جۇرت تىلەگى جانە ەڭ زور ادامدىق ۇقىق، امەريكانىڭ قيسىنسىز جازعىرۋىنا جانە دورەكىلىكپەن كيلىگۋىنە بەرىلگەن ەڭ پارمەندى قايتارما سوققى.
امەريكا پارلامەنتى قاۋىم پالاتاسى ايتىلمىس شينجياڭعا ساياتىن ”زاڭ جوبا“نى ماقۇلداپ، جۇڭگو شينجياڭىنىڭ ادامدىق ۇقىق جاعدايىنا سۇرقيالىلىقپەن جالا جاۋىپ، قيسىنسىز جازعىرىپ، شينجياڭعا ورشەلەنە كۇيە جاقتى، شىندىقپەن ساناسپاي، اق پەن قارانى شاتاستىرعان مۇنداي ارەكەت جۇڭگو حالقىنىڭ، اسىرەسە، شينجياڭداعى ءار ۇلت حالقىنىڭ كوڭىلىن اۋىر جارالاپ قانا قويماي، ءتىپتى جۇڭگونىڭ ىشكى ىسىنە دورەكىلىكپەن كيلىكتى، بۇل حالىقارالىق زاڭ مەن حالىقارالىق قاتىناس نەگىزگى ولشەمىن كوپە - كورنەۋ اياق استى ەتكەندىك. امەريكا جاقتىڭ شينجياڭعا ساياتىن ايتىلمىس ”زاڭ جوبا“سى تەك قانا شينجياڭداعى ءار ۇلت حالقىن قامتىعان قالىڭ جۇڭگو حالقىنا ولاردىڭ ارام نيەتتەرى مەن زورەكەرلىك ءمانىن ونان ارى ايقىن كورسەتىپ بەرەدى، تەك قانا جۇڭگو حالقىنىڭ ونان ارى ەل بىرلىگىن بەرىك قامال ەتىپ، كورىكتى شينجياڭ قۇرۋعا زەيىن - زەردەسىن، كۇش - قۋاتىن شوعىرلاندىرادى. شينجياڭ گۇلدەنگەن، ورنىقتى، دامىعان بۇگىنگىدەي جاعدايعا يە بولىپ قانا قويماي، ءسوزسىز، اناعۇرلىم جاقسى بولاشاققا دا يە بولادى.
امەريكا شىعارعان شينجياڭعا ساياتىن ايتىلمىس ”زاڭ جوبا“نىڭ ەشقانداي شىندىق نەگىزى جوق، تەكسەرىپ سىپاتتاماعان جاعدايدا، ءتۇستى كوزىلدىرىك تاعىپ، ادامدىق ۇقىقتى جەلەۋ ەتىپ، شىندىقتى بۇرمالاپ، اۋزىنا كەلگەندى كوكىپ، شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ قىزمەتىنە سۇرقيالىلىقپەن جالا جاپتى. مۇنداي جەكسۇرىندىق ارەكەت، ”ءۇش ءتۇرلى كۇشتىڭ“ زورلىقتى كۇش، لاڭكەستىك ارەكەتتەرى مەن باسىنان اسقان قىلمىستارىن كورمەسكە سالىنعاندىق، شينجياڭداعى ءار ۇلت حالقىنىڭ تاماشا تۇرمىسقا تالپىنىسىن كورمەسكە سالدى، شينجياڭنىڭ قوعامى جاراسىمدى، ورنىقتى، حالقىنىڭ تىنىش ءومىر، شات - شادىمان تىرشىلىك كەشكەن شىندىعىن كورمەسكە سالدى، ولاردىڭ لاڭكەستىككە قارسى تۇرۋ ماسەلەسىندە قوس ولشەم قولدانعان كولگىرلىگى مەن اسىرە پايداكوستىگى بەسەنەدەن بەلگىلى، ولاردىڭ ايتىلمىس شينجياڭعا ساياتىن ماسەلەلەردەن پايدالانىپ ۇلتتار قاتىناسىنا ىرتكى سالۋ، شينجياڭنىڭ ورنىقتىلىعىن ءبۇلدىرۋ، جۇڭگونىڭ دامۋىنا، زورايۋىنا توسقىندىق جاساۋ زورەكەرلىك جات نيەتى بەسەنەدەن بەلگىلى. ءبىز مۇنداي سوراقى سايقالدىقتىڭ پاتشانىڭ جاڭا كيىمى سەكىلدى ءوزى قۇراپ، ءوزى قويعان ماسقارالىق ويىن ەكەندىگىن، ءسوز جوق، جىعا تانۋىمىز كەرەك، مۇنىڭ دۇيىم جۇرتتىڭ كەلەكەسىنە قالارى حاق.
شينجياڭدىقتار بۇگىنگىدەي باقىتتى تۇرمىستىڭ وڭاي قولعا كەلمەگەندىگىن ابدەن بىلەدى. وتكەن ءبىر مەزگىلدە، شينجياڭ لاڭكەستىكتىڭ، ءدىني ۇشقارىلىقتىڭ زيانىنا مەيلىنشە ۇشىرادى، حالىقتىڭ باس اماندىعى مەن مال - مۇلىك حاۋىپسىزدىگىنە اۋىر حاۋىپ ءتوندى. لاڭكەستىككە قارسى تۇرۋ مەن ۇشقارىلىقتى الاستاۋ جونىنەن زاڭ بويىنشا ءبىرسىپىرا ساقتانۋ سيپاتتى شارالار قولدانىلعاننان بەرى، ءۇرتىس 3 جىل زورلىقتى كۇش، لاڭكەستىك دەلوسى (وقيعاسى) تۋىلمادى، ءار ۇلت حالقىنىڭ تىرشىلىك ۇقىعى، ءومىر ءسۇرۋ ۇقىعى، دامۋ ۇقىعى ەڭ جوعارى شەكتە قامتاماسىزداندىرىلدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى ارتتى، شينجياڭداعى ءار ۇلت حالقىنىڭ جاپپاي قولداۋىنا يە بولدى ءارى دۇنيە ءجۇزىنىڭ لاڭكەستىككە قارسى تۇرۋ ىسىنە بەلسەندى ۇلەس قوستى. ءىس جۇزىندىك شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ شارالارىنىڭ لاڭكەستىككە، ۇشقارىلىققا سوققى بەرۋ مەن ساقتانۋداعى پارمەندى شارالار ەكەندىگىن، مەملەكەت پەن حالىقتىڭ ءتۇبىرلى مۇددەسىن قورعاۋداعى ناقتى شارا، جاسامپاز شارا، ءادىل شارا ەكەندىگىن سىپاتتادى. قاتاڭ دا كۇردەلى جاعداي الدىندا، پارتيا مەن ۇكىمەت باتىل شارا قولدانىپ، لاڭكەستىكتىڭ، ءدىني ۇشقارىلىقتىڭ ءوسىپ - ونەتىن توپىراعى مەن شارت - جاعدايىن ەڭ جوعارى شەكتە جويىپ، ازاماتتاردىڭ نەگىزگى ۇقىعىنىڭ لاڭكەستىكتىڭ، ءدىني ۇشقارىلىقتىڭ زيانىنا ۇشىراماۋىن ەڭ جوعارى شەكتە قامتاماسىزداندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا بەرىك نەگىز قالادى.
”ءيت ۇرەدى، كەرۋەن كوشەدى“. شينجياڭنىڭ باياندى گۇلدەنۋى، ورنىقتىلىعى − قارا نيەت قاسكۇنەمدىككە، سۇرقيا ارەكەتتەرگە بەرىلگەن پارمەندى قايتارما سوققى، تەك سىرتقى كۇشتەردىڭ شينجياڭ ىسىنە كيلىگۋىنە قارسى تۇراتىن بەكىمنەن اۋىتقىماعاندا، لاڭكەستىككە قارسى تۇرۋ جانە ۇشقارىلىقتى الاستاۋ كۇرەسىن جۇرگىزۋ بەكىمىنەن اۋىتقىماعاندا، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ بەكىمىنەن اۋىتقىماعاندا عانا، ءارقانداي كۇش شينجياڭنىڭ ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن تاماشا بولاشاققا بەت الۋىنا بوگەت بولا المايدى.
