قاشقار قالاسى نازارباع قالاشىعىنىڭ تۇرعىنى
تۇنيساگۇل مامەت
مەن بيىل 62 جاستامىن، ءۇيىم قاشقار قالاسى نازارباع قالاشىعى العا قىستاعىندا. مەن پارتيا مەن ۇكىمەتتىڭ ۇلىم رۇستام مامەتكە كاسىپتىك شەبەرلىككە تاربيەلەۋ - باۋلۋعا قاتىناسۋ ورايىن بەرىپ، ونى عانا قۇتقارىپ قويماي، قايتا تۇتاس وتباسىمىزدى قۇتقارعانىنا شىن جۇرەكتەن راقىمەت ايتامىن.
ۇلىم رۇستام بۇرىن ۇكىمەت تاراتقان كۋالىكتەردىڭ بارلىعىن جات دىندەگىلەر جاساعان، ”جات دىندەگىلەر“ وندىرگەن ونىمدەرى استە پايدالانۋعا بولمايدى دەگەن قاتە كوزقاراستا بولعان، ول ۇيدەگى ۇكىمەت تاراتقان كۋالىكتەردىڭ بارلىعىن ورتەپ جىبەردى، ۇكىمەت قىزمەتكەرلەرىمەن بايلانىس جاساۋدان باس تارتىپ، ءبىزدىڭ دە ۇكىمەت قىزمەتكەرلەرىمەن بايلانىس جاساۋىمىزعا جول قويمادى. مەنىڭ ۇكىمەت تاراتقان ءتۇرلى قوسىمشا قاراجاتتاردى الۋىما جول بەرمەدى، ءتىپتى، وسى ءۇشىن مەنىمەن رەنجىسىپ، مەن ىستەگەن تاماقتى ىشپەي، مەن جۋعان كيىمدى كيمەي، مەنىمەن انا - بالا بايلانىسىن ۇزەمىن دەدى.
مەن بۇرىن اقىلدى، وپالى ۇلىمنىڭ مۇنشالىق سۋىق، جات باۋىر بولىپ كەتەرىن ويلاماعان ەدىم. مەن ”ءۇش ءتۇرلى كۇش“تىڭ ونى جەلىكتىرىپ، ونى وسىنشالىق ۇشقارى، وسىنشالىق ادامگەرشىلىككە جات ەتىپ وزگەرتىپ جىبەرگەنىن بىلەمىن. مەن ۇنەمى ۇيدە جالعىز وتىرىپ قاسىرەتتەنە جىلاپ، ۇشقارى يدەيانى تاراتقان اناۋ سۇرقيا ادامداردى ىشتەي قاتتى ياناتتاۋشى ەدىم، ولار مەنىڭ ۇلىمدى ۇشقارىلىقتىڭ جولىنا ءتۇسىرىپ، بارعان سايىن الىستاتىپ بارا جاتتى. باقىتقا جاراي پارتيا مەن ۇكىمەت دەر كەزىندە مەنىڭ ۇلىمدى قۇتقارىپ، وعان قاتەلىگىن تانىپ، رايىنا قايتۋ، قايتادان شىت جاڭا ءومىر ءسۇرۋ ورايىن سيلادى. ويتپەگەندە ول ۇشقارىلىقتىڭ، لاڭكەستىكتىڭ قولشوقپارى جانە قۇرباندىعى بولىپ، ءوزىنىڭ دە وزگەنىڭ دە تۇبىنە جەتۋشى ەدى!
رۇستام تاربيەلەۋ - باۋلۋ ورتالىعىنا بارعاننان كەيىن، مەنىڭ كوڭىلىم بىردەن ورنىنا ءتۇستى. ونىڭ تاربيەلەۋ - باۋلۋ ورتالىعى كەزىندەگى باسىنان وتكەرگەن ءاربىر ءىسى، ءاربىر وزگەرىسى، ءاربىر تابىسى تۇگەلدەي مەنى تەبىرەندىردى، قۋاندىردى. ءالى ەسىمدە، 2018 - جىلى قىستا، ول ابايسىزدا باسپالداقتان جىعىلىپ قالادى، تاربيەلەۋ - باۋلۋ ورتالىعىنداعى 2 مۇعالىم كورە سالىسىمەن جۇگىرىپ كەلىپ ونى سۇيەپ تۇرعىزىپ، جاتاعىنا جەتكىزىپ قويادى ءارى دەرۋ ەمحاناعا ۇقتىرادى. باعىنا جاراي ۇلىمنىڭ دەنساۋلىق ماسەلەسى اۋىر بولماسا دا مۇعالىمدار وعان مۇقيات قارايلاستى. ەرتەسى قىسقى توقىراۋ بولاتىن، تاربيەلەۋ - باۋلۋ ورتالىعىنىڭ باسشىلارى ەرتەدەن تۇشپارانى ونىڭ الدىندا الىپ بارعاندا ول اسەرلەنگەنىنەن وكسي جىلايدى! اپتا سايىن ۇيگە قايتقانىندا، ۇلىم ىرىقتىلىقپەن مەنىڭ باسىمدى، اياعىمدى جۋىپ بەرىپ، ماعان كومەكتەسىپ ءۇي جۇمىستارىن ىستەپ، تىم جان اشىر بولىپ كەتتى.
كاسىپتىك شەبەرلىككە تاربيەلەۋ - باۋلۋدىڭ ارقاسىندا، ۇلىمنىڭ مەملەكەتتە ءبىر تۇتاس قولدانىلاتىن ءتىل - جازۋ ورەسى ەرەكشە جوعارىلادى، سونىمەن ءبىر ۋاقىتتا زاڭدىق ساناسى دا كۇشەيدى، ءدىني ۇشقارى يدەيادان قۇتىلىپ، نەنىڭ زاڭدى، نەنىڭ زاڭسىز ەكەنىن بىلەتىن بولدى. ول كوپ ءتۇرلى قولدانىلمالى تەحنيكالاردى جەتىك يگەردى، يدەيالىق ءمورال جانە جەكە باسىندىق جەتىلىم جاعىندا تۇگەلدەي ەرەكشە ءوستى. بۇكىل وتباسىمىزداعىلار پارتيا مەن ۇكىمەتتىڭ كوڭىل ءبولۋىن، قامقورلىعىن تەرەڭ سەزىندىك، ۇلىم قاتەلىك وتكىزگەنىمەن، پارتيا مەن ۇكىمەت بىزدەن كەشپەدى، بىزگە بەيقۇت ءۇي ورنالاستىرىپ، ەڭ تومەنگى تۇرمىستى قامسىزداندىرۋ قاراجاتى سياقتىلاردى بەردى. قازىر رۇستام الدەقاشان وقۋىن تاۋىستى، ۇكىمەتتىڭ كومەگىمەن ءوزى ۇناتقان قىزمەتكە تۇردى، تۇراقتى كىرىسى دە بار. بۇكىل وتباسىمىزداعىلار ايرىقشا قۋاندىق. مەن پارتيا مەن ۇكىمەتتىڭ ۇلىم ءۇشىن ىستەگەن بارلىق ىستەرىنە شىن كوڭىلىمنەن العىس ايتامىن! پارتيا مەن ۇكىمەت ۇلىما ”ەكىنشى رەت ءومىر سيلادى“! بۇل مەنىڭ جۇرەك ءسوزىم ءارى مەنىڭ ماڭايىمداعى وزگە دە تاربيەلەنگەن، باۋلىنعان تاربيەلەنۋشىلەردىڭ اتا - انالارىنىڭ ورتاق جۇرەك ءونى.
