اقسۋ قالاسىنداعى وقۋ تاۋىسقان تاربيەلەنۋشى
مۇرات امەت
تاياۋدا امەريكا پارلامەنتى قاۋىم پالاتاسى ايتىلمىس شينجياڭعا ساياتىن ”زاڭ جوبا“نى جاساپ، شينجياڭنىڭ كاسىپتىك شەبەرلىككە تاربيەلەۋ - باۋلۋ ورتالىعىن ”جازا لاگەرى“ دەپ جازعىردى، بۇعان عازابىم قاتتى قاينادى. امەريكا جاقتىڭ مۇنىسى اۋزىنا كەلگەندى كوكىگەندىك، تاربيەلەۋ - باۋلۋ ورتالىعى مۇلدە پالەندەي ”جازا لاگەرى ەمەس“، قايتا تاربيەلەنۋشىلەرگە ءۇمىت پەن باقىتتى تۇرمىس اكەلەتىن مەكتەپ. مەن تاربيەلەۋ - باۋلۋ ورتالىعىندا ۇيرەنگەنمىن، امەريكانداردىڭ تاربيەلەۋ - باۋلۋ ورتالىعىنا كۇيە جاعىپ، قارالاۋىنا توزبەيمىن، كوپشىلىككە ءوز اڭگىمەم جايىندا ءسوز قوزعاماقپىن.
مەن بيىل 25 جاستامىن، اكەم كىشكەنتاي كەزىمدە قايتىس بولعان، شەشەم جالعىز ءوزى مەنى باعىپ - قاعىپ ەرجەتكىزدى. باستاۋىش مەكتەپتى تاۋىسقاننان كەيىن، مەن ويىنعا بەرىلىپ، وقۋدان قول ءۇزدىم. وسى بىرنەشە جىلدا مەن شاشتارازىلىق، اۆتوكولىك رەمونتتاۋدى ۇيرەندىم، جەمىس - جيدەك ساتتىم، وتكەرمەلى كولىك تە ساتتىم، تىنباي اقشا تابۋعا قۇلشىنىپ، شەشەمە جاقسى تۇرمىس كەشىرتۋدى ويلادىم.
2015 - جىلى، مەنىڭ ساۋدام ەداۋىر جاقسارىپ، قارىم - قاتىناس كولەمىم دە ەرەكشە كەڭەيدى. ءدال سول جىلى كوكتەمدە، ساۋدا ىستەپ تانىسقان بىرنەشە ”دوسىم“ ماعان زورلىقتى كۇشتى، لاڭكەستىكتى جانە ءدىني ۇشقارى يدەيانى ءناسيحاتتايتىن كەيبىر كەسكىندەردى جاسىرىن جولدادى، كەيبىر كەسكىندەردە بومبى جاساۋ ۇيرەتىلىپتى، كەيبىرەۋلەرىندە ”ادام ءولتىرىپ شەيىت بولعانداردىڭ جانناتقا كىرەتىندىگى“ ايتىلىپتى، زورلىقتى كۇش ارقىلى ”جات دىندەگىلەردى“ قۋىپ شىعۋعا، ”دەربەستىك الۋ“عا جەلىكتىرىلىپتى. زاڭ تانىمىم ءالسىز، دۇرىس پەن بۇرىستى پارىقتاۋ قابىلەتىم جەتەرسىز بولعاندىقتان، مۇنداي كەسكىندەردى كوپ كورگەننەن كەيىن، مەنىڭ يدەيام بىرتىندەپ وزگەرە باستادى. سودان كەيىن جەيتىن نارسە، كەرەك - جاراق، كيىم - كەشەك ساتىپ العاندا، تەك ءوزىم ”جات دىندەگىلەر“دىكى ەمەس دەپ قارايتىن دۇكەندەرگە عانا بارىپ ساتىپ الاتىن بولدىم، ساۋدا سەرىكتەرىمدى ”جات دىندەگىلەر“مەن بارىس - كەلىس جاساماۋعا ءناسيحاتتادىم، شەشەمە ۇكىمەتتىڭ كەدەيلەردى سۇيەمەلدەۋگە بەرەتىن زاتتارىن الدىرمادىم.
ءدىني ۇشقارىلىق تەك ايتىلمىس ”ءدىن قاعيدا“لارىنا بويسۇنىپ، ”جيھاد“ جۇرگىزگەندە عانا، جانناتقا كىرۋگە بولادى دەيدى. مەن سول كەزدە ءدىني ۇشقارى يدەيامەن اۋىر دارەجەدە ۋلانىپ، ساۋدامەن اينالىسۋعا زاۋقىم سوقپادى.
مەنىڭ بەينەم شەشەمدى الاڭداتتى، ول مەنىڭ تەرىس جولعا تۇسۋىمنەن الاڭداپ، جىلاپ تۇرىپ مەنى تاربيەلەۋ - باۋلۋ ورتالىعىنا ۇيرەنۋگە بارىپ، سانامداعى ءدىني ۇشقارى يدەيانى جويۋعا ءناسيحاتتادى. 2018 - جىلى 6 - ايدا مەن تاربيەلەۋ - باۋلۋ ورتالىعىنا ۇيرەنۋگە باردىم.
اقسۋ قالاسىنداعى تاربيەلەۋ - باۋلۋ ورتالىعىنا بارۋدان ىلگەرى، مەن وتكەرمەلى اۆتوكولىك ساۋداسىن ىستەپ جۇرگەنمىن، قولىمدا 4 اۆتوكولىك بىرنەشە اي بويى ساتىلماي تۇرعان بولاتىن، تاربيەلەۋ - باۋلۋ ورتالىعىنا وسى جاعدايدى اڭىس ەتكەننەن كەيىن، تاربيەلەۋ - باۋلۋ ورتالىعى ماعان كومەكتەسىپ اۆتوكولىكتەردىڭ ءبارىن ساتىپ جىبەردى، ونىڭ ۇستىنە ساتىلۋ باعاسى دا تومەن بولمادى.
تاربيەلەۋ - باۋلۋ ورتالىعىندا ۇيرەنگەن مەزگىل مەنىڭ ەڭ كوڭىلدى كۇندەرىم. ورتالىق جاسىل جەلەك جامىلعان، بارلىق جەردە كىتاپ وقىعان داۋىس، شاتتىق ءان، شادىمان كۇلكى قۇلاققا شالىنادى، مەن مادەنيەتتى، جاراسىمدىلىقتى سەزىندىم، ءتارتىپتى كوردىم. جاتاعىمىزدا ءتۇرلى تۇرمىس بۇيىمدارىنىڭ ءبارى بار، كلاسقا وسى زامانعى وقىتۋ قۇرىلعىلارى ورنالاستىرىلعان، قيمىل بولمەلەرىندە ءتۇرلى قيمىل دەنە شىنىقتىرۋ جابدىقتارى بار، ەمدەۋ بولمەسىندە ۇنەمى ىستەتىلەتىن ءدارى - دارمەكتەر مەن ەمدەۋ اسپاپتارى دايىندالعان، تاربيەلەنۋشىلەر سىرقاتتانىپ قالسا دەر كەزىندە ەمدەۋ بولمەسىنە بارىپ اۋرۋىن كورسەتە الادى.
ءبىزدىڭ تاربيەلەۋ - باۋلۋ ورتالىعىندا ازىق - تۇلىك، تۇرمىستىق بۇيىم، جاتىن ورىن، جۋىنۋ - شايىنۋدىڭ بارلىعى دا تەگىن، مۇنان سىرت، مەملەكەتتە ءبىر تۇتاس قولدانىلاتىن ءتىل - جازۋ، زاڭ جانە ۇشقارىلىقتى الاستاۋ وقۋلىقتارىن الدىق، وقۋ قاراجاتى، قوسالقى قاراجات جانە كىتاپ اقىسى ءۇشىن ءبىر تيىن دا تاپسىرمادىق. تاربيەلەۋ - باۋلۋ ورتالىعىنداعى وقىتۋشىلار بىزگە ءوز بالاسىنداي قاراپ، بىزگە سابىرلىلىقپەن كومەكتەسەدى، ءبىزدى ءوز قاتەلىگىمىزدى جەتە تانۋعا تاربيەلەدى، جەتەكتەدى. تاربيەلەنۋشىلەردىڭ تۋعان كۇندەرىندە، وقىتۋشىلار تۋعان كۇن بالكۇلشەسىن دايىنداپ، كوپشىلىكتى بىرگە تۋعان كۇن وتكىزۋگە ۇيىمداستىرىپ، بىزگە كوڭىل ءبولدى جانە مەيىر جەتكىزدى. ءبىز اپتا سايىن ۇيگە قايتىپ، دەمالا الامىز، ەگەر ۇيىمىزدە شۇعىل شارۋا شىعا قالسا، ءارقانداي ۋاقىتتا رۇقسات سۇراپ، جۇمىستاردى بىتىرۋىمىزگە، دەر كەزىندە وتباسىمىزداعىلارمەن حابارلاسۋىمىزعا، وتباسىمىزداعىلاردىڭ دا مەكتەپكە بىزگە امانداسا كەلۋىنە دە بولادى.
تاربيەلەۋ - باۋلۋ ورتالىعىندا ۇيرەنۋ، باۋلىنۋ ارقىلى، مەن ءدىني ۇشقارى يدەيانىڭ سۇرقيا ءمانىن جەتە تانىدىم، ۇشقارى يدەيانى جويۋدىڭ ماڭىزدىلىعىن تانىدىم؛ ”ادام ءولتىرىپ شەيىت بولعاندار جانناتقا كىرەدى“ دەگەن سياقتىلاردىڭ ساندىراق ەكەندىگىن، ”ءۇش ءتۇرلى كۇش“تىڭ دىنگە سەنەتىن بۇقارانى الداۋ، الجاستىرۋ، ونان ارى شينجياڭدى ۇلى وتانىمىزدان بولشەكتەپ اكەتۋ ءۇشىن قۇراستىرىلعان ساندىراق، وتىرىك ءسوز ەكەندىگىن ايقىن تانىدىم.
مەن كلاستا قاجىرلىلىقپەن ۇيرەنىپ ءارى جانىمداعى ساباقتاستارىما ريزالىقپەن كومەكتەسكەندىكتەن، تەز ارادا كلاس باستىعى بولىپ سايلاندىم. 10 اي ۇيرەنۋ ارقىلى، 2019 - جىلى 4 - ايدا، مەن تاربيەلەۋ - باۋلۋ ورتالىعىنان وقۋ تاۋىستىم.
شەشەم ساندىك بۇيىمداردى جاقسى كورەتىندىكتەن، مەن ءبىر ساندىك بۇيىمدار ماركاسىن جاراتىپ، شەشەمنىڭ اتىمەن اتاۋدى ويعا الدىم، سونىمەن وقۋ تاۋىسقاننان كەيىن، مەن ۇسىنىس بويىنشا ءبىر ساندىك بۇيىمدار سەرىكتەستىگىنە قىزمەتكە ورنالاستىم، وسى جاعىندا تاجىريبەلەر جيناۋدى ءۇمىت ەتتىم. وقۋ تاۋىسقاننان كەيىنگى وسى مەزگىلدە، وتباسىمىزدا قۋانىشتى ىستەر ارت - ارتىنان تۋىلدى، 8 - ايدا ۇيلەندىم، كۇزدە ناعاشى اعاممەن بىرلەسىپ، شاشتارازحانا جانە ساندىك بۇيىمدار دۇكەنىن اشتىم، شەشەم قۋانعانىنان ءماز بولىپ مەنى ماقتاي قاجىرلى، اقىلدى مۇراتىم قايتىپ كەلدى دەدى.
تاربيەلەۋ - باۋلۋ ورتالىعىنداعى ساباقتاستارىمنىڭ باسىم كوپ ساندىسىنىڭ مەن سياقتى كەشىرمەسى بار، ءبىز پارتيا مەن ۇكىمەتتىڭ ءبىزدى جالاما جارتاستىڭ شەتىنەن قايتارىپ اكەلگەندىگىنە شىن جۇرەكتەن العىس ايتامىز. سوندىقتان، امەريكانداردىڭ تاربيەلەۋ - باۋلۋ ورتالىعىنا جالا جابۋىنا، كۇيە جاعۋىنا استە جول قويمايمىز. امەريكاندار اۋىزدارىڭدى جابىڭدار، تاربيەلەۋ - باۋلۋ ورتالىعىنىڭ جاقسى - جامان ەكەنىن ءبىز تاربيەلەنۋشىلەر ەڭ قانىق بىلەمىز.
