تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

جالپى تۇلعالىق مەملەكەت حاۋىپسىزدىگى كوزقاراسىنا تاباندى بولۋ

  شينحۋا اگەنتتىگىنىڭ 12 - ايدىڭ 3 - كۇنى بەيجيڭنەن بەرگەن حابارى (چي شىڭ). مەملەكەت حاۋىپسىزدىگى − ەل ىرگەسىن بەكەمدەۋدىڭ ماڭىزدى ىرگە تاسى، مەملەكەت حاۋىپسىزدىگىن قورعاۋ − بۇكىل ەلدەگى ءار ۇلت حالقىنىڭ ءتۇبىرلى مۇددەسىنىڭ تياناعى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا، حالىقتىڭ تىنىش ءومىر، شات - شادىمان تىرشىلىگىن كەپىلدىك ەتۋدە مەملەكەتتىڭ حاۋىپسىزدىگى − ماڭداي الدى ءىرى ءىس.

  2014 - جىلى 4 - ايدىڭ 15 - كۇنى باس شۋجي شي جينپيڭ ورتالىق مەملەكەت حاۋىپسىزدىگى كوميتەتىنىڭ 1 - ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: مەملەكەت حاۋىپسىزدىگى جاعدايى وزگەرىسندەگى جاڭا ەرەكشەلىك، جاڭا اۋقىمدى ءداپ باسىپ يگەرىپ، جالپى تۇلعالىق مەملەكەت حاۋىپسىزدىگى كوزقاراسىنا تاباندى بولىپ، جۇڭگوشا مەملەكەت حاۋىپسىزدىگى جولىمەن ءجۇرۋ كەرەك.

  پارتيانىڭ 19 - قۇرىلتايى جالپى تۇلعالىق مەملەكەت حاۋىپسىزدىگى كوزقاراسىنا تاباندى بولۋدى جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ نەگىزگى جالپى جوباسىنا ەنگىزدى ءارى پارتيا ۋستاۆىنا جازدى. پارتيا 19 - قۇرىلتايىنىڭ بايانداماسىندا بىلاي دەپ اتاپ كورسەتىلدى: جالپى تۇلعالىق مەملەكەت حاۋىپسىزدىگى كوزقاراسىنا تاباندى بولۋدا، مەملەكەت مۇددەسىن بارىنەن جوعارى قويۋعا، حالىقتىڭ حاۋىپسىزدىگىن باستى ماقسات ەتۋگە، ساياسي حاۋىپسىزدىكتى ارقاۋ ەتۋگە، ءسوز جوق، تاباندى بولىپ، سىرتقى حاۋىپسىزدىك پەن ىشكى حاۋىپسىزدىكتى، مەملەكەت تەرريتورياسىنىڭ حاۋىپسىزدىگى مەن ازاماتتاردىڭ اماندىعىن، ءداستۇرلى حاۋىپسىزدىك پەن بەي ءداستۇرلى حاۋىپسىزدىكتى، ءتول حاۋىپسىزدىك پەن ورتاق حاۋىپسىزدىكتى ءبىر تۇتاس جوسپارلاپ، مەملەكەت حاۋىپسىزدىگى ءتۇزىمى جۇيەسىن كەمەلدەندىرىپ، مەملەكەت حاۋىپسىزدىگى قۋاتى قۇرىلىسىن كۇشەيتىپ، مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن باتىل قورعاۋ كەرەك.

  جالپى تۇلعالىق مەملەكەت حاۋىپسىزدىگى كوزقاراسىنا تاباندى بولۋ كوپتەگەن جاڭا تاريحي ەرەكشەلىككە يە ۇلى كۇرەستى جۇرگىزۋدىڭ جاڭا تالابىنا سايكەسىپ، حالىقتىڭ مەملەكەت حاۋىپسىزدىگى جونىندەگى جاڭا تىلەگىنە جاۋاپ بەردى، دۇنيە ءجۇزىنىڭ دامۋ، وزگەرىسىندەگى جاڭا اۋقىمعا ۇيلەستى.

  ”اماندىقتا حاۋىپ - قاتەردى ەستەن شىعارماۋ، تىرلىگىندە ءولىمدى ەستەن شىعارماۋ، وڭاعاندا بىلىقپالىقتى ەستەن شىعارماۋ كەرەك“. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى مەملەكەت حاۋىپسىزدىگى قىزمەتىنە وسكەلەڭ ءمان بەرىپ، ورتالىق مەملەكەت حاۋىپسىزدىگى كوميتەتىن قۇرىپ، جالپى تۇلعالىق مەملەكەت حاۋىپسىزدىگى كوزقاراسىن العا قويىپ، مەملەكەت حاۋىپسىزدىگىنىڭ ستراتەگيالىق باعىتى مەن جالپىلىق ورنالاستىرۋىن ايقىنداپ، مەملەكەت حاۋىپسىزدىگى قىزمەتىندە كورنەكتى ناتيجە جاراتۋدى جەبەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.