رايونىمىز كوپ ءتۇرلى شارا قولدانىپ سالاماتتىق ارقىلى كەدەيلەردى سۇيەمەلدەۋدى ىلگەرىلەتتى
ءتىلشى چاۋ جين 12 - ايدىڭ 8 - كۇنى ۇرىمجىدەن حابارلايدى. جۋىقتا اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى حوتان، قاشقار سياقتى جەرلەردە 3 - دارەجەلى شيپاحانالار باعىتتامالى كومەكتەسىپ - سۇيەمەلدەپ وتىرعان كەدەي اۋداندارداعى اۋدان دارەجەلى شيپاحانالاردىڭ قىزمەت وتەۋ قابىلەتىن جوعارىلاتۋ كۋرسىن كوپ رەت ۇيىمداستىرىپ اشىپ، ماسەلەلەردى تاۋىپ، ولقىلىقتاردى تولىقتاپ، ولاردىڭ قىزمەت وتەۋ قابىلەتىن اناعۇرلىم جوعارىلاتتى. بيىل جىل باسىنان بەرى، رايونىمىز ”نەگىزگى ەمدەلۋدى قامتاماسىز ەتۋ“ دى تىعىز توڭىرەكتەي وتىرىپ، كوپ ءتۇرلى شارالار قولدانىپ، سالاماتتىق ارقىلى كەدەيلەردى سۇيەمەلدەۋ قىزمەتتەرىن جان - جاقتىلى ءبىر تۇتاس جوسپارلاپ ىلگەرىلەتىپ، كەدەي جان سانىنىڭ نەگىزگى ەمدەلۋ، دەنساۋلىق ساقتاۋ قىزمەت وتەۋىنەن يگىلىكتەنۋىنە شىنايى كەپىلدىك ەتتى.
اۋدان دارەجەلى شيپاحانالار − اۋىل - قىستاقتارداعى 3 - دارەجەلى ەمدەۋ - دەنساۋلىق ساقتاۋ قىزمەت وتەۋ تورىنىڭ سەركەسى جانە قالا، اۋىل ەمدەۋ - دەنساۋلىق ساقتاۋ قىزمەت وتەۋ جۇيەسىنىڭ تورابى.رايونىمىزداعى اۋدان دارەجەلى شيپاحانالار بۇكىل رايونداعى ％70 جان سانىن قامتىپ، دەنساۋلىق ساقتاۋ قىزمەت وتەۋىمەن قامتۋ جاعىندا ماڭىزدى رولعا يە. 7 - ايدىڭ 30 - كۇنى رايونىمىز 3 - دارەجەلى شيپاحانالاردىڭ كەدەي اۋداندارداعى اۋدان دارەجەلى شيپاحانالارعا كومەكتەسىپ - سۇيەمەلدەۋ قىزمەتىن جالپى بەتتىك ورنالاستىرىپ، ورىستەتكەننەن بەرى، بارلىق كومەك بەرگەن شيپاحانالار مەن كومەك العان شيپاحانالار باعىتتامالى كومەكتەسۋ - سۇيەمەلدەۋ كەلىسىمىنە قول قويىپ، كومەكتەسۋ - سۇيەمەلدەۋ جوباسىن عىلمي ءتۇزىپ، شيپاحانا باسقارۋ، جاڭا تەحنيكا، جاڭا نىسان ورىستەتۋ، دارىندىلاردى باۋلۋ سياقتى جاقتاردا جالپى بەتتىك كومەكتەسۋ - سۇيەمەلدەۋ ورىستەتتى، كومەك العان شيپاحانالاردىڭ باسقارۋ قابىلەتى مەن ەمدەۋ قىزمەت وتەۋ قابىلەتى تەز جوعارىلادى.
قازىرگە دەيىن ءارقايسى كومەكتەسۋشى شيپاحانالار كومەك العان شيپاحانالاردىڭ 324 ءتۇرلى قاتىستى ءتۇزىمدى كەمەلدەندىرۋىنە، دياگنوز قويۋ - ەمدەۋ رەت - تارتىبىنەن 228ىن ورناتۋىنا، ولشەمدەستىرۋىنە، جاڭادان 211 ءبولىم قۇرۋىنا، 37 ءىرى جابدىق كوبەيتۋىنە كومەكتەستى، قۇرساق ايناسى، وسپەنى كەسىپ الىپ تاستاۋ تەحنيكاسى، بۋىندى اۋىستىرۋ تەحنيكاسى سياقتى جاڭا تەحنيكالاردان، جاڭا نىسانداردان 235ىن جۇرگىزۋىنە كومەكتەسىپ، 684 رەت باۋلۋ ۇيىمداستىرىپ، بالنيتسا ارالاپ ۇيرەتۋدى 1025 رەت ورىستەتتى، كومەك العان شيپاحانالاردا امبولاتوريادا ەمدەلگەندەردىڭ ادام - رەت سانى، بالنيتساعا جاتقان ناۋقاستاردىڭ ادام - رەت سانى، وتا جاساتۋشىلاردىڭ ادام - رەت سانى كوپ مولشەردە ارتىپ، سالماقتى ناۋقاستاردى ەمدەپ ساۋىقتىرۋ قابىلەتى كورنەكتى جوعارىلادى.
سونىمەن بىرگە، رايونىمىز اۋدان وڭىرىندە ەمدەۋ ورتاق تۇلعا قۇرىلىسى ارقىلى اۋدان ءوڭىرى ىشىندەگى ەمدەۋ بايلىعىنان كەدەي بۇقارانىڭ اناعۇرلىم جاقسى يگىلىكتەنۋىن جەبەپ، بۇكىل رايوندا اۋدان وڭىرىندە ەمدەۋ ورتاق تۇلعاسىنان 121ىن قۇرىپ، 607 اۋىل اۋدان - اۋىلداردىڭ الىس ارالىقتان ەمدەۋ قۇرىلىسىن ورىنداپ، اۋدان - اۋىلداردىڭ الىس ارالىقتان ەمدەۋمەن قامتىلۋ مولشەرىن ％67.15كە جەتكىزدى.
بۇتىندەپ، تولىقتاۋ پرينسيبى بويىنشا، رايونىمىز اۋىل - قىستاق ەمدەۋ - دەنساۋلىق ساقتاۋ قۇرىلىمدارىن ولشەمدەستىرۋ قۇرىلىسىن بەلسەنە ىلگەرىلەتىپ، نەگىزگى ساتى دەنساۋلىق ساقتاۋ دارىندىلارىن باۋلۋ تەبىنىن كۇشەيتىپ، اۋىل - قىستاق شيپاگەرلەرىنە كوپ ارنالى كومەك قاراجات بەرۋ مەحانيزمىن كەمەلدەندىرىپ، نەگىزگى ساتىداعى ”اقتاڭداق“تى جالپى بەتتىك شەشتى.
رايونىمىز جالپى حالىقتىڭ سالاماتتىعىن، دەنساۋلىعىن تەكسەرۋ قىزمەتىن وراي ەتىپ، وكپە تۋبەركۋلەزى اۋرۋىن جاپپاي تەكسەرۋ، جاپپاي ەمدەپ جازۋ، مۇمكىندىگىنشە ەمدەپ جازۋ، ”شوعىرلى ءدارى بەرۋ + ءنارلى تاڭعى اس“، جۇعىمدالۋ كەزەڭىندە شوعىرلى اۋاشالاپ ەمدەۋ سياقتى الدىن الۋ شارالارىن تياناقتاندىردى؛ مامانداردىڭ جەتەكشىلىك ەتۋ گرۋپپاسىن قۇرىپ، وڭتۇستىك شينجياڭداعى 4 ايماق - وبلىستى تەحنيكالىق جاقتان كومەكتەسىپ سۇيەمەلدەدى؛ وكپە تۋبەركۋلەزىن ەمدەۋ نىسانىن نەگىزگى ەمدەۋ قامسىزداندىرۋىنان تولەۋ كولەمىنە ەنگىزۋدى رەتكە سالىپ، ناۋقاستاردىڭ ەمدەلۋ اۋىرتپالىعىن بارىنشا تومەندەتتى، بۇكىل رايوندا وكپە تۋبەركۋلەزى اۋرۋىنا شالدىققان ناۋقاستاردىڭ ەشقايسىسى ناۋقاس سەبەبىنەن كەدەيلەسۋدەن، ناۋقاس سەبەبىنەن قايتا كەدەيلەسۋدەن اۋلاق بولدى.
بۇدان سىرت، رايونىمىز ينتەرنەت پەن ەمدەۋ - سالاماتتىقتى ءوزارا ۇشتاستىرۋعا بەلسەنە ىزدەنىس جاساپ، تۇرعىنداردىڭ سالاماتتىق بويىنشا APP وتباسى شيپاگەرىمەن كەلىسىم جاساۋ ۇلگىسىن قولداندى، بيىل 10 - ايدىڭ سوڭىنا دەيىن رايونىمىزدا 30 مىڭنان استام وتباسى شيپاگەرى جەلىدە قىزمەت وتەۋمەن قامداپ، جالپى 7 ميلليون 130 مىڭنان استام اداممەن كەلىسىم جاساستى. حالىقتىڭ سالاماتتىق ينفورماتسياسىنىڭ ۆيرتيۆالدى ”بۇلت“ تۇعىرىن باستاپقى قادامدا قۇرىپ، ەلەكتروندىق اۋرۋ تاريحى ساندى مالىمەتىنەن 80 نەشە ميلليونىن جينادى. ساتىعا - دارەجەگە بولىنگەن الىس ارالىقتان ەمدەۋ سايكەسۋ تورىنان 74ى قۇرىلدى، بۇكىل رايونداعى ءار دارەجەلى، ءار ءتۇرلى ەمدەۋ قۇرىلىمدارى الىس ارالىقتان 200 مىڭنان ارتىق رەت دياگنوز قويىپ ، الىس ارالىقتان جۇرەك سۋرەتتەۋىش ارقىلى، الىس ارالىقتان بەينە كەسكىن ارقىلى جانە اۋرۋ جاعدايى ارقىلى 800 مىڭنان ارتىق رەت دياگنوز قويۋ ورىستەتتى.
