ورنىقتىلىقتىڭ پايداسى ۇزدىكسىز جارىققا شىعىپ، ساياحات كاسىبى قارىشتاپ دامىدى
12 - ايدىڭ 6 - كۇنى ساياحاتشىلار حوتان كەشكى بازارىندا ءدامدى تاعام جەۋدە. قىس ماۋسىمىنداعى حوتاننىڭ كەشكى بازارىندا ادام سەڭدەي سوعىلىسادى، ءار كۇنى ورتا ەسەپپەن 4000نان استام ساياحاتشى ءدامدى تاعام جەۋگە، ءان - ءبي كونسەرتىن كورۋگە كەلەدى. سۋرەتتى ءتىلشى چين مەيحۋا تۇسىرگەن
ءتىلشى لي چۇنشيا 12 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋعا قاراعاندا، بيىل رايونىمىزدىڭ قوعام ورنىقتىلىعىنىڭ پايداسى ۇزدىكسىز جارىققا شىعىپ، ساياحات كاسىبى قارىشتاپ دامىپ، جاڭادان جۇمىستانۋشىلار سانىنىڭ ءۇرتىس ارتۋىنا دەم بەرگەن. الدىڭعى 10 ايدا رايونىمىزدىڭ ساياحات كاسىبى ”جەتى ءبىر توپ“ ارناسى ارقىلى جاڭادان 50 مىڭ 8 ادامدى جۇمىسقا ورنالاستىرىپ، جىلدىق نىسانا، مىندەتتى ％125 ەتىپ ورىنداعان.
12 - ايدىڭ 5 - كۇنى تۇستە قاراقاش اۋدانى زاۋا قالاشىعى جاڭا وستەڭ قىستاعىنىڭ چيڭلۋۋان ساياجايىندا 25 جاستاعى ءبۇماريام احمەتتوحتى سۋىق ساي جاساپ جاتتى. ”بۇرىن مەن وتباسى ايەلى بولاتىنمىن، قازىر سۋىق ساي جاسايتىن ۇستازعا اينالدىم، پيلاحۇڭ، حۇڭيوۋدۋسى، لياڭفىن سياقتىلاردىڭ بارلىعىن جاقسى جاسايمىن، ايلىق ەڭبەكاقىم 2000 يۋان“، - دەدى ءبۇماريام قۋانا تىلشىگە.
جاڭا وستەڭ قىستاعىنىڭ ماڭىندا 600 نەشە مۋ كەلەتىن سازدىق بار، قالىڭ قامىس وسەدى. شينجياڭ مەديتسينا داشۋەسىنىڭ جاڭا وستەك قىستاعىندا ”ۇعىسۋ، تيىمدىلىك جاساۋ، توعىستىرۋ“ بويىنشا تۇراتىن قىزمەت اترەتى 3 ميلليون يۋاننان استام قارجى ەنگىزىپ، ساياحات كاسىبىن دامىتىپ، حالىقتىق سالت - سانا قىستاعىن قۇرىپ، شارۋالار شاتتىعى ساياجايىن اشتى. قازىر شارۋالار شاتتىعى ساياجايى 20دان استام قىستاق تۇرعىنىن جۇمىسقا قابىلدادى، ءبۇماريام سولاردىڭ ءبىرى. شارۋالار شاتتىعى ساياجايى بيىل 6 - ايدا تيجارات جۇرگىزگەننەن بەرى توڭىرەككە تانىمالى بولدى.
ساياحات كاسىبى اۋىلداستارعا تاماشا كىرىس اكەلدى. شارۋالار شاتتىعى ساياجايىندا جۇمىستانۋدان سىرت، ىسكە ەبى بار كەيبىر قىستاق تۇرعىندارى دۇكەن اشىپ، جەرگىلىكتى ەرەكشە ونىمدەر تيجاراتىمەن شۇعىلدانىپ، قاريدارلاردىڭ القاۋىنا بولەندى. ”قىستاق كورىكتەنىپ، ساياحاتتاي كەلەتىندەردىڭ قاتارى مولايدى، حالىقتىق تۇسەلحانا اشپاقشىمىن، ساياحاتشىلار ۇيىمە قونىپ، تاماقتانىپ قايتادى“، - دەدى ءۇيى چيڭلۋۋاننىڭ ماڭىندا تۇراتىن قىستاق تۇرعىنى تۇرسۇن توحتى تۇردىباقى.
”ساياحات كاسىبى ارقىلى جۇمىستانۋعا دەم بەرۋ − رايونىمىزدىڭ بيىلعى جۇمىستانۋدى جەبەۋ قىزمەتىندەگى جاڭا ارتۋ ءتۇيىنى“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ جۇمىستانۋدى جەبەۋ باسقارماسىنىڭ قىزمەتكەرى ما جيانيۇن بىلاي دەپ تانىستىردى: ساياحات ارقىلى شينجياڭدى گۇلدەندىرۋ ستراتەگياسىنىڭ بار كۇشپەن ىلگەرىلەتىلۋىنە بايلانىستى ساياحات كاسىبىنىڭ جۇمىسقا قابىلداۋ قۋاتى كورنەكتى ارتىپ، اناعۇرلىم كوپ ادامداردىڭ، اسىرەسە، وڭتۇستىك شينجياڭ وڭىرىندەگى كەدەي بۇقارانىڭ اۋىل - قىستاق ساياحاتىن دامىتۋ، كورىنىس اۋماعىندا جۇمىستانۋ، كەشكى بازاردا جايما اشۋ، ءداستۇرلى قولونەر بۇيىمدارىن جانە جەرگىلىكتى ەرەكشە ونىمدەردى ءوندىرۋ - ساتۋمەن شۇعىلدانۋ سياقتىلار ارقىلى جۇمىستانۋدى، شارۋاشىلىق قۇرۋدى ىسكە اسىرۋىنا دەم بەردى.
ما جيانيۇن بىلاي دەپ تانىستىردى: رايونىمىز ساياسات، قىزمەت وتەۋ، باۋلۋ جاعىندا جالپىلىق كۇش سالىپ، ساياحات بويىنشا كاسىپتىك شەبەرلىككە باۋلۋدى جەبەۋ جوسپارى، تەحنيك جۇمىسشىلار مەكتەبىنىڭ تەحنيكالىق دارىندىلاردى باۋلۋ جوسپارى سياقتىلاردى اتقارۋ ارقىلى ساياحات دارىندىلارىن باۋلۋ سەرپىنىن ارتتىرىپ، ساياحات قىزمەت وتەۋ ساپاسىن جوعارىلاتىپ، اناعۇرلىم كوپ بۇقارانى ساياحاتتى دامىتۋعا سۇيەنىپ، جوعارى ساپالى جۇمىستانۋدى ىسكە اسىرۋعا جەتەكتەيدى.
”جۋىق ارادا اسپازدىق، اس - سۋ قىزمەت وتەۋ كۋرسىن اشىپ، قىستاق تۇرعىندارىن تەحنيكالىق شەبەرلىك ۇيرەنۋگە ۇيىمداستىرىپ، اناعۇرلىم كوپ قىستاق تۇرعىنىنىڭ ساياحاتتان كىرىس تاۋىپ، بايۋعا قادام تاستاۋىنا مۇمكىندىك جاساماقشىمىز“، - دەدى شينجياڭ مەديتسينا داشۋەسى پارتكومىنىڭ ورىنباسار شۋجيى، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ باس جەتەكشىسى ساۋ جۇڭميڭ.
