كۇشار اۋدانى اقوستەڭ اۋىلى بوستان قىستاعى مەشىتىنىڭ يمامى
ءانۋار يمىن
جۋىقتا، امەريكا پارلامەنتى قاۋىم پالاتاسى ايتىلمىس شينجياڭعا ساياتىن ”زاڭ جوبا“ ماقۇلداپ، جۇڭگونىڭ شينجياڭىنىڭ ادامدىق ۇقىق جاعدايىنا سۇرقيالىقپەن سوقتىعىپ، جۇڭگونىڭ ۇشقارىلىقتى الاستاۋداعى جانە لاڭكەستىككە سوققى بەرۋدەگى قۇلشىنىسىن بۇرمالاپ، كۇيە جاعىپ، جۇڭگو ۇكىمەتىنىڭ شينجياڭدى جونگە سالۋ ساياساتىن قيسىنسىز جازعىرىپ، جۇڭگونىڭ ىشكى ىسىنە دورەكىلىكپەن كيلىكتى. وتانشىل ءدىني قايراتكەر رەتىندە مەن بۇعان قاتتى كەكتەنەمىن جانە باتىل قارسى تۇرامىن.
شينجياڭنىڭ قانداي كۇيدە ەكەندىگىنە، ارينە، وسىندا تۇرمىس كەشىرىپ جاتقان ءار ۇلت حالقىنىڭ ايتقانى ەسەپ. مەن اقسۋ ايماعى كۇشار اۋدانىنداعى قاراپايىم ديقان وتباسىندا دۇنيەگە كەلدىم، كىشكەنتايىمنان اكە - شەشەم وزدەرىنىڭ باستان كەشىرگەن ىستەرى ارقىلى ماعان جۇڭگو كوممۋنيستىك پارتياسى ءبىزدىڭ ەڭسەمىزدى كوتەرىپ، قوجايىندىق ورىنعا شىعاردى، سوتسياليستىك ءتۇزىم ءبىزدى باقىتتى تۇرمىسقا كەنەلتتى دەپ ايتىپ وتىراتىن. مەن بەينەت ءتۇبى زەينەت بولاتىندىعىن كوزىممەن كورىپ، باسىمنان كەشىردىم: بۇرىن ءبىزدىڭ ءۇيىمىز توپىراق كەرپىشتەن سالىنعان ءۇي ەدى، قۇبىر سۋى مەن ەلەكتر جوق بولاتىن؛ ەسىك الدىمىزداعى توپىراق جول، كۇن اشىقتا شاڭى اسپانعا شىعىپ، جاڭبىر جاۋعان كۇنى باتپاققا تولاتىن؛ سىرتقا شىققاندا قاتىناس كولىگىمىز كوبىندە ات اربا، ەسەك اربا، ەڭ كورىمدەۋىنىكى ۆەلوسيپەد ەدى، جولدان اۆتوكولىكتىڭ وتكەنىن كورسەك، كىشكەنتاي دوستارىممەن بىرگە سونىڭ ارتىنان ءبىر تالاي جەرگە دەيىن قۋالاپ بارىپ قايتاتىنبىز؛ ۇيدەگىلەردىڭ بىرەۋى اۋىرا قالسا، اۋرۋ كورسەتۋىمىز ىلعي دا قيىنعا سوعاتىن، مەكتەپكە وتە ۇزاق جول باسىپ باراتىنبىز. جاڭا جۇڭگو قۇرىلعاننان بەرى، اسىرەسە، رەفورما جاساعاننان، ەسىك اشىلعاننان بەرى، پارتيا ورتالىق كوميتەتىنىڭ قامقورلىعىندا، ءبىز كەڭ دە جايلى بەيقۇت ۇيگە كوشىپ كىردىك، باتپاقتى، تار جولدار كەڭ دە تەگىس اسفالت جولدارعا وزگەردى، قىستاقتارعا الەۋمەتتىك اۆتوكولىك قاتىناپ، ادامداردىڭ ءجۇرىس - تۇرىسىنا قولايلىلىق جاراتىلدى، وتباسىلاردىڭ بارىندە ءتۇرلى - تۇستەگى قاتىناس قۇرالدارى بار بولدى. قىستاقتاردا تاعى بالاباقشا، شاعىن الاڭ، شاعىن بازار قۇرىلىپ، اۋىلىمىز بارعان سايىن كورىكتەندى!
ۇزاق ۋاقىتتان بەرى، پارتيا مەن ۇكىمەت بىزدەي ءدىني وقىتۋشى - قىزمەتكەرلەرگە ەرەكشە كوڭىل ءبولىپ، قامقورلىق جاساپ، قوعامدىق قامتاماسىزداندىرۋ جۇيەسىنە ەنگىزىپ، تۇرمىستىق قاراجات تاراتىپ كەلەدى. مەشىتتەردە ”جەتىنى جەتكىزۋ، ەكى بولۋ“دى، ”توعىز سەپتەۋ“دى ۇزدىكسىز ىلگەرىلەتىپ، ءدىني قيمىل ورىندارى مەن ءدىني قيمىل شارت - جاعدايىن ايرىقشا جاقسارتتى، ءدىني قيمىل ورىندارىنىڭ قىزمەت وتەۋ قۇرىلعىلارى كەمەلدەنىپ، مەشىتتەردە جۋىنۋعا بولاتىن بولدى، ناماز وتەگەندە جازدا اۋا تەڭشەگىش، قىستا پار بار، سونىمەن بىرگە ينتەرنەتكە شىعىپ جاڭالىقتاردى كورە الامىز.
بۇرىندارى تۋىلعان زورلىقتى كۇش، لاڭكەستىك دەلولارى (وقيعا) كوپتەگەن بەيكۇنا بۇقارانىڭ جانىن جالمادى، مەن امەريكاداعى اناۋ ساياساتپازداردان: سەندەردىڭ ايتىپ وتىرعان ايتىلمىس ”ادامدىق ۇقىق“ وسى ما؟ - دەپ سۇراعىم كەلدى. امەريكا پارلامەنتى قاۋىم پالاتاسىنىڭ ماقۇلداعان ايتىلمىس شينجياڭعا ساياتىن ”زاڭ جوبا“ جۇڭگونىڭ ۇشقارىلىقتى الاستاۋداعى جانە لاڭكەستىككە سوققى بەرۋدەگى قۇلشىنىسىن ورشەلەنە بۇرمالادى، كۇيە جاقتى. امەريكانىڭ اناۋ ساياساتپازدارى شىندىقپەن ساناسپاي، اق پەن قارانى شاتاستىرىپ، شينجياڭنىڭ قوعامى جاراسىمدى، ورنىقتى، ەكونوميكاسى باياندى دامىعان، حالقى تىنىش ءومىر ءسۇرىپ، شات - شادىمان تىرشىلىك كەشىرىپ جاتقان تاماشا جاعدايىن كورگىسى كەلمەدى، ونىڭ شىن ءمانى ەلىمىزدىڭ دامۋىن تەجەۋ.
شينجياڭ ەجەلدەن بەرى جۇڭگو تەرريتورياسىنىڭ ايرىلماس ءبىر بولىگى، شينجياڭداعى ءار ۇلت جۇڭحۋا ۇلتىنىڭ قۇرامداس ءبولىمى. كەزەكتە شينجياڭنىڭ جالپى جاعدايى ءۇرتىس ورنىقتى، اۋقىمى ۇزدىكسىز جاقسى جاققا بەت العان، ۇلتتار ىنتىماعى بەكەم، ءدىن تاتۋ، ۇيلەسىمدى، قالا - اۋىل قوعامى تىنىش بولىپ، ءۇرتىس 3 جىل زورلىقتى كۇش، لاڭكەستىك دەلولارى (وقيعا) تۋىلماي، ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى، ءبىز شينجياڭنىڭ جىلدام دامۋى الا كەلگەن ناقتى تيىمدىلىكتەردى تىكەلەي سەزىندىك.
شينجياڭدا مەن سياقتى وتانشىل ءدىني قايراتكەرلەردىڭ ءبارى وتە جاقسى تۇرمىستىق قامتاماسىزداندىرۋدان يگىلىكتەنۋدە، ۇكىمەت بىزگە الاڭسىز، جايلى تۇرمىس سيلادى. يگىلىگىن كورگەن مەن پارتيا ورتالىق كوميتەتىنىڭ شينجياڭعا دەگەن مەيىر - شاپاعاتىن، شينجياڭداعى ءار ۇلت حالقىنا دەگەن شىنايى قامقورلىعىن ابدەن بىلەمىن، مەنىڭ كوڭىلىم پارتيا مەن ۇكىمەتكە دەگەن العىسقا تولى، مەن تەك جۇڭگو كوممۋنيستىك پارتياسىنا ىلەسكەندە عانا، تۇرمىسىمىز بارعان سايىن تاماشا بولاتىندىعىن تەرەڭ تۇسىنەمىن.
مەن دىنگە سەنەتىن بۇقارانى دۇرىس سەنىم، دۇرىس ارەكەتتە بولۋعا، ءدىني ۇشقارى يدەيانىڭ سىنالاپ كىرۋىنە قارسى تۇرۋعا، ساقتىقتى كۇشەيتىپ، قىراعىلىقتى ارتتىرۋعا، زورلىقتى كۇش، لاڭكەس ەلەمەنتتەردىڭ سۇرقيا نيەتى مەن جەكسۇرىن بەت - بەينەسىن جەتە تانۋعا، تۋى ايقىن تۇردە بارلىق زورلىقتى كۇش، لاڭكەستىك ارەكەتتەرگە قارسى تۇرۋعا باستايمىن. ءبىز بۇگىنگى وڭاي - وسپاق قولعا كەلمەگەن تاماشا جاعدايدى بارىنشا قادىرلەپ، ءتىپتى دە تىعىز ىنتىماقتاسىپ، ۇزدىكسىز تۇردە شينجياڭدى ويداعىداي دامىتۋىمىز، ويداعىداي قۇرۋىمىز، شينجياڭنىڭ گۇلدەنگەن، ورنىقتى، ۇلتتارى ىنتىماقتى، قوعامى جاراسىمدى شىندىعى ارقىلى قارالاعاندارعا، كۇيە جاققاندارعا پارمەندى قايتارما سوققى بەرۋىمىز كەرەك.
