شينحۋا اگەنتتىگىنىڭ 12 - ايدىڭ 5 - كۇنى بەيجيڭنەن بەرگەن حابارى (چي شىڭ). 2014 - جىلى 10 - ايدىڭ 15 - كۇنى باس شۋجي شي جينپيڭ بەيجيڭدە ادەبيەت - كوركەمونەر قىزمەتى اڭگىمە ءماجىلىسىن باسقارىپ اشتى، ءار سالادان كەلگەن 72 ادەبيەت - كوركەمونەر قىزمەتكەرى ماجىلىسكە قاتىناستى. مىنە بۇل 1942 - جىلى يان - اندا اشىلعان ادەبيەت - كوركەمونەر اڭگىمە ماجىلىسىنەن كەيىن پارتيامىزدىڭ ادەبيەت - كوركەمونەر قىزمەتى جونىندە اشقان تاعى ءبىر رەتكى ماڭىزدى ءماجىلىسى.
ماجىلىستە باس شۋجي شي جينپيڭ ماڭىزدى ءسوز سويلەپ، ادەبيەت - كوركەمونەر مەن ادەبيەت - كوركەمونەر قىزمەتىنىڭ ورنى، رولى جانە ماڭىزدى بورىشى جونىندە تەرەڭدەي پايىمداپ، ادەبيەت - كوركەمونەردىڭ گۇلدەنۋىنە، دامۋىنا قاتىستى ءبىر قىدىرۋ ءتۇبىرلى سيپاتتى، باعدار سيپاتتى ماڭىزدى ماسەلەلەرگە جاسامپازدىقپەن جاۋاپ بەرىپ، جاڭا داۋىردەگى ادەبيەت - كوركەمونەر قىزمەتىن جاقسى ىستەۋ جونىندە جان - جاقتى ورنالاستىرۋ جاسادى.
”ادەبيەت - كوركەمونەر − ءداۋىردىڭ العا باسۋىنىڭ جارشىسى، ءبىر ءداۋىر بەينەسىنە ەڭ ۋاكىلدىك ەتەدى، ءبىر ءداۋىر سالتىن ەڭ جەتەكتەي الادى “. باس شۋجي شي جينپيڭ مىنانى اتاپ كورسەتتى: ادەبيەت - كوركەمونەر ءىسى − پارتيا مەن حالىقتىڭ كەلەلى ءىسى، ادەبيەت - كوركەمونەر شەبى − پارتيا مەن حالىقتىڭ ماڭىزدى شەبى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا ادەبيەت - كوركەمونەر رولىنىڭ ورنىن وگەيسىتۋگە كەلمەيدى، ادەبيەت - كوركەمونەر قىزمەتكەرلەرى زور ىستەر ىستەي الادى، قالىڭ ادەبيەت - كوركەمونەر قىزمەتكەرلەرى ادەبيەت - كوركەمونەردىڭ ورنى مەن رولىن وسكەلەڭ تۇرعىدان تانىپ، وزدەرى ارقالاعان تاريحي بورىش پەن جاۋاپكەرشىلىكتى تانىپ، حالىقتى وزەك ەتۋدەي جاسامپازدىق بەتالىسىنان جازباي، ءداۋىر ءۇردىسىن بەينەلەيتىن تاڭداۋلى تۋىندىلاردى كوپتەپ جاراتۋعا قۇلشىنىپ، جۇڭگو رۋحىن اسقاقتاتىپ، جۇڭگو كۇشىن ۇيىستىرىپ، بۇكىل ەلىمىزدەگى ءار ۇلت حالقىن جالىندى جىگەرمەن بولاشاققا شەرۋ تارتۋعا شابىتتاندىرۋى كەرەك.
ادەبيەت - كوركەمونەر قىزمەتى اڭگىمە ءماجىلىسى اشىلعان 5 جىلدان استام ۋاقىتتان بەرى، باس شۋجي شي جينپيڭنىڭ ماڭىزدى سوزدەرىنىڭ رۋحىنىڭ جەتەكشىلىگىندە، ەلىمىزدىڭ ادەبيەت - كوركەمونەر قىزمەتى قوماقتى تابىستارعا قول جەتكىزدى، ادەبيەت - كوركەمونەر جاسامپازدىعى ۇزدىكسىز گۇلدەنىپ، ادەبيەت - كوركەمونەر ىستەرى كۇننەن - كۇنگە كوركەيىپ، ادەبيەت - كوركەمونەر سالاسى جاڭا بەينە، تىڭ تىنىس بايقاتىپ، جۇڭحۋا ۇلتىنىڭ ۇلى گۇلدەنۋىنە ۇزدىكسىز جۇرەكتى توعىستىرىپ، كۇش ۇيىستىرىپ، رۋحتى سومدادى.
