شينحۋا اگەنتتىگىنىڭ 12 - ايدىڭ 4 - كۇنى بەيجيڭنەن بەرگەن حابارى (چي شىڭ). 2013 - جىلى 3 - ايدىڭ 23 - كۇنى باس شۋجي شي جينپيڭ رەسەيدىڭ ماسكەۋ حالىقارالىق قارىم - قاتىناس شۋەيۋانىندا لەكسيا سويلەگەندە مىنالاردى العا قويدى: ”ادامزات ورتاق ءبىر جەر شارى قىستاعىندا، تاريح پەن بولمىس توعىسقان ءبىر ۋاقىت جانە كەڭىستىكتە تىرشىلىك ەتىپ، بارعان سايىن ءوزارا بىتە قايناسقان تاعدىرلاس ورتاق تۇلعاعا اينالا تۇسۋدە.“
بۇگىنگى تاڭدا ادامزات 100 جىلدا بولماعان زور زامانا وزگەرىسىندە تۇر، ”دۇنيە جۇزىنە نە بولدى؟ ادامزات قايتۋ كەرەك؟“ سىندى ءداۋىر ساۋالىنا مەڭزەس، باس شۋجي شي جينپيڭ جۇڭحۋانىڭ تاڭداۋلى ءداستۇرلى مادەنيەت جاۋھارىن قابىلداپ، ادامزات قوعامى دامۋىنىڭ تاڭداۋلى جەتىستىكتەرىنە مۇراگەرلىك ەتىپ، ادامزاتتىڭ تاعدىرلاس ورتاق تۇلعاسىن ورناتۋدى العا قويىپ، قازىرگى تاڭدا دۇنيە ءجۇزى ءدوپ كەلگەن رەال ماسەلەلەردى شەشۋگە، ادامزات قوعامىنىڭ بەيبىت، ىركىلىسسىز دامۋىن جۇزەگە اسىرۋعا جۇڭگو ۇستانىمىن، جۇڭگو جوباسىن ورتاعا سالدى.
بىرلەسكەن مەملەكەتتەر ۇيىمىنىڭ نيۋ - يوركتەگى باس شتابىنان جەنەۆاداعى باس شتابىنا، بو - اۋ ازيا تالقى مىنبەرىنەن شۆەتساريانىڭ داۆوس تالقى مىنبەرىنە، 20 ەل توبى باسشىلار باس قوسۋىنان جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى جىكتەگىلەر اراسىنداعى كەڭەس ماجىلىسىنە دەيىن... باس شۋجي شي جينپيڭنىڭ كوپتەگەن ماڭىزدى حالىقارالىق ورتادا ادامزاتتىڭ تاعدىرلاس ورتاق تۇلعاسىن ورناتۋ ۇستانىمىنىڭ باي مازمۇنىن تەرەڭ بايىمداۋى − كەڭەسكە، اقىلداسۋعا، بىرگە قۇرىپ، تەڭ يگىلىكتەنۋگە، سەلبەسىپ بىرگە ۇتۋعا، اۋىس - كۇيىس جاساسىپ، ءبىر - بىرىنەن ۇلگى الۋعا، جاسىل، تومەن كومىرتەكتى بولۋعا تاباندى بولىپ، باياندى بەيبىتشىلىك ورناعان، جاپپاي حاۋىپسىز، بىرگە گۇلدەنگەن، اشىق، سيىسىمدى، تازا، كوركەم دۇنيە ءجۇزىن قۇرۋ.
اناعۇرلىم گۇلدەنگەن، كوركەم دۇنيە ءجۇزىن قۇرۋ − ءار ەل حالقىنىڭ ورتاق تىلەگى. ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتۋ − ادامزات قوعامىنىڭ ورتاق قۇن تالپىنىسىن ايگىلەپ، دۇنيە جۇزىندەگى ءار ەل حالقىنىڭ بەيبىتشىلىك، دامۋ، گۇلدەنۋ تالپىنىسىنىڭ ەڭ ۇلكەن ورتاق بولگىشىن توپتاپ، ادامزات قوعامىنىڭ بىرگە دامۋىنا، باياندى گۇلدەنۋىنە، ۇزاق ۋاقىتتىق تىنىشتىقتى جۇزەگە اسىرۋىنا كارتينا سالىپ، بەتالىس نۇسقاپ، بىرلەسكەن مەملەكەتتەر ۇيىمىنىڭ حۇجاتىنا تالاي رەت جازىلىپ، حالىقارالىق قوعامنىڭ جاپپاي قۇپتاۋىنا جانە بەلسەندى ءۇن قوسۋىنا يە بولىپ، جۇڭگونىڭ ءداۋىر اعىمىنا جانە ادامزات وركەنيەتىنىڭ العاباسۋ بەتالىسىنا جەتەكشىلىك ەتەتىن ايقىن تۋعا اينالدى.
