كەريا اۋدانىنداعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشى
الىمجان ابدۇعاني
جۋىقتان بەرى مەن حابار كورۋ بارىسىندا، امەريكا پارلامەنتى قاۋىم پالاتاسىنىڭ ايتىلمىس شينجياڭعا ساياتىن ”زاڭ جوبا“نى ماقۇلداعاندىعىن بايقادىم، بۇل مەنى قاتتى ىزالاندىردى. كاسىپتىك شەبەرلىككە تاربيەلەۋ - باۋلۋعا قاتىناسقان كۋاگەر رەتىندە، مەن امەريكا ماقۇلداعان بۇل ”زاڭ جوبا“عا باتىل قارسى تۇرامىن. مەن امەريكانىڭ وسى ساياساتپازدارىنا سەندەردىڭ ءبىزدىڭ شينجياڭنىڭ ادامدىق ۇقىعى جونىندە الباتى كوكيتىن قانداي ۇقىقتارىڭ بار؟ سەندەر شينجياڭنىڭ ناقتى جاعدايىن قانشالىق تۇسىنەسىڭدەر؟ دەگەن سۇراۋ قويعىم كەلەدى.
مەن بيىل 33 جاستامىن، كەريادا تۋىپ - ءوستىم، اتا - بابامنىڭ بارلىعى وسى ارادا تۇرمىس كەشكەن. مەن ىلگەرى ءدىني ۇشقارى يدەيانىڭ ۋلاۋىنا مەيلىنشە ۇشىراپ، ءومىرىم قۇيعا تەرەڭ باتىپ بارا جاتقان كەزدە، پارتيا مەن ۇكىمەت مەنى قۇتقاردى، ماعان قايتالاي جاڭا ءومىر سيلادى. مەن پارتيا مەن ۇكىمەتتىڭ تاربيەلەۋ - باۋلۋ ورتالىعىن زاڭ بويىنشا قۇرعاندىعىنا شىن جۇرەكتەن العىس ايتامىن، كاسىپتىك شەبەرلىككە تاربيەلەنۋ - باۋلىنۋ ارقىلى مەن مەملەكەتتە ءبىر تۇتاس قولدانىلاتىن ءتىل - جازۋدى، زاڭ بىلىمدەرىن جانە كاسىپتىك شەبەرلىكتى ۇيرەنىپ، ۇشقارى يدەيانىڭ ىقپالىن الاستاپ، كەدەيلىكتەن ارىلىپ، بايۋ جولىنا ءتۇستىم، قازىر تۇرمىسىم بارعان سايىن باقىتتى بولىپ كەلەدى.
بۇرىن مەن كەيبىر ءدىني ۇشقارى ەلەمەنتتەردىڭ جەلىكتىرۋىنە ۇشىراپ، ءدىني ۇشقارى يدەيا مەنى بىرتىندەپ مەڭگەرىپ، مەنىڭ رۋحىمدى بارىمتالادى. مەن ءدىني ۇشقارى ەلەمەنتتەر بۇرمالاعان، ويدان جاساعان ايتىلمىس ”ءدىن قاعيداسى، وتباسى جوسىنى“ بويىنشا تۇرمىس كەشىردىم، اۋەلى، ”ءدىن قاعيداسى، وتباسى جوسىنى“ ارقىلى وتباسىمداعىلارعا جانە تۋىس - تۋعاندارىما، دوس - جاراندارىما تالاپ قويىپ، ۇشقارى ەلەمەنتتەر ۋاعىزداعان ”ءدىن قاعيداسى“نان پايدالانىپ وزگەلەردىڭ قالىپتى تۇرمىسىنا كيلىكتىم، ايەلىمنىڭ سىرتقا شىعىپ قىزمەت ىستەۋىنە جول قويمادىم، ۇكىمەت بىتىرگەن ازاماتتىق كۋالىك سياقتىلاردان پايدالانۋدان باس تارتتىم، مەن قاراڭعىلىقتىڭ تەرەڭ قۇيىنا بارعان سايىن باتتىم. الايدا، پارتيا مەن ۇكىمەت مەنى تاستاپ قويعان جوق، قايتا ماعان كوڭىل ءبولدى، كومەكتەستى، ماعان تاربيە جۇرگىزىپ، قۇتقاردى جانە كومەكتەستى - سۇيەمەلدەدى. تاربيەلەۋ - باۋلۋ ورتالىعىندا ۇيرەنۋ ارقىلى مەنىڭ مەملەكەتتە ءبىر تۇتاس قولدانىلاتىن ءتىل - جازۋ دەڭگەيىمدە وتە زور ىلگەرىلەۋشىلىك بولدى، تىڭداپ تۇسىنە الماۋ، سويلەي الماۋ، ۇعىنا الماۋدان قازىر نەگىزىنەن تىڭداپ تۇسىنەتىن، پىكىرلەسە الاتىن بولدىم، ءبىلىم جانە ينفورماتسيا قابىلداۋ ارنام ءتىپتى دە كوبەيە ءتۇستى؛ مەنىڭ زاڭدىق تانىمىمدا وتە زور ءوسۋ بولدى، نەنىڭ زاڭدى، نەنىڭ زاڭسىز، ماسەلەگە جولىققاندا زاڭنان قالاي كومەك الۋ سياقتىلاردا ايقىن تانىم بولدى، كوڭىل تۇكپىرىمدەگى زاڭنىڭ تومەنگى شەگى دە اناعۇرلىم ايقىندالدى، زاڭنان پايدالانعاندا عانا ءوزىمىزدى شىنايى قورعاۋعا بولاتىندىعىن ءبىلدىم.
ءبىز تاربيەلەۋ - باۋلۋ ورتالىعىندا وتە كوڭىلدى تۇرمىس كەشىردىك، ۇيرەنۋدەن سىرت، وتە كوپ ەركىن قيمىل ۋاقىتى بار، دوپ ويناۋعا، ءبي بيلەۋگە ءارى شاحمات ويناۋعا، تەلەۆيزور كورۋگە بولادى. ءبىر كۇندىك ءۇش ۋاققى تاماعىمىز وتە ءنارلى، كوپتەگەن ساباقتاستارىم تاربيەلەۋ - باۋلۋ ورتالىعىندا دەنەسىنە سالماق قوستى. ءبىز ءوزىمىزدىڭ قىزىعۋىمىز بويىنشا قولدانىلمالى شەبەرلىكتى تاڭداپ ۇيرەندىك. ايەلىم ءبىر ەرەن بازار اشۋدى ويلاپ جۇرگەن بولاتىن، سوندىقتان مەن تاربيەلەۋ - باۋلۋ ورتالىعىندا ەرەن بازار تيجاراتىن قالاي جۇرگىزۋدى ۇيرەنۋدى تاڭدادىم. تاربيەلەۋ - باۋلۋ ورتالىعىنان وقۋ تاۋىسقاننان كەيىن، ايەلىم ەكەۋىمىز ءبىر ەرەن بازار اشتىق، ءبىزدىڭ بىردەي قۇلشىنۋىمىزدىڭ ارقاسىندا ساۋدامىز بارعان سايىن جاقساردى، ءبىزدىڭ تۇرمىسىمىز دا ءتىپتى دە باقىتتى بولا ءتۇستى. قازىر ءبىز تاعى ءبىر قورا - جاي دەلدالى سەرىكتەستىگىن اشۋدى جوسپارلاپ وتىرمىز. قازىر مەن ءۇيدىڭ تىرەگىنە شىنايى اينالدىم، ەڭسەم دە بيىكتەي باستادى، ۇزاق ۋاقىتتان بەرى جوعالتقان وزىندىك سەنىم مەنىڭ تۇرمىسىما قايتا ورالدى، مەنىڭ ءومىر جولىما شۋاق شاشتى.
تەك ىنتىماق، ورنىقتىلىق بولعاندا عانا، تۇرمىسىمىز بارعان سايىن جاقسارادى. قازىر مەن مىنانى ايتقىم كەلەدى: ”جەر - الەمنىڭ كەڭدىگى پارتيا مەيىرىنىڭ كەڭدىگىنە جەتپەيدى، بارلىق جاقسى نارسە سوتسياليزمدەي جاقسى بولمايدى، وزەن - تەڭىزدىڭ تەرەڭدىگى ۇلتتار دوستىعىنىڭ تەرەڭدىگىنە جەتپەيدى. ءبىز العىس ايتۋ نيەتىندە بولىپ، ماڭگى پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، تارتىپكە، زاڭعا بويسۇناتىن، وركەنيەتتى، يبالى تولىمدى ازامات بولۋىمىز كەرەك“.
