اتۇش قالاسى قالا ورتالىعى جۇما مەشىتىنىڭ ورىنباسار حاتيبى
سالام ايسا
جاقىندا حاباردان امەريكا پارلامەنتى قاۋىم پالاتاسىنىڭ ايتىلمىس شينجياڭعا ساياتىن ”زاڭ جوبا“ ماقۇلداعاندىعىن ءبىلىپ، توتەنشە ىزالاندىم! ءبىزدىڭ شينجياڭ قازىر سونشاما جاقسى، ءار ۇلت بۇقاراسى وسىنشاما الاڭسىز، جاراسىمدى تۇرمىس كەشىرىپ وتىرسا دا امەريكاداعى كەيبىر ساياساتپازدار وتىرىكتى شىنداي، اقساقتى تىڭداي سوعىپ، سۇرقيالىقپەن سوقتىعىپ، جالا جاۋىپ، قارالادى. امەريكانىڭ شينجياڭعا ساياتىن ”زاڭ جوبا“ ماقۇلداعاندىعىنا باتىل قارسى تۇرامىن جانە قاتاڭ نارازىلىق بىلدىرەمىن.
وتكەن ءبىر مەزگىلدە، شينجياڭدا ”ءۇش ءتۇرلى كۇش“ توتەنشە قۇتىرىنىپ، سان مىڭ زورلىقتى كۇش، لاڭكەستىك دەلولارىن (وقيعا) تۋدىرىپ، ءار ۇلت حالقىنىڭ باس اماندىعى مەن مال - مۇلىك حاۋىپسىزدىگىنە زور قاتەر ءتوندىرىپ، نەگىزگى ادامدىق ۇقىقتى اۋىر دارەجەدە اياق استى ەتتى. سوڭعى جىلداردان بەرى، لاڭكەستىككە قارسى تۇرۋ، ۇشقارىلىقتى الاستاۋ شارالارى ارقىلى شينجياڭدا وراسان زور وزگەرىستەر تۋىلدى. توڭىرەگىمدەگى كوپتەگەن جاستار ۇكىمەتتىڭ كوڭىل بولۋىندە، قولداۋىندا، كومەگىندە دەربەس جۇمىستاندى، شارۋاشىلىق قۇردى، تۇراقتى ەكونوميكالىق كىرىسى بار اۋىل - قىستاق وتباسىلارىنىڭ قاتارى بارعان سايىن مولايىپ، بانكەدە اقشاسى بولدى، ءتىپتى دە كوپ ادامدار اۆتوكولىك ساتىپ الدى. اۋىلداستار ىشەر اس، كيەر كيىمنەن تارىقپادى، تۇرعىن ءۇيى قامتاماسىز ەتىلدى، اۋرۋ كورسەتكەندە ەمدەۋ قامسىزداندىرۋىنان يگىلىكتەندى، پەرزەنتتەرى تەگىن وقىدى، تۇرمىس، شىنىندا، كۇننەن - كۇنگە جاقسارا ءتۇستى. بىرنەشە كۇننىڭ الدىندا كورشىم بالاسىنىڭ بيىل بالاباقشاعا كىرگەندىگىن، وقۋ اقىسى تۇگەلدەي كەشىرىم ەتىلگەندىگىن، ءار كۇنى قۋاتتى تاعام ازىرلەنىپ، بالانىڭ جاقسى تاماقتانىپ، جاقسى ۇيرەنىپ جاتقاندىعىن، اتا - انانىڭ الاڭسىز بولىپ، كىرىس تابۋعا اناعۇرلىم كوپ ۋاقىت شىققاندىعىن، بۇدان كەيىنگى تۇرمىستارىنىڭ ءتىپتى دە جاقسى بولاتىندىعىنا تولىق سەنىمدە ەكەندىگىن ايتتى.
قازىر شينجياڭنىڭ اۋىل - قىستاقتارىندا بۇرىنعى تام ۇيلەر بەيقۇت ۇيگە وزگەردى، لاي جولدار اسفالت جولدارعا وزگەردى، شارۋالار توقتاۋ سۋ ىشۋدەن قۇبىر سۋىن ىشەتىن، سىرتقا شىققاندا ەسەك ارباعا وتىرۋدان ەلەكتروسيكلگە، جەڭىل اۆتوكولىككە وتىراتىن بولدى. قازىر شينجياڭ حاۋىپسىز، ورنىقتى بولىپ، جۇرتتىڭ قالتاسى قامپيدى، ەكونوميكا دا اناعۇرلىم گۇلدەندى، ىشكى ولكەلەردەن شينجياڭعا قارجى قوسۋعا، ساياحاتتاۋعا كەلەتىندەردىڭ قاتارى دا بارعان سايىن مولايدى. مۇنىڭ ءبارىن ”ءۇش ءتۇرلى كۇش“ بەرگەنى جوق، امەريكانىڭ ايتىلمىس شينجياڭعا ساياتىن ”زاڭ جوبا“سى بەرگەنى جوق، قايتا پارتيا مەن ۇكىمەت بىزگە سيلاپ وتىر! امەريكاداعى كەيبىر ساياساتپازداردىڭ كوتەرگەن ايتىلمىس ”ادامدىق ۇقىق“ تەك سىلتاۋ عانا، ادامگەرشىلىگى بار، پارىقتاۋ قۋاتىنا يە ادامدار بۇعان استە الدانبايدى.
وتانشىل ءدىني قايراتكەر رەتىندە، مەن پارتيانىڭ باسشىلىعىن باتىل قولدايمىن، ۇيعۇر ۇلتىن قامتىعان شينجياڭداعى ءار ۇلت بۇقاراسىنىڭ مەن سياقتى پارتيانىڭ باعىت - ساياساتتارىن باتىل قولداپ، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، قاي - قاشان دا ”ءۇش ءتۇرلى كۇش“كە قارسى كۇرەس جۇرگىزىپ، وتاننىڭ تۇتاستىعىن، قوعام ورنىقتىلىعىن جانە ۇلتتار ىنتىماعىن باتىل قورعاپ، وڭاي - وسپاق قولعا كەلمەگەن ورنىقتى، دامىعان اسا تاماشا جاعدايدى جانە ۇمىتكە تولى تاماشا تۇرمىستى بارىنشا قورعايتىندىعىنا جانە قاستەرلەيتىندىگىنە سەنەمىن. سوڭىندا مەن مىنانى ايتقىم كەلەدى: شينجياڭدا ادامدىق ۇقىق ويداعىداي قامتاماسىز ەتىلدى مە، الدە جوق پا؟ ءدىني سەنىم ەركىندىگى ساياساتى جاقسى ما، الدە جامان با؟ بۇعان جات ادامنىڭ ايتقانى ەسەپ ەمەس، قايتا شينجياڭداعى ءار ۇلت حالقىنىڭ وزدەرىنىڭ ايتقانى ەسەپ، شينجياڭنىڭ جاراسىمدىلىعىن، ورنىقتىلىعىن، دامۋىن بۇلدىرۋگە ۇرىنعان ءارقانداي قاسكۇنەمدىك اتاۋلىنىڭ ءبارى ىسكە اسپايدى ءارى مۇلدەم ىسكە اسپايدى!
