قىزمەت تۇراقتى، تۇرمىس الاڭسىز بولدى
ءتىلشى لي چۇنشيا
”ايەلىم ەكەۋىمىز دە وسى ارادا جۇمىس ىستەيمىز، ءبىر ايدا 4000 دا 5000 يۋان كىرىس تابامىز، ءۇيىمىزدى اشەكەيلەدىك، ءۇي جيھازدارىمىز، ءۇي ەلەكتر جابدىقتارىمىز تولىق، كەلەسى قادامدا مەن شوفەرلىك كۋالىك الىپ اۆتوكولىك ساتىپ الماقشىمىن“. 12 - ايدىڭ 8 - كۇنى اقسۋ ليانفا توقىماشىلىق شەكتى سەرىكتەستىگىنىڭ قىزمەتكەرى اكرام تۇرسۇننىڭ سوزىنەن بولاشاقتاعى باقىتتى تۇرمىسقا دەگەن ارمان مەن مۇندالايدى.
جۇمىستانۋ − حالىق تۇرمىسىنىڭ نەگىزى. بيىل رايونىمىز جۇمىستاندىرۋدى الدىمەن ويلاستىرۋ ساياساتىن جاپپاي ىلگەرىلەتىپ، نەگىزگى جۇمىستانۋ كورسەتكىشىندەگى جىلدىق نىسانالار، مىندەتتەر مەرزىمىنەن بۇرىن ورىندالدى، ”جۇمىستاندىرۋ“دى ورنىقتىرۋدىڭ ونىمدىلىگى كورنەكتى بولدى، سان مىڭداعان ەڭبەكشىنىڭ اكرام سياقتى قىزمەتى تۇراقتى بولىپ، تۇرمىسى ۇمىتكە تولدى.
كوزدەگەن نىسانا ارتىعىمەن ورىندالدى
بيىلعى جۇمىستانۋدىڭ جالپى تۇلعالىق جاعدايى قانداي؟ اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ءبىر توپ ساندى مالىمەتى بۇعان مىناداي جاۋاپ بەردى:
جاڭادان ارتقان جۇمىستانۋعا قاراعاندا، 11 - ايدىڭ سوڭىنا دەيىن، بۇكىل رايونىمىز قالا - قالاشىقتاردا جاڭادان 478 مىڭ 900 ادامدى جۇمىستاندىرعان، بۇل سايكەس مەزگىلدەگىدەن ％1.25 ارتىپ، جىلدىق نىسانا، مىندەتتەرى ％106.43 ورىندالعان؛ قالا - قالاشىقتارداعى جۇمىستانۋى قيىن ادامداردان 48 مىڭ 300 ادام جۇمىستانىپ، جىلدىق نىسانا، مىندەتتەر ％120.75 ورىندالعان.
باسقا كاسىپ سالاسىنا ويىستىرىپ جۇمىستاندىرۋعا قاراعاندا، اۋىل - قىستاقتارداعى ارتىق ەڭبەككۇشتەردەن 2 ميلليون 860 مىڭ ادام - رەت باسقا كاسىپ سالاسىنا ويىستىرىپ جۇمىستاندىرىلعان، بۇل سايكەس مەزگىلدەگىدەن ％2.51 ارتىپ، جىلدىق نىسانا، مىندەتتەر ％105.93 ورىندالعان.
جوعارى مەكتەپ تاۋىسقان وقۋشىلارعا قاراعاندا، رايونعا قاراستى بيىل ادەتتەگى جوعارى مەكتەپتەردەن وقۋ تاۋىسقان وقۋشىلاردىڭ جۇمىستانۋ مولشەرى ％87.64 بولىپ، سايكەس مەزگىلدەگىدەن ％1.75 جوعارىلاپ، جۇمىستانۋ ورنىقتىلىق بارىسىندا ارتقان.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستانۋدى جەبەۋ باسقارماسىنىڭ قىزمەتكەرى ما جيانيۇننىڭ تانىستىرۋىنا قاراعاندا، بيىل رايونىمىز نازاردى جۇمىستاندىرۋدى ورنىقتىرۋعا شوعىرلاندىرىپ، ءتۇيىندى قاۋىمعا كومەكتەسۋ - سۇيەمەلدەۋدى جىنتىكتەي ناقتاپ ىستەگەن: ءبىر جاعىنان، جوعارى مەكتەپتەردەن وقۋ تاۋىسقان وقۋشىلاردىڭ جۇمىستانۋىن، شارۋاشىلىق قۇرۋىن جەبەۋ جوسپارى، نەگىزگى ساتىدا جەتىلۋ جوسپارى سياقتىلاردى اتقارىپ، جۇمىستانۋعا قىزمەت وتەۋدى ورىستەتىپ، جوعارى مەكتەپتەردەن وقۋ تاۋىسقان ستۋدەنتتەردىڭ جۇمىستانۋىن، شارۋاشىلىق قۇرۋىن كوپ ءتۇرلى ارنادان، كوپ ءتۇرلى فورمادان پايدالانىپ جۇزەگە اسىرعان؛ ەندى ءبىر جاعىنان، جۇمىستانۋى قيىن ادامدارعا ”ءبىردىڭ بىرگە“ كومەكتەسۋ مەن ”بىردە - ءبىر ادامى كاسىپتەنبەگەن وتباسىلارىنىڭ جاعدايىن 24 ساعاتتا يكەمدى اداقتاۋ“ قىزمەت مەحانيزمىن اتقارىپ، ”ءبىر ادامعا ءبىر شارا قولدانۋ“عا تاباندى بولىپ، ساياساتتىڭ، جۇمىس ورنىنىڭ جانە قىزمەت وتەۋدىڭ تياناقتاندىرىلۋىنا كەپىلدىك ەتكەن.
”جالپى جاقتان العاندا، شينجياڭدا قوعام ورنىقتىلىعىنىڭ پايداسى ۇزدىكسىز جارىققا شىعىپ، جۇمىستانۋدى ورنىقتىرۋ جانە كەڭەيتۋ ءۇشىن بەرىك نەگىز قالادى. رايونىمىزدا جۇمىستانۋ جاعدايى ورنىقتىلىق بارىسىندا جوعارىلاپ، جۇمىستانۋ كولەمى ءۇرتىس كەڭەيىپ، نەگىزگى جۇمىستانۋ كورسەتكىشىندەگى جىلدىق نىسانا، مىندەتتەردى مەرزىمىنەن بۇرىن ورىنداپ، اناعۇرلىم جوعارى ساپالى جانە اناعۇرلىم جاپپاي جۇمىستانۋدى جۇزەگە اسىرۋدى ىلگەرىلەتتى“، - دەدى ما جيانيۇن.
جۇمىستاندىرۋ ساياساتى جان - جاقتى كۇش قوستى
”توبىمىزدا قازىر 108 مىڭ قىزمەتكەر بار، تەك قوعامدىق قامسىزداندىرۋ اقىسىنىڭ ازايۋىنا ساي، ءبىر جىلدا ادام كۇشى شىعىمىنان 85 ميلليون 180 مىڭ يۋان ۇنەمدەۋگە بولادى“، - دەدى شينجياڭ گۋاڭحۇي توبى ادام كۇشى بايلىعى ورىنباسار باس باقىلاۋشىسى سۇن ليڭيۇن تىلشىگە.
جۇمىستاندىرۋدى ورنىقتىرۋ ساياساتتىڭ قولداۋىنان ايرىلا المايدى، قوعامدىق قامسىزداندىرۋ اقىسىنىڭ ازايتىلۋى وسىنىڭ ءبىرى. بيىل 5 - ايدىڭ 1 - كۇنى اۆتونوميالى رايونىمىز قوعامدىق قامسىزداندىرۋ اقىسىن ازايتۋ ساياساتىن اتقارعاننان بەرى، 10 - ايدىڭ سوڭىنا دەيىن، قوعامدىق قامسىزداندىرۋ اقىسىنىڭ ازايتىلۋى بۇكىل رايونىمىزداعى كاسىپورىنداردىڭ 4 ميلليارد 885 ميلليون يۋان اۋىرتپالىعىن جەڭىلدەتىپ، كاسىپورىننىڭ قىزمەتكەرلەر قوسىنىن ورنىقتىرۋى، دارىندىلاردى ەنگىزۋى سياقتىلار ءۇشىن ناقتى رول اتقاردى.
”ۇنەمدەلگەن 85 ميلليون 180 مىڭ يۋان ەگەر ادەتتەگى قىزمەتكەر قابىلداۋعا ىستەتىلسە، ءاربىر ادامعا جىلىنا 65 مىڭ يۋان ەڭبەكاقى بەرۋ بويىنشا مەجەلەگەندە، 1300دەن ارتىق ادامنىڭ جۇمىستانۋ ماسەلەسىن شەشۋگە بولادى“، - دەدى سۇن ليڭيۇن.
2019 - جىلى رايونىمىز ”جۇمىستاندىرۋ ساياساتىن تياناقتاندىرۋ جىلى“ قيمىلىن اتقارىپ، جۇمىستانۋ، شارۋاشىلىق قۇرۋ ساياساتى مەن قىزمەت وتەۋ نىساندارىن جان - جاقتى سالالاپ، ساياسات ءتىزىمىن، قىزمەت وتەۋ ءتىزىمىن جانە اتقارۋشى قۇرىلىم ءتىزىمىن قوعامعا اشىق جاريالاپ، تياناقتاندىرۋدى ءبىر - بىردەن يگەردى. 9 - ايدىڭ سوڭىنا دەيىن، بۇكىل رايونىمىز جۇمىستانۋ قوسىمشا قاراجاتى قارجىسىنان جيىنى 2 ميلليارد 234 ميلليون يۋان تياناقتاندىرىپ، جۇمىستاندىرۋ قوسىمشا قاراجاتى ساياساتىنان 613 مىڭ ادام يگىلىكتەندى.
كاسىپورىنداردىڭ جۇمىستانۋ ورنىن ورنىقتىرۋىنا كومەكتەسۋ ءۇشىن، رايونىمىز جۇمىسسىزدىق قامسىزداندىرۋى ارقىلى كاسىپورىندارعا كومەكتەسىپ، جۇمىستانۋدى ورنىقتىرۋدى ”قورعاۋ قيمىلىن“ اتقارىپ، زاڭ بويىنشا قامسىزداندىرۋعا قاتىناسىپ، اقى تاپسىرىپ، قىزمەتكەرلەردى قىسقارتپاعان، قىزمەتكەرلەردى از قىسقارتقان كاسىپورىندارعا كاسىپورىننىڭ ءىس جۇزىندە تاپسىرعان جۇمىسسىزدىق قامسىزداندىرۋ اقىسىنىڭ جالپى سوماسىنىڭ ％50ى (وڭتۇستىك شينجياڭداعى 4 ايماق، وبلىستا ％60كە جوعارىلاتىلدى) بويىنشا، جۇمىستانۋ ورنىن ورنىقتىرۋ قوسىمشا قاراجاتىن بەرىپ، كاسىپورىنداردىڭ اينالىم وزىندىك قۇنىن تومەندەتتى. 10 - ايدىڭ سوڭىنا دەيىن، جۇمىستانۋ ورنىن ورنىقتىرۋ قوسىمشا قاراجاتىنان جيىنى 512 ميلليون يۋان تاراتىپ، بۇدان 13 مىڭ 500 كاسىپورىنداعى ءبىر ميلليون 496 مىڭ 700 جۇمىسشى - قىزمەتكەر يگىلىكتەندى.
ءبىر ادام جۇمىستانسا، بۇكىل وتباسى كەدەيلىكتەن ارىلادى
”زاۆود قىستاقتان قۇرىلدى. مەن ەسىگىمنىڭ الدىنان جۇمىستاندىم، ايلىق تازا كىرىسىم 2000 يۋانداي، وتكەن ايدا شاعىن گرۋپپا باستىعى بولدىم. تەك جاقسى ىستەسەم بولعانى، ەڭبەكاقىم وسە بەرەدى“، - دەدى 12 - ايدىڭ 7 - كۇنى شينجياڭ ۋيميڭ ەلەكترون عىلىم - تەحنيكاسى شەكتى سەرىكتەستىگىنىڭ قىزمەتكەرى ءدىلنۇر يمىن كۇلە سويلەپ.
شينجياڭ ۋيميڭ ەلەكترون عىلىم - تەحنيكاسى شەكتى سەرىكتەستىگى بيىل 2 - ايدا ياركەن اۋدانى شاراك قالاشىعى سايلاڭگار قىستاعىنا ىرگە تەپتى، ءدىلنۇر ارحيۆ تۇرعىزىلىپ، كارتچكالاندىرىلعان كەدەي، سونداي - اق وسى سەرىكتەستىكتىڭ العاشقى توپتاعى قىزمەتكەرى. قازىر ونىڭ ءار ايدا تۇراقتى كىرىسى بار، وتباسىنىڭ تۇرمىسى دا كۇننەن - كۇنگە جاقساردى، ونىڭ جۇزىندەگى كۇلكى دە كۇننەن - كۇنگە مولايدى.”سەرىكتەستىگىمىز سايلاڭگار قىستاعى مەن توڭىرەكتەگى قىستاقتاردان جيىنى ارحيۆ تۇرعىزىلىپ، كارتچكالاندىرىلعان 500دەن استام كەدەيدى جۇمىستاندىردى“. شينجياڭ ۋيميڭ ەلەكتروندىق عىلىم - تەحنيكالىق شەكتى سەرىكتەستىگىنىڭ ورىنباسار باس مەڭگەرۋشىسى ليۋ حاي تىلشىگە بىلاي دەدى: قازىر سەرىكتەستىگىمىزدىڭ زاكازى تولىق، قىزمەتكەر قابىلداۋ سەرپىنىن ۇزدىكسىز كۇشەيتۋىمىز كەرەك. شاراك قالاشىعىندا وسى تەكتەس قىستاقتا قۇرىلعان ەڭبەك شوعىرلانعان زاۆودتان تورتەۋى بار، بۇلار 1500دەن ارتىق قىستاق تۇرعىنىن جۇمىستاندىرىپ وتىر.
ءبىر ادام جۇمىستانسا، بۇكىل وتباسى كەدەيلىكتەن ارىلادى. اۆتونوميالى رايوننىڭ جۇمىستاندىرۋدى الدىمەن ويلاسۋ ساياساتىنىڭ قولداۋىندا، قازىر وڭتۇستىك شينجياڭداعى كەدەي وتباسىلارىنداعى ەڭبەككۇشتەردەن سول جەردىڭ وزىندە، جاقىن ماڭدا جۇمىستانۋ، ءوڭىر اتتاپ باسقا كاسىپ سالاسىنا ويىسىپ جۇمىستانۋ سياقتى كوپ ءتۇرلى ارنادان پايدالانىپ جۇمىستانىپ كىرىسىن ارتتىرعاندار بارعان سايىن كوبەيدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، بيىل الدىڭعى 11 ايدا وڭتۇستىك شينجياڭداعى 22 اۋىر كەدەي اۋدانداعى ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى ەڭبەككۇشتەردەن 75 مىڭ 933 ادامدى باسقا كاسىپ سالاسىنا ۇيىمدى تۇردە ويىستىرىپ جۇمىستاندىرعان، بيىلعى نىسانا، مىندەتتىڭ ％189.8ى ورىندالعان.
”جۇمىستانۋ ورنىن ورنىقتىرۋ، شەبەرلىكتى ورنىقتىرۋ، مامىلەنى ورنىقتىرۋ سياقتى جاقتارداعى قىزمەتتەردى ۇزدىكسىز ويداعىداي ىستەپ، ارحيۆ تۇرعىزىلىپ، كارتچكالاندىرىلعان وتباسىلارىنداعى اناعۇرلىم كوپ ەڭبەككۇشتى باسقا كاسىپ سالاسىنا ويىستىرىپ جۇمىستاندىرۋ ارقىلى كەدەيلىكتەن ارىلتۋدى سەنىمگە يە ەتىپ، كىرىستى ارتتىرۋدان ءۇمىت بايقاتىپ، تۇرمىستى بارعان سايىن جاقسارتامىز“، - دەدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى شارۋا جۇمىسكەرلەر باسقارماسىنىڭ باستىعى لي حۇڭ - ۋ.
