الدىڭعى 11 ايدا يمپورت ساۋداسى قۇنى وتكەن جىلداعىدان 6 ەسەدەن جوعارى ارتتى
ءتىلشى چىن چياڭۋي 12 - ايدىڭ 10 - كۇنى الاتاۋ ساعاسىنان حابارلايدى. بيىل الدىڭعى 11 ايدا الاتاۋ ساعاسى جالپىلىق قورعامالى باجى رايونىنىڭ يمپورت تاۋار ساۋداسى قۇنى 4 ميلليارد 307 ميلليون يۋانعا جەتىپ، سايكەس مەزگىلدەگىدەن6.59 ەسە ارتتى، مۇنىڭ ىشىندە قورعامالى باجى زات اينالىم تاۋار ساۋداسى قۇنى 4 ميلليارد 200 ميلليون يۋان بولىپ، سايكەس مەزگىلدەگىدەن 11.8 ەسە ارتىپ، يمپورت جالپى قۇنىنىڭ ％97.5ىن يەلەپ، قورعامالى باجى زات اينالىم فۋنكتسياسى اناعۇرلىم كورنەكتىلەندى.
جالپىلىق قورعامالى باجى رايونى − ىشكى قۇرلىقتاعى رايونداردان قۇرىلعان قورعامالى باجى پورت رايونى رولىنا يە كەدەن ەرەكشە باقىلاپ باسقاراتىن رايون، قورعامالى باجى مانەرلەۋ، قورعامالى باجى زات اينالىمى، تاۋار ساۋداسى، قىزمەت وتەۋ ساۋداسى، ۆيرتۋالدى شەكارا وتكەلى سياقتى 5 ۇلكەن رولى بار. شينجياڭداعى تۇڭعىش جالپىلىق قورعامالى باجى رايونى رەتىندە، الاتاۋ ساعاسى جالپىلىق قورعامالى باجى رايونى شەكارا وتكەلى ورنىنىڭ زات اينالىم ابزالدىلىعى مەن جالپىلىق قورعامالى باجى رايونى ساياساتى قاباتتاسۋ ابزالدىلىعىنا سۇيەنىپ، زات اينالىمى جۇمىسىن ساپالىلاندىرۋ، كەدەن وتكەلى ونىمدىلىگىن جوعارىلاتۋ، شارۋاشىلىق - ساۋدا ورتاسىن جاقسارتۋ سياقتى ءبىرسىپىرا شارالار قولدانۋ ارقىلى قورعامالى باجى زات اينالىمىنىڭ دامۋ كومەسكى كۇشىن تولىق اشىپ، بەلسەندى ىلگەرىلەۋشىلىككە قول جەتكىزدى.
تاياۋدا الاتاۋ ساعاسى جينمۋ بيو عىلىم - تەحنيكا شەكتى سەرىكتەستىگى قازاقستان، رەسەي سياقتى ەلدەردەن نەشە مىڭ توننا شەكىلدەۋىك سياقتى ماي الۋ داقىلدارىن يمپورت ەتىپ، جالپىلىق قورعامالى باجى رايونىندا ازىقتىق ماي ءوندىرىپ، مانەرلەپ، ونان سوڭ بۇكىل ەل كولەمىندە ساتۋدىڭ دايىندىعىن جاسادى. وسى شەكىلدەۋىكتەر قورعامالى باجى زات اينالىم ءتاسىلى ارقىلى جالپىلىق قورعامالى باجى رايونىنا ەنگىزىلىپ، باجى كەشىرۋ قاتىستى ساياساتىنان يگىلىكتەندى. بۇل سەرىكتەستىك استىق، جەم، ماي 3 كاسىپ توعىسقان كاسىپ سالاسى جەلىسى جىنتىكتەي مانەرلەۋ نىسانىن قۇرۋدى جوسپارعا الدى، قازىر جىلىنا 150 مىڭ توننا مايلىقتى، 100 مىڭ توننا ۇگىندى كۇنجارانى ءبىر جايلى ەتۋ جانە 60 مىڭ توننا ماي سۇرىپتاي ايىرۋ نىسانى سالىنىپ بولدى.
”ءساتتى وندىرۋگە كەپىلدىك ەتۋ ءۇشىن قىرۋار شەكىلدەۋىك شيكىزاتىن يمپورت ەتۋ قاجەت بولعاندىقتان، ءبىز ارناۋلى 30 مىڭ توننالىق قامبا سالدىق. 1 - توپتا 7000 توننا شەكىلدەۋىك يمپورت ەتتىك، كەلەر جىلى 1 - ايدا جانە 15 مىڭ توننا يمپورت ەتۋدى جوسپارلاپ وتىرمىز“، - دەدى. وسى سەرىكتەستىكتىڭ جالپىلىق كەڭسەسىنىڭ مەڭگەرۋشىسى امانبەك. ول قورعامالى باجى زات اينالىمىنا قاتىستى ساياسات بويىنشا، قورعامالى باجى رايونىنا ەنگىزىلگەن شەكىلدەۋىكتىڭ ءبىر تونناسىنان شامامەن 104 يۋان باجى كەشىرىم ەتىلسە، 15 مىڭ توننا يمپورت ەتسەك كاسىپورىن ءبىر ميلليون 560 مىڭ يۋان ۇنەمدەپ قالادى ەكەن دەپ ەسەپ جاسادى.
بيىل كەڭ ولشەمدى رەليستى تەمىر جولدى رايونعا كىرگىزىپ اۋىستىرىپ تيەۋ ابزالدىلىعىن تولىق ساۋلەلەندىرىپ، رايونداعى كاسىپورىنداردىڭ قورعامالى باجى زات جونەلتۋ قاجەتىن قاناعاتتاندىرۋ ءۇشىن، الاتاۋ ساعاسى جالپىلىق قورعامالى باجى رايونى رايونداعى پايدالانىلۋ سالىستىرماسى تومەن 18 تەمىر جول ارناۋلى جەلىسىن ءونىمدى تۇردە ىسكە قوسىپ، زات جونەلتۋ جولدارىن اناعۇرلىم ىركىلىسسىزدەندىردى.
مۇنان سىرت، الاتاۋ ساعاسى كەدەنى 14 ساعات وتكەلدەن وتكىزۋ، 24 ساعات كەزەكشى بولىپ تەكسەرىپ وتكىزۋ سياقتى جاڭا شارالاردى قاراستىرىپ، كەدەننەن وتكىزۋ ونىمدىلىگىن ۇزدىكسىز جوعارىلاتتى.
”ءبىز كەدەن - كاسىپورىنداردىڭ اڭگىمە ءماجىلىسىن مەرزىم سايىن اشىپ، كاسىپورىنداردان پىكىر - ۇسىنىس الىپ، تۇرلىشە كاسىپورىندارعا باعىتتاي ءىس جۇزىندىك جاعدايمەن ۇشتاستىرا 15 ءتۇرلى دارالىق قىزمەت وتەۋ شاراسىن بەلگىلەپ، ’ءبىر كاسىپورىنعا ءبىر شارا‘، ’ءبىر ونىمگە ءبىر شارا‘ اتقارىپ، كاسىپورىنداردىڭ ءوندىرىس، تيجاراتىندا جارىققا شىققان ماسەلەلەردى تولىق شەشتىك. زاتتاردى وڭاي كىرگىزىپ، تەز شىعارۋ كاسىپورىنداردىڭ جالپىلىق قورعامالى باجى رايونىنىڭ ساياساتتىق ۇلكەن سيلىعىنان يگىلكتەنۋىن قامتاماسىز ەتتى“، - دەدى الاتاۋ ساعاسى كەدەنى جالپىلىق كاسىپ 2 - ءبولىمىنىڭ باستىعى لي نۇڭ.
