استىقتىڭ جالپى ءونىمى بىلتىرعىدان 230 مىڭ توننا ارتتى، ماقتا كاسىبى سالاسىنىڭ باسىمدىلىق ورنى اناعۇرلىم بەكەمدەلدى
12 - ايدىڭ 10 - كۇنى جۇمىسشىلار تايلاعان ماقتانى تىزۋدە. 9 - ايدىڭ سوڭىندا جاڭا ماقتا قامباعا كىرگەننەن بەرى اۆتونوميالى رايوندىق ماقتا - كەندىر سەرىكتەستىگى ءۇرىمجى ماقتا - كەندىر پۋنكتىنىڭ ماقتا باقىلاۋ - باسقارۋ قامباسى جيىنى 47 مىڭ توننا جاڭا ماقتا قامبالاپ، جيىنى 12 مىڭ 113 توننا ماقتانى قامبادان شىعاردى. سۋرەتتى ءتىلشى لي رۇي تۇسىرگەن
بەتاشار
2019 - جىل − جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋدا شەشۋشى جەڭىسكە جەتۋدىڭ شەشۋشى جىلى.
اۋىل شارۋاشىلىق وندىرىسىندە قۋانىشپەن مول ءونىم الىندى، ونەركاسىپتىڭ ساپاسى، ونىمدىلىگى ۇزدىكسىز جوعارىلادى، ”13 - بەسجىلدىق“تىڭ كەدەيلەردى باسقا جەرگە كوشىرىپ سۇيەمەلدەۋ مىندەتى بۇكىلدەي ورىندالدى... جىل اقىرىنا تاياعان ساتتە، شينجياڭ كىسىنى قۋانىشقا بولەيتىن 2019 - جىلدىڭ ناتيجە تىزىمدىگىن تاپسىرىپ، شينجياڭنىڭ كەڭ - بايتاق دالاسىنداعى تاسقىنداعان تىرشىلىك تىنىسىن ايگىلەدى. وسى ءبىر جىلدا بۇكىل رايون شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ورنىقتىلىق بارىسىندا ىلگەرىلەۋ جالپى قىزمەت ارناسىنا تاباندى بولىپ، جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ەكونوميكانىڭ، قوعامنىڭ جوعارى ساپالى دامۋىن ۇزدىكسىز ىلگەرىلەتتى. بۇگىننەن باستاپ، گازەتىمىز ”جوعارى ساپالى دامۋدى ىلگەرىلەتكەن ءبىر جىلدا“ ايدارىندا جىل اقىرىنداعى ەسەپ اداقتاۋ جەلىلەس حابارلارىن شىعارىپ، ءبىر جىلدان بەرى رايونىمىزدىڭ ءارقايسى سالالارىنداعى دامۋ جارقىن تۇيىندەرىن سارالاپ، بۇكىل رايونىمىزدىڭ ەكونوميكالىق، قوعامدىق دامۋىنداعى جاڭا امالياتتى، جاڭا وزگەرىستەردى، جاڭا تابىستاردى جاپپاي ايگىلەيدى.
ءتىلشىمىز ليۋ ي 12 - ايدىڭ 10 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋعا قاراعاندا، اۋىل شارۋاشىلىعىندا قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتۋدەن اۋىل شارۋاشىلىعىنىڭ دامۋ ساپاسى مەن ونىمدىلىگى ۇزدىكسىز جوعارىلاپ، بيىل رايونىمىز اۋىل شارۋاشىلىعىندا تاعى دا مول ءونىم العان. بۇكىل رايونىمىزدىڭ استىق جالپى ءونىمى 15 ميلليون 270 مىڭ تونناعا جەتىپ، بىلتىرعىدان 230 مىڭ توننا ارتقان؛ ماقتا ءوندىرىسىنىڭ ساپاسى مەن ونىمدىلىگى ورنىقتى قاداممەن جوعارىلاپ، ماشينامەن ماقتا تەرىلگەن جەر كولەمى تۇڭعىش رەت 11 ميلليون 500 مىڭ مۋدان اسىپ، رايونىمىزدىڭ بۇكىل ەلىمىزدەگى ساپالى ماقتا وندىرەتىن بازالىق ورنى اناعۇرلىم بەكەمدەلدى.
ۇعىسۋعا قاراعاندا، بيىل جىل باسىنان بەرى، رايونىمىز ىشەر استىقتىڭ شارتسىز حاۋىپسىزدىگىنە شىنايى كەپىلدىك ەتۋ نەگىزىندە، اۋىل شارۋاشىلىق قۇرىلىمىن رەتتەۋدى ءتارتىپتى ىلگەرىلەتىپ، استىق حاۋىپسىزدىگى مەن ماڭىزدى اۋىل شارۋاشىلىق ونىمدەرىمەن ءونىمدى قامداۋ قابىلەتىن قامتاماسىزداندىرىپ، اۋىل شارۋاشىلىق ءوندىرىسىنىڭ ”سان“نان ”ساپا“عا بۇرىلىس جاساۋىن ىلگەرىلەتتى. تۇتاس جىلدا استىق ەگىلگەن جالپى جەر كولەمى 33 ميلليون 60 مىڭ مۋعا، ادام باسىنا تۋرا كەلەتىن استىق مولشەرى 614 كيلوگرامعا جەتىپ، ”ىشەر استان تارىقپاۋ“دى شىنايى جۇزەگە اسىردى. وسى بارىستا، بۇكىل رايونىمىز ”استىق ساقتاۋدا جەرگە سۇيەنۋ، استىق ساقتاۋدا تەحنيكاعا سۇيەنۋ“ ستراتەگياسىن تياناقتاندىرىپ، ساپالى تۇقىم مەن ساپالى ءادىستى سايكەستىرۋ، سۋ مەن تىڭايتقىشتى ءبىر تۇلعالاندىرۋ سياقتى جوعارى ءتۇسىمدى، جوعارى ساپالى، جوعارى ءونىمدى استىق ءوندىرىسى تەحنيكا ۇلگىسىن ءتۇيىندى جالپىلاستىرىپ، سورت قۇرىلىمىن ۇزدىكسىز ساپالىلاندىرىپ، استىقتىڭ ءونىمىن جوعارىلاتۋ نەگىزىن بەكەمدەدى. بيىل بۇكىل رايونىمىزدا ءبيدايدىڭ بىرلىك ءونىمى386.2 كيلوگرام بولىپ، وتكەن جىلداعىدان 3.1 كيلوگرام ارتتى، ساپالى ءبيدايدىڭ باعاسى بازاردا بىرتىندەپ مويىندالىپ، استىق ءوندىرىسىنىڭ جالپى ءونىمى ورنىقتى قاداممەن ارتتى.
رايونىمىزدىڭ ماقتا كاسىبى سالاسىنداعى بۇكىل ەلىمىزدەگى باسىمدىق ورنى اناعۇرلىم بەكەمدەلدى. بيىل بۇكىل رايونىمىزدا ماقتا سورتىنىڭ سانى العاشقى ادىمدا رەتتەپ ازايتىلىپ، بۇكىل رايونىمىز كولەمىندە ”ءبىردى نەگىز، ەكىنى قوسىمشا ەتۋ“ سىندى ەگۋ ۇلگىسى جالپىلاستىرىلىپ، نەگىزگى ەگىلەتىن سورتتار ماقتا ەگىلەتىن جالپى جەر كولەمىنىڭ ％73تەن استامىن يەلەپ، ماقتا سورتى ءبىر قالىپتى ورنىقتى جوعارىلادى. سونىمەن بىرگە، وڭتۇستىك شينجياڭداعى نەگىزگى ماقتا ءوندىرىسى وڭىرىندە ماقتانى تامشىلاتىپ سۋ مەن تىڭايتقىش ءبىر تۇلعالانعان ماشينامەن تەرۋ، ەگۋ ۇلگىسىن بەلسەنە جالپىلاستىرىپ، ماقتا وندىرىسىندە نارقىن ۇنەمدەپ ءونىمدى ارتتىرۋ جۇزەگە اسىرىلدى. اۋىل شارۋاشىلىعى، اۋىل - قىستاق تاراۋلارىنىڭ ساناعىنا نەگىزدەلگەندە، بيىل بۇكىل رايونىمىزدا ماقتا ەگىلگەن جەر اۋماعى 39 ميلليون 193 مىڭ مۋعا جەتەتىندىگى مەجەلەنىپ، بىلتىرعىمەن سالىستىرعاندا ارتۋ جاعدايى كورىنگەن، ماقتا وندىرىسىندە كولەمدەندىرىلگەن ەگۋ سالىستىرماسى ارتقان، ەگۋ نارقى تومەندەگەن، شوعىرلى شارۋاشىلىق ورەسى جوعارىلاعان دامۋ جاعدايى كورىلگەن.
قىزاناق مانەرلەۋ، قىزىل بۇرىش مانەرلەۋ، جۇڭگوشا ءدارى ماتەريالدارى سياقتىلاردى نەگىز ەتكەن وڭىرلىك ەرەكشەلىككە يە اۋىل شارۋاشىلىعى اۋىل شارۋاشىلىعىن دامىتۋداعى جاڭا جارقىن تۇيىنگە اينالدى. ساناققا نەگىزدەلگەندە، بيىل رايونىمىزدىڭ ەرەكشە داقىل ەگىلگەن جالپى جەر اۋماعى شامامەن 10 ميلليون 648 مىڭ 500 مۋعا جەتىپ، بىلتىرعىمەن سالىستىرعاندا 698 مىڭ 500 مۋ كوبەيگەن، ءىشىنارا جەرلەردىڭ جەرگىلىكتى ەرەكشە ونىمدەرى مەن شاعىن سورتى ەگىنشىلەردى كىرىسىن ارتتىرۋعا باستايتىن ءىرى كاسىپكە اينالۋدا. سونىمەن بىرگە، بۇكىل رايونىمىزدىڭ قۇرىلعىلى اۋىل شارۋاشىلىعى دا ورنىقتى قاداممەن دامىپ، ءوندىرىس جالپى ءونىم ورەسى ۇزدىكسىز جوعارىلاعان. بيىل بۇكىل رايونىمىزدىڭ قۇرىلعىلى اۋىل شارۋاشىلىعىندىق ءوندىرىس جەر اۋماعى 602 مىڭ 200 مۋعا جەتكەن، مۇنىڭ ىشىندە جىلىجاي 350 مىڭ 400 مۋدى يەلەيدى. بۇكىل رايون اۋىر كەدەي اۋداندارعا اۋدان دارەجەلى 6 قالامشا جەتىلدىرۋ ورتالىعىن ءتۇيىندى سەپتەپ، كەمەلدەندىرىپ، 3940 ”كۇزدە جاي باستاۋ“ جانە ”كوكتەمدە ەرتە باستاۋ“ ءوندىرىس جىلىجايىن سالىپ، 760 كۇن نۇرى جىلىجايىن جاڭادان وزگەرتىپ سالىپ، وڭتۇستىك شينجياڭداعى اۋىل - قىستاق رايونىنىڭ اۋلا شارۋاشىلىعىن دامىتۋعا جەتەكشىلىك ەتىپ، كەدەي بۇقارانىڭ كەدەيلىكتەن ارىلىپ كىرىسىن ارتتىرۋىنا كومەكتەستى.
