شينحۋا اگەنتتىگىنىڭ 12 - ايدىڭ 10 - كۇنى بەيجيڭنەن بەرگەن حابارى (ءتىلشى ۋىن شين). سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ 12 - ايدىڭ 10 - كۇنى جۇڭگو جاقتىڭ قازاقستان زۇڭتۇڭى توقايەۆتىڭ شينجياڭعا ساياتىن ماسەلە جونىندەگى وبيەكتيۆتى، ءادىل ەمەۋرىنىن بارىنشا القايتىندىعىن ءبىلدىردى.
سول كۇنگى داعدىلى تىلشىلەردى قابىلداۋ ماجىلىسىندە، ءبىر ءتىلشى بىلاي دەپ سۇرادى: 12 - ايدىڭ 4 - كۇنى، قازاقستان زۇڭتۇڭى توقايەۆ گەرمانياعا ساپارلاي بارۋ قارساڭىندا گەرمانيا اقپارات قۇرالدارىنا سۇحبات بەرگەندە، شينجياڭعا ساياتىن ماسەلە جونىندە مىنالاردى ءبىلدىردى: شينجياڭدا جاساپ جاتقاندار جۇڭگو ازاماتتارى، كەيبىر حالىقارالىق ادامدىق ۇقىق ۇيىمدارىنىڭ ازىرلەگەن ينفورماتسيالارى شىندىققا جاناسپايدى، قازاقتارعا ساياتىن ماسەلەلەر جونىندە قاساقانا كوتەرگەن دابىراسى. قازاقستان جاق مۇنىڭ وڭىرلىك ساياسيدىڭ ءبىر بولىگى ەكەندىگىنە قانىق، سەبەبى جۇڭگو مەن امەريكا ساۋدا قاقتىعىسىندا ءوزارا شامىرقاندى، الايدا قازاقستان ايتىلمىس ”جۇڭگوعا قارسى الەمدىك بىرلىكساپ“تىڭ ءبىر بولىگى بولماۋى ءتيىس. شينجياڭنىڭ قۇرعانى قايتالاي تاربيەلەۋ مەكتەبى، ”جۇڭگو بارلىق قازاقتاردى ’جازا لاگەرى‘نە ايداپ اپاردى“ دەگەن ايتىلىم دا شىندىققا جاناسپايدى. جۇڭگوداعى قازاقتار، ەڭ اۋەلى، جۇڭگو ازاماتتارى، شينجياڭدا تۋىلعان ىستەر جۇڭگونىڭ ىشكى ءىسى. حالىقارالىق زاڭعا جانە قازاقستان - جۇڭگو ەكى ەلدىڭ كەلىسىمىنە ساي، قازاقستان جاقتىڭ جۇڭگونىڭ ىشكى ىسنە كيلىگۋ ۇقىعى جوق، سونداي - اق جۇڭگو دا قازاقستان جاقتىڭ ىشكى ىسىنە كيلىككەنى جوق. جۇڭگو قازاقستان زۇڭتۇڭىنىڭ جوعارىداعى ەمەۋرىنىنە قانداي باعا بەرەدى؟
حۋا چۇنيىڭ بىلاي دەدى: جۇڭگو جاق توقايەۆ زۇڭتۇڭنىڭ وبيەكتيۆتى، ءادىل ەمەۋرىنىن بارىنشا القايدى. جۇڭگو مەن قازاقستان تاتۋ كورشى جانە ماڭگىلىك جان - جاقتى ستراتەگيالىق سەرىكتەر. توقايەۆ زۇڭتۇڭنىڭ بيىل 9 - ايدا جۇڭگوداعى ساپارىنىڭ تابىسى مول بولدى، ەكى ەل باسشىلارى جۇڭگو مەن قازاقستاننىڭ ءوزارا قولداۋدى كۇشەيتىپ، ”ءبىر بەلدەۋ، ءبىر جول“دى بىرگە قۇرۋ سەلبەستىگىن تەرەڭدەتىپ، بىرگە دامۋدى جانە گۇلدەنۋدى جۇزەگە اسىرۋعا كۇش سالۋى كەرەكتىگىن قايتالاي دارىپتەدى. توقايەۆ زۇڭتۇڭنىڭ شينجياڭعا ساياتىن ماسەلە جونىندە جوعارىداعىداي ەمەۋرىن ءبىلدىرۋى ەكى ەلدىڭ ءداستۇرلى دوستىعى مەن جوعارى دەڭگەيلى سەنىمدىلىگىن ايگىلەپ قالماستان، ءىشىنارا ەلدەردىڭ جالعان سوزدەرىنە دە پارمەندى تويتارىس جاسادى.
حۋا چۇنيىڭ بىلاي دەدى: اقيقات قاشاندا ادامنىڭ كوڭىلىندە، جۇڭگو ۇكىمەتىنىڭ شينجياڭدى جونگە سالۋ ساياساتى حالىقارالىق قوعامنىڭ جاپپاي بەلسەندى باعاسىنا يە بولدى. ءىشىنارا ەلدەردىڭ شينجياڭعا ساياتىن ماسەلەدەن پايدالانىپ پالە شىعارۋى بۇكىلدەي شىندىققا قايشى، حالىقارالىق قوعامنىڭ نەگىزگى اعىمدىق حالىق رايىنا بۇكىلدەي قايشى، مۇنداي سۇرقيا قاسكۇنەمدىك ىسكە اسپايدى.
