تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

حۇشۇت اۋدانى: ەتتى قويان باعىپ كىرىستەرىن ارتتىرىپ اۋقاتتانۋ جولىنا ءتۇستى

  12-ايدىڭ 10-كۇنى، شينجياڭ بايىنعولين اۆتونوميالى وبلىسى حۇشۇت اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ۇساقتال اۋىلى دالوبا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى وسى قىستاقتاعى 1-گرۋپپاداعى قىستاق تۇرعىنى لي گويىڭنىڭ ەتتى قويان باعىمشىلىق الاڭىنىڭ احۋالىن كورۋگە كەلدى، ءبىر قاتار قويان قاپاسىنىڭ رەتتى تىزىلگەنىن كوردى، سۇيكىمدى قوياندار ”تۇستەنىپ“ جاتىر ەكەن، باعىمشىلىق الاڭىنىڭ جاۋاپتىسى لي گويىڭ قوياندارعا جەم بەرىپ قاربالاستاپ ءجۇر.

  ”بيىل مەن قىزمەت اترەتىنىڭ جەتەكشىلىگىندە 220 ەتتى قويان باقتىم، ءتۇرلى كوكونىس، ءبيداي كەبەگى، گاۋلياڭ قاتارلى قارا استىقتاردى بەرەمىن، تۇرقى ۇلكەن سالماعى اۋىر، ورتاشا سالماعى 3 كيلوگرام، بىرەۋى 50 يۋان، كەلەر اپتادا ءبىرىنشى ىشكى ولكەگە ساتىلادى“،-دەدى لي گويىڭ قۋانىشپەن.

  بيىل جىل باسىندا، قىزمەت اترەتىنىڭ مۇشەلەرى لي گويىڭنىڭ جاسى ەگدەلەپ، اۋىر دەنە ەڭبەگىمەن شۇعىلدانا المايتىندىعىن، وتباسى ەكونوميكاسى تومەن ەكەندىگىن، ونىڭ اۋلاسىندا بوس جەر بار ەكەنىن، وسى بوس جەردەن پايدالانىپ اۋلا باعىمشىلىعى كاسىبىن دامىتۋعا بولاتىندىعىن ۇعىسادى.

  لي گويىڭ بىلاي دەدى: ”ءبىرىنشى توپتاعى ەتتى قويان ىشكى ولكەگە ساتىلعاننان كەيىن، تاعى ءبىر توپ ەرمەك قويان كىرگىزىپ، باعىمشىلىق ءتۇرىن مولايتىپ، ساتۋ ارناسىن كەڭەيتەمىن“.

  دالوبا قىستاعىنىڭ ءبىرىنشى شۋجيى، قىزمەت اترەتىنىڭ باستىعى ليۋ جيانحۇڭ بىلاي دەپ تانىستىردى: ”ەتتى قويان كوكونىس قويانى دەپ تە اتالادى، ەتتى قوياننىڭ قاراكەسەك ەتى %70 كە جەتەدى، بەلوك قۇرامى مول، اجارلاندىرۋ ازىعى دەگەن اتى بار، ايەلدەر مەن كىشكەنە بالالاردىڭ تۇتىنۋىنا ەرەكشە ۇيلەسىمدى، ەتتى قويان باعىمشىلىعىنا قارجى قوسۋ قىسقا، تەڭ، تەز نىسان، ءبىر ايدا ءبىر ۇيا قويان كوجەكتەيدى، 3 اي باققاندا ساتۋعا بولادى، ەكونوميكالىق ونىمدىلىگى جاقسى، اۋلا باعىمشىلىعىنا ۇيلەسەدى. لي گويىڭنىڭ جەتەكشىلىگىندە، كوزالدا، ماڭىنداعى ءىشىنارا شارۋالاردا باعۋدا، لي گويىڭ قويان سورتىمەن قامدايدى، تەحنيكالىق جاقتان اقىسىز جەتەكشىلىك ەتەدى، قوياندى وعان ساتۋعا بولادى، ول بۇرىن ءوزى تاۋىق ساتىپ جۇرگەن ارناسى ارقىلى ساتادى. كەلەسى قادامدا، قىزمەت اترەتى باعىمشىلىقتىڭ ءتۇرىن كەڭەيتىپ، قىستاق تۇرعىندارىن كوپ ءتۇرلى ەرەكشە باعىمشىلىق كاسىبىن دامىتىپ، اۋقاتتانۋ جولىنا باستايدى“.

  بيىلدان بەرى، حۇشۇت اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەسىنىڭ ۇساقتال اۋىلى دالوبا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى وسى قىستاقتىڭ ناقتى احۋالىمەن ۇشتاستىرىپ اۋلا ەكونوميكاسىن بار كۇشپەن دامىتتى، قىستاق تۇرعىندارىن ءجۇزىم، جۇڭگوشا ءشوپ سونداي-اق كوكونىس ەگۋگە شابىتتاندىردى، قاراتاۋىق، ەتتى كەپتەر، قويان سىندى ءۇي جانۋارلارى مەن ءۇي قۇستارىن باعۋعا ۇشتاستىرىپ، قىستاق تۇرعىندارىنىڭ اۋقاتتانۋ ارناسىن كەڭەيتىپ، ءونىمدى، كىرىستى ارتتىرۋدا تاماشا ونىمدىلىككە قول جەتكىزدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.