شينحۋا اگەنتتىگىنىڭ 12 - ايدىڭ 8 - كۇنى بەيجيڭنەن بەرگەن حابارى (چي شىڭ). 2015 - جىلى 10 - ايدىڭ 29 - كۇنى پارتيا 18 - كەزەكتى ورتالىق كوميتەتىنىڭ بەسىنشى جالپى ءماجىلىسى «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 13 - بەسجىلدىق جوباسىن جاساۋ جونىندەگى ۇسىنىس»تى ماقۇلدادى. «ۇسىنىس» مىنالاردى باسا دارىپتەدى: ”13 - بەسجىلدىق“ كەزىندەگى دامۋ نىساناسىن جۇزەگە اسىرىپ، دامۋداعى قيىن تاقىرىپتاردى شەشىپ، دامۋ باسىمدىعىن نىعايتۋدا، ءسوز جوق، جاڭالىق اشا، سايكەستى، جاسىل، اشىق، تەڭ يگىلىككە كەنەلەتىن دامۋ ۇستانىمىن بەكەمدەۋ كەرەك.
باس شۋجي شي جينپيڭ جالپى ماجىلىستە جاڭا دامۋ ۇستانىمى جونىندە ىشكەرىلەي بايىمداۋ جاسادى. ول بىلاي دەپ اتاپ كورسەتتى: وسى بەس ۇلكەن دامۋ ۇستانىمى نەگىزسىز كەلگەن ەمەس، ەل ءىشى - سىرتىنداعى دامۋ تاجىريبە - ساباقتارىن تەرەڭ قورىتىندىلاۋ نەگىزىندە قالىپتاستى ءارى ەل ءىشى - سىرتىنىڭ دامۋ اۋقىمىنا ىشكەرىلەي تالداۋ جاساۋ نەگىزىندە قالىپتاستى، پارتيامىزدىڭ ەكونوميكالىق، قوعامدىق دامۋ زاڭدىلىعى جونىندەگى تانىمىنىڭ تەرەڭدەۋىن شوعىرلى بەينەلەدى ءارى ەلىمىزدىڭ دامۋ بارىسىنداعى كورنەكتى قايشىلىقتارى مەن ماسەلەلەرىنە مەڭزەس ورتاعا قويىلدى. جاڭالىق اشا دامۋ دامۋداعى قوزعاۋشى كۇش ماسەلەسىن شەشۋگە باسا ءمان بەرەدى، سايكەستى دامۋ دامۋدىڭ تەپە - تەڭ بولماۋ ماسەلەسىن شەشۋگە باسا ءمان بەرەدى، جاسىل دامۋ ادام مەن تابيعاتتىڭ جاراسىمدىلىعى ماسەلەسىن شەشۋگە باسا ءمان بەرەدى، اشىق دامۋ دامۋداعى ىشكى - سىرتقى بىرلەسىپ ارەكەتتەنۋ ماسەلەسىن شەشۋگە باسا ءمان بەرەدى، بىرگە يگىلىككە كەنەلەتىن دامۋ قوعامداعى ادىلدىك، تۋراشىلدىق ماسەلەسىن شەشۋگە باسا ءمان بەرەدى.
جاڭا دامۋ ۇستانىمى پارتيانىڭ دامۋ نازارياسىنا مۇراگەرلىك ەتىپ، حالىقتى وزەك ەتكەن دامۋ يدەياسىنا تاباندى بولىپ، قانداي دامۋدى جۇزەگە اسىرۋ، دامۋدى قالاي جۇزەگە اسىرۋ ماسەلەسىنە اناعۇرلىم عىلمي جاۋاپ بەردى، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى دامۋدى جۇزەگە اسىرۋدىڭ، ءسوزسىز، باسىپ وتەتىن جولىن ىشكەرىلەي كورسەتتى، جۇڭگوشا سوتسياليستىك ساياسي، ەكونوميكا ءىلىمىنىڭ جاڭا ءورىسىن اشتى.
پارتيا 18 - قۇرىلتايىنان بەرى، جاڭا دامۋ ۇستانىمىنىڭ جەتەكشىلىگىندە، ەلىمىزدىڭ ەكونوميكالىق ناقتى قۋاتى تاعى دا تىڭ ساتىعا كوتەرىلىپ، ەكونوميكانىڭ ارتۋ قارقىنى ءالى دە دۇنيە جۇزىندەگى نەگىزگى ەكونوميكالىق تۇلعالاردىڭ الدىڭعى لەگىندە بولىپ، دۇنيە ءجۇزى ەكونوميكاسىنىڭ ارتۋىنداعى باستى قوزعاۋشى كۇش قاينارى مەن ورنىقتىرعىشقا اينالدى.
2017 - جىلى 11 - ايدا پارتيا 19 - قۇرىلتايى جاڭا دامۋ ۇستانىمىنا تاباندى بولۋدى جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىنا ەنگىزدى. 2017 - جىلى 12 - ايدا اشىلعان ورتالىقتىڭ ەكونوميكالىق قىزمەت ماجىلىسىندە جاڭا دامۋ ۇستانىمى شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىنىڭ باستى مازمۇنى ەكەندىگى ايقىن تۇراقتاندىرىلدى.
