شينحۋا اگەنتتىگىنىڭ 12 - ايدىڭ 7 - كۇنى بەيجيڭنەن بەرگەن حابارى (چي شىڭ). 2014 - جىلى 12 - ايدىڭ 5 - كۇنى جۇڭگو كوممۋنيستىك پارتياسى ورتالىق كوميتەتى جوۋ يۇڭكاڭعا پارتيادان ايداۋ جازاسىن بەرۋ قارارىن شىعارىپ، كەيبىر ادامداردىڭ پارتيا شىرىكتەسكەندەردى جازالاۋدا ”تورەلەردى جازالاي المايدى“، ”شىرىكتەسۋگە قارسى تۇرۋدا شەكتەلگەن ءوڭىر بار“ دەگەن قيالى مەن كۇدىگىن تالقاندادى.
شىرىكتەسۋ − قوعامنىڭ ۋلى وسپەسى، پارتيامىز ءدوپ كەلگەن ەڭ ۇلكەن قاتەر. حالىق بۇقاراسى شىرىكتەسۋ قۇبىلىسىنا ەرەكشە وشىگەدى. ەگەر شىرىكتەسۋ ماسەلەسى ىرقىنا جىبەرىلىپ، بارعان سايىن اسقىناتىن بولسا، ەڭ سوڭىندا، پارتيا قۇريتىنى، مەملەكەت ويراندالاتىنى ءسوزسىز. باس شۋجي شي جينپيڭ بىلاي دەپ اتاپ كورسەتتى: ”جۇزدەگەن، مىڭداعان شىرىكتەسكەن ەلەمەنتتەردى جازالامايدى ەكەنبىز، ءبىر ميلليارد 300 ميلليون حالىقتىڭ كوڭىلىنە قاياۋ سالامىز. بۇل ءبىر بەسەنەدەن بەلگىلى ساياسي ەسەپ، حالىقتىڭ قولداۋ - قولداماۋىنا ساياتىن ەسەپ!“.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كۇشتى دارىمەن وسپەنى سىلىپ تاستاۋعا، قاتاڭ جازا بەرىپ بىلىقپالىقتى جونگە سالۋعا بەل بايلاپ، سۇيەكتى قىرىپ ۋدى ەمدەۋ، تاباندا - اق ۇيعارىم جاساۋ باتىلدىعىمەن شىرىكتەسۋگە قارسى تۇرۋدا شەكتەلگەن ءوڭىر بولماۋعا، تەگىس قامتۋعا، استە راقىم ەتپەۋگە تاباندى بولىپ، بۇلجىماستان ”جولبارىستى سوقتى“، ”شىبىندى قاقتى“، ”تۇلكىنى اۋلادى“. 18 - كەزەكتى جۇڭگو كوممۋنيستىك پارتياسى ورتالىق كوميتەتى بەكىتىپ دەلو تۇرعىزىپ تەكسەرگەن ولكە، جۇن دارەجەلىدەن جوعارى پارتيالى كادرلار جانە باسقا ورتالىق باسقاراتىن كادرلار 440 ادام بولدى، جوۋ يۇڭكاڭنىڭ، بو شيلايدىڭ، گو بوشيۇڭنىڭ، شۇي سايحوۋدىڭ، سۇن جىڭسايدىڭ، ليڭ جيحۋانىڭ تارتىپكە، زاڭعا اۋىر قايشىلىق جاساعان دەلوسىن قاتاڭ تەكسەرىپ ءبىر جاقتى ەتتى. پارتيا 19 - قۇرىلتايى جابىلعاننان 2018 - جىلدىڭ سوڭىنا دەيىن، ىلگەرىندى - كەيىندى ورتالىق باسقاراتىن 77 كادرعا دەلو تۇرعىزىپ، تەكتەۋ - تەكسەرۋ جۇرگىزدى. شىرىكتەسۋگە باتىلدىق ەتپەۋ نىساناسى العاشقى ادىمدا جۇزەگە استى، شىرىكتەسۋگە مۇمكىندىك بەرمەيتىن قاپاس بارعان سايىن بەرىكتەلدى، شىرىكتەسۋدى ويلاماۋ توسپاسى قازىر سالىنۋدا، شىرىكتەسۋگە قارسى تۇرۋ كۇرەسى ۇستەم جەڭىسكە جەتتى.
پارتيامىزدىڭ شىرىكتەسۋگە قارسى تۇرۋى استە ادامىنا قاراي ءىس ىستەيتىن ”جاعىمسۋ دۇكەنى“ ەمەس، ۇقىقتى تارتىپ الىپ مۇددەنى يەمدەنەتىن ”قارتا ءۇيى“ ەمەس، باسى بار، اياعى جوق ”سالىنباي قالعان عيمارات“ ءتىپتى دە ەمەس. شىرىكتەسۋگە قارسى تۇرۋ كۇرەسى ۇزاق ۋاقىتتىق، كۇردەلى، ماشاقاتتى مىندەت، اياقتالىپ قالدى، كەڭىپ قالدىق، دامىلداپ الايىق دەيتىن ويدا بولۋعا بولمايدى، ءسوزسىز، قاتاڭ تيۋعا، كۇشتى قىسىم تۇسىرۋگە، ۇزاق ۋاقىت شايلىقتىرۋعا، ىركىندىسىن پارمەندى ازايتۋعا، ارتۋىن ءونىمدى شەكتەۋگە تاباندى بولۋ، بۇلجىماستان پارتيانىڭ ءوز - وزىنە ۇلى توڭكەرىس جاساۋىن سوڭىنا دەيىن جۇرگىزىپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەپ، دامىتىپ، قاجىماي - تالمايتىن قۇلشىنىسپەن تىنىش زامان ورناتىپ، تازا - پاك جاعداي قالىپتاستىرۋ كەرەك.
