توقسۇن اۋدانىنداعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشى
ايگۇل تاشقادىر
مەنىڭ اتىم ايگۇل تاشقادىر، توقسۇن اۋدانىنىڭ بوستان قالاشىعىنانمىن. 2007 - جىلى داشۋە تاۋىسقاننان كەيىن ۇرىمجىدە قىزمەتكە ورنالاستىم. ءبىر جولى قاپيادا قازىرگى كۇيەۋىممەن تانىستىم، ەكەۋىمىز باس قۇراعاننان كەيىن جارقىن كەلەشەككە تالپىندىم. الايدا كۇيەۋىم ءدىني ۇشقارى يدەيامەن ۋلانىپ، مەنى ءدىني ۇشقارى يدەيانى قابىلداۋعا ازدىردى، شىرعالادى، باستابىندا قابىلداماسام دا، ءبىراق بارا - بارا اقىرى ءدىني ۇشقارى يدەيامەن جۇعىمدالدىم. ۋاقىتتىڭ وتۋىنە ىلەسە رۋحاني دۇنيەمدى بىرتىندەپ ءدىني ۇشقارى يدەيا شىرماپ، شەڭگەلدەپ الدى دا، سىرتقا شىعىپ قىزمەت ىستەۋدى قالامايتىن، ۇيدەن اتتاپ شىقپايتىن بولدىم ءارى ءوزىمدى تۇمشالاپ الىپ، باسقالارمەن ارالاسپايتىن بولىپ، بىرتىندەپ قاراڭعىلىق تۇمشالاعان ازاپتى جولعا ءتۇستىم. مەملەكەت تاربيەلەپ - باۋلىعان ستۋدەنت رەتىندە، مەن قوعام تابالدىرىعىن اتتاي سالا ءدىني ۇشقارى يدەيامەن جۇعىمدالدىم، مەنەن قاتتى ۋايىمداعان اكە - شەشەم ماعان كۇندە اقىل ايتىپ، تاربيە جۇرگىزدى. ايتسە دە قاتتى الجاسقان مەنىڭ قۇلاعىما بۇلار كىرمەي، ءوز بىلگەنىمدى ىستەدىم.
ازاپ شىڭىراۋىنان شىعا الماي جۇرگەنىمدە، پارتيا مەن ۇكىمەتتىڭ مەن سياقتى ۇشقارى يدەيامەن ۋلانعاندارعا تاربيە جۇرگىزۋ، قۇتقارۋ ءۇشىن، زاڭ بويىنشا كاسىپتىك شەبەرلىككە تاربيەلەۋ - باۋلۋ ورتالىعىن قۇرعاندىعىنان حابار تاپتىم. اكە - شەشەمنىڭ ءناسيحاتتاۋىندا، مەن كاسىپتىك شەبەرلىككە تاربيەلەۋگە - باۋلۋعا قاتىناسۋدى ءوتىنىش ەتتىم.
تاربيەلەۋ - باۋلۋ ورتالىعىنا بارعاننان كەيىن، ۇكىمەتتىڭ بىزگە ازىرلەگەن ۇيرەنۋ، باۋلۋ ورىندارىنىڭ ورتاسى تاماشا ەكەندىگىن، تاعى كاسىپتىك وقىتۋشىلار توبى، كاسىپتىك ەمدەۋ قوسىنى جانە ارتقى شەپ قامتاماسىزداندىرۋ قىزمەت وتەۋى بارلىعىن بايقادىم. تاربيەلەۋ - باۋلۋ ورتالىعىنىڭ ورتاسى داشۋەدەن تيىتتەي دە قالىسپايدى، جاتاقتارعا اۋا رەتتەگىش، پار ورناتىلعان، اسحانا ازىرلەگەن وزدىك تاعامداردىڭ ءتۇرى مول، ءدامدى، مۇنان داشۋەگە قايتا ورالعانداي سەزىندىم، ونىڭ ۇستىنە بۇلاردىڭ بارلىعى تەگىن. ءار كۇنى ساباق ارەدىگىندە تەلەۆيزور كورىپ، راديو تىڭداپ، سىرتقى قيمىلداردى ورىستەتەمىز.
ۇيرەنۋ، باۋلىنۋ ارقىلى مەن ”ءۇش ءتۇرلى كۇش“تىڭ جاۋىزدىق ءمانىن جانە سۇرقيا كەيىپ - كەسپىرىن تۇبەگەيلى جەتە تانىپ، نەنىڭ زاڭدى، نەنىڭ زاڭسىز ەكەندىگىن ءتۇسىندىم؛ ءدىني ۇشقارى يدەيانىڭ ايتىلمىس ”ادام ءولتىرىپ شەيىت بولعاندار جانناتقا كىرەدى“ دەۋىنىڭ بارىپ تۇرعان ساندىراق ەكەندىگىن ءتۇسىندىم؛ مەملەكەتتىڭ زاڭدارىنا، زاڭ ەرەجەلەرىنە قايشىلىق جاساۋدىڭ نەتكەن ناداندىق جانە كورسوقىرلىق ەكەندىگىن ءتۇسىندىم؛ ءدىني ۇشقارى يدەيامەن ۋلانۋىمنىڭ سەبەبى زاڭ تانىمىمنىڭ تاياز بولعاندىعىنان ەكەندىگىن، وسىلاي كەتە بەرسەم ءومىرىم تۇيىققا تىرەلەتىندىگىن، مۇنان دا اۋىرى وتباسىمنىڭ دا لەزدە - اق ويراندالاتىندىعىن ءتۇسىندىم. وتكەن كۇندەرىمە توتەنشە وپىق جەيمىن. قوعامعا جارامدى ادام بولۋعا، ءوزىم جانە وتباسىم جونىندە جاۋاپكەرشىلىك ارقالايتىن ادام بولۋعا قۇلشىنامىن. پارتيا مەن ۇكىمەتتىڭ قامقورلىعى مەن قۇتقارىپ قالعاندىعىنا ءتىپتى دە العىس ايتامىن، مەن زاڭعا قايشىلىق جاساپ، ءدىني ۇشقارى يدەيامەن جۇعىمدالعان جاعدايدا ۇكىمەت مەنى دالاعا تاستاماي، مەنى بار كۇشپەن قۇتقارىپ، ومىرگە قايتا كەلۋ ورايىن بەرىپ، وسى ارادا الاڭسىز ۇيرەنۋىمە مۇمكىندىك جاسادى. پارتيا مەن ۇكىمەتتىڭ مەيرىنە ماڭگى العىس ايتامىن.
تاربيەلەۋ - باۋلۋ ورتالىعىنان وقۋ تاۋىسقاننان كەيىن، قىستاق قۇرعان كاسىپورىنعا قىزمەتكە تۇردىم. تاربيەلەۋ - باۋلۋ ورتالىعىندا ەڭبەك شەبەرلىگى باۋلۋىنا قاتىناسقاندىعىمنان، مەملەكەتتە ءبىر تۇتاس قولدانىلاتىن ءتىلدى بىلەتىندىگىمنەن تەز ارادا زاۆودتاعى ەڭبەك تەحنيكا شەبەرىنە اينالدىم، سونىمەن قوسا، جاپاعا شىداپ، قىزمەتتى مۇقيات، جاۋاپكەرشىلىكپەن ىستەگەندىكتەن كوپشىلىكتىڭ جاپپاي مويىنداۋىنا يە بولىپ، قىستاق قۇرعان كاسىپورىننىڭ ورىنباسار باستىعى بولدىم، ايىنا 3000 يۋان كىرىسىم بار. اكە - شەشەم قازىرگى تۇرمىسىمدى كورىپ قاتتى قۋاندى.
جۋىقتان بەرى ەگەر پارتيا مەن ۇكىمەتتىڭ قۇتقارۋى بولماسا، بۇكىل ءومىرىم ءدىني ۇشقارى يدەيانىڭ قاپاسىندا قۇريتىن ەدى دەپ ۇنەمى ويلايتىن بولدىم. الدا مەن قىزمەتتى اناعۇرلىم قۇلشىنا ىستەپ، ۇشقارى يدەيادان اۋلاق بولىپ، تارتىپكە، زاڭعا بويسۇناتىن، قۇلشىنا ەڭبەك ىستەيتىن ادام بولىپ، وتباسىما، قوعامعا بەلسەنە ۇلەس قوسامىن.
