تيانشان تورى   ›   جاڭالىقتار   ›   شينجياڭ حابارلارى

تاربيەلەۋ - باۋلۋ ورتالىعىنىڭ ۇلىمدى قۇتقارعاندىعىنا العىس ايتامىن

قاعىلىق اۋدانىنداعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشىنىڭ تۋىسى

ھىزىم ابدۇۋالي

  مەنىڭ اتىم ھىزىم ابدۇۋالي، قاعىلىق اۋدانى سايباق اۋىلىنداعى ءبىر قاراپايىم ديقانمىن. بۇرىن مەن ۇلىم ابدىراحمان يزمنىڭ كاسىپتىك شەبەرلىككە تاربيەلەۋ - باۋلۋ ورتالىعىندا باۋلۋدا بولعانىن نامىس سەزىنگەن ەدىم. اكەسى بولعان مەن بالامدى جاقسى تاربيەلەي الماعانىم ءۇشىن ءوزىمدى كىنالايمىن، سونىمەن قوسا، بالامنىڭ تاربيەلەۋ - باۋلۋ ورتالىعىندا جاقسى تاربيە العاننان كەيىنگى وزگەرىسىنە قۋانامىن. پارتيا مەن ۇكىمەت وتباسىمدى قۇتقارىپ قالدى، بالامدى قۇتقارىپ قالدى.

  ءبىزدىڭ ۇيدە بولعان ءىستى مەن ءوز اۋىلىمنان باستاپ ايتۋىما تۋرا كەلەدى. مەن تۇرعان سايباق اۋىلى ەجەلدەن قاعىلىق اۋدانىندا جاڭعاق ەگەتىن ۇلكەن اۋىل بولاتىن، پارتيا مەن ۇكىمەتتىڭ كومەگىندە ءبىزدىڭ اۋىلداعى كوپتەگەن ديقاندار جەمىس ورمانى شارۋاشىلىعىن دامىتۋعا سۇيەنىپ اقشا تاۋىپ، اۋقاتتاندى، مەن دە سونىڭ يگىلىگىن كورۋشىلەردىڭ ءبىرىمىن.

  ايەلىم ەكەۋىمىز كوبىرەك اقشا تاۋىپ، 2 ۇلىمىزعا كەلىنشەك اپەرىپ، نەمەرە سۇيسەك، ولاردى اناعۇرلىم جاقسى تۇرمىسقا جەتكىزسەك دەستىك. ءسويتىپ، ايەلىم ەگىس ءوندىرىسى مەن وتباسىنا قارايلاسۋ جاۋاپكەرشىلىگىن ارقالادى دا، مەن جيعان - تەرگەن اقشاممەن ءبىر اۆتوموبيل ساتىپ الىپ، تاسىمالمەن شۇعىلداندىم. الايدا جايشىلىقتا كوبىندە سىرتتا بولىپ، بالالاردى تاربيەلەپ باسقارۋعا مويىن بۇرا المادىم، ايەلىمنىڭ مادەنيەت دەڭگەيى تومەن بولعاندىقتان، ونىڭ ۇستىنە ەگىس جۇمىستارى مەن ءۇي شارۋالارىنان مۇرشاسى تيمەگەندىكتەن، بالالاردىڭ تاربيەسى كەمشىل قالدى. قالت - قۇلت ەتىپ ورتا مەكتەپكە ارەڭ شىققان ۇلىم ابدىراحمان وقۋدى جىرعاتىپ وقىماعانمەن قويماي، تۇرمىستا دا ماعان كوپ اۋرەشىلىك تاۋىپ بەردى، ساباقتان قاشۋ، توبەلەسۋ، تەمەكى تارتۋ، اراق ءىشۋ جاي ىسكە اينالدى. باسىندا ۇلىمنىڭ كلاس جەتەكشىسى اڭىس ەتكەن بۇل جاعدايلارعا قاراتا مەن بەلسەنە سايكەسىپ، ۇلىما تاربيە بەردىم، ءبىراق ونىڭ ناتيجەسى ماردىمسىز بولدى. قايتالاي بەرگەن سوڭ، مەن دە جالىعىپ، ۇل بالانىڭ قازىر تەنتەكتەۋ بولعانى وقا ەمەس، كەيىن باسقالار جابىرلەي المايدى عوي دەپ ويلادىم. ول كەزدە بالامنىڭ وقۋى ناشار بولىپ، كەيىن داشۋەگە وتە الماسا، ماعان ىلەسىپ اۆتوموبيل جۇرگىزسە دە اقشا تاۋىپ، جاقسى تۇرمىس وتكىزە الادى عوي دەپ تە ويلادىم.

  ءوزىمنىڭ ويىم قاتە بولعاندىقتان، ۇلىم قاتە جولدا ونان ارى اداسا ءتۇستى. ورتا مەكتەپتىڭ 3 - جىلدىعىنا بارعاندا، ۇلىم داشۋەگە ءوتۋدىڭ اۋىلى الىس ەكەنىن ءبىلىپ، ايتەۋىر ءبارىبىر عوي دەپ ساباقتان قاشۋدى ۇدەتە ءتۇستى، كەيدە ءتىپتى بىرنەشە كۇن بويى قاراسىن كورسەتپەيتىن بولدى. ءدال وسى كەزدە، بالام سىرتتا كەيبىر بۇزاقىلارمەن تانىسىپتى، كەيىن ءبىلدىم، ولار ءدىندى جەلەۋ ەتىپ، ۇلىما شينجياڭ دەربەستىگىن ۋاعىزداپ، ”حانزۋلاردى شينجياڭنان قۋىپ شىعامىز“، ”حانزۋلار وندىرگەن زاتتاردى ساتىپ الما“ دەگەن سياقتى ۇشقارى يدەيالاردى ءسىڭىرىپتى. سول بۇزاقىلاردىڭ ايتاقتاۋىمەن ۇلىم بارعان سايىن قۇيعا باتىپ، ابدەن شىرمالىپتى. ۇلىم ەسەيگەندىكتەن، باسقارۋ، تاربيەلەۋ قيىنداي ءتۇستى، قابىرعام قاتتى قايىسسادا شامام جەتپەدى، بۇدان دا ۇلكەن پالە شىعارىپ جۇرەر مە ەكەن دەپ ۇزاقتى كۇن الاڭداپ، قورقىپ جۇرەتىن بولدىم.

  ءبىر كۇنى ۇلىمنىڭ ينتەرنەتتە ۇشقارى يدەيا تاراتىپ، ۇشقارى يدەياعا جەلىكتىرىپ جۇرگەنىن قاتىستى تاراۋلار بايقاپ قالعاندا بارىپ مەن ەسىمدى جيدىم، بالام ءبۇيتىپ كەتە بەرسە مۇنان دا اۋىر قىلمىسقا باتادى دەپ الاڭداپ، ۇلىمدى تاربيەلەۋ - باۋلۋ ورتالىعىنا اپارۋعا بەكىدىم. بالام كاسىپتىك شەبەرلىككە تاربيەلەۋ - باۋلۋدا بولعان ءۇشىنشى ايدا ونىڭ بويىنداعى كەيبىر بەلسەندى وزگەرىستەردى بايقاپ، ونىڭ تۇزەلۋ ويى بار ەكەنىن ءبىلدىم. باۋلۋدا بولعان جارتى جىلدان كەيىن، بالام ماعان: ”اكە مەن شىنىمەن قاتەلەسىپپىن، تاربيەلەۋ - باۋلۋ ورتالىعىنا بارعان سوڭ، مەن كوپتەگەن زاڭ بىلىمدەرىن ۇيرەندىم، نەنىڭ زاڭدى، نەنىڭ زاڭسىز ەكەنىن، قانداي ءىستى ىستەۋگە بولاتىنىن، قانداي ءىستى ىستەۋگە بولمايتىنىن ءبىلدىم. وقىتۋشىلار دا ماعان ايرىقشا كوڭىل ءبولدى، بىزگە مەملەكەتتە ءبىر تۇتاس قولدانىلاتىن ءتىل - جازۋ، زاڭ بىلىمدەرىن، كاسىپتىك شەبەرلىك ۇيرەتىپ قانا قويماي، ءبىزدىڭ سانامىزداعى ۇشقارى يدەيانى جوعالتۋىمىزعا كومەكتەستى، مەن ەندىگارى جامان ادامداردىڭ الداۋىنا تۇسپەيمىن“، - دەدى. مەن ۇلىمنىڭ يدەياسىندا وسىنشاما ۇلكەن وزگەرىس بولعانىن كورىپ قۋاندىم. مەن ءبىر ادامنىڭ يدەياسىن وزگەرتۋدىڭ قانداي قيىن بولاتىنىن بىلەمىن، پارتيا مەن ۇكىمەتتىڭ مەنىڭ ۇلىم سياقتى ازدىرىلعان ادامداردى قۇتقارۋ ءۇشىن جاساعان قۇلشىنىستارىن دا بىلەمىن.

  بيىل 6 - ايدا ۇلىم تاربيەلەۋ - باۋلۋ ورتالىعىنان وقۋ تاۋىسىپ، مەنىمەن بىرگە تاسىمالمەن اينالىستى، ۇلىمنىڭ تاربيەلەۋ - باۋلۋ ورتالىعىندا مەملەكەتتە ءبىر تۇتاس قولدانىلاتىن ءتىل - جازۋدى قولدانۋ قابىلەتىن وسىرگەندىگىنىڭ ارقاسىندا، ءبىزدىڭ تاسىمالمەن شۇعىلدانىپ، زات قاينارلارىن تابۋ كولەمىمىز كەڭي ءتۇستى، تاباتىن اقشامىز دا بۇرىنعىدان كوبەيدى. بيىل 9 - ايدا ۇلىم قالىڭدىق تاۋىپ، مەنىڭ كوڭىلىمە العان تاعى ءبىر ءىستى تىندىردى. مەن قازىر ابدىراحماننىڭ بۇرىنعىدان مۇلدە باسقاشا ادام بولعاندىعىن انىق سەزىنەمىن. مەن وتباسىمنىڭ قازىرگى تاماشا تۇرمىسىن پارتيا مەن ۇكىمەت بەرگەنىن تەرەڭ تۇسىنەمىن، ەگەر پارتيا مەن ۇكىمەت دەر كەزىندە تاربيەلەۋ - باۋلۋ ورتالىعىن قۇرماعان بولسا، ۇلىمدى ”ءۇش ءتۇرلى كۇش“ زورلىقتى كۇش، لاڭكەستىكپەن شۇعىلدانۋعا تارتىپ اكەتۋى، ولاردىڭ مەملەكەتتى بولشەكتەۋدەگى قۇرباندىعىنا اينالارى ابدەن مۇمكىن ەدى، ونىڭ اياعى نەگە سوعارىن ويلاۋعا باتىلىم بارمايدى.

  بالا − مەملەكەتتىڭ بولاشاعى، وتباسىنىڭ ءۇمىتى. مەنىڭ ءوز وتباسىمدا بولعان ءىستى ايتۋداعى ماقساتىم، ءبىر جاعىنان، ءاربىر اتا - اناعا بالاعا قاتاڭ بولۋ − ماحاببات، بالانى شولجاڭداتۋ − ونىڭ وبالىنا قالۋ ەكەنىن، بالانى جاقسى جەتەلەۋدىڭ ءاربىر اتا - انانىڭ جاۋاپكەرشىلىگى جانە بورىشى ەكەنىن ەسكەرتۋ؛ ەندى ءبىر جاعىنان، پارتيا مەن ۇكىمەتتىڭ بالامدى تاربيەلەپ، قۇتقارعاندىعىنا، مەنىڭ وتباسىمدى قۇتقارعاندىعىنا شىن جۇرەكتەن العىس ايتۋ! پارتيا مەن ۇكىمەت الاڭسىز بولسىن، بۇدان كەيىن، مەن ءسوزجوق، اكەلىك جاۋاپكەرشىلىگىمدى ارقالاپ، بالامدى ءومىر جولىن دۇرىس جۇرۋگە تاربيەلەيمىن، جەتەكتەيمىن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.