تيانشان تورى   ›   جاڭالىقتار   ›   شينجياڭ حابارلارى

تۇرمىسىمىز شۋاققا تولى

− كاسىپتىك شەبەرلىككە تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشىلەردىڭ تۇرمىسى مەن قىزمەتىنەن قيىقتار (2)

   قاراقاش اۋدانى ءتوۋات اۋىلى شارباق قىستاعىنىڭ تۇرعىنى ابدۇ مامەتروزى (وڭدا) كاسىپتىك شەبەرلىككە تاربيەلەۋ - باۋلۋ ورتالىعىنان وقۋ تاۋىسقاننان كەيىن، قىستاق تۇرعىندارىمەن بىرگە مال باعىمشىلىق سەلبەستىك كووپەراتيۆىن قۇرىپ، ىركەس - تىركەس 50 سيىر باعىپ، دەن قويا بورداقىلاعاننان كەيىن بارلىعىن ساتتى. سۋرەتتى ءتىلشى جىن شىشين تۇسىرگەن

    قاراقاش اۋدانى توقۇلا اۋىلى توقۇلا قىستاعىنىڭ تۇرعىنى ازيز قۇربان قوناقتارعا قۋىرماش قۋىرۋدا. كاسىپتىك شەبەرلىككە تاربيەلەۋ - باۋلۋ ورتالىعىنان وقۋ تاۋىسقاننان كەيىن، ازيز بەن دوستارى سەرىكتەسىپ اسحانا اشتى، قازىر ايىنا 5000 يۋاننان استام كىرىس تابادى. سۋرەتتى ءتىلشى چين مەيحۋا تۇسىرگەن

  تۇرسىننيسا ءالي (وڭدا) حوتان اۋدانى جاڭا اۋات اۋىلىنداعى كەدەيلەردى سۇيەمەلدەۋ كاسىپ باقشاسى كيىم - كەشەك زاۆودىندا قىزمەتكەرلەرگە جەتەكشىلىك ەتۋدە. تۇرسىننيسا كاسىپتىك شەبەرلىككە تاربيەلەۋ - باۋلۋ ورتالىعىنداعى كەزىندە تىگىنشىلىك شەبەرلىگىن يگەردى ءارى پۋتۇڭحۋا ۇيرەندى، كاسىپورىنعا كەلگەننەن كەيىن، ول ۇزاماي سەح باسقارۋشىسى بولدى. سۋرەتتى ءتىلشى جىن شىشين تۇسىرگەن

”ءار كۇنى جاڭا دوستار كەلەدى“

سۋرەتىن ءتۇسىرىپ، حابارىن جازعان ءتىلشى زوۋ ي

  ”ءمالى مەن الەۋمەتتىك اۋماقتىڭ ماعان بەرگەن كومەگى ەرەكشە زور، اعام ەكەۋىمىز شارۋاشىلىق قۇرىپ قوناقجاي اشقاندا، قاتىستى راسمياتتارىمىز تۇگەلدەي ءساتتى ءبىتتى“. 23 جاستاعى ايگۇزال ابىليميت اقسۋ قالاسى كاسىپتىك شەبەرلىككە تاربيەلەۋ - باۋلۋ ورتالىعىنداعى ۇيرەنۋ كەزىندە مەيمانحانا باسقارۋ كاسىبىن تاڭداپ، وقۋ تاۋىسقاننان كەيىن شارۋاشىلىق قۇرىپ قوناقجاي اشتى.

  ءدىني ۇشقارى يدەيانىڭ ىقپالىنا ۇشىراپ، زاڭسىز ءدىني قيمىلعا قاتىناسقاندىقتان، 2018 - جىلى 6 - ايدا ايگۇزال ۇيىندەگىلەردىڭ ناسيحاتتاۋىمەن تاربيەلەۋ - باۋلۋ ورتالىعىنا ۇيرەنۋگە بارادى. 2019 - جىلى 4 - ايدا وقۋ تاۋىسقاننان كەيىن، اقسۋ قالاسى حۇڭچياۋ ءمالىسى حۇڭچياۋ الەۋمەتتىك اۋماعى ايگۇزالدىڭ ۇيرەنگەن كاسىبىنە نەگىزدەلىپ، ونىڭ شارۋاشىلىق قۇرۋىنا بەلسەندىلىكپەن كومەكتەستى، قوناقجاي ۇزاماي سىرتقا قاراتا تيجارات جۇرگىزدى.

  ”ايگۇزال قوناقجاي تيجاراتىن وتە تىڭعىلىقتى جۇرگىزدى“، - دەدى حۇڭچياۋ الەۋمەتتىك اۋماعىنىڭ ورىنباسار مەڭگەرۋشىسى ءپازىلات ابدۇالي.

  ايگۇزال بىلاي دەدى: ”پارتيا مەن ۇكىمەت مەنى قۇتقاردى، مەن ءوزىمنىڭ ارتىقشىلىعىمدى بەلسەندىلىكپەن ساۋلەلەندىرىپ، قوناقجايدىڭ تيجاراتىن جاقسى جۇرگىزەمىن. قازىر اقسۋعا ساياحاتتاپ كەلەتىن جەر - جەردىڭ ساياحاتشىلارى وتە كوپ، ولار قوناقجايعا كەلگەندە ماعان كوپتەگەن جاقسى ۇسىنىستار بەردى، مەن دە وسى سەبەپتەن كوپتەگەن جاڭا دوستارمەن تانىسىپ، كوز ايام كەڭەيە ءتۇستى“.

ايگۇزال ابىليميت پەن ۇستازى شاش اسەمدەۋدى ۇيرەنۋدە.

ايگۇزال ابىليميت قوناقجاي پوكايىندا ساياحاتشىلارعا قىزمەت وتەۋدە.

ايگۇزال ابىليميت (سولدان 3 - ) توڭىرەگىندەگى دوستارىنا زاڭ بىلىمدەرىن ۇگىتتەۋدە.

”شاعىن كوكونىس دۇكەنى قايتادان ساۋدا باستادى“

سۋرەتىن ءتۇسىرىپ، حابارىن جازعان ءتىلشى جىن شىشين

  ”ءۇيىمىزدىڭ شاعىن كوكونىس دۇكەنى قايتادان ساۋدا باستادى، مەن ونى جاقسى باسقارامىن“. حوتان اۋدانى جاڭا اۋات اۋىلى حىرۇڭ جاڭا قىستاعىنىڭ تۇرعىنى نۇرمامەت تۇرسىن تاربيەلەۋ - باۋلۋ ورتالىعىنان وقۋ تاۋىسقاننان كەيىن، ايەلى تۇنيسا ازيزگە ايتقان العاشقى ءىسى كوكونىس دۇكەنى جايىندا بولدى: ”ءبىز زاڭدى تيجارات جۇرگىزۋىمىز كەرەك، الدىمەن تيجارات كۋالىگىن بىتىرەيىك، سەن ءبىر سالاماتتىق كۋالىگىن ال، سوسىن ۇن يلەۋ جابدىعىن الىپ، كەسپە ساتامىز، كەيىن بۇل كوكونىس دۇكەنىن سەنىڭ باسقارۋىڭا بەرەمىن“.

  2 جىلدان استام ۋاقىتتىڭ الدىندا، نۇرمامەت اۋلاسىنان ءبىر ءۇي سالىپ، كوكونىس دۇكەنىن اشقان. الايدا ول ءدىني ۇشقارى يدەيامەن جۇعىمدالىپ، زاڭسىز ءدىني قيمىلعا قاتىناسىپ، ۇيىندەگى ساۋدانى جۇرگىزۋ نيەتى بولمادى. ”بىلتىر 3 - ايدا ۇيدەگىلەردىڭ ناسيحاتتاۋىمەن مەن تاربيەلەۋ - باۋلۋ ورتالىعىنا كەلىپ ۇيرەنۋگە قاتىناستىم“، - دەدى نۇرمامەت، - ۇيرەنۋ - باۋلۋعا قاتىناسۋ ارقىلى مەملەكەتتە ءبىر تۇتاس قولدانىلاتىن ءتىل - جازۋ ورەم جوعارىلاپ قانا قالماستان، ەڭ ماڭىزدىسى، زاڭ ۇيرەنۋ ارقىلى دۇرىس پەن بۇرىستى پارىقتاۋ قابىلەتىنە يە بولدىم.

  شاعىن كوكونىس دۇكەنى قايتادان ساۋدا باستاعاننان كەيىن، قىستاق كادرلارىنىڭ قىستاق تۇرعىندارى زور جيىنىندا وعان كومەكتەسىپ ۇگىتتەۋىندە بىلەتىن ادام بارعان سايىن مولايىپ، دۇكەننىڭ ساۋداسى كۇسەت بولا باستادى. نۇرمامەت: ”قازىر قىستاق تۇرعىندارىنىڭ ءبارى جۇمىس ىستەپ اقشا تابۋمەن قاربالاس، كەسپە ساتىپ الىپ لاعىمان پىسىرسا قولايلى بولۋمەن قوسا، ۋاقىت ۇنەمدەلەدى، سوندىقتان كوپشىلىك شاعىن دۇكەنگە ۇنەمى كەلەدى. جاقىندا 2 اسحانا مەنىڭ ۇلكەن قاريدارىما اينالدى، ولار كۇنىنە 50 كيلوگرام كەسپە الادى“، - دەدى.

  قىستاق كادرلارىنىڭ كومەگىندە، نۇرمامەت تاعى اۋلاسىنان ەگىس اۋماعىن يگەردى، ”قىزىل بۇرىش، قىزاناق، كادى جانە بالدىركوك بار، اسقاندارىن كوكونىس دۇكەنىندە ساتامىز“.

  ”بۇرىنعىنى ويلاسام، قاتتى قىنجىلامىن“، - دەدى نۇرمامەت شىنايى تۇردە، - ”ءبىز ءبىر ءۇيلى جان ساياساتتىق قوسىمشا قاراجاتتان يگىلىكتەنىپ بەيقۇت ۇيگە كىردىك، مۇنان سىرت، 4 مۋ جاڭعاقتىق جەر مەن 2 جىلىجاي ءبولىندى، 2 بالام بالاباقشاعا باردى، ۇيدەگىلەردىڭ بارلىعىندا ەمدەۋ قامتاماسىزدىعى بار... مەن العىس ايتۋدى ءبىلۋىم كەرەك، ءدىني ۇشقارى يدەيادان قۇتىلعاندىقتان عانا باقىت جولى بارعان سايىن كەڭەيدى“.

نۇرمامەت تۇرسىن ۋاقىتشا جۇمىس ىستەگەن كەزدەرىندە كوكونىس ەگۋ تەحنيكاسىن بەلسەندىلىكپەن ۇيرەندى.

   نۇرمامەت تۇرسىن كوكونىس دۇكەنىن ايەلىنىڭ تيجارات جۇرگىزۋىنە تاپسىرىپ، ءوزى ءۇيىنىڭ الدىنداعى لۇيپياۋشياڭ جەمىس - كوكونىس شارۋالار كاسىپتىك سەلبەستىك كووپەراتيۆىندە جۇمىس ىستەپ، كىرىسىن ارتتىردى.

   نۇرمامەت تۇرسىن مەن ايەلى كوكونىس دۇكەنىنە كەسپە وڭدەۋ جابدىعىن قوستى، بۇل قىستاق تۇرعىندارىنا قولايلىلىق جاساۋمەن بىرگە، ءوزىنىڭ كىرىسىن دە ارتتىردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.