تيانشان تورى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

شينجياڭنىڭ جۇمىستاندىرۋ ارقىلى كەدەيلەردى سۇيەمەلدەۋ ساياساتى ءتىپتى دە كوپ كەدەي شارۋانىڭ كاسىپ سالاسى جۇمىسشىلارىنا اينالۋىنا دەم بەردى

شەبەرلىك يگەردى، قىزمەت ورنىن تاپتى، ورنىقتى كىرىس بولدى

شينحۋا اگەنتتىگىنىڭ تىلشىلەرى پان يىڭ، گۋ يۇي

  وتباسىندا ادام كوپ، جەر از، ەڭبەك شەبەرلىگى كەمشىل، جۇمىس ورنىن تابۋ قيىن بولۋ كەزىندە وڭتۇستىك شينجياڭداعى ءىشىنارا كەدەي شارۋالاردىڭ ءومىر سۇرۋدە ءدوپ كەلگەن قيىن جاعداي ەدى. شينجياڭ ۇزاق ۋاقىتتىق، ءتارتىپتى جۇمىستاندىرۋ ارقىلى كەدەيلەردى سۇيەمەلدەۋ ارەكەتىن اتقارۋ ارقىلى سوڭعى 2 جىلدا اۋىل - قىستاقتارداعى 100 نەشە مىڭ ارتىق ەڭبەككۇشتىڭ جۇمىستانۋدى جۇزەگە اسىرىپ، شەبەرلىك يگەرگەن، قىزمەت ورنى، ورنىقتى كىرىسى بار كاسىپ سالاسى جۇمىسشىلارىنا اينالۋعا كومەكتەستى.

  قازىر قارامايلى گۋاڭلۋ قوجالىق قىزمەت وتەۋ شەكتى سەرىكتەستىگىنىڭ قىزمەتكەرى بولعان ايجامال قادىر ىلگەرى وتباسىنىڭ ەكونوميكالىق شارت - جاعدايى جاقسى بولماعاندىقتان، ورتالاۋ مەكتەپكە دەيىن وقىعان. ول بىلاي دەدى: ”مەن داشۋەدە وقۋدى سونشاما ويلاعانىممەن، امال بولمادى، ورتا مەكتەپتى تاۋىسقاننان كەيىن ۇيدە ەگىن شارۋاشىلىعىمەن اينالىستىم. مەن باقىتتى تۇرمىستى اڭسايمىن، مەنىڭ ارمانىم قاشان شىندىققا اينالادى؟ دەپ وزىمە - ءوزىم قايتا - قايتا سۇراۋ قوياتىنمىن“.

  2018 - جىلى 4 - ايدا وڭتۇستىك شينجياڭنىڭ 4 ايماق - وبلىسىنداعى اۋىر كەدەي وڭىرلەردە جۇمىستاندىرۋ ارقىلى كەدەيلەردى سۇيەمەلدەۋ 3 جىلدىق جوباسىنىڭ يگىلىگىنە كەنەلگەن ول اقىرى تارىم ويپاتىنىڭ جيەگىندەگى قاعىلىق اۋدانىنداعى ءبىر كەدەي شارۋا وتباسىنان شىعىپ، وزىمەن ۇقساس تۇرمىس شارت - جاعدايىن جاقسارتۋدى، تاعدىرىن وزگەرتۋدى اسىعا ارمانداعان ءبىر توپ جاسپەن بىرگە ايگىلى ”مۇناي قالاسى“ قارامايلىعا كەلىپ، ”ارمانعا قۇلاش سەرمەۋ ساپارىن“ باستايدى.

  قىسقا عانا ءبىر جىلدان استام ۋاقىتتا ول جاڭا قىزمەتىنە وتە تەز ۇيلەسىپ، قالا تۇرمىسىمەن توعىستى، ءار ايداعى تۇراقتى كىرىسىمەن ءوزىن كەدەيلىكتەن ارىلتۋدى جۇزەگە اسىرىپ قالماستان، تاعى وتباسىنداعى ءىنىسىنىڭ داشۋە وقۋ قاراجاتىن ۇستىنە الدى. ”پارتيا مەن ۇكىمەتتىڭ بىزگە وسىنداي تاماشا ساياسات بەرگەندىگىنە راقىمەت، ماعان قالاي ەسەيىپ - ەرجەتۋدى، ءوزىمىزدىڭ قوس قولىمىزبەن قايتىپ قۇن جاراتۋدى ۇيرەتتى، اقشا تاۋىپ ءوزىمدى باعىپ قالماستان، تاعى ۇيدەگىلەردى كەدەيلىكتەن بىرگە ارىلۋعا جەتەكتەي الاتىن بولدىم“.

  2018 - جىلى شينجياڭ وڭتۇستىك شينجياڭنىڭ 4 ايماق، وبلىسىنداعى اۋىر كەدەي وڭىرلەردە جۇمىستاندىرۋ ارقىلى كەدەيلەردى سۇيەمەلدەۋ 3 جىلدىق جوباسىن اتقارا باستادى، جوبادا كەدەيلىك دارەجەسى اۋىر، كەدەيلىكتەن ارىلۋ قيىندىعى زور 22 اۋىر كەدەي اۋدانعا (قالا) باعىتتاي، جوسپار بويىنشا 3 جىل ۋاقىت جۇمساپ ارحيۆ تۇرعىزىلىپ، كارتچكالاندىرىلعان كەدەي وتباسىلارىنان 100 مىڭ ادامدى باسقا سالاعا ويىستىرىپ جۇمىستاندىرۋ العا قويىلدى.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ جاريالاعان ساندى مالىمەتىندە كورسەتىلۋىنشە، بيىل 9 - ايدىڭ سوڭىنا دەيىن، شينجياڭدا ارحيۆ تۇرعىزىلىپ، كارتچكالاندىرىلعان كەدەي ەڭبەككۇشتەن جالپى 126 مىڭ 600 ادام باسقا سالاعا ويىسىپ جۇمىستاندىرىلىپ، جۇمىستاندىرۋ ارقىلى كەدەيلەردى سۇيەمەلدەۋ جوباسىنىڭ نىسانا مىندەتى ءبىر جىل بۇرىن ارتىعىمەن ورىندالعان.

  ءبىر كاسپ سالاسى جۇمىسشىسىنا اينالۋ 27 جاستاعى مامەتابۇلا تۇرسۇن جونىنەن ءوزىن وزگەرتىپ قالماستان، بۇكىل وتباسى ادامدارىنىڭ دا تاعدىرىن وزگەرتتى.

  ءپايزاۋات اۋدانىنىڭ 9 - اۋىلى 2 - قىستاعىنان كەلگەن مامەتابۇلا تۇرسۇننىڭ اكە - شەشەسى جاسى ەگدەلەپ، دەنساۋلىعى ناشار بولاتىن، وتباسىندا تاعى اجەسى، قارىنداسى، ءىنىسى جانە 3 جاستاعى قىزى بار. بۇرىن وتباسى كىرىسى نەگىزىنەن ەگىن سالۋدان كەلەتىن، ول ەگىنشىلىكتىڭ سايابىر كەزىندە سىلاقشى بولدى. ءۇيدىڭ ۇلكەنى بولعاندىقتان قارتتارعا قارايلاسىپ، وزىنەن كەيىنگىلەرگە كومەكتەسۋىنە تۋرا كەلگەن ول تۇرمىستا زور باسىمدىلىقتى سەزىندى.

  2018 - جىلى 3 - ايدا قارامايلى بۇرعىلاۋ سەرىكتەستىگىنە قابىلدانعاننان كەيىن، مامەتابۇلا تۇرسۇن مۇناي بۇرعىلاۋ جۇمىسكەرىنە اينالدى. ”بۇرعىلاۋ اترەتىنىڭ شارت - جاعدايى وتە جاقسى، مونشا بار، جاتاققا اۋا رەتتەگىش، جىلىتقىش ورناتىلعان، سونداي - اق ءبىزدىڭ تاماعىمىزدى جاساۋعا، جاتاعىمىزدى تازالاۋعا، جۇمىس كيىمىمىزدى جۋۋعا جاۋاپتى ارنايى تۇرمىستىق قىزمەت وتەۋ گرۋپپاسى بار. اسحانانىڭ تاماق ءتۇرى ەرەكشە مول، وتە ءدامدى، جارتى جىلعا جەتپەيتىن ۋاقىتتا بىرنەشە كيلوگرام سەمىرىپ كەتىپپىن“.

  قازىر مامەتابۇلا تۇرسۇننىڭ ايلىق ورتاشا كىرىسى 5000 يۋانعا جەتەدى، قىزمەت ونىمدىلىگى جاقسى بولعان كەزدەرى تاعى سيلىق اقشا الادى، ءار ايدا وتباسىنا 4000 يۋان جىبەرەدى. بيىل جىل باسىندا ول ۇيىنە ءبىر سيىر، ءبىر ەلەكترسيكل الىپ بەردى، تاعى 20 مىڭ يۋاننان استام قارىز اقشاسىن قايتاردى، وتباسىنداعىلار قۋانىپ قالماستان، اۋىلداعى كورشىلەرى دە وعان قاتتى ءتانتى بولدى.

  شينجياڭنىڭ وڭتۇستىگىندەگى قاشقار ايماعى، حوتان ايماعى، اقسۋ ايماعى جانە قىزىلسۋ قىرعىز اۆتونوميالى وبلىسى وڭتۇستىك شينجياڭنىڭ 4 ايماق، وبلىسى دەپ اتالادى، بۇكىل ەلدەگى ”ءۇش رايون، ءۇش وبلىس“تاعى اۋىر كەدەي وڭىرگە جاتادى. جەرگىلىكتى كەدەي وتباسىنداعى ەڭبەككۇشتەردىڭ جۇمىستانۋى قيىن بولۋ ماسەلەسىنە مەڭزەس، ءار دارەجەلى ۇكىمەت ءبىر توبىن قالا - قالاشىقتاردا، كاسىپورىنداردا، كاسىپ باقشاسىندا باسقا كاسىپ سالاسىنا ويىستىرىپ جۇمىستاندىرۋ، ءبىر توبىن شينجياڭ ىشىندە ءوڭىر اتتاپ باسقا كاسىپ سالاسىنا ويىستىرىپ جۇمىستاندىرۋ، ءبىر توبىن ىشكى وڭىردەگى شينجياڭعا كومەكتەسەتىن ولكە، قالالاردا باسقا كاسىپ سالاسىنا ويىستىرىپ جۇمىستاندىرۋ، ءبىر توبىن اۋىل - قىستاقتارداعى 1 - ، 2 -، 3 - كاسىپتەردى توعىستىرۋ بويىنشا باسقا كاسىپ سالاسىنا ويىستىرىپ جۇمىستاندىرۋ سياقتى كوپ ءتۇرلى تاسىلدەر ارقىلى باسقا كاسىپ سالاسىنا ويىستىرىپ جۇمىستاندىرۋ ارناسىن كەڭەيتتى، جۇمىستانۋ تىلەگى بار، بەلگىلى شەبەرلىك دەڭگەيىنە يە ەڭبەككۇشتەردىڭ باسقا كاسىپ سالاسىنا ويىستىرۋعا تيىستىلەرىن مۇمكىندىكتىڭ بارىنشا ويىستىردى، باسقا كاسىپ سالاسىنا ويىستىرۋعا بولاتىندارىن باسقا كاسىپ سالاسىنا ويىستىردى.

(شينحۋا اگەنتتىگىنىڭ 12 - ايدىڭ 11 - كۇنى ۇرىمجىدەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”زەردەلى ەگىن شارۋاشىلىعى ماشيناسى“ كوكتەمگى وندىرىسكە سەپتىگىن تيگىزدى
  • ءوندىرىس جەلىسىندەگى جۇمىسشىلار قاربالاس جۇمىستا
  • ءۇرىمجى حالىقارالىق اۋەجايىنىڭ سولتۇستىك اۋماعىن كەڭەيتىپ سالۋ ينجەنەرياسى جۇمىستى جالپى بەتتىك قالپىنا كەلتىردى
  • زەردەلى اۋىل شارۋاشىلىق ماشيناسى كوكتەمگى وندىرىسكە دەم بەردى