اۋىل - قىستاقتىڭ تۇرمىس ورتاسى ۇزدىكسىز جاقساردى
ءتىلشى ليۋ ي 12 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىمىزشا، قازىر رايونىمىزدا 9180 اكىمشىلىك قىستاقتا قىستاقتاردى تازالاۋ، جونگە سالۋ ورىستەتىلىپ، قىستاقتاردى تازالاۋ ارەكەتىن جۇرگىزۋ تۇتاسىمەن قامتىلعان. 14 ايماق (وبلىس، قالا) تۇگەلدەي اۋىل - قىستاق تازالىق دارەتحانالارىن جاڭادان سالعان، وزگەرتكەن، اۋىل - قىستاقتاردا تازالىق دارەتحانالارىنىڭ جالپىلاسۋ مولشەرى ％50.02كە جەتىپ، اۋىل - قىستاقتاردىڭ تۇرمىستىق قوقىر - قوقسىقتار مەن لاس سۋدى ءبىر جايلى ەتۋ دەڭگەيى ۇزدىكسىز جوعارىلاپ، تۇرمىس ورتاسى ۇزدىكسىز جاقسارعان.
ۇعىسۋعا قاراعاندا، بيىل رايونىمىز قىستاقتاردى تازالاۋ ارەكەتىنىڭ كوكتەمگى شايقاسىن، جازعى شايقاسىن جانە كۇزگى - قىسقى شايقاسىن ىلگەرىندى - كەيىندى ورىستەتىپ، جيىنى 18 ميلليون 68 مىڭ ادام - رەت كادر - بۇقارانى ەڭبەككە قاتىناسۋعا جۇمىلدىرعان.
جەر - جەر اۋىل - قىستاق تۇرمىستىق قوقىر - قوقسىقتارىن تازالاۋ، تاسۋ، ارىق - توعانداردى ارشۋ، مال، ءۇي قۇسى باعىمشىلىعى كوڭ - قوقىرلارىن جانە اۋىل شارۋاشىلىعى ءوندىرىسى كەرەكسىز زاتتارىن تازالاۋ سياقتى قىزمەتتەردى جاقسى ىستەۋ نەگىزىندە تاعى دا ءىس جۇزىندىكپەن بىرلەستىرىپ، قۇلاعان داۋال، قيراعان تامدى تازالاۋ، اس ءۇيدى وزگەرتۋ جانە ءۇي جيھازدارىن بولمەگە ەنگىزۋ سياقتى ءتۇرلى ەرەكشەلىككە يە قيمىلداردى جۇرگىزىپ، بۇكىل رايونداعى اۋىل - قىستاقتاردىڭ ءوندىرىس، تۇرمىس بەت - بەينەسىن كورنەكتى جاقسارتقان.
قازىر بۇكىل رايونىمىزدا 7532 اكىمشىلىك قىستاقتىڭ تۇرمىستىق قوقىر - قوقسىقتارى ءونىمدى ءبىر جاقتى ەتىلىپ، 7054 اكىمشىلىك قىستاقتىڭ تۇرمىستىق قوقىر - قوقسىقتارىن شوعىرلى ءبىر جاقتى ەتۋ ىسكە اسىپ، جەكە - جەكە اكىمشىلىك قىستاقتىڭ جالپى سانىنىڭ ％82.04ىن، ％76.84ىن ۇستادى. 1600 اكىمشىلىك قىستاقتىڭ تۇرمىستىق لاس سۋى قالا - قالاشىقتىڭ قۇبىر تورابىنا ۇلاستى نەمەسە شوعىرلى، وتباسىلارىنا بىرلەستىرۋ، وتباسىلارى بويىنشا ءبولۋ تاسىلدەرىمەن ءبىر جاقتى ەتىلدى.
اۋلا سىرتىنداعى ورتا بارعان سايىن كورىكتەنىپ، اۋلا ىشىندەگى قونىستانۋ ورتاسى دا جاپپاي جاقساردى. بيىل بۇكىل رايونىمىزدا 94 اۋدان (قالا، رايون) 3 تۇرگە ءبولىپ اۋىل - قىستاق دارەتحانالارىن وزگەرتۋ قىزمەتىن ىلگەرىلەتىپ، سۋ ىستەتۋ قولايلى بولسا سۋ ىستەتۋ، قۇرعاق ىستەتۋ قولايلى بولسا قۇرعاق ىستەتۋ پرينسيبىنە تاباندى بولىپ، جەرگىلىكتى ورىننىڭ جاعدايىنا قاراي قاراپايىم، قولدانىلمالى، وزىندىك قۇنى ۇيلەسىمدى، تەحنيكاسى كەمەلدى، بۇقارا قۋانا قابىلدايتىن دارەتحانا وزگەرتۋ فورماسىن تاڭدادى ءارى اۋىل - قىستاق دارەتحانالارىن باسقارىپ - قورعاپ ىستەتۋ مەن اۋىل شارۋاشىلىعى ءوندىرىسى ءوزارا ۇلاسقان ەكولوگيالىق اينالىم فورماسىن بەلسەنە جالپىلاستىرىپ، اۋىل - قىستاقتىڭ ”دارەتحانا توڭكەرىسى“ اياق الىسىن جەدەلدەتتى.
ساناققا نەگىزدەلگەندە، بيىل بۇكىل رايونىمىزدا 912 مىڭ 400 اۋىل - قىستاق دارەتحاناسى، 4901 الەۋمەتتىك دارەتحانا جاڭادان كوبەيىپ، بۇكىل رايونىمىزداعى اۋىل - قىستاق تازالىق دارەتحانالارى ءبىر ميلليون 636 مىڭ 500گە جەتىپ، جالپىلاسۋ مولشەرى ％50.02كە جەتكەن. مۇندا، زالالسىزدانعان تازالىق دارەتحانا ءبىر ميلليون 286 مىڭ 600گە جەتىپ، جالپىلاسۋ مولشەرى ％39.32كە جەتكەن.
