ساياسات، زاڭ ەرەجەلەردى ۇگىتتەپ، مىندەت وتەۋ تاجىريبەلەرىن اۋىستىردى
اۆتونوميالى رايوندىق حالىق قۇرىلتايى ۋاكىلدەرى ۇلكەن ساباقحاناسى تۇڭعىش رەت ساباق باستادى
ءتىلشى جاۋ جىيۇن 12 - ايدىڭ 13 - كۇنى ۇرىمجىدەن حابارلايدى. رايونىمىزداعى حالىق قۇرىلتايى ۋاكىلدەرىنىڭ مىندەت وتەۋ جانە اۋىس - كۇيىس جاساۋ، ۇيرەنۋ جونىندە تاعى دا تىڭ ىزدەنىستەر جاسالدى، 12 - ايدىڭ 12 - كۇنى تۇستەن كەيىن اۆتونوميالى رايوندىق حالىق قۇرىلتايى ۋاكىلدەرى ۇلكەن ساباقحاناسى شينجياڭ حالىق سارايىندا تۇڭعىش رەت ساباق باستادى. قۇربان نياز، چىن بيڭ - ي، پاڭ زىجيان، يۋ لياڭيىڭ سياقتى 4 حالىق قۇرىلتايى ۋاكىلى وزدەرىنىڭ مىندەت وتەۋ كەشىرمەلەرىنە ۇشتاستىرىپ، نەگىزگى تاقىرىپتا لەكسيا سويلەدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ۇلكەن ساباقحانا قيمىلىنا قاتىناستى ءارى ارناۋ ءسوز سويلەدى. ول بىلاي دەدى: اۆتونوميالى رايوندىق حالىق قۇرىلتايى ۋاكىلدەرى ۇلكەن ساباقحاناسىن اشۋ ۋاكىلدەر قىزمەتىن ىشكەرىلەي ىلگەرىلەتۋدەگى، ۋاكىلدەردىڭ رولىن تولىق ساۋلەلەندىرۋدەگى ماڭىزدى شارا، جاڭا داۋىردەگى رايونىمىزدىڭ حالىق قۇرىلتايى قىزمەتى ورەسىن جاپپاي جوعارىلاتۋداعى ىزدەنىس، جاسامپازدىق.
مۇنىڭ ماقساتى حالىق قۇرىلتايى ۋاكىلدەرىنىڭ حالىق اراسىنا تامىر تارتۋ جانە كاسىپتىك تىرەك ابزالدىلىعىن ساۋلەلەندىرىپ، حالىق قۇرىلتايى ۋاكىلدەرىن مىنبەگە شىعىپ، پارتيانىڭ ساياساتى مەن مەملەكەتتىڭ زاڭىن، زاڭ ەرەجەلەرىن ۇگىتتەپ، لەكسيا جاساپ، نەگىزگى ساتىنىڭ جاعدايى مەن نەگىزگى ساتى قىزمەتىنىڭ تاجىريبەلەرىن تانىستىرىپ، ۋاكىلدەردىڭ زاڭ بويىنشا مىندەت وتەۋدەگى جاقسى تاجىريبەلەرىن، جاقسى ادىستەرىن اۋىستىرىپ، ۋاكىلدەردىڭ مىندەت وتەۋ قابىلەتىن جوعارىلاتىپ، ۋاكىلدەردىڭ مىندەت وتەۋ ىنتاسىن كۇشەيتىپ، تاڭداۋلى ۋاكىل بولۋعا ۇمتىلۋ؛ سونىمەن قاتار، قوعامعا حالىق قۇرىلتايى ۋاكىلدەرىنىڭ ءۇنىن جەتكىزىپ، حالىق قۇرىلتايى ۋاكىلدەرىنىڭ كەلبەتىن ايگىلەپ، حالىق قۇرىلتايى ءتۇزىمىن ۇگىتتەۋ.
شاۋكەت يمىن بىلاي دەدى: حالىق قۇرىلتايى ۋاكىلدەرىن مىندەت وتەۋ بويىنشا باۋلۋ، قىزمەت وتەۋ قامتاماسىزداندىرۋىن جاقسارتۋ، ۋاكىلدەردىڭ زاڭ بويىنشا مىندەت وتەۋىن قولداۋ حالىق قۇرىلتايى تۇراقتى كوميتەتىنىڭ ماڭىزدى قىزمەت جاۋاپكەرلىگى. ءبىز حالىق قۇرىلتايى ۋاكىلدەرى ۇلكەن ساباقحاناسى قىزمەتىن ۇدايىلاندىرۋدى، تۇزىمدەندىرۋدى ىلگەرىلەتىپ، وسى مىندەت وتەۋدە جاڭالىق اشۋ شاراسىنىڭ ءتىپتى دە زور ىقپال كۇشىن ساۋلەلەندىرۋىنە مۇمكىندىك جاساۋىمىز كەرەك. وسى تۇعىر ارقىلى ۋاكىلدەردىڭ مىندەت وتەۋ كوز اياسىن ونان ارى كەڭەيتىپ، ۇيرەنۋدىڭ تەرەڭدىگىن، ءورىسىن كەڭەيتىپ، ۋاكىلدەردىڭ مىندەت وتەۋ تاجىريبەلەرى جونىندەگى اۋىس - كۇيىستى تەرەڭدەتىپ، ۋاكىلدىك رولىن ءتىپتى دە ويداعىداي ساۋلەلەندىرىپ، حالىق قۇرىلتايى ءتۇزىمى مەن حالىق قۇرىلتايى قىزمەتىنىڭ داۋىرمەن بىرگە العا باسۋىن، كەمەلدەنۋىن، دامۋىن ىلگەرىلەتۋ كەرەك. حالىق قۇرىلتايى ۋاكىلدەرى وي - سانانى نازاريامەن قارۋلاندىرىپ، مىندەت وتەۋ قابىلەتىن جوعارىلاتىپ، نەگىزگى ساتىعا بارىپ جاعداي ۇعىسىپ، حالىق بۇقاراسىمەن ەتەنە بايلانىس ورناتىپ، ”حالىق مەنى ۋاكىل ەتىپ سايلادى، مەن حالىققا ۋاكىل بولامىن“ دەگەندى ويداعىداي ورىنداۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى جۋ حايلۇن، دۇڭ شينگۋاڭ، باداي، مانەن زەينەل، سو يۋە ماجىلىسكە قاتىناستى.
