تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى ورتالىقتىڭ ەكونوميكالىق قىزمەت ءماجىلىسىنىڭ رۋحىن جەتكىزدى، ۇيرەندى

شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، سەنىمدى بەكەمدەپ، جاپپاي دوڭگەلەك داۋلەتتى قوعام ورناتۋدىڭ ۇلى جەڭىسىنە باتىل قول جەتكىزەيىك

چىن چۋانگو ءماجىلىستى باسقاردى

  تىلشىلەر ياۋ تۇڭ، ۋاڭ شيڭرۇي 12 - ايدىڭ 13 - كۇنى ۇرىمجىدەن حابارلايدى. 12 - ايدىڭ 13 - كۇنى تۇستەن بۇرىن، اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، ورتالىقتىڭ ەكونوميكالىق قىزمەت ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزىپ، ۇيرەنىپ، اۆتونوميالى رايوننىڭ ەكونوميكالىق قىزمەتىنىڭ قاتىستى جاعدايىنىڭ مالىمەتىن تىڭداپ، رايونىمىزدىڭ ەكونوميكالىق قىزمەتىنە تالداۋ جاسادى جانە ونى اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: ەندى عانا جابىلعان ورتالىقتىڭ ەكونوميكالىق قىزمەت ءماجىلىسى − پارتيا 19 - كەزەكتى ورتالىق كوميتەتى ءتورتىنشى جالپى ماجىلىسىنەن كەيىن ورتالىق اشقان ءبىر رەتكى ماڭىزدى ءماجىلىس، بيىلعى ەكونوميكالىق قىزمەتتى مۇقيات قورىتىندىلاپ، كەزەكتەگى ەكونوميكالىق جاعدايعا ىشكەرىلەي تالداۋ جاساپ، كەلەر جىلعى ەكونوميكالىق قىزمەتتى جاپپاي ورنالاستىردى، ءبىزدىڭ سەنىمدى بەكەمدەپ، ورتاق تانىمدى ۇيىستىرىپ، جاپپاي دوڭگەلەك داۋلەتتى قوعام ورناتۋ مەن ”13 - بەسجىلدىق“ جوبانىڭ ءساتتى اياقتالۋىنا شىنايى كەپىلدىك ەتۋدە كەلەلى دە تەرەڭ ماڭىزعا يە. باس شۋجي شي جينپيڭ سويلەگەن ماڭىزدى سوزدە بيىل جىل باسىنان بەرى ەلىمىزدىڭ ەكونوميكالىق دامۋىندا وڭاي - وسپاق قولعا كەلمەگەن ناتيجەلەر جاپپاي قورىتىندىلانىپ، 2020 - جىلعى ەكونوميكالىق قىزمەتتى جاقسى ىستەۋدىڭ جالپى تالابى، باستى نىساناسى، ساياساتتىق بەتالىسى جانە ءتۇيىندى قىزمەت تەرەڭ باياندالدى، كەزەكتەگى جانە مۇنان بىلايعى ءبىر مەزگىلدە ەلىمىزدىڭ ەكونوميكالىق قىزمەتىن جاقسى ىستەۋدىڭ باعدارنامالىق حۇجاتى جانە ءتۇبىرلى بويسۇنۋ ولشەمى.

  شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن باتىل دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، لي كىچياڭ زۇڭليدىڭ ناقتى ورنالاستىرۋىنا ساي، پارتيا ورتالىق كوميتەتىنىڭ ورنالاستىرۋىن، تالاپتارىن باتىل ناقتى تياناقتاندىرىپ، شينجياڭنىڭ ورنىقتىلىعىنىڭ، دامۋىنىڭ ناقتى ناتيجەلەرى ارقىلى جاپپاي دوڭگەلەك داۋلەتتى قوعام ورناتۋ مەن ”13 - بەسجىلدىق“ جوبانىڭ ءساتتى اياقتالۋىنا ءتيىستى ۇلەس قوسۋ كەرەك.

  ءبىرىنشى، ءسوز جوق، جەڭىسكە جەتۋ سەنىمىن بەكەمدەۋ كەرەك. ەلىمىز ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ نەگىزگى بەتالىسىنىڭ وزگەرمەگەندىگىن تەرەڭ يگەرىپ، ديالەكتيكالىق ويلاۋ ارقىلى جاعدايدىڭ دامۋىنا، وزگەرىسىنە كوز جىبەرۋدەن جازباي، قىسىمدى رەفورمانى تەرەڭدەتۋدىڭ، سىرتقا ەسىكتى ايقارا اشۋدىڭ قۋاتتى قوزعاۋشى كۇشىنە اينالدىرىپ، ءوز ءىسىمىزدى زەيىن - زەردەنى شوعىرلاندىرا وتىرىپ جاقسى ىستەپ، بۇكىل رايون ەكونوميكاسىنىڭ مولشەرىنىڭ ۇيلەسىمدى وسۋىنە، ساپاسىنىڭ نىق قاداممەن كوتەرىلۋىنە شىنايى كەپىلدىك ەتۋ كەرەك.

  ەكىنشى، جالپى تالاپتى تياناقتاندىرۋ كەرەك. جاپپاي دوڭگەلەك داۋلەتتى قوعام ورناتۋدىڭ نىسانا - مىندەتتەرىمەن تىعىز بايلانىستىرىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنان جازباي، جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، رەفورما جاساۋدى، ەسىك اشۋدى قوزعاۋشى كۇش ەتۋگە تاباندى بولىپ، جوعارى ساپالى دامۋدى ىلگەرىلەتىپ، ءۇش ءىرى قامال الۋ شايقاسىنىڭ جەڭىسىنە باتىل قول جەتكىزىپ، ”التىنى ورنىقتىرۋ“ قىزمەتىن جاپپاي جاقسى ىستەپ، ارتۋدى ورنىقتىرۋدى، رەفورمانى جەبەۋدى، قۇرىلىمدى رەتتەۋدى، حالىق تۇرمىسىنا تيىمدىلىك جاساۋدى، حاۋىپ - قاتەردەن ساقتانۋدى، ورنىقتىلىقتى ساقتاۋدى ءبىر تۇتاس جوسپارلاپ ىلگەرىلەتىپ، ەكونوميكالىق اينالىمدى ۇيلەسىمدى ارالىقتا ساقتاپ، قوعامدىق كەلەلى جاعدايدىڭ ءۇرتىس ورنىقتى بولۋىن ساقتاۋ كەرەك.

  ءۇشىنشى، ساياساتتىق بەتالىستى يگەرۋ كەرەك. ورنىقتىلىقتى الدىڭعى ورىنعا قويۋعا تاباندى بولىپ، ماكرولىق ساياساتتىڭ ورنىقتى بولۋىنان، ميكرولىق ساياساتتىڭ جاندى بولۋىنان، قوعامدىق ساياساتتىڭ جان - جاقتى بولۋىنان جازباي، ماسەلەنى باعدار ەتۋدەن، نىسانانى باعدار ەتۋدەن، ناتيجەنى باعدار ەتۋدەن جازباي، قامداۋ جاعىنداعى قۇرىلىمدىق رەفورمانى تەرەڭدەتۋگە ۇزدىكسىز كۇش سالىپ، ۇزدىكسىز تۇردە ءتۇيىندى يگەرىپ، ولقىلىقتاردى تولىقتاپ، ءالسىز بۋىنداردى كۇشەيتىپ، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ كەرەك.

  ءتورتىنشى، ءتۇيىندى قىزمەتتى كورنەكتىلەندىرۋ كەرەك. جاڭا دامۋ ۇستانىمىن بۇلجىماي دايەكتىلەندىرىپ، ءۇش ءىرى قامال الۋ شايقاسىن باتىل ويداعىداي جۇرگىزىپ، جىبەك جولى ەكونوميكالىق بەلدەۋى وزەكتى رايونىن قۇرۋ، اۋىل - قىستاقتى گۇلدەندىرۋ ستراتەگياسىن اتقارۋ، ساياحات كاسىبىن دامىتۋ سىندى ءۇش ءتۇيىندى قىزمەتتى ويداعىداي يگەرىپ، 3 كاسىپ قۇرىلىمىن رەتتەپ ساپالىلاندىرىپ، رەفورمانى تەرەڭدەتىپ، ەسىكتى ايقارا اشىپ، حالىق تۇرمىسىن ۇزدىكسىز قامتاماسىز ەتىپ، جاقسارتىپ، قازىنا، فينانس قىزمەتىن تىڭعىلىقتى جاقسى ىستەپ، شينجياڭ ەكونوميكاسىنىڭ جوعارى ساپالى دامۋىن كۇش سالا ىلگەرىلەتۋ كەرەك.

  بەسىنشى، تاماشا ورتا قالىپتاستىرۋ كەرەك. نازاردى باس نىساناعا شوعىرلاندىرىپ، كەشەندى شارالاردى ويداعىداي قولدانىپ، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن قورعاپ، ورنىقتىلىقتىڭ پايداسىن ۇزدىكسىز جارىققا شىعارىپ، ەكونوميكانىڭ جوعارى ساپالى دامۋىنا تاماشا ورتا قالىپتاستىرۋ كەرەك.

  التىنشى، پارتيانىڭ باسشىلىعىن كۇشەيتۋ كەرەك. پارتيانىڭ ەكونوميكالىق قىزمەتكە ورتالىقتانعان ءبىر تۇتاس باسشىلىعىن كۇشەيتۋگە تاباندى بولىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن جاپپاي دايەكتىلەندىرىپ، جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋگە كۇش سالىپ، ”ەكى باسشىلىق القاسى“ قىزمەت مەحانيزمىنە تاباندى بولىپ، دايەكتىلەندىرۋدى، تياناقتاندىرۋدى مىقتى يگەرىپ، پارتيانىڭ ەكونوميكالىق قىزمەتكە باسشىلىق ەتۋ ءتۇزىم ابزالدىلىعىن جونگە سالۋ ونىمدىلىگىنە شىن مانىندە اينالدىرۋ كەرەك.

  ءماجىلىس باسقا دا ىستەردى اقىلداستى.

  شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، ەركىن تۇنياز، تيان ۋىن، سارقىت اقان، جاڭ چۇنلين ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.