ۇيرەنۋدىڭ، دايەكتىلەندىرۋدىڭ ساياسي سانالىلىعىن، يدەيالىق سانالىلىعىن جانە ارەكەت سانالىلىعىن كۇشەيتۋ كەرەك
شينجياڭ گازەتىنىڭ ءتىلشىسى لي ياڭ 12 - ايدىڭ 14 - كۇنى ۇرىمجىدەن حابارلايدى. 12 - ايدىڭ 14 - كۇنى تۇستەن بۇرىن اۆتونوميالى رايوننىڭ تاراۋلارىنداعى، ورىندارىنداعى ايماق، مەڭگەرمە دارەجەلى كادرلاردىڭ ”پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ“ شوعىرلى باۋلۋ كۋرسىنىڭ 2 - مەرزىمدىك كۋرسى ساباق باستادى. اۆتونوميالى رايوننىڭ پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ساباق باستاۋ سالتىنا قاتىناستى ءارى ارناۋلى تاقىرىپتىق پىسىقتاۋ بايانداماسىن جاسادى.
لي پىڭشين بىلاي دەپ اتاپ كورسەتتى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسى پارتيامىز ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە تۇرعاندا اشىلعان ءبىر رەتكى توتەنشە ماڭىزدى ءماجىلىس، جاڭا جۇڭگو قۇرىلعاندىعىنىڭ 70 جىلدىعى ساتىندە، ەلىمىز جۇڭحۋا ۇلتىنىڭ ۇلى گۇلدەنۋىنىڭ شەشۋشى مەزگىلىندە تۇرعاندا اشىلعان ءبىر رەتكى باستاما سيپاتتى، بەلەستىك مانگە يە ءماجىلىس. پارتيالى باسشى كادرلار ساياسي سانالىلىقتى، يدەيالىق سانالىلىقتى، ارەكەت سانالىلىعىن كۇشەيتىپ، ۇلگىلىك رولىن تولىق ساۋلەلەندىرىپ، ساياسي دەڭگەيدى شىن مانىندە جوعارىلاتىپ، ءتۇزىم سەنىمىن بەكەمدەپ، كەلەلى ورنالاستىرۋلاردى يگەرىپ، جالپى ءماجىلىستىڭ ورنالاستىرۋلارىن قاز - قالپىندا، باتىل دا پارمەندى تياناقتاندىرۋ كەرەك.
لي پىڭشين بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ، تياناقتاندىرۋ قىزمەتىن مۇقيات ناقتى، ويداعىداي يگەرىپ، اۆتونوميالى رايوندىق 9 - كەزەكتى پارتكوم سەگىزىنشى جالپى ءماجىلىسىنىڭ ورنالاستىرۋلارى، تالاپتارى بويىنشا، جەتە ءتۇسىنۋدى، جەتە يگەرۋدى، ناقتى تياناقتاندىرۋدى شىن مانىندە ورىنداۋ كەرەك. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن ۇشتاستىرىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ باي مازمۇنى مەن وزەكتى ءمانىن جاپپاي جۇيەلى ءتۇسىنۋ جانە يگەرۋ كەرەك. جۇڭگوشا سوتسياليزم تۇزىمىنە تاباندى بولۋدى جانە ونى كەمەلدەندىرۋدى مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋمەن ساباقتاستىرىپ ۇيرەنۋ؛ مەملەكەت ءتۇزىم قۇرىلىسىنداعى ”نەگە تاباندى بولۋ جانە ونى بەكەمدەۋ“ مەن ”نەنى كەمەلدەندىرۋدى جانە دامىتۋدى“ ساباقتاستىرىپ تالداۋ جاساۋ؛ جۇڭگوشا سوتسياليزم ءتۇزىمىنىڭ تۇتاس تۇلعاسى مەن 13 ءتۇرلى تاباندى بولۋعا، كەمەلدەندىرۋگە قاجەتتى ءتۇزىمدى ساباقتاستىرىپ قاراۋ؛ جۇڭگوشا سوتسياليزم ءتۇزىمى مەن جۇڭگوشا سوتسياليزم جولىن، نازارياسىن، مادەنيەتىن ساباقتاستىرىپ باعامداۋ، جالپى ءماجىلىستىڭ رۋحىن جان - جاقتى، دۇرىس يگەرۋ كەرەك.
لي پىڭشين بىلاي دەپ باسا دارىپتەدى: پارتيالى باسشى كادرلار جونگە سالۋ قابىلەتىن جوعارىلاتۋدى ماڭىزدى مىندەت ەتىپ، يدەيادا شىڭدالۋدى، ساياسيدا توسەلۋدى، امالياتتا شىنىعۋدى، ماماندىقتا جاتىلۋدى كۇشەيتىپ، ءتۇزىم بويىنشا مىندەت وتەپ جاۋاپكەرشىلىك اتقارۋ، بيلىك جۇرگىزۋ، قىزمەت ورىستەتۋ كەرەك. ستراتەگيالىق ورىندى جوعارىلاتىپ، سانالى تۇردە ماسەلەنى ساياسي جاقتان، جالپى جاعداي جاعىنان، ستراتەگيالىق جاقتان جان - جاقتى شامالاپ، ءتۇزىم تانىمىن كۇشەيتىپ، ءتۇزىمنىڭ بەدەلىن باستاماشىلدىقپەن قورعاپ، ءتۇزىمدى اتقارۋدىڭ ۇلگىسى بولىپ، تۇتاس قوعامنىڭ ءتۇزىمدى سانالى قاستەرلەۋىنە، ءتۇزىمدى قاتاڭ اتقارۋىنا، ءتۇزىمدى باتىل قورعاۋىنا جەتەكشىلىك ەتۋ كەرەك. ارەكەت دايىندىعىن جاقسى ىستەپ، بىلىمدەگى كەمشىل تۇستاردى، قابىلەتتەگى ولقىلىقتاردى جانە تاجىريبەدەگى كەمىستىكتەردى سانالى تولىقتاپ، جالپى ءماجىلىس رۋحىن شىن مانىندە ورنىقتىلىقتى قورعاۋدىڭ ءبىرىنشى شەبىندە، رەفورما جاساۋدىڭ، دامۋدىڭ نەگىزگى شايقاس مايدانىندا، بۇقاراعا قىزمەت وتەۋدىڭ ەڭ الدىڭعى شەبىندە دايەكتىلەندىرۋ، تياناقتاندىرۋ كەرەك. جاۋاپكەرشىلىك ارقالاپ ىسكەرلىك كورسەتۋدى كۇشەيتىپ، ءىستى عىلمي ۇستانىممەن، ۇزاق ۋاقىتتىق كوز ايامەن، ناقتى ستيلمەن جوسپارلاپ، ستراتەگيالىق ويلاۋ، تاريحي ويلاۋ، ديالەكتيكالىق ويلاۋ، جاسامپازدىقپەن ويلاۋ، زاڭمەن جونگە سالۋ تۇرعىسىنان ويلاۋ، تومەنگى شەكتە ويلاۋ قابىلەتى مەن ورەسىن ۇزدىكسىز جوعارىلاتىپ، قىزمەتتى جاسامپازدىقپەن ورىستەتىپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجە جاراتۋعا قۇلشىنۋ كەرەك. تۇزىمگە قايشىلىق جاساعان، ءتۇزىمدى بۇلدىرگەن ارەكەت اتاۋلىمەن تايسالماي كۇرەس جاساۋعا باتىل دا شەبەر بولىپ، ءتۇزىمدى اتقارۋدا تالعام جاساۋدى، قۇبىلتۋدى، قاز - قالپىندا اتقارماۋدى ءۇزىلدى - كەسىلدى تيۋ كەرەك.
