شينحۋا اگەنتتىگىنىڭ 12 - ايدىڭ 11 - كۇنى بەيجيڭنەن بەرگەن حابارى (چي شىڭ). 2016 - جىلى 2 - ايدىڭ 24 - كۇنى جۇڭگو كوممۋنيستىك پارتياسى ورتالىق كوميتەتى كەڭسەسى «بارلىق پارتيا مۇشەلەرى اراسىندا ”پارتيا ۋستاۆىن، پارتيا قاعيداسىن ۇيرەنۋ، جەلىلەس سوزدەردى ۇيرەنۋ، تولىمدى پارتيا مۇشەسى بولۋ“ ۇيرەنۋ تاربيەسىن ورىستەتۋ جونىندەگى جوبا»نى باسىپ تاراتىپ، ”ەكىنى ۇيرەنۋ، بىردە تولىمدى بولۋ“ ۇيرەنۋ تاربيەسىن ورىستەتۋ جونىندە ورنالاستىرۋ جاسادى. بۇل جاڭا جاعدايدا پارتيانىڭ يدەيا - ساياسي قۇرىلىسىن كۇشەيتۋدەگى كەلەلى ورنالاستىرۋ، پارتيانى جاپپاي قاتاڭ جونگە سالۋدىڭ نەگىزگى ساتىعا جالعاسۋىن ىلگەرىلەتۋدەگى پارمەندى تۇتقا.
پارتيا 18 - قۇرىلتايىنان بەرى، جۇڭگو كوممۋنيستىك پارتياسى پارتيانىڭ يدەيا - ساياسي قۇرىلىسىن ۇزدىكسىز ىلگەرىلەتىپ، الدىمەن بۇكىل پارتيادا پارتيانىڭ بۇقارالىق لۋشيان تاربيەسى امالياتتىق قيمىلىن ىشكەرىلەي ورىستەتتى، وعان جالعاستىرا اۋدان، باسقارما دارەجەلىدەن جوعارى باسشى كادرلار اراسىندا ”ۇشتە قاتاڭ، ۇشتە شىنايى بولۋ“ ارناۋلى تاقىرىپتىق تاربيەسىن ورىستەتتى. 2 رەتكى شوعىرلى تاربيەدە كورنەكتى ناتيجەگە قول جەتكىزۋ نەگىزىندە ”ەكىنى ۇيرەنۋ، بىردە تولىمدى بولۋ“ ۇيرەنۋ تاربيەسىن ورنالاستىرىپ ورىستەتۋدەگى ماقسات پارتيا ىشىندەگى تاربيەنى ”شەشۋشى ازشىلىق“تان قالىڭ پارتيا مۇشەلەرىنە قاراي كەڭەيتۋدى، شوعىرلى تاربيەدەن ۇدايىلىق تاربيەگە قاراي جالعاستىرۋدى ىلگەرىلەتىپ، پارتيانى جاپپاي قاتاڭ جونگە سالۋ تالابىن ءاربىر ياچەيكاعا، ءاربىر پارتيا مۇشەسىنە دەيىن تياناقتاندىرۋ.
پارتيا ورتالىق كوميتەتىنىڭ پارمەندى باسشىلىعىندا، ءار دارەجەلى پارتيا ۇيىمدارى جوبا تالابىنا ساي، پارتيا ۋستاۆىن قۇرمەتتەۋدى، پارتيا قاعيداسىنا بويسۇنۋدى نەگىزگى تالاپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىمەن بۇكىل پارتيانى قارۋلاندىرۋدى ءتۇبىرلى مىندەت ەتىپ، نەگىزدىڭ ۇيرەنۋدە، تەتىكتىڭ ىستەۋدە ەكەندىگىنە تاباندى بولىپ، پارتيا مۇشەلەرى قوسىنىنىڭ يدەيا، ۇيىم، ستيل، ءتارتىپ جاقتاردا ورىن تەپكەن كورنەكتى ماسەلەلەرىن كۇش سالا شەشىپ، ۇيرەنۋ تاربيەسىن تىڭعىلىقتى، ءتارتىپتى تۇردە ورىستەتىپ، كورنەكتى ناتيجەگە قول جەتكىزدى. ”ەكىنى ۇيرەنۋ، بىردە تولىمدى بولۋ“ ۇيرەنۋ تاربيەسى ارقىلى بۇكىل پارتيا يدەيا، ستيل، پارتيالىلىق جاعىندا تاعى ءبىر رەت شوعىرلى تۇردە ”كالتسي تولىقتاپ“ جانە ”ماي قۇيىپ“، قالىڭ پارتيالى كادرلاردىڭ ”ءتورت تانىمى“ كورنەكتى كۇشەيىپ، پارتيا ىشىندەگى ساياسي تۇرمىس اناعۇرلىم قاتاڭ ارناعا ءتۇسىرىلىپ، نەگىزگى ساتى پارتيا قۇرىلىسىنداعى كورنەكتى ماسەلەلەر ءونىمدى تۇردە شەشىلىپ، باسشى كادرلاردىڭ تىرەكتىك، باستاماشىلدىق رولى، نەگىزگى ساتى پارتيا ۇيىمىنىڭ جاۋىنگەر قورعاندىق رولى، پارتيا مۇشەلەرىنىڭ اۆانگارد ۇلگىلىك رولى اناعۇرلىم ساۋلەلەندىرىلدى.
2017 - جىلى 3 - ايدا ورتالىق كوميتەت كەڭسەسى «”ەكىنى ۇيرەنۋ، بىردە تولىمدى بولۋ“ ۇيرەنۋ تاربيەسىن ىلگەرىلەتۋدى ۇدايىلاندىرۋ، تۇزىمدەندىرۋ جونىندەگى پىكىر»دى باسىپ تاراتىپ، ”ەكىنى ۇيرەنۋ، بىردە تولىمدى بولۋ“ ۇيرەنۋ تاربيەسىن پارتيا ياچەيكاسىنىڭ ”ءۇش جيىن، ءبىر ساباق“ سياقتى نەگىزگى تۇزىمىنە ەنگىزىپ، پارتيانى جاپپاي قاتاڭ جونگە سالۋدىڭ نەگىزدىك ينجەنەرياسى ەتتى.
