شينحۋا اگەنتتىگىنىڭ 12 - ايدىڭ 10 - كۇنى بەيجيڭنەن بەرگەن حابارى (چي شىڭ). 2015 - جىلى 11 - ايدىڭ 24 - كۇنى ورتالىق اسكەري ىستەر كوميتەتىنىڭ رەفورما قىزمەتى ءماجىلىسى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىستە ماڭىزدى ءسوز جاريالاپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن ىشكەرىلەي دايەكتىلەندىرىپ، رەفورما جاساپ، ارميانى قۇدىرەتتەندىرۋ ستراتەگياسىن جاپپاي اتقارىپ، ارميانى قۇدىرەتتەندىرۋدىڭ جۇڭگوشا جولىمەن بۇلجىماي ءجۇرۋدى باسا دارىپتەدى.
پارتيا 18 - قۇرىلتايىنان بەرى، باس شۋجي شي جينپيڭ پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن ايقىن العا قويدى، ياعني پارتيانىڭ قولباسشىلىعىنا قۇلاق اساتىن، جەڭىستى شايقاس جۇرگىزە الاتىن، ستيلى تاڭداۋلى حالىق ارمياسىن قۇرۋ ءارى وسى نىسانانى مىقتاپ ارقاۋ ەتە وتىرىپ مەملەكەت قورعانىسى جانە ارميا رەفورماسىن جوسپارلاۋ.
2013 - جىلى 11 - ايدا پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسى رەفورمانى جاپپاي تەرەڭدەتۋ جونىندە جالپىلىق ورنالاستىرۋ جاساپ، مەملەكەت قورعانىسى جانە ارميا رەفورماسىن مەملەكەتتىڭ رەفورمانى جاپپاي تەرەڭدەتۋ جالپى تۇلعالىق ورنالاستىرۋىنا ەنگىزىپ، پارتيانىڭ ەركى مەن مەملەكەتتىڭ ارەكەتى دارەجەسىنە كوتەردى.
2014 - جىلى 3 - ايدا باس شۋجي شي جينپيڭ اسكەري ىستەر كوميتەتى رەفورماعا باسشىلىق ەتۋ گرۋپپاسىنىڭ 1 - رەتكى جالپى جيىنىن باسقارىپ اشىپ، رەفورمانىڭ ماڭىزدى شارالارىنىڭ جۇمىس ءبولىسى جوباسىن جانە رەفورما قىزمەتىنىڭ جول كارتاسىن قاراپ ماقۇلدادى. مەملەكەت قورعانىسى جانە ارميا رەفورماسىن تەرەڭدەتۋ قولباسشىلىق شتابى رەسمي قۇرىلىپ، رەفورما قىزمەتى ماندىك ىلگەرىلەۋ ساتىسىنا ءوتتى.
ورتالىق اسكەري ىستەر كوميتەتىنىڭ رەفورما قىزمەتى ءماجىلىسى مەملەكەت قورعانىسى جانە ارميا رەفورماسىن تەرەڭدەتۋدىڭ اتتانىسقا كەلتىرۋ بۇيرىعىن جاريالادى. ماجىلىستەن كەيىن ورتالىق اسكەري ىستەر كوميتەتى «مەملەكەت قورعانىسى جانە ارميا رەفورماسىن تەرەڭدەتۋ جونىندەگى پىكىر»دى باسىپ تاراتتى. ورتالىق اسكەري ىستەر كوميتەتىنىڭ رەفورما قىزمەتى ءماجىلىسىنىڭ اشىلۋىنا ىلەسىپ، ءداۋىر بولگىش مانگە يە جالپىلىق سيپاتتى، توڭكەرىستىك سيپاتتى وزگەرىس رەسمي باستالدى.
وسىدان كەيىن، اسكەري ىستەر كوميتەتى جالپى جاقتان باسقارۋداي، سوعىستىق رايون سوعىس جۇرگىزۋدى نەگىز ەتۋدەي، ارميا تۇرلەرى قۇرىلىستى نەگىز ەتۋدەي باس پرينسيپكە ساي، باسشىلىق، قولباسشىلىق ەتۋ ءتۇزىلىس رەفورماسىن ىلگەرىلەتىپ، ارميانىڭ ۇيىمدىق قۇرىلىمىنىڭ تاريحي سيپاتتى وزگەرىسىن ىسكە اسىردى؛ كولەم قۇرىلىمى جانە كۇشتەر قۇرىلىمى رەفورماسىن ىلگەرىلەتىپ، جۇڭگوشا وسى زامانعى اسكەري ىستەر كۇش جۇيەسىن ورناتتى؛ اسكەري ىستەر ساياسات تۇزىمىنە جۇيەلى، تەرەڭ رەفورما جاساپ، جۇڭگوشا سوتسياليستىك اسكەري ىستەر ساياساتتىق ءتۇزىم جۇيەسىن ورناتتى، كەمەلدەندىردى. ”ءۇش ۇلكەن شايقاس“ ساتىلاي جالعاسىپ، الدى - ارتى ساباقتاسىپ، قابات - قابات ىلگەرىلەپ، ارميا رەفورماسى جاپپاي جەڭىسكە جەتۋ نىساناسىنا شەشۋشى سيپاتتى قادام قويدى.
