شينحۋا اگەنتتىگىنىڭ 12 - ايدىڭ 15 - كۇنى بەيجيڭنەن بەرگەن حابارى (چي شىڭ). 2017 - جىلى 4 - ايدىڭ 26 - كۇنى ەلىمىزدىڭ 2 - اۋياماتكاسىن، سونداي - اق ەلىمىزدىڭ بۇكىلدەي دەربەس زەرتتەپ جاساعان تۇڭعىش اۋياماتكاسىن جۇڭگو كەمە اۋىر ونەركاسىبى توبى سەرىكتەستىگى داليان كەمە جاساۋ زاۆودىندا سۋعا ءتۇسىرۋ راسىمى وتكىزىلدى. راسىمدە حالىقارالىق داعدى بويىنشا، لەنتا قيۋدان سوڭ قۇمىرا لاقتىرۋ جورالعىسى وتكىزىلدى. ءبىر قۇمىرا شامپان اراعىنىڭ اۋياماتكانىڭ الدىڭعى جاعىندا شاعىلۋىمەن، اۋياماتكانىڭ ەكى بۇيىرىنەن كوزدىڭ جاۋىن الار ءتۇستى جولاقتار بۇركىلىپ، سول ماڭداعى كەمەلەر بىرگە گۋدەك شالىپ، تۇتاس الاڭنان شاتىرلاعان شاپالاق ءۇنى كوتەرىلدى. اۋياماتكا سۇيرەگىشتىڭ سۇيرەۋىمەن كەمە تۇراعىنان باياۋ شىعارىلىپ، كەمەجايعا توقتاتىلدى.
ەلىمىزدە وندىرىلگەن تۇڭعىش اۋياماتكاسىن جاساۋ 2013 - جىلى 11 - ايدا جۇمىس باستاعان، 2015 - جىلى 3 - ايدا كەمە ۇياسىندا جاساۋ باستالعان. كەمە تۇراعىنان شىعارىلىپ، سۋعا ءتۇسىرىلۋ اۋياماتكا جاساۋداعى كەلەلى بۋىننىڭ ءبىرى، ەلىمىزدىڭ اۋياماتكانى دەربەس جوبالاپ جاساۋىنىڭ كەلەلى كەزەڭدىك تابىسقا جەتكەنىن اڭعارتادى، جۇڭگو دۇنيە جۇزىندەگى ءوز كۇشىنە سۇيەنىپ اۋياماتكا جاساي الاتىن از سانداعى ەلدىڭ بىرىنە اينالدى.
1987 - جىلى اۋياماتكا جاساۋ جوسپارى العا قويىلعاننان ءوز كۇشىنە سۇيەنىپ ەلىمىزدە وندىرىلگەن تۇڭعىش اۋياماتكانى زەرتتەپ جاساعانعا دەيىن جۇڭگو 30 جىل ۋاقىت جۇمسادى. بۇل جۇڭگونىڭ تەڭىز ارمياسىن جابدىقتاۋ ورەسىنىڭ قاۋىرت كوتەرىلگەنىن كورسەتىپ قالماستان، ونان دا ماڭىزدىسى، جۇڭگونىڭ مەملەكەتتىك تۇتاس تۇلعالىق كۇش - قۋاتىنىڭ جوعارىلاعانىن ايگىلەي ءتۇستى.
سەمسەر سوعۋ سوعىس ءۇشىن ەمەس، بەيبىتشىلىك ءۇشىن. جۇڭحۋا ۇلتى بەيبىتشىلىكتى سۇيەتىن حالىق، بەيبىتشىلىككە ارىماي - تالماي تالپىنادى، ەلىمىزدە وندىرىلگەن اۋياماتكا جۇڭگونىڭ بەيبىت دامۋدى قورعاپ، دۇنيە ءجۇزىنىڭ بەيبىتشىلىگىن قورعاۋىنا اناعۇرلىم پايدالى. تاياۋ جىلداردان بەرى، ادەن شىعاناعىنداعى، سومالي تەڭىز ايدىنىنداعى كەمەلەردى قورعاۋ مەن ادامگەرشىلىك قۇتقارۋ، كومەكتەسۋ ارەكەتى ارقىلى جۇڭگو دۇنيە جۇزىنە جاۋاپكەرشىلىك ارقالايتىن ءىرى ەل وبرازىن ايگىلەدى، ەلىمىزدە وندىرىلگەن اۋياماتكانىڭ باس تارتۋعا بولمايتىن بورىشى − جۇڭگونىڭ بەيبىت دامۋى ءۇشىن بەرىك قامتاماسىزدىق ازىرلەپ، دۇنيە ءجۇزى بەيبىتشىلىگىنە كۇش - قۋات ارناۋ.
