شينحۋا اگەنتتىگىنىڭ 12 - ايدىڭ 14 - كۇنى بەيجيڭنەن بەرگەن حابارى (چي شىڭ). 2016 - جىلى 10 - ايدىڭ 24 - كۇنىنەن 27 - كۇنىنە دەيىن، جۇڭگو كوممۋنيستىك پارتياسى 18 - كەزەكتى ورتالىق كوميتەتىنىڭ التىنشى جالپى ءماجىلىسى بەيجيڭدە وتكىزىلدى، جالپى ءماجىلىس «جاڭا جاعدايداعى پارتيانىڭ ىشكى ساياسي تۇرمىسى جونىندەگى ءبىرقانشا ولشەم»دى جانە وزگەرىس ەنگىزىلگەننەن كەيىنگى «جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسىن» قاراپ ماقۇلداپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتۋ جونىنەن جاڭا كەلەلى ورنالاستىرۋ جاسادى.
پارتيانى جاپپاي قاتاڭ جونگە سالۋ پارتيانىڭ 18 - قۇرىلتايىنان بەرى پارتيا ورتالىق كوميتەتىنىڭ پارتيا قۇرىلىسىن ۇستاۋداعى ايقىن نەگىزگى تاقىرىبى. جۇڭگونىڭ ءىسىن ويداعىداي ىستەۋدىڭ تەتىگى پارتيادا، تەتىگى پارتيانىڭ پارتيانى باسقارۋىندا، پارتيانى قاتاڭ جونگە سالۋدا. جاڭا تاريحي جاعدايدا، ءبىز كوپتەگەن تىڭ تاريحي ەرەكشەلىگى بار ۇلى كۇرەستەردى اناعۇرلىم ويداعىداي جۇرگىزۋدە، جۇڭگوشا سوتسياليزم ۇلى ىستەرىن ىلگەرىلەتۋدە، ءسوزسىز، پارتيا قۇرىلىسىنىڭ جاڭا ۇلى ينجەنەريالارىن اناعۇرلىم زور تەبىنمەن ىلگەرىلەتىپ، پارتيانى جاپپاي قاتاڭ جونگە سالۋدى مىزعىماي ىلگەرىلەتىپ، شىنايى تۇردە پارتيانى ويداعىداي قۇرىپ، ويداعىداي باسقارىپ، پارتيانىڭ العاباسارلىعى مەن كىرشىكسىزدىگىن ساقتاپ، پارتيانىڭ جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن ارتتىرىپ، پارتيانىڭ باسشىلىق ورەسى مەن بيلىك جۇرگىزۋ ورەسىن جوعارىلاتىپ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋىمىز كەرەك.
پارتيانىڭ ىشكى ساياسي تۇرمىسىن كۇشەيتۋ جانە جۇيەلىلەندىرۋ، پارتيا ىشىندەگى باقىلاۋدى كۇشەيتۋ تۇگەلدەي جاڭا جاعدايدا پارتيا قۇرىلىسىن كۇشەيتۋدەگى اسا ماڭىزدى تاقىرىپ، سونداي - اق ءبىزدىڭ پارتيانىڭ جاپپاي قاتاڭ جونگە سالۋدى ىلگەرىلەتۋىمىزدىڭ ماڭىزدى تۇتقاسى. «ولشەم»نىڭ جاسالۋى پارتيا قۇرىلىسىنداعى تاريحي تاجىريبەلەردى تەرەڭ قورىتىندىلاپ، شي جينپيڭ جولداستى ۇيتقى ەتكەن پارتيا ورتالىق كوميتەتى ورتاعا قويعان جاڭا ۇستانىمدى، جاڭا يدەيانى، جاڭا ستراتەگيانى كۇش سالا دايەكتىلەندىرىپ، پارتيا ۋستاۆىن ءتۇبىرلى نەگىز ەتۋگە تاباندى بولىپ، ماسەلەنى باعدار ەتۋدى كورنەكتىلەندىرىپ، پارتيانىڭ ىشكى ساياسي تۇرمىسىنىڭ ساياسي سيپاتىن، پرينسيپتىك سيپاتىن، داۋىرلىك سيپاتىن، جاۋىنگەرلىك سيپاتىن ارتتىرۋدى كوزدەپ، جاڭا جاعدايداعى پارتيانىڭ ىشكى ساياسي تۇرمىسىنا جۇيەلى ولشەم جاسادى. وزگەرىس ەنگىزىلگەننەن كەيىنگى «ەرەجە» سىناق رەتىندە اتقارىلعان ەرەجەنىڭ باقىلاۋ نەگىزگى تۇلعاسىنىڭ ءبىرشاما بىتىراڭقى، باقىلاۋ جاۋاپكەرشىلىگىنىڭ جەتەرلىكتەي ايقىن بولماۋ، باقىلاۋ ءتۇزىمىنىڭ مەڭگەرىمدىلىگى مەن ناقتى ونىمدىلىگى كۇشتى بولماۋ ماسەلەلەرىن ءبىرشاما جاقسى شەشىپ، جاۋاپكەرشىلىگىنىڭ انىق، نەگىزگى تۇلعاسىنىڭ ايقىن، ءتۇزىمنىڭ ىسكە جاراۋىن، ۇتىمدى بولۋىن جۇزەگە اسىردى ءارى پارتيا ىشىندەگى باسقا دا ەرەجەلەرمەن ۇشتاستىرۋدى كۇشەيتتى.
«ولشەم» مەن «ەرەجە» پارتيانى جاپپاي قاتاڭ جونگە سالۋ سىندى نەگىزگى تاقىرىپتى تىعىز ارقاۋ ەتىپ، پارتيانىڭ تاڭداۋلى ءداستۇرى مەن باعالى تاجىريبەلەرىنە مۇراگەرلىك ەتىپ جانە ونى ساۋلەلەندىرىپ، پارتيانىڭ 18 - قۇرىلتايىنان بەرى پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋىنىڭ جاڭا تاجىريبەلەرىن، جاڭا تابىستارىن تولىق بەينەلەپ، ءبىرسىپىرا جاڭا كوزقاراستى، جاڭا شارانى ورتاعا قويىپ، جاڭا جاعدايداعى پارتيانىڭ ىشكى ساياسي تۇرمىسىن كۇشەيتۋ مەن ولشەمگە تۇسىرۋگە، پارتيا ىشىندەگى باقىلاۋدى كۇشەيتۋگە ءتۇبىرلى بويسۇنۋ ولشەمىن ازىرلەدى.
