شينجياڭدا كەدەيلەردىڭ قاتەرلى ۇيلەردە تۇرۋ تاريحى اياقتادى
قاعىلىق اۋدانىنداعى اقتاش كەدەيلەردى قونىس جاڭالاپ سۇيەمەلدەۋ بويىنشا ورنالاستىرۋ ءتۇيىنى (11 - ايدىڭ 28 - كۇنى ۇشقىشسىز ۇشاقپەن تۇسىرىلگەن). 2017 - جىلدان باستاپ، قاعىلىق اۋدانى چيپان اۋىلى، كوكيار اۋىلى، ۇشارباس قالاشىعى سىندى 3 تاۋلى ءوڭىر اۋىل - قالاشىعىنداعى 3150 وتباسى ەگىنشى - مالشى تۇرعىندى اقتاش كەدەيلەردى قونىس جاڭالاپ سۇيەمەلدەۋ بويىنشا ورنالاستىرۋ تۇيىنىنە ىركەس - تىركەس كوشىردى. سۋرەتتى ءتىلشى وتكۇر نيجات تۇسىرگەن
شينجياڭ گازەتىنىڭ ءتىلشىسى ۋاڭ شيڭرۇي 12 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسىنەن ۇعىسۋعا قاراعاندا، 12 - ايدىڭ 10 - كۇنىنە دەيىن، تۇتاس رايوندا اۋىل - قىستاق بەيقۇت ءۇي ينجەنەرياسى بويىنشا 198 مىڭ 617 ءۇي سالىنىپ ءبىتىپ، قۇرىلىستىڭ سالىنىپ ءبىتۋ سالىستىرماسى ％99.21كە جەتكەن. مۇندا تۇتاس رايوندا ارحيۆ تۇرعىزىلىپ، كارتچكالاندىرىلعان ەڭ سوڭعى 9355 كەدەي وتباسى بيىل جاڭا بەيقۇت ۇيگە كوشىپ كىرىپ، شينجياڭدا كەدەيلەردىڭ قاتەرلى ۇيلەردە تۇرۋ تاريحى وسىمەن اياقتاعان.
ءۇشتۇرپان اۋدانى اقتوعاي اۋىلى جيدەلى قىستاعىنداعى ارحيۆ تۇرعىزىلىپ، كارتچكالاندىرىلعان كەدەي وتباسى تۇرسۇن ماۋلىنيازدىڭ جاڭا ۇيگە كوشىپ كىرگەنىنە 2 ايدان استى. جانعا جايلى، جارىق بولمەلەر، قولايلى تۇرمىس قۇرىلعىلارى تۇرسۇننىڭ بولاشاق تۇرمىسقا سەنىمىن ارتتىردى. ”جاڭا ۇيگە كوشىپ كىرىپ، تۇرمىسىمىز ۇمىتكە تولىپ، ءار كۇنى كۇش - قۋاتىمىز تاسقىنداپ تۇراتىن بولدى“. تۇرسۇن بىلاي دەدى: قىستاقتاعى سيىر باعۋ سەلبەستىك كووپەراتيۆىنە قاتىناسىپ، ءار ايدا تۇراقتى كىرىس تاۋىپ، تۇرمىسىم بارعان سايىن جاقساردى. قازىرگە دەيىن 609 كەدەي وتباسىن قامتىعان اقسۋ ايماعىنداعى 32 مىڭنان استام ەگىنشى - مالشىنىڭ بارلىعى بەيقۇت ۇيگە كوشىپ كىردى.
بيىل جىل باسىنان بەرى رايونىمىز نازاردى ”ەكىدەن تارىقتىرماۋ، ءۇشتى قامتاماسىز ەتۋ“گە شوعىرلاندىرىپ، اۋىل - قىستاق بەيقۇت ءۇي ينجەنەرياسى قۇرىلىس مىندەتى بويىنشا 200 مىڭ ءۇي سالىپ، ％100 جۇمىس باستادى. جىل باسىندا اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى كەدەيلەردى سۇيەمەلدەۋ، حالىق ىستەرى سياقتى تاراۋلارمەن بىرلەسىپ، جەر - جەر جولداعان 2019 - جىل − 2020 - جىلدىق اۋىل - قىستاق ارحيۆ تۇرعىزىلىپ، كارتچكالاندىرىلعان كەدەي وتباسى سياقتى 4 تۇردەگى ءتۇيىندى وبيەكتى قۇرىلىسىنا قاجەتتى ساندى مالىمەتتەرگە ”ەكى رەت جوعارىعا مالىمدەۋ، ەكى رەت تومەنگە تۇسىرۋ“مەن سالىستىرۋ جۇرگىزىپ، اۋىل - قىستاق بەيقۇت ءۇي ينجەنەرياسى قۇرىلىس مىندەتىن ۇيلەسىمدى تۇراقتاندىردى. مۇندا وڭتۇستىك شينجياڭداعى 4 ايماق - وبلىسقا 162 مىڭ 400 ءۇي ورنالاستىرىلىپ، تۇتاس جىلداعى جوسپار مىندەتىنىڭ ％81ىن ۇستادى. مىندەتتى ىلگەرىلەتۋ بارىسىندا تۇتاس رايون ارحيۆ تۇرعىزىلىپ، كارتچكالاندىرىلعان 9355 كەدەي وتباسىن قاداعالاپ، كەدەيلىكتەن ارىلتۋدان قامال الۋداعى ”تۇرعىن ءۇي حاۋىپسىزدىگىن قامتاماسىز ەتۋ“ قىزمەتىن كۇش سالا ىلگەرىلەتتى.
”كەدەيلىكتەن ارىلتۋدان قامال الۋ قىزمەتى باستالعاننان بەرى، رايونىمىز جوسپار، مىندەت، قارجى جاقتان بەيىمدەلۋ تەبىنىن ارتتىرىپ، اۋىل - قىستاق ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ تۇرعىن ءۇي حاۋىپسىزدىگىن ءونىمدى قامتاماسىز ەتتى“. اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى قىستاق، قالاشىق قۇرىلىسى باسقارماسىنىڭ باستىعى جاڭ شاۋ - اي بىلاي دەدى: اۋىل - قىستاق بەيقۇت ءۇي ينجەنەرياسى قۇرىلىسىنىڭ ارقاسىندا رايونىمىز اۋىل - قىستاقتارىنىڭ بەت - بەينەسىندە زور وزگەرىس جارىققا شىقتى. ءتۇرلى قارجىنى بىرىكتىرۋ ارقىلى ءۇي قۇرىلىمى حاۋىپسىز، پايدالانۋ يقۋاتى تولىق، وندىرىسكە، تۇرمىسقا قولايلى جاڭا اۋىل - قىستاق قۇرىپ، ”لاس، بىلىققان، ناشار“ ەسكى بەينەسى ءونىمدى جاقساردى.
”2020 - جىلى رايونىمىز اۋىل - قىستاق بەيقۇت ءۇي ينجەنەرياسىنىڭ ’13 - بەسجىلدىق‘ جوبا نىساناسىن جاپپاي ورىنداپ، تۇتاس رايونداعى شارۋالاردىڭ تۇرعىن ءۇي حاۋىپسىزدىگىن تولىق قامتۋدى جۇزەگە اسىرادى“، - دەدى جاڭ شاۋ - اي.
