چىن چۋانگو، شوكىرات زاكىر ءسوز سويلەدى، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين قاتىناستى
12 - ايدىڭ 17 - كۇنى اۆتونوميالى رايوندىق پارتكومنىڭ ەكونوميكالىق قىزمەت ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. سۋرەتتى شينجياڭ گازەتىنىڭ ءتىلشىسى سۇي جىجيان تۇسىرگەن
شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 12 - ايدىڭ 17 - كۇنى ۇرىمجىدەن حابارلايدى. 12 - ايدىڭ 17 - كۇنى اۆتونوميالى رايوندىق پارتكومنىڭ ەكونوميكالىق قىزمەت ءماجىلىسى اشىلدى، ورتالىقتىڭ ەكونوميكالىق قىزمەت ءماجىلىسىنىڭ رۋحىن جەتكىزدى، ۇيرەندى، 2019 - جىلعى ەكونوميكالىق قىزمەتتى قورىتىندىلاپ، كەزەكتەگى ەكونوميكالىق جاعدايعا تالداۋ جاسادى، 2020 - جىلعى ەكونوميكالىق قىزمەتتى ورنالاستىردى.
اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قورىتىندى ءسوز سويلەدى. اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين ماجىلىسكە قاتىناستى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ ورتالىقتىڭ ەكونوميكالىق قىزمەت ماجىلىسىندە سويلەگەن ءسوزى بيىل جىل باسىنان بەرگى ەكونوميكالىق قىزمەتتى جۇيەلى قورىتىندىلاپ، كەزەكتەگى ەل ءىشى - سىرتىنداعى ەكونوميكالىق جاعدايعا تەرەڭ تالداۋ جاساپ، كەلەر جىلعى ەكونوميكالىق قىزمەتتىڭ جالپى تالابىن، ساياساتتىق بەتالىسىن جانە ءتۇيىندى مىندەتتەرىن ايقىن ورتاعا قويىپ، جوعارى ساپالى دامۋدى ىلگەرىلەتۋگە ايقىن بەتالىس كورسەتتى، بۇل 2020 - جىلعى ەكونوميكالىق قىزمەتتى ويداعىداي ىستەۋدىڭ عىلمي جەتەكشىسى جانە ءتۇبىرلى بويسۇنۋ ولشەمى. مۇقيات ۇيرەنىپ، تەرەڭ ءتۇسىنىپ، يدەيا مەن ارەكەتتى ورتالىقتىڭ ەكونوميكالىق قىزمەت ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن شىنايى بىرلىككە كەلتىرىپ، ورتالىقتىڭ كەلەر جىلعى ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، شينجياڭ ەكونوميكاسىنىڭ جوعارى ساپالى دامۋىن قۇلشىنا ىلگەرىلەتۋ كەرەك.
ءماجىلىس مىنالاردى اتاپ كورسەتتى: بيىل جىل باسىنان بەرى، ورنىقتىلىقتىڭ، دامۋدىڭ كۇردەلى جاعدايى مەن ماشاقاتتى مىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل رايوندا جوعارىدان تومەنگە دەيىن شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن مۇقيات دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن دايەكتىلەندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ”التىنى ورنىقتىرۋ“ قىزمەتىن كۇش سالا ويداعىداي ىستەدى، ەكونوميكالىق دامۋ ورنىقتىلىق بارىسىندا جوعارىلاپ، كاسىپ قۇرىلىمى ۇزدىكسىز ساپالىلانىپ، ءۇش ءىرى قامال الۋ شايقاسى ماڭىزدى ىلگەرىلەۋشىلىككە قول جەتكىزىپ، حالىق تۇرمىسى قۇرىلىسى ءۇردىس كۇشەيىپ، رەفورما جاساۋ، ەسىك اشۋ ىشكەرىلەي ىلگەرىلەپ، قازىنا، سالىق، فينانس ءونىمدى تىرەك بولىپ، ساۋدا - شارۋاشىلىق ورتاسى ۇزدىكسىز جاقسارىپ، ەكونوميكانىڭ، قوعامنىڭ ورنىقتى، اقاۋسىز دامۋى جۇزەگە اسىرىلدى. ناتيجەنى تۇراقتاندىرۋ، جاعدايدى جىعا تانۋ، سەنىمدى كۇشەيتىپ، بەكىمدى نىعايتىپ، قيىنشىلىقتار مەن ماسەلەلەرگە تۋرا قاراپ، ورايدى، باسىمدىقتى يگەرىپ، حاۋىپ - قاتەر تانىمىن كۇشەيتىپ، تومەنگى شەكتە ويلاۋعا تاباندى بولىپ، كەلەر جىلعى ەكونوميكالىق قىزمەتتى ويداعىداي ىستەۋدىڭ جاۋاپكەرشىلىك سەزىمى مەن كوكەي تەستىلىك سەزىمىن شىنايى كۇشەيتۋ كەرەك.
ءماجىلىس مىنالاردى باسا دارىپتەدى: 2020 - جىل جاپپاي دوڭگەلەك داۋلەتتى قوعام ورناتۋدىڭ جانە ”13 - بەسجىلدىق“ جوبانىڭ اياقتالار جىلى. كەلەر جىلعى ەكونوميكالىق قىزمەتتى ويداعىداي ىستەۋدە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن باتىل دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جاپپاي دوڭگەلەك داۋلەتتى قوعام ورناتۋ نىسانالارىمەن، مىندەتتەرىمەن تىعىز بايلانىستىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، رەفورما جاساۋدى، ەسىك اشۋدى قوزعاۋشى كۇش ەتۋگە تاباندى بولىپ، جوعارى ساپالى دامۋدى ىلگەرىلەتىپ، ءۇش ءىرى قامال الۋ شايقاسىنىڭ جەڭىسىنە باتىل قول جەتكىزىپ، ”التىنى ورنىقتىرۋ“ قىزمەتىن جاپپاي ويداعىداي ىستەپ، ارتۋدى ورنىقتىرۋدى، رەفورمانى جەبەۋدى، قۇرىلىمدى رەتتەۋدى، حالىق تۇرمىسىنا تيىمدىلىك جاساۋدى، حاۋىپ - قاتەردەن ساقتانۋدى، ورنىقتىلىقتى ساقتاۋدى ءبىر تۇتاس جوسپارلاپ ىلگەرىلەتىپ، قوعامدىق كەلەلى جاعدايدىڭ ۇزدىكسىز ورنىقتىلىعىن ساقتاپ، ەكونوميكالىق اينالىمدى ۇيلەسىمدى ارالىقتا ساقتاپ، جاپپاي دوڭگەلەك داۋلەتتى قوعام ورناتۋدىڭ جانە ”13 - بەسجىلدىق“ جوبانىڭ جاپپاي اياقتالۋىنا شىنايى كەپىلدىك ەتۋ كەرەك.
ءبىرىنشى، جاڭا دامۋ ۇستانىمىن تاباندىلىقپەن دايەكتىلەندىرۋ. جاپپاي دوڭگەلەك داۋلەتتى قوعام ورناتۋ نىسانالارىن، مىندەتتەرىن ارقاۋ ەتىپ، نازاردى ولقىلىقتار مەن ءالسىز بۋىندارعا شوعىرلاندىرىپ، دالمە - ءدال قامال الۋ؛ جان - جاقتى، جالپى تۇلعالىق كوزقاراس ورناتىپ، ەكونوميكالىق، قوعامدىق دامۋدىڭ زاڭدىلىعىنا بويسۇنىپ، ماسەلەنى باعدار ەتۋگە تاباندى بولا وتىرىپ ەكونوميكالىق قىزمەتتى ورنالاستىرىپ، ساپانىڭ بارىنشا جوعارىلاۋى بارىسىندا ساننىڭ ءونىمدى ارتۋىن جۇزەگە اسىرۋ؛ دۇرىس باعدار ورناتىپ، جاڭا دامۋ ۇستانىمىن دايەكتىلەندىرۋگە تاباندى بولۋدى ءار دارەجەلى باسشى كادرلاردى سىناۋدىڭ ءبىر ماڭىزدى ولشەمى ەتىپ، فورماشىلدىقتى، تورەشىلدىكتى باتىل تيۋ كەرەك.
ەكىنشى، پارتيا ورتالىق كوميتەتىنىڭ ەكونوميكالىق قىزمەت جونىندەگى ءتۇرلى ساياساتتارىن مۇقيات تياناقتاندىرۋ. پارتيا ورتالىق كوميتەتىنىڭ ماكرولىق ەكونوميكالىق ساياساتتارىن جاپپاي دايەكتىلەندىرىپ، تياناقتاندىرىپ، ءتۇرلى ساياساتتاردىڭ شينجياڭدا قاز - قالپىندا تىڭعىلىقتى تياناقتانۋىنا، بىرىككەن كۇش قالىپتاستىرۋىنا شىنايى كەپىلدىك ەتۋ؛ پارتيا ورتالىق كوميتەتىنىڭ شينجياڭعا بەرگەن ەرەكشە ساياساتتارىن تياناقتاندىرىپ جانە ودان ويداعىداي پايدالانىپ، ءىس جۇزىندىكپەن بىرلەستىرىپ، شارالار بەلگىلەپ، تياناقتاندىرۋدى مىقتاپ يگەرىپ، قاداعالاي وتىرىپ ناتيجەسىن قۋزاپ، ۇتىمدى ىقپالداساتىن، بىرگە كۇش جۇمسايتىن اۋقىم قالىپتاستىرۋ كەرەك.
ءۇشىنشى، ءۇش ءىرى قامال الۋ شايقاسىن تاباندىلىقپەن، باتىل، ويداعىداي جۇرگىزۋ. كەدەيلىكتەن ارىلتۋدان قامال الۋ شايقاسىن ويداعىداي جۇرگىزىپ، نازاردى اۋىر كەدەيلىككە شوعىرلاندىرىپ، ”ەكىدەن تارىقتىرماۋ، ءۇشتى قامتاماسىز ەتۋ“مەن تىعىز بىرلەستىرىپ، ”جەتى ءبىر توپ“تى، ”ۇشتە سەرپىندى ارتتىرۋ“دى تىڭعىلىقتى ىلگەرىلەتىپ، اۋىز سۋ حاۋىپسىزدىگىندەگى ولقىلىقتى تولىقتاپ، ورتالىقتىڭ كەدەيلىكتەن ارىلتۋدان قامال الۋ بويىنشا ارناۋلى شارلاۋىندا اڭىس ەتىلگەن ماسەلەلەردى ءبىر - بىرلەپ اداقتاپ تەكسەرىپ، رەتتەپ - تۇزەتىپ، كەدەيلىكتەن ارىلتۋدىڭ جەمىسىن بەكەمدەپ، كەدەيلىكتەن ارىلتۋدان قامال الۋ مىندەتىنىڭ ۋاعىندا ورىندالۋىنا شىنايى كەپىلدىك ەتۋ؛ لاستانۋدان ساقتانۋ جانە تىزگىندەۋدەن قامال الۋ شايقاسىن ويداعىداي جۇرگىزىپ، تۇنىق سۋ، جاسىل تاۋ − باعالى بايلىق، مۇزدى القاپ، قارلى دالا دا − باعالى بايلىق ۇستانىمىن بەرىك ورناتىپ، كورىكتى شينجياڭ قۇرۋعا قۇلشىنۋ؛ ەلەۋلى حاۋىپ - قاتەرلەردەن ساقتانۋ جانە ونى جويۋدان قامال الۋ شايقاسىن ويداعىداي جۇرگىزىپ، جۇيەلىك حاۋىپ - قاتەر تۋىلماۋ تومەنگى شەگىن ساقتاۋ كەرەك.
ءتورتىنشى، ءتۇيىندى دامۋ ستراتەگياسىن زور كۇشپەن اتقارۋ. جىبەك جولى ەكونوميكالىق بەلدەۋى وزەكتى رايون قۇرۋدى جەدەلدەتىپ، ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىن تۇتقا ەتىپ، ”ءبىر بەلدەۋ، ءبىر جول“مەن بەلسەنە توعىسۋ؛ اۋىل - قىستاقتى گۇلدەندىرۋ ستراتەگياسىن زور كۇشپەن اتقارىپ، اۋىل - قىستاقتى كاسىپپەن كوركەيتۋدى، دارىندىلارىمەن كوركەيتۋدى، مادەنيەتپەن كوركەيتۋدى، ەكولوگيامەن كوركەيتۋدى، ۇيىمدىق جاقتان كوركەيتۋدى ىلگەرىلەتۋ؛ ساياحات ارقىلى شينجياڭدى كوركەيتۋ ستراتەگياسىن زور كۇشپەن اتقارىپ، ”شينجياڭ جاقسى جەر“ تاماشا تانىسقىسىن قالىپتاستىرۋ كەرەك.
بەسىنشى، ەرەكشە، ابزال كاسىپتەردى جەتىلدىرۋ، زورايتۋ. ماڭىزدى ءتۇيىندى كاسىپ قۇرىلىمىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتۋگە قويىپ، ناقتى ەكونوميكانى نىعايتىپ، كۇشەيتىپ، ساپالىلاندىرىپ، اۋىل شارۋاشىلىعىنىڭ ساپاسىن ءوسىرۋدى، ونىمدىلىگىن جوعارىلاتۋدى، اۋىل شارۋاشىلىعىنىڭ جالپى كاسىپ تىزبەگىنىڭ دامۋىن جۇزەگە اسىرۋدى ىلگەرىلەتىپ، ونەركاسىپتىڭ تيبىن وزگەرتىپ، دارەجەسىن جوعارىلاتۋدى، كاسىپ ابزالدىلىعىن جەتىلدىرۋدى، زورايتۋدى تەزدەتىپ، وسى زامانعى قىزمەت وتەۋ كاسىبىن زور كۇشپەن دامىتىپ، قىزمەت وتەۋمەن قامداۋدى كەڭەيتىپ جانە سۇرانىستىڭ كومەسكى كۇشىن ىسكە قوسىپ، جاڭالىق اشۋدى قوزعاۋشى كۇش ەتۋگە تاباندى بولىپ، عىلىم - تەحنيكانىڭ العا باسۋى ارقىلى ەكونوميكانىڭ دامۋىن ىلگەرىلەتۋ كەرەك.
التىنشى، نىسان قۇرىلىسىن جانە نەگىزدىك قۇرىلعى قۇرىلىسىن كۇشەيتۋ. نەگىزدىك قۇرىلعىلار مەن كاسىپ نىساندارىن كورنەكتىلەندىرە وتىرىپ مىقتى يگەرىپ، ەلەۋلى نىساندار، ءتۇيىندى باقشا رايوندارى قۇرىلىسىن كۇشەيتىپ، رەفورما ادىسىنەن، بازارلاندىرىپ جۇمىس جۇرگىزۋ تاسىلىنەن پايدالانۋعا تاباندى بولىپ، قاتىناس، سۋ يگىلىگى، ەنەرگيا، حابارلاسۋ، قالا - قالاشىق سياقتى نەگىزدىك قۇرىلعى قۇرىلىسىن كۇشەيتىپ، تىرەكتىك قابىلەتىن ۇزدىكسىز جوعارىلاتۋ كەرەك.
جەتىنشى، حالىق تۇرمىسىن كۇش سالا قامتاماسىز ەتۋ جانە جاقسارتۋ. حالىقتى وزەك ەتكەن دامۋ يدەياسىن بەرىك ورناتىپ، ورنىقتىلىق، دامۋ، حالىق تۇرمىسى ۇشەۋىن ءبىر تۇلعالاندىرۋعا تاباندى بولىپ، جۇمىستاندىرۋدى كۇش سالا ورنىقتىرىپ جانە كەڭەيتىپ، وقۋ - اعارتۋ ىستەرىن زور كۇشپەن دامىتىپ، ەمدەۋدەن قىزمەت وتەۋ دەڭگەيىن جوعارىلاتىپ، قوعامدىق قامتاماسىز ەتۋ جۇيەسىن كەمەلدەندىرىپ، قالا، اۋىل بەيقۇت ءۇي ينجەنەرياسىن اتقارىپ، مەيىر باعىشتاۋ، حالىققا تيىمدىلىك جاساۋ ينجەنەرياسىن ىلگەرىلەتىپ، حاۋىپسىزدىك جۇيەسى قۇرىلىسىن كۇشەيتىپ، ءار ۇلت بۇقاراسىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ اناعۇرلىم مول بولۋىنا مۇمكىندىك جاساۋ كەرەك.
سەگىزىنشى، رەفورما جاساۋدى، ەسىك اشۋدى ۇزدىكسىز تەرەڭدەتۋ. ورتالىق ورنالاستىرعان رەفورما مىندەتتەرىن جاپپاي تياناقتاندىرىپ، ءتۇيىندى سالالارداعى رەفورمالاردى ىلگەرىلەتىپ، ءتۇرلى بازار تۇلعالارىنىڭ ومىرشەڭدىگىن قاۋلاتۋ؛ شينجياڭنىڭ وڭىرلىك ابزالدىلىعىن تولىق ساۋلەلەندىرىپ، سىرتقا ەسىك اشۋ سەرپىنىن ارتتىرۋ؛ كاسىپ سالاسى ارقىلى شينجياڭعا كومەكتەسۋدى تىڭعىلىقتى ىلگەرىلەتىپ، ءتۇرلى كاسىپورىندار مەن قوعامدىق كاپيتالداردى بۇكىل شينجياڭ كولەمىندە قارجى سالۋعا، شارۋاشىلىقتى كوركەيتۋگە ىنتالاندىرۋ، جەتەكتەۋ؛ ءادىل باسەكە ورتاسىن قالىپتاستىرىپ، ەتەنە، تازا، جاڭاشا ۇكىمەت - ساۋدا سالاسى قاتىناسىن ورناتىپ، حالىقتىق ەكونوميكانى زور كۇشپەن دامىتۋ كەرەك.
توعىزىنشى، قازىنا، سالىق، فينانس قىزمەتىن تىڭعىلىقتى، ويداعىداي ىستەۋ. قازىنانىڭ، سالىقتىڭ، فينانستىڭ تىرەكتىك، قامتاماسىز ەتۋ رولىن تولىق ساۋلەلەندىرىپ، سالىقتى ازايتىپ، اقىنى تومەندەتۋدىڭ ءتۇرلى ساياساتتارىن، شارالارىن تياناقتاندىرۋدى مۇقيات، مىقتى يگەرىپ، ادەتتەگى شىعىستى زور كۇشپەن ازايتىپ، تابىس - ونىمدىلىك نەگىزىندەگى مەجە ەسەپ باعالاۋ كورسەتكىشى جۇيەسىن اقاۋسىزداندىرۋ؛ فينانس تۇلعالارىن كوبەيتىپ، الۋەتتەندىرىپ، جالپىعا ءتيىمدى فينانستان قىزمەت وتەۋ جۇيەسىن كەمەلدەندىرىپ، كاسىپورىنداردىڭ تىكەلەي قارجى قۇراۋ ارنالارىن كەڭەيتۋىنە قولداۋ كورسەتىپ، فينانستىڭ ناقتى ەكونوميكاعا قىزمەت وتەۋ قابىلەتىن جوعارىلاتۋ كەرەك.
ونىنشى، بيڭتۋاننىڭ رەفورماسىنا، دامۋىنا قولداۋ كورسەتۋ. ”بيڭتۋان مەن جەرگىلىكتى ورىن ءبىر تۇتاس جۇيە“ يدەياسىن بەرىك ورناتىپ، بيڭتۋاننىڭ ورنىقتىلىقتى قورعاۋ، شەكارا كۇزەتۋ قابىلەتى قۇرىلىسىن كۇشەيتۋىنە قولداۋ كورسەتىپ، بيڭتۋاننىڭ رەفورمانى تەرەڭدەتۋىنە جانە وڭتۇستىككە قاراي دامۋىنا قولداۋ كورسەتىپ، بيڭتۋان مەن جەرگىلىكتى ورىندى توعىستىرا دامىتۋ مەحانيزمىن اقاۋسىزداندىرىپ، ”ءۇش ۇلكەن فۋنكتسيا“ مەن ”ءتورت ۇلكەن رولدى“ اناعۇرلىم ويداعىداي ساۋلەلەندىرۋ كەرەك.
ءماجىلىس مىنالاردى اتاپ كورسەتتى: ءار دارەجەلى پارتكوم مەن ۇكىمەت پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن باتىل دايەكتىلەندىرىپ، ورنىقتىلىق پەن دامۋدىڭ قاتىناسىن دۇرىس ءبىر جاقتى ەتىپ، شىنايى، پارمەندى شارالار قولدانىپ جوعارى ساپالى دامۋدى ىلگەرىلەتۋ كەرەك. ءار دارەجەلى پارتكومدار بەتالىستى يگەرۋ، كەلەلى جاعدايدى باسقارۋ، تياناقتاندىرۋعا كەپىلدىك ەتۋ رولىن تولىق ساۋلەلەندىرۋ، ءار دارەجەلى ۇكىمەتتەر قىزمەتىن اتقارىپ، بورىشىن ادا ەتىپ، شىنايى يگەرىپ، شىنداپ ىستەپ، ەكونوميكالىق قىزمەتتى بار كۇشپەن ويداعىداي يگەرۋ، ءار دارەجەلى پارتيا، ۇكىمەت ورىندارىنىڭ ”ءبىرىنشى باسشىلارى“ ءبىر تۇتاس جوسپارلاۋعا، ءبارىن قامتۋعا، ”قۇرىلىس جۇرگىزۋ اترەتىنىڭ باستىعى“ مىندەتىن جاقسى اتقارۋعا ءمان بەرۋ، جاۋاپتى جولداستار مەن فۋنكتسيالىق تاراۋلار دەن قويا ۇيىمداستىرىپ، سايكەسىپ، سەلبەسىپ، تياناقتاندىرۋدى مىقتى يگەرۋ، ءارقايسى ايماق، وبلىس، قالالار، اۋدان، قالا، رايوندار جەرگىلىكتى جاعدايعا قاراي ىستەپ ەكونوميكانىڭ دامۋىن ىلگەرىلەتۋ كەرەك. ستيلگە بۇرىلىس جاساپ، قاجىرلىلىقپەن ىستەۋدى، ناقتى ىسكەرلىكتى دارىپتەپ، تەكسەرۋ - زەرتتەۋدى جاقسارتىپ، جاۋاپكەرلىك ارقالاۋعا، ءىس تىندىرۋعا ىنتالاندىرىپ، زەيىن - زەردەنى باس نىساناعا شوعىرلاندىرۋعا، جوعارى ساپالى دامۋدى ىلگەرىلەتۋگە ۇيىستىرۋ كەرەك. ءتۇرلى اقپارات قۇرالدارى قوعامدىق پىكىردى جەتەكتەۋدى كۇشەيتىپ، ەكونوميكانىڭ دامۋىنا تاماشا ورتا قالىپتاستىرۋ كەرەك.
ءماجىلىس مىنالاردى باسا دارىپتەدى: وڭىرلەر، تاراۋلار ءار ۇلت بۇقاراسىنىڭ ويلاعانىن، تىلەك - ارمانىن، كوكەي تەستى ىستەرىن ارقاۋ ەتىپ، نەگىزگى ساتىنى ارالاۋ، مەيىر باعىشتاۋ قيمىلىن كەڭىنەن ورىستەتىپ، بۇقارا الاڭداپ وتىرعان قيىن ماسەلەلەردى كوبىرەك شەشىپ، قىسىلعاندا قول ۇشىن بەرەتىن جاقسى ىستەردى كوبىرەك ىستەپ، قيىنشىلىعى بار بۇقارانىڭ نەگىزگى تۇرمىسىن لايىقتى، ويداعىداي ورنالاستىرۋ؛ بازاردىڭ قامداۋىن، قامتاماسىز ەتۋىن جاقسى ىستەپ، ازىق - تۇلىك، ءدارى - دارمەك، دەنساۋلىق ساقتاۋ حاۋىپسىزدىگىن باسقارۋدى جانە زاڭ اتقارۋ، باقىلاۋ قىزمەتى سەرپىنىن كۇشەيتۋ؛ شۇعىل جاعدايعا توتەپ بەرۋدى باسقارۋدى جانە ءوندىرىس حاۋىپسىزدىگىن مىقتى يگەرىپ، جىل سوڭىنداعى جانە جاڭا جىلدىڭ باسىنداعى ءتۇرلى قىزمەتتەردى تىڭعىلىقتى، ويداعىداي ىستەۋ كەرەك.
ءماجىلىس مىناعان ۇندەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەنىمدى بەكەمدەپ، شىنايى يگەرىپ، ناقتاپ ىستەپ، ”13 - بەسجىلدىق“ جوبانىڭ جاپپاي اياقتالۋىنا شىنايى كەپىلدىك ەتۋ، بۇكىل رايونداعى ءار ۇلت حالقىنىڭ بۇكىل ەل حالقىمەن بىرگە دوڭگەلەك داۋلەتتى قوعامعا قادام تاستاۋىنا شىنايى كەپىلدىك ەتۋ كەرەك.
ءماجىلىس تەلەۆيزور - تەلەفون ءماجىلىسى فورماسىندا اشىلدى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القا مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، اۆتونوميالى رايونعا (ورتالىق) توتە قاراستى ورىندارداعى نەگىزگى جاۋاپتى جولداستار ۇرىمجىدەگى نەگىزگى ءماجىلىس ورنىندا ماجىلىسكە قاتىناستى.
