تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

چىن ياۋپيڭ: بايۋ جولىندا شينجياڭدىق باۋىرلاسىن ۇمىتپادى

شينجياڭ گازەتىنىڭ ءتىلشىسى جاڭ جىلي

  قوڭىر كۇزدىڭ قىسقا كۇنىندە، ءار كۇنى جۇمىس ىستەيتىن چىن ياۋپيڭ كۇننىڭ ەرتە باتقانىنا كەيىپ ءجۇردى. 10 - ايدىڭ 20 - كۇنى ول بۇرىنعىداي باۋىرلاسىنىڭ جۇمىسىنا كومەكتەسىپ ۇيىنە قايتقاندا، ءتۇن قاراڭعىلىعى الدەقاشان بۇكىل قىستاقتى قىمتاپ بولعان.

  اقسۋ قالاسى بەستيىرمەن اۋىلى ارالدىڭگار قىستاعىنىڭ تۇرعىنى تۇرسىن توحتى مۇگەدەك بولعاندىعى سەبەپتى اتىزعا بارىپ جۇمىس ىستەۋگە شاراسىز ەدى. مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە اتاعىنا يە بولىپ بەيجيڭنەن ورالىپ كوپ وتپەي، چىن ياۋپيڭ ءار كۇنى باۋىرلاسى تۇرسىن وتباسىنىڭ ماقتا اتىزىنا بارىپ كومەكتەستى. كۇن باتقاندا چىن ياۋپيڭ تەرگەن ماقتاسىن تۇرسىننىڭ وتباسىنا جەتكىزە سالا، ۇيدەن قايتا شىعىپ قويانعا بەرەتىن ءشوپ ورۋعا باراتىن.

  ”اعا، وسى ءبىر مەزگىل ەرەكشە جاپا شەكتىڭىز، كوپ جۇمىستى مەن دە ىستەۋگە شاراسىزبىن“، - دەدى قوياندارعا ءشوپ سالىپ بولعان سوڭ، تۇرسىن چىن ياۋپيڭگە قاراپ قىسىلا.

  ”باۋىرىم، ۇيدە دە بوس وتىرعان جوقسىڭ، ماقتا تەرىلىپ بولايىن دەدى، قوياندى جاقسى باعۋ ءىسىن كوبىرەك ويلاسايىق“، - دەدى چىن ياۋپيڭ.

  2013 - جىلى 44 جاستاعى چىن ياۋپيڭ حىناننان شينجياڭعا جۇمىس ىستەۋگە كەلەدى. ارالدىڭگار قىستاعىنىڭ بەيقۇت ءۇي قۇرىلىسى الاڭىندا سەمەنت ارالاستىرعىش ماشينادان ءبىر رەت كىنارات تۋىلعاندا، ماشينا جۇرگىزىپ وتىرعان چىن ياۋپيڭ ابىرجىعانىنان ماڭدايىنان تەر بۇرق ەتە تۇسەدى، كۇتىمدەلىپ جاتقان تۇرسىن كورە سالىسىمەن بالداعىنا سۇيەنىپ كومەكتەسۋگە بارادى.

  تەز ارادا سەمەنت ارالاستىرعىش ماشينا جوندەلىپ بولادى. چىن ياۋپيڭ قالتاسىنان 100 يۋان الىپ شىعىپ تۇرسىنعا ۇسىنادى، تۇرسىن قابىل الماي: ”ءبىز باۋىرلاستارمىز، كومەكتەسۋگە ءتيىستىمىن، بۇل اقشانى المايمىن“ دەيدى، وسىدان كەيىن چىن ياۋپيڭ وسى ۇيعۇر باۋىرلاسىنا ءمان بەرە باستايدى.

  تۇرسىن تراكتور شىرعالاڭىنان مۇگەدەك بولعان، ايەلى ءورنيساحان ماحمۇت بەل - ومىرتقا سۇيەگىنىڭ سىرتقا قاراي تومپايۋى سەبەپتى اتىزدا جۇمىس ىستەي المايدى، وتباسىندا 3 كىشكەنە بالاسى بار ءبىر ءۇيلى 5 جان توپىراق ۇيدە تۇرادى، 10 مۋ ماقتا اتىزىنا سۇيەنىپ كۇنەلتەدى. ەرلى - زايىپتى ەكەۋى ناۋقاستارىن ەمدەتۋ ءۇشىن 100 مىڭ يۋاننان استام قارىز ارقالاعان ەدى.

  تۇرسىننىڭ قيىنشىلىعىن كورگەن چىن ياۋپيڭ ونىڭ وتباسىنا ۇن، كۇرىش، سۋ ماي جانە بالالار كيىم - كەشەگىن، اياق كيىمىن ساتىپ اكەلىپ بەردى. 2013 - جىلدىڭ سوڭىندا ارالدىڭگار قىستاعىنىڭ بەيقۇت ءۇي قۇرىلىسى اياقتاپ، چىن ياۋپيڭ اۋىلىنا قايتتى، دەسەدە، ول ۇنەمى تۇرسىنعا تەلەفون بەرىپ تۇردى، تۇرسىننىڭ 3 بالاسى دا ونىمەن تالاسا - تارماسا سويلەسەتىن. چىن ياۋپيڭ ايەلى جاڭ يۋانمەيمەن كەلەر جىلى اقسۋعا بارىپ جۇمىس ىستەپ، تۇرسىن وتباسىنىڭ كەدەيلىكتەن ارىلىپ بايۋىنا كومەكتەسۋدى اقىلداسادى.

  2014 - جىلى چىن ياۋپيڭ اقسۋ قالاسىنا قايتا بارعانىندا 40 ديۋمدىق سۇيىق كريستالدى ءبىر تەلەۆيزور، ءبىر ەلەكتر مەسكەي، ءبىر ەلەكتر قارما پىسىرۋ قازانىن جانە بالالار كيەتىن 2 جاشىك كيىم، اياق كيىم جۇك جونەلتەدى، قولى بوساي قالعاندا تۇرسىننىڭ وتباسىنا كومەكتەسەدى. وسى جىلى تۇرسىن شيپاحاناعا جاتىپ قالعاندا چىن ياۋپيڭ شيپاحانادا وعان قارايلاسادى ءارى ايەلىن تۇرسىننىڭ وتباسىنا بارىپ كىشكەنتاي بالالارىن قاراۋعا جىبەرەدى.

  اۋىلىندا كامشات قويانىن باعىپ كورگەن چىن ياۋپيڭ اقسۋدىڭ كامشات قويانىن وسىرۋگە ۇيلەسەتىنىن كورىپ، تۇرسىندى قويان باعىپ كەدەيلىكتەن ارىلۋعا شابىتتاندىرادى ءارى سىناق رەتىندە باعۋى ءۇشىن تۇرسىنعا 20 كوجەك ساتىپ اپەرەدى. تۇرسىن قويانعا جەم بەرۋ، ىندەتتەن ساقتانۋ، ۇرىقتاندىرۋ سياقتى جاقتاردان ماسەلەگە جولىعا قالسا چىن ياۋپيڭگە تەلەفون شالىپ كومەك سۇرايدى. تۇرسىننىڭ بايۋ بەكىمىن كورگەن چىن ياۋپيڭ تۇرسىنمەن بىرگە قويان باعىپ بايۋعا بەكىنەدى.

  2015 - جىلى 5 - ايدا چىن ياۋپيڭ تۇرسىننىڭ وتباسىنا كوشىپ بارىپ، 100 مىڭ يۋاننان استام جيعان اقشاسىمەن تۇرسىننىڭ وتباسىنا قويان قورا سالىپ بەرەدى. 2015 - جىلدىڭ سوڭىندا ءبىرىنشى توپتاعى ءناسىلدى قويان 10 مىڭ يۋاننان استام اقشاعا ساتىلادى. وسىدان كەيىنگى بىرنەشە جىلدا ولار قويان باعىپ تاپقان اقشالارىمەن باعىمشىلىق كولەمىن ۇزبەي كەڭەيتەدى، قازىر قوراداعى قويان 3000نان استى، 2018 - جىلى پايداسى 270 مىڭ يۋانعا جەتتى.

  بۇگىنگى كۇندە تۇرسىن وتباسى جاڭا ۇيگە كوشىپ كىرىپ، ونىڭ ۇستىنە ناۋقاسىن كورسەتۋ ءۇشىن ارقالاعان قارىزىن دا قايتارىپ بولدى، تۇرسىن چىن ياۋپيڭ سياقتى قويان باعۋدىڭ شەبەرىنە اينالدى. ارالدىڭگار قىستاعىنداعى ءىشىنارا قىستاق تۇرعىندارى دا اعالى - ءىنىلى ەكەۋىنەن قويان باعۋدى ۇيرەندى، اعالى - ءىنىلى ەكەۋى قويان باعىمشىلىعى كووپەراتيۆىن قۇرىپ، ءتىپتى كوپ اۋىلداسىنىڭ كىرىس ارتتىپ بايۋىنا جەتەكشىلىك ەتۋدى ويلاستىرۋدا.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى