شينحۋا اگەنتتىگىنىڭ 12 - ايدىڭ 16 - كۇنى بەيجيڭنەن بەرگەن حابارى (چي شىڭ). 2017 - جىلى 7 - ايدىڭ 30 - كۇنى تۇستەن بۇرىن جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋعا ارنالعان اسكەري پارات ىشكى موڭعۇلدىڭ زۇركى بىرلەسكەن جاتتىعۋ بازاسىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اسكەري بولىمدەردى كوزدەن كەشىردى ءارى ماڭىزدى ءسوز سويلەدى.
پاراتقا 12 مىڭ كوماندير - جاۋىنگەر، 600دەن اسا قارۋ - جاراق قاتىناسىپ، ءبىر تۋ قورعاۋشىلار شارشى توبىن، 27 قۇرلىق شارشى توبىن جانە 9 قىزمەتكەرلەر شارشى توبىن قۇرادى. قۇرلىق، تەڭىز، اۋە ءۇش ارمياعا ءتان اۋە اسكەرلەرىنىڭ 100دەن استام سوعىس ۇشاعى ءبىر ەستەلىك بەلگىسىندەگى تىركەسپەلى توپتى، ءبىر اۋەدەگى اتويشى تىركەسپەلى توپتى جانە 6 اۋەدەگى تىركەسپەلى توپتى قۇراپ، دۇڭبەيدەگى، حۋابەيدەگى 6 اۋەجايدان ۇشىپ شىقتى. بۇل جۇڭگو حالىق ازاتتىق ارمياسىنىڭ تۇڭعىش رەت ارميا مەرەكەسىن قۇتتىقتاۋدى نەگىزگى تاقىرىپ ەتكەن سالتاناتتى اسكەري پاراتى، دالالىق سوعىس، ناقتى سوعىس رەتىندەگى جاۋىنگەرلىك مايداندىق پاراتى، ەلىمىزدىڭ قارۋ - جاراقتارىنىڭ ساپالى جاۋىنگەرلىك قۋاتىن ايگىلەدى، حالىق ارمياسىنىڭ جالپىلىق، توڭكەرىستىك وزگەرىستەردەن كەيىنگى شىت جاڭا جارقىن بەينەسى.
ءتوراعا شي جينپيڭ اسكەري بولىمدەردى كوزدەن كەشىرگەننەن كەيىن ماڭىزدى ءسوز سويلەدى. ول بىلاي دەپ اتاپ كورسەتتى: 90 جىلدىڭ الدىندا، نانچاڭ قالاسىندا اتىلعان مىلتىق ءۇنى جۇڭگودا جۇڭگو كوممۋنيستىك پارتياسى باسشىلىق ەتەتىن جاڭا حالىق ارمياسى دۇنيەگە كەلگەندىگىن جاريالادى. 90 جىلدان بەرى، حالىق ارمياسى پارتيا تۋىن بيىك ۇستاپ، وتاننىڭ بايتاق دالاسىنا نىق تابان تىرەپ، ۇلتتىڭ ءۇمىتىن ارقالاپ، قان كەشە شايقاس جۇرگىزىپ، ەرلىكپەن العا ۇمتىلىپ، بارلىق جاۋدى جەڭىپ، بارلىق قيىندىقتى ەڭسەرىپ، جۇڭگو حالقىنىڭ ەڭسە كوتەرۋى، بايۋى، قۇدىرەتتەنۋى ءۇشىن وشپەس ەڭبەك كورسەتتى! ءبىزدىڭ حالىق ارميامىز دەسە دەگەندەي پارتيانىڭ قولباسشىلىعىنا بويسۇناتىن قاھارمان ارميا، دەسە دەگەندەي وتاننىڭ ءۇمىتىن ادالدىقپەن اقتايتىن قاھارمان ارميا، دەسە دەگەندەي جۇڭحۋا ۇلتىنىڭ ۇلى گۇلدەنۋى ءۇشىن ەرلىكپەن كۇرەس جۇرگىزەتىن قاھارمان ارميا.
ءتوراعا شي جينپيڭ مىنالاردى باسا دارىپتەدى: بەيبىتشىلىكتىڭ يگىلىگىن كورۋ − حالىقتىڭ باقىتى، بەيبىتشىلىكتى قورعاۋ − حالىق ارمياسىنىڭ جاۋاپكەرشىلىگى. الەم ءالى بەيبىت ەمەس، بەيبىتشىلىك قورعاۋعا مۇقتاج. بۇگىن ءبىز جۇڭحۋا ۇلتىنىڭ ۇلى گۇلدەنۋى سىندى نىساناعا تاريحتاعى ءارقانداي كەزدەگىدەن دە جاقىنبىز، ءبىز قۇدىرەتتى حالىق ارمياسىن قۇرۋعا تاريحتاعى ءارقانداي كەزدەگىدەن دە ارتىق ءزارۋمىز. ءبىز پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، ارميانى قۇدىرەتتەندىرۋدىڭ جۇڭگوشا جولىمەن جۇرۋگە بۇلجىماي تاباندى بولىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن جۇزەگە اسىرۋعا قۇلشىنۋىمىز، حالقىمىزدىڭ ەرجۇرەك ارمياسىن دۇنيە ءجۇزى بويىنشا تاڭداۋلى ارميا ەتىپ قۇرىپ شىعۋىمىز كەرەك. ءتوراعا شي جينپيڭ سوزىندە بۇكىل ارمياداعى وفيتسەر - جاۋىنگەرلەرگە قاتاڭ تۇردە ”تورتكە بۇلجىماستان تاباندى بولۋ“ تالابىن قويدى.
