باس شۋجي شي جينپيڭنىڭ ماڭىزدى بايىمداۋلارىنىڭ رۋحىن مۇقيات دايەكتىلەندىرىپ، جاڭا داۋىردەگى اۆتونوميالى رايوننىڭ حالىق قۇرىلتايى قىزمەتىنىڭ ورەسىن جاپپاي جوعارىلاتايىق
شوكىرات زاكىر، نۇرلان ءابىلماجىن، سۇن جينلۇڭ قاتىناستى شاۋكەت يمىن باسقاردى
تىلشىلەر ياۋ تۇڭ، ۋاڭ شيڭرۇي 12 - ايدىڭ 20 - كۇنى ۇرىمجىدەن حابارلايدى. 12 - ايدىڭ 20 - كۇنى تۇستەن بۇرىن اۆتونوميالى رايوندىق پارتكومنىڭ حالىق قۇرىلتايى قىزمەتى ءماجىلىسى اشىلىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى بايىمداۋلارىن، جەرگىلىكتى حالىق قۇرىلتايلارىنىڭ جانە ونىڭ تۇراقتى كوميتەتىنىڭ قىزمەتى جونىندە بەرگەن ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوننىڭ حالىق قۇرىلتايى قىزمەتىن اقىلداسىپ، ورنالاستىردى.
اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. اۆتونوميالى رايون باسشىلارىنان شوكىرات زاكىر، نۇرلان ءابىلماجىن، سۇن جينلۇڭ، شۇي حايرۇڭ، ۋاڭ جۇنجىڭ، تيان ۋىن، سارقىت اقان، ياڭ شين ماجىلىسكە قاتىناستى. اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى شاۋكەت يمىن ءماجىلىستى باسقاردى.
چىن چۋانگو مىنانى اتاپ كورسەتتى: باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى بايىمداۋلارى، اسىرەسە، حالىق قۇرىلتايى قۇرىلعاندىعىنىڭ 60 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى جاڭا داۋىردە حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋگە عىلمي جەتەكشىلىك ەتۋ جانە ماڭىزدى بويسۇنۋ ولشەمىن ازىرلەدى. مۇقيات ۇيرەنىپ، ىشكەرىلەي ۇعىنىپ، يدەيا مەن ارەكەتتى باتىلدىقپەن باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى بايىمداۋلارىمەن بىرلىككە كەلتىرىپ، جاڭا داۋىردەگى حالىق قۇرىلتايى قىزمەتىن ويداعىداي ىستەۋدەگى جاۋاپكەرشىلىك سەزىمى مەن بورىشتىلىق سەزىمىن شىن مانىندە كۇشەيتىپ، حالىق قۇرىلتايى ءتۇزىمى سىندى وسى ءتۇبىرلى ساياسي ءتۇزىمنىڭ رولىن تولىق ساۋلەلەندىرىپ، ءار ۇلت كادرلارى مەن بۇقاراسىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراعىن جاقسى جازۋ ءۇشىن قۇلشىنا كۇرەس جاساۋعا اناعۇرلىم ويداعىداي ۇيىمداستىرۋ، اتتانىسقا كەلتىرۋ كەرەك.
چىن چۋانگو بۇكىل رايونداعى ءار دارەجەلى حالىق قۇرىلتايلارى مەن حالىق قۇرىلتايى ۋاكىلدەرىنىڭ شينجياڭنىڭ ورنىقتىلىعىنا، دامۋىنا قوسقان ماڭىزدى ۇلەستەرىن تولىق تۇراقتاندىردى، اۆتونوميالى رايوندىق پارتكوم اتىنان بۇكىل رايونداعى ءار دارەجەلى حالىق قۇرىلتايى ۋاكىلدەرىنە، حالىق قۇرىلتايى تۇراقتى كوميتەتىنىڭ قۇرامىنداعىلارعا جانە حالىق قۇرىلتايى ورگانىنداعى قىزمەتكەرلەرگە شىن جۇرەكتەن العىس ايتتى جانە وسكەلەڭ قۇرمەت ءبىلدىردى. ول مىنانى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى بايىمداۋلارىن، جەرگىلىكتى حالىق قۇرىلتايلارىنىڭ جانە ونىڭ تۇراقتى كوميتەتىنىڭ قىزمەتىنە جاساعان ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭ بويىنشا جونگە سالۋدىڭ ورگانيكالى بىرلىگىنە تاباندى بولىپ، پارتيانىڭ حالىق قۇرىلتايى قىزمەتىنە باسشىلىعىن ونان ارى كۇشەيتىپ، ءار دارەجەلى حالىق قۇرىلتايلارىنىڭ فۋنكتسيالىق رولىن تولىق ساۋلەلەندىرىپ، جاڭا داۋىردەگى اۆتونوميالى رايوننىڭ حالىق قۇرىلتايى قىزمەتىنىڭ ورەسىن جاپپاي جوعارىلاتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن بەرىك تە پارمەندى دەموكراتيالىق زاڭمەن جونگە سالۋ قامتاماسىزدىعىن ازىرلەۋ كەرەك.
ءبىرىنشى، باستان - اياق دۇرىس ساياسي بەتالىستان بۇلجىماۋ. پارتيانىڭ جاپپاي باسشىلىعىنا تاباندى بولىپ، ”ءتورت تانىم“دى نىعايتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيانىڭ باسشىلىعىن حالىق قۇرىلتايىنىڭ زاڭ بويىنشا مىندەت وتەۋىنىڭ تۇتاس بارىسىنا ءسىڭىرىپ، حالىق قۇرىلتايى قىزمەتىنىڭ ءارقايسى جاقتارىندا تياناقتاندىرىپ، بارلىق ماڭىزدى قىزمەتتەردىڭ، ماڭىزدى ىستەردىڭ تۇگەلدەي پارتيانىڭ باسشىلىعىندا ءجۇرىلۋىن ورىنداۋ كەرەك.
ەكىنشى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرۋ، تياناقتاندىرۋ. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدى، تياناقتاندىرۋدى قىزمەتتىڭ نەگىزگى جەلىسى ەتۋگە تاباندى بولىپ، حالىق قۇرىلتايىنىڭ ءتۇرلى قىزمەتتەرىن قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتە وتىرىپ جوسپارلاۋ، ورىستەتۋ، ىلگەرىلەتۋ كەرەك.
ءۇشىنشى، جەرگىلىكتى زاڭ شىعارۋ قىزمەتىن كۇشەيتۋ جانە جاقسارتۋ. شينجياڭدى زاڭ بويىنشا جونگە سالۋ يدەياسىن بەرىك ورناتىپ، زاڭ شىعارۋدى الدىمەن جۇرگىزىپ، زاڭ بويىنشا شەبەرلىكپەن جونگە سالۋعا تاباندى بولىپ، زاڭ شىعارۋ مەحانيزمىن كەمەلدەندىرىپ، زاڭ شىعارۋ تۇيىندەرىن كورنەكتىلەندىرىپ، زاڭ شىعارۋ ساپاسىن جوعارىلاتىپ، زاڭ شىعارۋدىڭ جەتەكشىلىك ەتۋ جانە ىلگەرىلەتۋ رولىن ويداعىداي ساۋلەلەندىرىپ، ءاربىر زاڭ شىعارۋدىڭ تۇگەلدەي نەگىزگى زاڭنىڭ رۋحىنا ساي كەلۋىنە، حالىقتىڭ تىلەگىن ايگىلەۋىنە، حالىقتىڭ قولداۋىنا يە بولۋىنا مۇمكىندىك جاساۋعا قۇلشىنۋ كەرەك.
ءتورتىنشى، باقىلاۋ قىزمەتىنىڭ قاتاڭدىعى مەن ناقتى ونىمدىلىگىن كۇشەيتۋ. ءار دارەجەلى حالىق قۇرىلتايى جانە ونىڭ تۇراقتى كوميتەتى زاڭدا بەلگىلەنگەن مىندەت، جاۋاپكەرشىلىگىن شىنايى اتقارىپ، زاڭ اتقارۋدى تەكسەرۋ تەبىنىن ارتتىرىپ، باقىلاۋ ءادىسى مەن ءتاسىلىن جاقسارتىپ، زاڭ - ءتۇزىمنىڭ ءبىر تۇتاستىعىن، ابىرويىن جانە بەدەلىن باتىل قورعاپ، حالىق مۇددەسىنىڭ قورعالۋى مەن جۇزەگە اسىرىلۋىنا شىنايى كەپىلدىك ەتۋ كەرەك.
بەسىنشى، حالىق قۇرىلتايى ۋاكىلدەرىمەن، حالىق بۇقاراسىمەن بايلانىستى قويۋلاتۋ. حالىق قۇرىلتايى تۇراقتى كوميتەتى قۇرامىنداعىلاردىڭ حالىق قۇرىلتايى ۋاكىلدەرىمەن بايلانىس جاساۋ، حالىق قۇرىلتايى ۋاكىلدەرىنىڭ بۇقارامەن بايلانىس جاساۋ مەحانيزمىن اقاۋسىزداندىرىپ، حالىق قۇرىلتايى ۋاكىلدەرىنىڭ زاڭ بويىنشا مىندەت وتەۋىن قامتاماسىزداندىرىپ، حالىق قۇرىلتايى ۋاكىلدەرىنىڭ مىندەت وتەۋ قابىلەتىن كۇشەيتىپ، حالىق ءۇشىن ۇقىق ىستەتۋدى، حالىق ءۇشىن مىندەت وتەۋدى، حالىق ءۇشىن قىزمەت ىستەۋدى ورىنداۋ كەرەك.
التىنشى، كەلەلى ىستەر شەشىمىنىڭ عىلميلانۋ، دەموكراتيالانۋ، زاڭمەن جونگە سالىنۋ ورەسىن جوعارىلاتۋ. نەگىزگى زاڭدا جانە زاڭداردا بەرىلگەن ماڭىزدى قىزمەت ۇقىعىن زاڭ بويىنشا اتقارىپ، حالىق قۇرىلتايىنىڭ كەلەلى ىستەردى تالقىلاۋ، ۇيعارۋ ءتۇزىمىن اقاۋسىزداندىرىپ، حالىق قۇرىلتايىنىڭ كەلەلى ىستەردى تالقىلاۋ، ۇيعارۋ قىزمەتىن جۇيەلىلەندىرۋ كەرەك.
چىن چۋانگو مىنانى باسا دارىپتەدى: ءار دارەجەلى پارتكومدار پارتيانىڭ حالىق قۇرىلتايى قىزمەتىنە باسشىلىعىن كۇشەيتىپ جانە جاقسارتىپ، حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭ بويىنشا قىزمەت ۇقىعىن جۇرگىزۋىن، قىزمەت ورىستەتۋىن قولداۋ جانە وعان كەپىلدىك ەتۋ قاجەت. ”حالىق ۇكىمەتى، باقىلاۋ - تەكسەرۋ كوميتەتى، حالىق سوتى مەكەمەسى، حالىق پروكۋراتۋراسى“ حالىق قۇرىلتايىنىڭ جانە ونىڭ تۇراقتى كوميتەتىنىڭ باقىلاۋىن سانالىلىقپەن قابىلداپ، ىرىقتىلىقپەن حالىق قۇرىلتايىنا جانە ونىڭ تۇراقتى كوميتەتىنە قىزمەتىنەن بايانداما جاساۋ، ءارقايسى قاتىستى تاراۋلار حالىق قۇرىلتايىنىڭ جانە ونىڭ تۇراقتى كوميتەتىنىڭ قاۋلى، قارارلارىن مۇقيات اتقارىپ، حالىق قۇرىلتايى العا قويعان پىكىرلەردى دەر كەزىندە ءبىر جايلى ەتۋى جانە اڭىس قايتارۋ كەرەك. ءار دارەجەلى حالىق قۇرىلتايى جانە ونىڭ تۇراقتى كوميتەتى ءوز قۇرىلىسىن كۇشەيتىپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن جاپپاي تياناقتاندىرىپ، زاڭ شىعارۋ، باقىلاۋ، ۋاكىلدەر سياقتى قىزمەتتەردى مۇقيات ويداعىداي ىستەپ، نەگىزگى زاڭ مەن زاڭداردا بەرىلگەن ءتۇرلى مىندەت، جاۋاپكەرشىلىكتى ارقالاۋى كەرەك.
شاۋكەت يمىن بىلاي دەپ اتاپ كورسەتتى: باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋگە قاتىستى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋى بويىنشا، بۇلجىماستان جۇڭگوشا سوتسياليستىك دامۋ جولىمەن ءجۇرىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، نازاردى باس نىساناعا شوعىرلاندىرىپ، حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، جاڭا داۋىردەگى رايونىمىزدىڭ حالىق قۇرىلتايى قىزمەتىنىڭ ورەسىن جاپپاي جوعارىلاتىپ، جۇڭگوشا سوتسياليزم ءتۇزىمى مەن مەملەكەتتى جونگە سالۋ جۇيەسىنىڭ ارتىقشىلىعىن تولىق ساۋلەلەندىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن جاڭا ۇلەس قوسۋ كەرەك.
ماجىلىستە سانجى حۇيزۋ اۆتونوميالى وبلىسىنىڭ، قۇمىل قالاسىنىڭ، قاشقار ايماعىنىڭ، بيڭتۋان 8 - شىسى شىحىزى قالاسىنىڭ جاۋاپتى جولداستارى پىكىر اۋىستىرىپ، ءسوز سويلەدى.
ءماجىلىس تەلەۆيزور - تەلەفون ءماجىلىسى فورماسىندا اشىلدى. اۆتونوميالى رايوندىق حالىق قۇرىلتايى تۇراقتى كوميتەتى باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، رايونعا توتە قاراستى ورىندارداعى قاتىستى جاۋاپتى جولداستار، مەملەكەتتىك جانە اۆتونوميالى رايوندىق حالىق قۇرىلتايىنىڭ ءىشىنارا ۋاكىلدەرى، اۆتونوميالى رايوندىق حالىق قۇرىلتايى تۇراقتى كوميتەتىنىڭ مۇشەلەرى، ءارقايسى ايماقتىق، وبلىستىق، قالالىق حالىق قۇرىلتايىنىڭ جاۋاپتى جولداستارى قاتارلىلار نەگىزگى ءماجىلىس الاڭىندا ماجىلىسكە قاتىناستى.
