ءتىلشى لي چۇنشيا 12 - ايدىڭ 21 - كۇنى ۇرىمجىدەن حابارلايدى. قوعامدىق قامتاماسىزداندىرۋ − حالىق تۇرمىسىنىڭ تىرەگى. بيىل رايونىمىز قوعامدىق قامسىزداندىرۋ ارقىلى كەدەيلەردى سۇيەمەلدەۋدى ىشكەرىلەي ىلگەرىلەتىپ، ارحيۆ تۇرعىزىلىپ، كارتچكالاندىرىلعان كەدەيلەردىڭ قالا، اۋىل تۇرعىندارى نەگىزگى زەينەتكەرلىك قامسىزداندىرۋىنا قاتىناسۋىن تۇتاس قامتۋ قىزمەتىن ءتۇيىندى تياناقتاندىردى. اۆتونوميالى رايوندىق قوعامدىق قامسىزداندىرۋدى باسقارۋ مەكەمەسىنىڭ ساناعىنا قاراعاندا، 10 - ايدىڭ سوڭىنا دەيىن تۇتاس رايونىمىزداعى ارحيۆ تۇرعىزىلىپ، كارتچكالاندىرىلعان كەدەيلەردىڭ قالا، اۋىل تۇرعىندارى نەگىزگى زەينەتكەرلىك قامسىزداندىرۋىنا قاتىناسۋعا تيىستىلەرى دەرلىك قاتىناستىرىلىپ، 60 جاستان اسقان كەدەي ادامداردىڭ زەينەتكەرلىك قامسىزداندىرۋ مامىلەسىنىڭ تاراتىلۋ مولشەرى ％100كە جەتىپ، تۇتاس رايونىمىزداعى كەدەيلەردىڭ قارتايعاندا كۇتىمدەلۋى جۇزەگە اسىرىلعان.
”پارتيانىڭ ابزال ساياساتىنا راقىمەت، مەن اي سايىن زەينەتاقى الىپ تۇراتىن بولدىم“، - دەدى 12 - ايدىڭ 10 - كۇنى كەلپىن اۋدانى گەزلىك قالاشىعى گەزلىك قىستاعىنىڭ تۇرعىنى توحتى قۇربان قۋانىشپەن تىلشىگە. ونىڭ ءۇيى ارحيۆ تۇرعىزىلىپ، كارتچكالاندىرىلعان كەدەي وتباسى ەكەن، بۇرىن ەكونوميكالىق قيىنشىلىعى بولعاندىقتان، ۋاقىتىندا زەينەتكەرلىك قامسىزداندىرۋ قاراجاتىن تاپسىرا الماعان، بيىل 8 - ايدا 60 جاسقا تولعان ول زەينەتاقىسن الا الۋ - الا الماۋىنان الاڭداپ كەلگەن ەدى.
توحتىنى قۋانىشقا بولەگەنى اۆتونوميالى رايون قوعامدىق قامسىزداندىرۋ ارقىلى كەدەيلەردى سۇيەمەلدەۋ ابزال ساياساتىن شىعارىپ، 60 جاسقا تولعان ارحيۆ تۇرعىزىلىپ، كارتچكالاندىرىلعان كەدەيلەردىڭ بۇرىن اقشاسى بولماعاندىقتان اقى تاپسىرا الماعاندارى نەمەسە اقشا تاپسىرۋ جىل شەگى 15 جىلعا تولماعاندارى اقىنى تولىقتاپ تاپسىرماي - اق بيىلدان باستاپ زەينەتكەرلىك قامسىزداندىرۋى مامىلەسىنەن تىكەلەي يگىلىكتەنىپ، اي سايىن زەينەتاقى الاتىن بولعاندىعى. مۇنداي ابزال ساياساتتىڭ يگىلىگىنە كەنەلگەن توحتى بيىل 9 - ايدان باستاپ اي سايىن ۋاقىتىندا 147 يۋان زەينەتاقى الاتىن بولدى. توحتى سياقتى بۇل كۇندەرى تۇتاس شينجياڭداعى 60 جاستان اسقان ارحيۆ تۇرعىزىلىپ، كارتچكالاندىرىلعان كەدەيلەر تۇگەلدەي زەينەتكەرلىك قامسىزداندىرۋى مامىلەسىنەن يگىلىكتەنىپ، اي سايىن زەينەتاقى الىپ، قارتايعاندا كۇتىمدەلۋى قامتاماسىز ەتىلدى.
سونىمەن بىرگە، كەدەيلەردىڭ قوعامدىق قامسىزداندىرۋعا قاتىناسۋ اۋىرتپالىعىن جەڭىلدەتۋ ءۇشىن، رايونىمىز كەدەيلەردى جالپى حالىقتىق قامسىزداندىرۋعا قاتىناسۋ جوسپارىنداعى ءسوزسىز قامسىزداندىرۋعا قاتىناساتىن ادامدار شوعىرىنا كىرگىزىپ، 16 جاستان 59 جاسقا دەيىنگى ارحيۆ تۇرعىزىلىپ، كارتچكالاندىرىلعان كەدەيلەردىڭ زەينەتكەرلىك قامسىزداندىرۋ قاراجاتىن ۇكىمەت ۋاكىلەتتى تاپسىرۋ ساياساتىن اتقارىپ، قالا، اۋىل تۇرعىندارىنىڭ نەگىزگى زەينەتكەرلىك قامسىزداندىرۋ ءتۇزىمىنىڭ بارلىق كەدەيلەردى قامتۋىنا شىنايى كەپىلدىك ەتتى.
”قازىرگە دەيىن، رايونىمىز كەدەيلەردىڭ قالا، اۋىل تۇرعىندارىنىڭ نەگىزگى زەينەتكەرلىك قامسىزداندىرۋىنا قاتىناسۋعا تيىستىلەرىن دەرلىك قامسىزداندىرۋدى جۇزەگە اسىردى، 60 جاستان اسقان كەدەيلەردىڭ زەينەتكەرلىك قامسىزداندىرۋ مامىلەسىنەن يگىلىكتەنۋگە تيىستىلەرى دەرلىك يگىلىكتەندى“، - دەدى اۆتونوميالى رايوندىق قوعامدىق قامسىزداندىرۋدى باسقارۋ مەكەمەسىنىڭ ورىنباسار باستىعى فان اي - يىن.
فان اي - يىننىڭ تانىستىرۋىنا قاراعاندا، اۆتونوميالى رايوندىق قوعامدىق قامسىزداندىرۋدى باسقارۋ مەكەمەسى كەدەيلەردى سۇيەمەلدەۋ، حالىق ىستەرى تاراۋلارى سياقتى ورىندارمەن ساندى مالىمەتتەن ورتاق پايدالانۋ، الماستىرۋ مەحانيزىمىن ورناتىپ، قوعامدىق قامسىزداندىرۋعا قاتىناسپاعان ادامداردى دالمە - ءدال بەلگىلەپ، اداقتاۋ، ءبىر - بىرلەپ تەكسەرۋ، قامسىزداندىرۋعا قاتىناسقانداردى تىزىمنەن شىعارۋ سياقتى شارالاردى جۇرگىزىپ، كەدەيلەردىڭ جاعدايىن باسقارۋدى كۇشەيتىپ، قوعامدىق قامسىزداندىرۋ ارقىلى كەدەيلەردى سۇيەمەلدەۋ شارالارىنىڭ بارلىق كەدەي وڭىرلەر مەن كەدەي بۇقارانى تولىق قامتۋىنا شىنايى كەپىلدىك ەتىپ، كەدەيلىكتەن ارىلتۋدان قامال الۋدىڭ ناتيجەسىن اناعۇرلىم بەكەمدەگەن.
