شينحۋا اگەنتتىگىنىڭ 12 - ايدىڭ 22 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس تاياۋدا «اناعۇرلىم جاقسى دامۋ ورتاسىن جاراتىپ، حالىقتىق كاسىپورىنداردىڭ رەفورماسىن، دامۋىن قولداۋ جونىندەگى پىكىر»دى باسىپ تاراتتى.
«پىكىر»دە مىنالار اتاپ كورسەتىلدى: رەفورما جاساعان، ەسىك اشقان 40 نەشە جىلدان بەرى، حالىقتىق كاسىپورىندار دامۋدى ىلگەرىلەتۋ، جاڭالىق اشۋدى جەبەۋ، جۇمىستاندىرۋدى ارتتىرۋ، حالىق تۇرمىسىن جاقسارتۋ جانە ەسىك اشۋدى كەڭەيتۋ سياقتى جاقتاردا ورنىن باسۋعا بولمايتىن رول اتقاردى. حالىقتىق شارۋاشىلىق − ەلىمىزدىڭ جالپىلىق مەنشىكتى نەگىزگى تۇلعا ەتكەن، كوپ ءتۇرلى مەنشىك شارۋاشىلىعى بىرگە دامۋىنىڭ ماڭىزدى قۇرامداس بولىگىنە اينالدى. حالىقتىق كاسىپورىنداردىڭ ومىرشەڭدىك كۇشى مەن جاسامپازدىق قۋاتىن اناعۇرلىم قاۋلاتىپ، حالىقتىق شارۋاشىلىقتىڭ قامداۋ جاعىنداعى قۇرىلىمدىق رەفورمانى ىلگەرىلەتۋ، جوعارى ساپالى دامۋدى جەدەلدەتۋ، وسى زامانعى شارۋاشىلىق جۇيەسىن قۇرۋ بارىسىنداعى ماڭىزدى رولىن تولىق ساۋلەلەندىرۋ ءۇشىن قازىر اناعۇرلىم جاقسى دامۋ ورتاسىن جاراتىپ، حالىقتىق كاسىپورىنداردىڭ رەفورماسىن، دامۋىن قولداۋ جونىندە پىكىر ورتاعا قويىلدى.
«پىكىر»دە مىنالار باسا دارىپتەلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ حالىقتىق كاسىپورىندار اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي تياناقتاندىرىپ، سوتسياليستىك نەگىزگى شارۋاشىلىق تۇزىمىنە تاباندى بولىپ جانە ونى كەمەلدەندىرىپ، ”ەكىدەن استە اۋىتقىماۋ“عا تاباندى بولىپ، جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، بازارلانعان، زاڭمەن جونگە سالىناتىن، حالىقارالانعان شارۋاشىلىق - ساۋدا ورتاسىن جاراتىپ، حالىقتىق كاسىپورىنداردىڭ بايلىق فاكتورىنان زاڭ بويىنشا، تەپە - تەڭ پايدالانۋىن، باسەكەگە اشىق، ءادىل، ادىلەتتى تۇردە ات سالىسۋىن، زاڭنىڭ قورعاۋىنان بىردەي يگىلىكتەنۋىن قامتاماسىز ەتىپ، حالىقتىق كاسىپورىنداردىڭ رەفورماسىن، جاڭالىق اشۋىن، تيبىن جاڭالاپ، دارەجەسىن ءوسىرۋىن، اقاۋسىز دامۋىن جەدەلدەتىپ، حالىقتىق شارۋاشىلىقتىڭ جاڭالىق اشۋ قاينار كوزىن تولىق اشىپ، حالىقتىق كاسىپورىنداردىڭ جاسامپازدىق قۋاتىن تولىق مازداتىپ، ”قوس 100 جىلدىق“ كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اناعۇرلىم زور ۇلەس قوسۋ كەرەك.
«پىكىر»دە ءادىل باسەكەلى بازار ورتاسىن جاقسارتۋ، دالمە - ءدال، ۇتىمدى ساياسات ورتاسىن كەمەلدەندىرۋ، تەڭ تۇرعىدا قورعالاتىن زاڭمەن جونگە سالۋ ورتاسىن اقاۋسىزداندىرۋ، حالىقتىق كاسىپورىنداردىڭ رەفورماسىنا، جاڭالىق اشۋىنا شابىت بەرۋ، ءجون سىلتەۋ، حالىقتىق كاسىپورىنداردىڭ جۇيەلى، اقاۋسىز دامۋىن جەبەۋ، ەتەنە، كىرشىكسىز ۇكىمەت - كاسىپورىن قاتىناسىن تۇلعالاۋ، ۇيىمدىق جاقتان قامتاماسىز ەتۋ سياقتى 7 جاقتان ناقتى پىكىر ورتاعا قويىلدى.
