تيانشان تورى   ›   جاڭالىقتار   ›   ساياحات

”ءتورت ماۋسىممەن قاۋىشۋ، كورىكتى جۇڭگو“ شينجياڭ قىسقى ساياحاتىن ۇگىتتەۋ - تانىستىرۋ قيمىلى ۇرىمجىدە وتكىزىلدى

  شينجياڭ گازەتىنىڭ ءتىلشىسى ياۋ گاڭ 12 - ايدىڭ 23 - كۇنى ۇرىمجىدەن حابارلايدى. 12 - ايدىڭ 23 - كۇنى مادەنيەت جانە ساياحات مينيسترلىگى، اۆتونوميالى رايوندىق حالىق ۇكىمەتى بىرلەسىپ ۇيىمداستىرعان ”ءتورت ماۋسىممەن قاۋىشۋ، كورىكتى جۇڭگو“ شينجياڭ قىسقى ساياحاتىن ۇگىتتەۋ - تانىستىرۋ قيمىلى ۇرىمجىدە وتكىزىلدى. مادەنيەت جانە ساياحات مينيسترلىگى پارتيا باسشىلىق گرۋپپاسىنىڭ شۋجيى، مينيستر لو شۋگاڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قيمىلعا قاتىناستى ءارى ءسوز سويلەدى.

  لو شۋگاڭ بىلاي دەدى: شينجياڭنىڭ ساياحات بايلىعىنىڭ ارتىقشىلىعى جاقسى، سانى كوپ، ءتۇرى تولىق، ساپاسى جوعارى، قۇرالۋى تاڭداۋلى، ەلىمىزدىڭ ساياحات جۇلگەسىندە ماڭىزدى ورىنعا جانە وزگەشە باسىمدىققا يە. ساياحات بايلىعىن اشۋدى جانە ونان پايدالانۋدى كۇشەيتۋ شينجياڭنىڭ ەكونوميكالىق دامۋىن، قوعام ورنىقتىلىعىن، ۇلتتار ىنتىماعىن، كەدەيلىكتەن ارىلتۋدان قامال الۋدى جەبەۋدە ماڭىزدى رولعا يە. مادەنيەت جانە ساياحات مينيسترلىگى، سونداي - اق بۇكىل مەملەكەتتەگى مادەنيەت جانە ساياحات جۇيەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، تاراۋلاردىڭ فۋنكتسيالىق رولىن تولىق ساۋلەلەندىرىپ، مادەنيەت پەن ساياحاتتىڭ تەرەڭ توعىسۋىن ۇزدىكسىز ىلگەرىلەتىپ، شينجياڭنىڭ مادەنيەت مۇرالارىن قورعاۋ، تاڭداۋلى كورىنىس وڭىرلەرى قۇرىلىسى، ساياحاتتى ۇگىتتەۋ جانە تانىستىرۋ سياقتى جاقتارداعى قولداۋ سەرپىنىن ارتتىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا بەلسەندى ۇلەس قوسادى.

  شوكىرات زاكىر بىلاي دەدى: سوڭعى جىلداردان بەرى، شينجياڭ باس شۋجي شي جينپيڭ باسا دارىپتەگەن ”تۇنىق سۋ، جاسىل تاۋ − باعالى بايلىق، مۇزدى القاپ، قارلى دالا دا − باعالى بايلىق“ ۇستانىمىن امالياتتا بەلسەنە ايگىلەپ، ”ساياحات ارقىلى شينجياڭدى گۇلدەندىرۋ“ ستراتەگياسىن زور كۇشپەن اتقارىپ، شينجياڭ ساياحات كاسىبىنىڭ جوعارى ساپالى دامۋىن بەلسەنە ىلگەرىلەتىپ، ايتارلىقتاي ناتيجەگە قول جەتكىزدى، شينجياڭنىڭ ساياحات كاسىبى شينجياڭنىڭ سىرتپەن بايلانىسىنىڭ، بارىس - كەلىسىنىڭ، تانسىتىرۋ - ۇگىتىنىڭ تاماشا تانىسقىسىنا اينالىپ كەلەدى، بۇل شينجياڭنىڭ ورنىقتىلىق پايداسىنىڭ ۇزدىكسىز جارىققا شىعۋىنىڭ تىكەلەي بەينەسى، ونان دا ماڭىزدىسى، شينجياڭنىڭ ورنىقتىلىق كەلەلى جاعدايىنىڭ ۇزدىكسىز جاقسارۋىنىڭ جاندى انىقتاماسى بولىپ تابىلادى. ءبىز بۇل رەتكى قيمىلدىڭ تابىستى وتكىزىلۋى، ءسوز جوق، ساياحات ارقىلى شينجياڭدى گۇلدەندىرۋ ستراتەگياسىنىڭ ىشكەرىلەي اتقارىلۋىن ىلگەرىلەتىپ، شينجياڭدى دۇنيە جۇزىندەگى ماڭىزدى ساياحات نىسانالى جەرى ەتىپ جەدەل قۇرىپ شىعىپ، شينجياڭنىڭ جاراسىمدى، ورنىقتى، گۇلدەنگەن، دامىعان تاماشا جاعدايىن ىشكەرىلەي كورسەتەتىنىنە جانە ايگىلەيتىنىنە سەنەمىز.

  قيمىلدا شينجياڭعا كومەكتەسەتىن 19 ولكە، قالا شينجياڭنىڭ قاتىستى جاقتارىمەن «2020 - جىلعى ساياحات سەلبەستىگى جۇلگەلىك كەلىسىمى»نە قول قويدى. جۇڭگو ساياحات توبى، حۋاچياۋچىڭ توبى، جۇڭچيڭلۇي جارنا مەڭگەرۋ جارنا شەكتى سەرىكتەستىگى جەكە - جەكە شينجياڭ جىبەك جولى حالىقارالىق دەمالىس ءوڭىرى نىسانى، جانبۇلاق كورىنىس ءوڭىرى نىسانى سياقتىلارىمەن نىسان سەلبەستىگى جانە قارجى قوسۋ كەلىسىمىنە قول قويىپ، شينجياڭ ساياحات نىساندارىنىڭ ساپاسىن ءوسىرىپ، دەڭگەيىن جوعارىلاتۋعا دەم بەردى. كۋايشۋ عىلىم - تەحنيكاسى ”شينجياڭعا قىسقى ساياحات، ساياحات ارقىلى كەدەيلەردى سۇيەمەلدەۋ تىكە تاراتىلىم دۋمانىن“ باستادى، تۇڭچىڭ توبى ”شينجياڭعا قىسقى ساياحات تاقىرىپتىق ونىمدەرى ارناۋلى ءوڭىرىن“ قالىپتاستىردى، وڭتۇستىك اۆياتسيا سەرىكتەستىگى ءۇرىمجى - قاناس اۆياتسيا لەنياسىن اشىپ، ”شينجياڭعا قىسقى ساياحات پلاتينا جەلىسىن“ تانىستىردى. جۇڭگو مادەنيەت - مەديا توبى، ورتالىق تەلەۆيزيا سايتى سياقتى 15 ورىن بىرلەسىپ شينجياڭ مادەنيەت - ساياحاتىن بۇكىل ەلگە تانىستىرۋ تۇعىرىن قۇرۋعا باستاماشى بولدى.

  مادەنيەت جانە ساياحات مينيسترلىگى پارتيا باسشىلىق گرۋپپاسىنىڭ مۇشەسى ۋاڭ شياۋفىڭ، جۇڭگو ساياحات توبىنىڭ باس ديرەكتورى دۋ جياڭ، حۋاچياۋچىڭ توبىنىڭ باس ديرەكتورى ياۋ جۇن، اۆتونوميالى رايوننىڭ جانە بيڭتۋاننىڭ باسشىلارىنان ەركىن تۇنياز، رىن حۋا، لي شينميڭ، سونداي - اق شينجياڭعا كومەكتەسكەن 19 ولكە، قالانىڭ مادەنيەت - ساياحات تاراۋلارىنىڭ قاتىستى جاۋاپتىلارى قيمىلعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى