اسقازان ادام دەنەسىندەگى ماڭىزدى اعزا، ونىڭ قىزمەتى اس قورىتۋ. اسقازان اۋرۋىن تۋدىراتىن باستى فاكتور ازىقتىقپەن قاتىستى بولىپ، وڭاي زاقىمدالادى. ادام دەنەسى ٴار كۇنى قاجەت ەتەتىن ٴارقانداي ٴبىر ٴتۇرلى قورەكتىك زات تۇگەلدەي اسقازان ارقىلى جەتكىزىلەدى، ازىقتىق تۇرلەرى مەن توڭىرەكتەگى ورتا سىندى فاكتورلاردىڭ بارلىعى اسقازانعا ىقپال جاساۋى مۇمكىن. جۇڭگودا اسقازان اۋرۋىنىڭ تۋىلۋ مولشەرى اسا جوعارى.
ەندەشە ، اسقازان اۋرۋى قالاي پايدا بولادى ؟ كوپشىلىككە ايان، اسقازاننىڭ ماڭىزدى قىزمەتىنىڭ ٴبىرى اسقازان سۇيىقتىعىن ٴبولىپ شىعارىپ، اسقازانعا كىرگەن بارلىق نارسەلەردى قورىتۋ. اسقازان ٴبولىپ شىعارعان سۇيىقتىقتىڭ باستى قۇرامى اسقازان قىشقىلى، ياعني تۇز قىشقىلى، ونىڭ PH ٴمانى تومەن كەزدە شامامەن0.9 بولادى، قالىپتى جاعدايدا 1.5 تە 2 اينالاسىندا بولادى. ەگەر اسقازاننىڭ PHٴمانى 3.5 تەن جوعارى بولماسا، اسقازان قىشقىلسىز كۇيدە بولىپ، ىشىندەگى ازىقتىقتاردى قورىتىلمايدى. تۇز قىشقىلى اسقازاندا بولعاندىقتان، ۇيلەسىمدى زاتتار ارقىلى باسەڭدەتۋگە تۋرا كەلەدى. ەگەر ازىقتىق كىرمەسە، اسقازان ٴوز دەنەشىگىن قورتىپ، ونان سوڭ اسقازان كىلەگەي قابىعىن بۇلدىرەدى،-دەدى جۇڭگو حالىق ازاتتىق ارمياسى باس شيپاحاناسى اس قورىتۋ ٴبولىمىنىڭ مەڭگەرۋشىسى ليڭ حۋىنچياڭ.
اسقازان اۋرۋىن تۋدىراتىن تاعى ٴبىر سەبەپ ارەكەت فاكتورى. ادام دەنەسى ۇزاق ۋاقىت ارەكەتتەنبەسە اسقازاننىڭ قانمەن قامدالۋىنا ىقپال جاسايدى، ول ارەكەتتەنبەگەن كەزدە، قانمەن قامداۋ مولشەرى تومەندەيدى، وسىلايشا اسقازان اۋرۋى وڭاي پايدا بولادى،-دەدى ليڭ حۋىنچياڭ باسا دارىپتەپ.
كەيبىر ادامداردا ادەتتە ٴىش كەبۋ، سىزداۋ، زاپىران قايتارۋ، اسقازان قىجىلداۋ سياقتىلار سەزىلەدى. مۇنداي اۋرۋ بەلگىلەرىنە ادامدار كوڭىل بولگەنى ٴجون. ەلىمىزدە اسقازان راگىنىڭ پايدا بولۋ مولشەرى وتە جوعارى بولىپ، اۋرۋعا شالدىققان جالپى ادام سانى بۇكىل دۇنيە جۇزىندە الدىڭعى قاتاردا تۇرادى. اسقازان راگى العاشقى كەزدە بەينە قالامشا سەكىلدى كىشكەنەدەن ۇلكەيەدى، راكقا وزگەرۋ ەڭ باستاپتاعى كەزدە اسقازاننىڭ كىلەگەي قابىعى قاباتىندا پايدا بولادى، قازىر اسقازان دۇربىسىمەن تەكسەرۋ ٴتاسىلى ارقىلى بايقاۋعا بولادى.
الايدا، العاشقى وسپەدە اۋرۋ بەلگىسى بولمايدى، وسپە جەتىلىپ بەلگىلى دارەجەگە جەتكەندە عانا اۋرۋ بەلگىسى پايدا بولادى. سوندىقتان، ادەتتەگى اۋرۋ بەلگىسى كورىلىپ جايسىزدانعان كەزدە دەر كەزىندە تەكسەرتۋ ٴتيىس. حاۋىپى كۇشتى ادامدار تۇراقتى جاس كەزەڭىندە ٴسوزسىز شيپاحاناعا بارىپ تەكسەرتۋى كەرەك،-دەدى ليڭ حۋىنچياڭ.
ەگەر اسقازان راگى ەرتە بايقالسا ٴارى دەر كەزىندە ەمدەلسە، مۇنداي اۋرۋدىڭ 5 جىلدىق تىرشىلىك مولشەرى %90 كە جەتەدى. سوندىقتان، كوپشىلىك ٴوزىنىڭ اسقازان اقاۋسىزدىعىنا كوبىرەك نازار اۋدارىپ، تاماشا تۇرمىس ادەتىن قالىپتاستىرىپ، اقاۋسىز ازىقتانۋى كەرەك. ەگەر ماسەلە بايقالسا دەر كەزىندە شيپاحاناعا بارىپ تەكسەرىلۋى جانە ەمدەلۋ كەرەك.
تىلشىلىكتى قابىلداعان مامان: جۇڭگو حالىق ازاتتىق ارمياسى باس شيپاحاناسى اس قورىتۋ ٴبولىمىنىڭ مەڭگەرۋشىسى ليڭحۋ ىنچياڭ
اۋدارعان: قادىر ماقان
