سۇڭ جاۋدۇڭنىڭ سۋرەتى. شينحۋا اگەنتتىگى تاراتقان
شينحۋا اگەنتتىگىنىڭ 12 - ايدىڭ 5 - كۇنى نانچاڭنان بەرگەن حابارى (ءتىلشى لو چىن، مين زۇنتاۋ). ”ساقشى − داڭقتى اتاۋ. حالىق ساقشىسى رەتىندە، ءوزىمنىڭ ءىس جۇزىندىك ارەكەتىممەن، ىستىق قانىم جانە ءومىرىم ارقىلى ساقشى بەلگىسىنىڭ داڭقىن اسىرۋىم كەرەك“. اعاسى سۇڭ جاۋدۇڭنان قالعان زاتتارىن رەتتەپ جۇرگەندە، سۇڭ بيڭبيڭ ويلاماعان جەردەن اعاسىنىڭ كۇندەلىگىنەن كورگەن وسى ءسوز ءومىر بويى ونىڭ ەسىندە قالىپ، ۇقساس حالىق ساقشىسى بولعان ونى باستان - اياق جىگەرلەندىرىپ كەلەدى.
سۇڭ جاۋدۇڭ، 1972 - جىلى تۋعان، جياڭشيدىڭ جيشۇي اۋدانىنان، حانزۋ. 1993 - جىلى حيلۇڭجياڭ ولكەسى حاربين قالالىق حالىق ساقشى مەكتەبىنەن وقۋ بىتىرگەن سوڭ قوعام حاۋىپسىزدىگى قىزمەتىنە قاتىناسىپ، حيلۇڭجياڭ ولكەسى حاربين قالالىق قوعام حاۋىپسىزدىگى مەكەمەسى داۋۋاي بولىمشە مەكەمەسى قىلمىستىق ىستەر ساقشى اترەتىندە بارلاۋشى، 1 - دارەجەلى اتقارۋشى ساقشى بولعان.
قارىنداسى سۇڭ بيڭبيڭنىڭ نازارىندا اعاسى سۇڭ جاۋدۇڭ كىشكەنتايىنان قۇلشىنا ۇيرەنىپ، ادال نيەتتى بولىپ، باسقالارعا كومەكتەسۋدى ماقتانىش سانايتىن. وتباسىنىڭ ونەگە بولۋىمەن سۇڭ جاۋدۇڭ كىشكەنتايىنان ساقشى بولعىسى كەلىپ، ساقشى مەكتەبىنە ەمتيحان بەرۋگە تىزىمدەلۋگە بەل بۋادى. ساقشى مەكتەبىنەن وقۋ تاۋىسىپ، قىزمەتكە بولىنەتىن كەزدە، ادەپتى دە يبالى، زيالى بەينەسىندەگى ول باتىلدىقپەن قىلمىستىق ىستەر ساقشى اترەتىنە مۇشە بولۋدى تاڭدايدى.
3 جىلدان استام ۋاقىت قىلمىستىق ىستەر ساقشىسى بولعان ومىرىندە، سۇڭ جاۋدۇڭ ەرلىكپەن اۋىر مىندەت ارقالاپ، ءتۇرلى قىلمىستى ەلەمەنتتەرمەن كۇرەس جۇرگىزگەندە، ول نەشە رەت داڭقپەن جارالاندى. ول ءوزى تۇرعان ۇلكەن اترەت اشكەرەلەگەن ءىرى قىلمىستىق دەلولارىنىڭ بارلىعىنا دەرلىكتەي قاتىناسقان.
1996 - جىلى 11 - ايدىڭ 10 - كۇنى كەشتە سۇڭ جاۋدۇڭ مەن قىزمەتتەستەرى دەلو مالىمدەۋدى تاپسىرىپ العاننان سوڭ، جالما - جان دەلو تۋىلعان جەر كۇلگىن روزا تۇنگى ساۋىقحاناسىنا جەتەدى.
زيانكەستىككە ۇشىراۋشى قاندىقولدى كورسەتكەن سوڭ، مىلتىقپەن ادام ءولتىرىپ قاشىپ جۇرگەن جاۋىز قىلمىسكەر ەكەندىگىم اشكەرەلەنىپ قالدى ەكەن دەپ ويلايدى دا كەنەتتەن بەلىنەن تاڭدايىنا وق باسىلعان ”64“ تۇرپاتتى ناگاندى جالما - جان الىپ شىعىپ، ارت - ارتىنان وق شىعارادى. قاندىقولمەن ايانباي ايقاسۋ بارىسىندا حاۋ شينبين، ساۋ فىڭشياڭ اتتى 2 جاۋىنگەر سەرىگى ىلگەرىندى - كەيىندى جارالانادى.
اۋىر جاعداي الدىندا، ەسىك اۋزىندا تۇرعان سۇڭ جاۋدۇڭ زاقىمدالۋشىنى ەسىكتەن سۇيرەپ شىعارادى دا، ءوزى بولمەگە اتىلىپ كىرىپ، قاندىقولعا وق اتادى، قىلمىسكەر دە تەڭ وق اتادى، سۇڭ جاۋدۇڭ كەۋدەسىنە وق ءتيىپ، سافاعا قۇلايدى، الايدا ول اسقان قايسارلىقپەن، قاتتى اۋىرعانىنا شىداپ، ءومىرىنىڭ ەڭ سوڭىندا قىلمىسكەرگە قاراتىپ 5 وق اتادى دا قاشۋعا ۇرىنعان قاندىقولدى سول جەردە اتىپ ولتىرەدى. سۇڭ جاۋدۇڭ جاراقاتى اۋىر بولعاندىقتان، نەبارى 24 جاسىندا ەرلىكپەن قۇربان بولادى. سول جىلى 11 - ايدىڭ 18 - كۇنى قوعام حاۋىپسىزدىگى مينيسترلىگى سۇڭ جاۋدۇڭ جولداسقا 1 - دارەجەلى قاھارمان ۇلگى اتاعىن تولىقتاپ بەرەدى.
”مەن اعام شايقاس جاساعان جەردە ونىڭ ورىندالماعان ارمانىنا مۇراگەرلىك ەتەمىن“. سۇڭ جاۋدۇڭ ەرلىكپەن قۇربان بولعان سوڭ كوپ وتپەي، اعاسىنىڭ ىزگى ىستەرىنىڭ اسەرىنە تەرەڭ ۇشىراعان سۇڭ بيڭبيڭ دە حالىق ساقشىسى بولۋدى تاڭدايدى. قىزمەتكە قاتىناسقان 20 نەشە جىلدان بەرى، سۇڭ بيڭبيڭ اعاسىن ۇلگى ەتىپ كەلەدى، ”قاي - قاشان دا قىراعىلىقتى ساقتاپ، وزىمە قاتاڭ تالاپ قويىپ، بار ىنتا - پەيىلىممەن حالىق ءۇشىن قىزمەت ىستەپ، اعامدى كوڭىلىمە مەدەۋ ەتەمىن“، - دەيدى ول.
